Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկացում 09.07.2021
ՀՀ Գեղարքունիքի մարզպետարանի և Ֆրանսիայի Հանրապետության Իզերի դեպարտամենտի միջև ստորագրված ապակենտրոնացված համագործակցության շրջանակներում Գավառ քաղաքի Լ. Քալանթարի անվան պետական դրամատիկական թատրոնի շենքում հուլիսի 17-ին ժամը 17:30-ին տեղի կունենա Միշել Ալե Էգայան համույթի «ՄԻ ՈՍՏ ԴՈՒՐՍ ԿԳԱ» ներկայացումը: Մուտքն ազատ է:
Շողակաթ համայնքում բացվեց Շառլ Ազնավուրի անվան այգի-պուրակ 08.07.2021
Հուլիսի 7-ին Գեղարքունիքի մարզի Շողակաթ խոշորացված համայնքի Շողակաթ բնակավայրում բացվեց հանրահռչակ շանսոնյե, երգահան ու բանաստեղծ Շառլ Ազնավուրի անունը կրող այգի-պուրակը։ Միջոցառմանը մասնակցում էին Գեղարքունիքի մարզպետ Գնել Սանոսյանը, Շողակաթ համայնքի ղեկավար Սուլիկո Շուշանյանը, համայնքի բնակավայրերի վարչական ղեկավարներ, համայնքի բնակիչներ եւ հյուրեր։ Միջոցառմանը նախորդեց ՀՀ Գեղարքունիքի մարզպետ Գնել Սանոսյանի՝ մարզային և հանրապետական ԶԼՄ-ներին տված մամուլի ասուլիսը, որն անցկացվեց այգի-պուրակում։ Այգի-պուրակը կառուցվել է ՀՀ կառավարության կողմից իրականացվող սուբվենցիոն ծրագրերի շրջանակներում։ Շինարարական աշխատանքները մեկնարկել են 2020 թվականի հուլիսից եւ ավարտվել այս տարվա հունիսին։ Այգի-պուրակում անցկացվել է շատրվանային եւ լուսավորության համակարգ, կառուցվել բեմական հատված եւ տեղադրվել Շառլ Ազնավուրի կիսանդրին` քանդակագործությամբ Գերասիմ Շահվերդյանի։ Շինարարության պայմանագրային արժեքը կազմել է 18 միլիոն 860 հազար դրամ, որի 45 տոկոսը հատկացրել է ՀՀ կառավարությունը, 55 տոկոսը...
Գեղարքունիքի մարզպետարանում տեղի ունեցավ քաղաքացիների ընդունելություն 08.07.2021
Հուլիսի 7-ին ՀՀ Գեղարքունիքի մարզպետի տեղակալներ Նարեկ Մանուկյանը, Ռուբիկ Նավոյանը և Գեղարքունիքի մարզպետարանի գլխավոր քարտուղար Սևակ Խլղաթյանը Գեղարքունիքի մարզպետարանում կատարեցին քաղաքացիների ընդունելություն: Սոցիալ-տնտեսական բնույթի խնդիրներով մարզպետարան դիմում ներկայացրին 21 քաղաքացի: Նրանցից 14 –ը դիմեցին ֆինանսական աջակցություն ստանալու, 1-ական քաղաքացի ՝խմելու ջրի, բնակարանի վերանորոգման, աշխատանքի տեղավորման խնդիրներով, 2 քաղաքացի՝ արոտավայրերի օգտագործման ևս 2 քաղաքացի այլ բնույթի հարցերով: Մարզպետարան դիմած քաղաքացիների զգալի մասի դիմումներին տեղում տրվեցին սպառիչ պատասխաններ, իսկ մնացած դիմումներին պատասխան կտրվի օրենքով սահմանված ժամկետում:
Գեղարքունիքի մարզում համավարակի դեմ պատվաստվել են 7212 քաղաքացի 08.07.2021
Գեղարքունիքի մարզպետաարանում հրավիրված խորհրդակցության ընթացքում քննարկվեցին մարզում Կորոնավիրուսի դեմ իրականացվող պատվաստումների եւ այլ կանխարգելիչ միջոցառումների հետ կապված հարցեր։ Բուժհիմնարկների ղեկավարների մասնակցությամբ անցկացվող խորհրդակցությունը վարեց Գեղարքունիքի մարզպետի տեղակալ Նարեկ Մանուկյանը։ Գեղարքունիքի մարզպետարանի առողջապահության եւ սոցիալական ապահովության վարչության պետ Լուսինե Վարդանյանը ներկայացրեց համավարակի դեմ պատվաստումների եւ կանխարգելիչ այլ միջոցառումների ընթացքը: «2021 թվականի հուլիսի 7-ի տվյալներով մենք մարզում ունենք Covid -19 հիվանդության ընդամենը 31 դեպք, որոնցից 11-ը բուժվում են հիվանդանոցային, 20-ը՝ ամբուլատոր պայմաններում։ Նույն օրվա դրությամբ մարզում Covid -19 հիվանդության դեմ պատվաստում են ստացել 7212 քաղաքացի։Հաշվի առնելով վարակված հիվանդների հուսադրող քանակը՝ պետք է բացատրական աշխատանքների միջոցով էականորեն ավելացնել պատվաստումների ։ Այն, որ համավարակով հիվանդացած հարյուրավոր քաղաքացիների դիմաց այդ թիվն հիմա սահմանափակվում է երեք տասնյակի մեջ...
Տեղի ունեցավ ՀՀ Գեղարքունիքի մարզպետ Գնել Սանոսյանի հերթական մամուլի ասուլիսը 07.07.2021
2021 թվականի հուլիսի 7-ին Գեղարքունիքի մարզպետ Գնել Սանոսյանը մարզային և հանրապետական սփռման ԶԼՄ-ների ներկայացուցիչների մասնակցությամբ ամփոփեց իր աշխատանքային գործունեության վերջին 12 ամիսները։ Մինչ ասուլիսի մեկնարկը՝ մարզպետը և ԶԼՄ ներկայացուցիչներն այցելեցին Շողակաթ խոշորացված համայնքի Աղբերք բնակավայրի վարչական տարածքում կառուցված և շահագործման հանձնված 5 մեգավատ հզորության արեւային ֆոտովոլտային կայան, որտեղ մարզպետը ԶԼՄ-ներին ներկայացրեց մարզում այլընտրանքային էներգետիկայի արտադրության ներկա ծավալները եւ զարգացման հեռանկարները։ «Այլընտրանքային էներգիայի արտադրությունը մեր մարզի զարգացման գերակա ուղղություններից մեկն է, եւ մենք հետեւողականորեն առաջ ենք տանում մեր քաղաքականությունը։Այս պահի դրությամբ մենք այլընտրանքային էներգետիկայի արտադրության նպատակով հողի կատեգորիան փոխել ենք 387 հեկտարի վրա, որոնցից 36 հեկտարի վրա այս պահին ընթանում են շինարարական աշխատանքներ։ Արևային ֆոտովոլտային խոշոր կայանի կառուցումը մեկնարկում է նաեւ Մեծ Մասրիկում...
Գեղարքունիքի մարզում տեղի ունեցավ հերթական զորակոչը 06.07.2021
Հուլիսի 6-ին ՀՀ ՊՆ Զ և ԶՀԾ Գեղարքունիքի մարզային ստորաբաժանման Վարդենիսի և Ճամբարակի բաժանմունքներից Հայոց բանակ ճանապարհվեցին Վարդենիսի և Ճամբարակի տարածաշրջանների նորակոչիկները: Հանդիսավոր արարողությունների ընթացքում հնչեցին շնորհավորանքի և բարեմաղթանքի խոսեր՝ ուղղված նորակոչիկներին և նրանց հարազատներին: Տղաների տրամադրությունը բարձր էր, ոգին՝ մարտական: Բոլորն էլ քաջ գիտակցում էին, որ մեկնում են բանակ՝ Հայրենիքի հանդեպ իրենց ծառայողական պարտքը կատարելու համար: Գեղարքունիքի մարզում 2021 թվականի ամառային զորակոչը կշարունակվին մինչև օգոստոս ամիսը:
