Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Գնել Սանոսյանի շնորհավորանքի խոսքը՝ Ոստիկանության օրվա առթիվ 16.04.2021
Շնորհավորում եմ ոստիկանության համակարգի բոլոր աշխատակիցներին մասնագիտական տոնի՝ Ոստիկանության օրվա առթիվ։ Հարգելի՛ ոստիկաններ, անգնահատելի է ձեր դերը հայրենի երկրի անվտանգության, հասարակական կարգի պահպանման, հանրային համերաշխության ապահովման գործում։ Շատ լավ եմ պատկերացնում ձեր աշխատանքի բարդությունը, քանի որ այն ներառում է և՛ խստություն օրենքի ու կարգուկանոնի նկատմամբ, և՛ հոգատարություն ու ուշադրություն անհատ քաղաքացու նկատմամբ ։ Մշտապես գտնվելով հասարակության ուշադրության կենտրոնում՝ դուք ձեր տքնաջան ու համառ աշխատանքի շնորհիվ կարողանում եք միշտ հավատարիմ մնալ ձեր վճռական կեցվածքին՝ կանխարգելելով ու բացահայտելով բազմաթիվ հանցագործություններ։
Գեղարքունիքի մարզում տեղի ունեցավ մարզային շաբաթօրյակ 12.04.2021
Համաձայն ՀՀ Գեղարքունիքի մարզի խորհրդի նիստի ընթացքում Գեղարքունիքի մարզպետի և մարզի խորհրդի անդամների միջև ձեռք բերված պայմանավորվածության՝ ապրիլի 10-ին Գեղարքունիքի մարզում իրականացվեցին աղբահեռացման, սանիտարական մաքրման, տարածքների բարեկարգման և աղբաթաղման աշխատանքներ: Չնայած եղանակային ոչ բավարար պայմաններին՝ դրանք տեղի ունեցան մարզի բոլոր քաղաքային և գյուղական բնակավայրերում, ներհամայնքային, մարզային, հանրապետարական և միջպետական նշանակության ավտոճանապարհներին: Գեղարքունիքի մարզպետի համապատասխան հանձնարարությամբ աղբահանության և սանիտարական մաքրման աշխատանքները համակարգելու և արդյունավետ իրականացնելու համար Գեղարքունիքի մարզպետարանից մարզի հինգ տարածաշրջաններում նշանակվել էին պատասխանատուներ, իսկ մարզպետարանի ստորաբաժանումների ղեկավարներն ու մնացած աշխատակիցներն ամրակցվել էին մարզի բոլոր համայնքներում և բնակավայրերում՝ սանիտարական աշխատանքների ընթացքը վերահսկելու և անհրաժեշտ օժանդակություն տրամադրելու նպատակով:
Գեղարքունիքի մարզպետարանում կայացավ հանդիպում մարզի անասնաբույժների հետ 08.04.2021
ՀՀ էկոնոմիկայի նախարարությունը, ՀՀ Սննդամթերքի անվտանգության տեսչական մարմինը եւ Գեղարքունիքի մարզպետարանը համատեղ հանդիպում-խորհրդակցություն անցկացրին Գեղարքունիքի մարզի անասնաբույժների հետ՝ նպատակ ունենալով քննարկելու ոլորտում այս պահին առկա եւ վերահսկողական գործառույթների ժամանակ ծագող խնդիրները: Գեղարքունիքի մարզպետարանում հրավիրված խորհրդակցությանը մասնակցում էին ՀՀ էկոնոմիկայի նախարարի տեղակալ Տիգրան Գաբրիելյանը, Սննդամթերքի անվտանգության տեսչական մարմնի ղեկավար Գեորգի Ավետիսյանը, Գեղարքունիքի մարզպետ Գնել Սանոսյանը, ՍԱՏՄ մարզային կենտրոնի աշխատակիցներն ու մարզի անասնաբույժները: Տիգրան Գաբրիելյանը ներկայացրեց ոլորտում արված փոփոխությունները, հորդորեց ամենայն պատասխանատվությամբ ու հետեւողականությամբ մոտենալ կենդանիների պատվաստումների եւ արյունառման գործընթացին, զգուշացրեց այն տնտեսական վնասների մասին, որոնք կարող են կրել ոչ միայն ֆերմերները, այլեւ պետությունը, եթե հիվանդությունների կանխարգելման միջոցառումները ժամանակին ու պատշաճ չիրականացվեն...
Ակունքում 13 փողոց անվանակոչվեց Արցախյան պատերազմների հերոսների անուններով 08.04.2021
Գեղարքունիքի մարզի Ակունք համայնքի 13 փողոցներ այսուհետ կրելու են Արցախյան պատերազմներում հերոսացած ակունքցիներ Էդվարդ Պետրոսյանի, Հովիկ Հովհաննիսյանի, Մեսրոպ Զոհրաբյանի, Գայ Ղազարյանի, Արսեն Հովհաննիսյանի, Օնիկ Սիմոնյանի, Նարեկ Հովհաննիսյանի, Սուրիկ Ավետիսյանի, Գառնիկ Խաչատրյանի, Արծրուն Սիմոնյանի, Արա Խաչատրյանի, Արտաշես Ջանիբեկյանի եւ Սասուն Մովսիսյանի անունները։ Փողոցների անվանակոչության արարողությունները համատեղվեցին Արցախյան պատերազմներում զոհված ակունքցի հերոսների մեծարման միջոցառումների հետ, որը կայացավ Ակունքի նորակառույց զբոսայգու տարածքում։ Անվանակոչության եւ հիշատակի միջոցառումներին մասնակցեցին Գեղարքունիքի մարզպետ Գնել Սանոսյանը, Ակունքի համայնքի ղեկավարը, Հայ Առաքելական եկեղեցու Գեղարքունյաց թեմի հոգեւոր դասի անդամներ, ուժային կառույցների ներկայացուցիչներ, Արցախյան պատերազմներում զոհված զինծառայողների ծնողներ ու հարազատներ, համայնքի բնակիչներ: Անվանակոչված յուրաքանչյուր փողոցի մուտքի մոտ կտրվեցին ժապավեններ, հնչեցին մեծարանքի ու ոգեկոչման խոսքեր, կատարվեց...
Հիմք ընդունելով առողջապահության նախարարի 2021 թվականի մարտի 25-ի համապատասխան գրության պահանջը Գեղարքունիքի մարզպետի որոշմամբ Գեղարքունիքի մարզում ստեղծվել է կորոնավիրուսային հիվանդության (COVID-19) դեմ պատվաստումների գործընթացը, այդ թվում նաև հանրային իրազեկման աշխատանքները լիարժեք կազմակերպելու և իրականացնելու նպատակով մարզային հանձնաժողով, որի աշխատանքները համակարգում է Գեղարքունիքի մարզպետի տեղակալ Նարեկ Մանուկյանը: Հանձնաժողովի կազմում ընդգրկված են Գեղարքունիքի մարզպետարանի ԱՍԱ վարչության, ՀՀ ԱՆ Հիվանդությունների վերահսկման և կանխարգելման ազգային կենտրոնի Գեղարքունիքի մասնաճյուղի ներկայացուցիչներ, Մարտունու և Սևանի ԲԿ-ների բժիշկներ: Ապրիլի 8-ին Գեղարքունիքի մարզպետարանում տեղի ունեցավ կորոնավիրուսային հիվանդության (COVID-19) դեմ պատվաստումների գործընթացը, այդ թվում նաև հանրային իրազեկման աշխատանքները կազմակերպելու և իրականացնելու մարզային հանձնաժողովի առաջին նիստը, որը վարեց
Գեղարքունիքի մարզում այս տարի կնորոգվեն եւ սարքավորումներով կապահովվեն 25 դպրոցական ճաշարաններ 08.04.2021
Ապրիլի 8-ին Գեղարքունիքի մարզպետարանում հրավիրված խորհրդակցության ընթացքում քննարկվեց մարզի հանրակրթական 25 հաստատությունների ճաշարանների նորոգման, սարքավորումների ապահովման ու կահավորման խնդիրը։ Խորհրդակցությունը վարեց Գեղարքունիքի մարզպետի տեղակալ Նարեկ Մանուկյանը։ Քննարկմանը մասնակցում էին ՄԱԿ-ի Համաշխարհային պարենային ծրագրի մարզային համակարգող Կարեն Հակոբյանը, Ճարտարապետության եւ շինարարության ազգային համալսարանի ներկայացուցիչ, ճարտարապետ Էմմա Հարությունյանը, Գեղարքունիքի մարզպետարանի ԿՄՍ, քաղաքաշինության, ֆինանսական եւ սոցիալ-տնտեսական զարգացման վարչությունների պետերը։ «Գեղարքունիքի մարզպետարանը ՄԱԿ-ի պարենային ծրագրի գրասենյակի ու գործընկեր այլ կազմակերպությունների հետ համագործակցությամբ անելու է հնարավորը, որպեսզի նախատեսված աշխատանքները սկսվեն եւ ավարտվեն մոտեցող ամառային արձակուրդների ընթացքում, որպեսզի նոր ուսումնական տարվա սկզբից մեր տարամադրության տակ գտնվող ցանկում ընդգրկված դպրոցների ճաշարանները գործեն միանգամայն նորացված ու արդիականացված պայմաններում»...
