Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը Ճամբարակում դիտարկել է ճանապարհաշինական աշխատանքները 02.05.2023
Ապրիլի 29-ին Գեղարքունիքի մարզպետ Կարեն Սարգսյանն այցելել է Ճամբարակ, որտեղ ապրիլի 28-ից մեկնարկել են Ճամբարակ-Վահան հանրապետական նշանակության ավտոճանապարհի 5,7 կիլոմետր հատվածի հիմնանորոգման աշխատանքները։ Ճանապարհի հիմնանորոգման պայմանագրային արժեքը կազմում է 898 միլիոն դրամ, որը հատկացվել է պետբյուջեի միջոցներից։ Նախատեսվում է իրականացնել ջրահեռացման համակարգի, մայթերի կառուցման, երթևեկելի մասում հիմքերի և երկշերտ ասֆալբետոնյա ծածկի տեղադրման, 2 կամուրջների հիմնանորոգման, ճանապարհի կահավորման և գծանշման աշխատանքներ։ Հիմնանորոգվող ճանապարհի շուրջ երկու կիլոմետրանոց հատվածն իրականացվելու է Վահան բնակավայրի ներսում։ Երթևեկելի մասում հիմնանորոգվելու է 37 հազար 515, մուտքերում՝ 7246 քառակուսի մետր մակերես ունեցող ճանապարհ։ Ճանապարհի հիմնանորոգումը նախատեսված է ավարտել մինչև տարեվերջ։
Կարեն Սարգսյան / Karen Sargsyan Այսօր ընդունեցի «Պարտաճանաչ զինվոր» խորագրով շարադրության մրցույթի հաղթող, Հայոց բանակի զինծառայող Գևորգ Կիրակոսյանին Հիշեցնեմ, որ 2022 թվականի մայիսի 6-12-ը Գեղարքունիքի մարզային ենթակայության պետական հանրակրթական ուսումնական հաստատությունների 12-րդ դասարանների արական սեռի աշակերտների միջև անցկավել էր «Պարտաճանաչ զինվոր» խորագրով շարադրության մրցույթ, որին Գանձակի թիվ 2 միջնակարգ դպրոցի աշակերտ Գևորգ Կիրակոսյանի աշխատանքն արժանացել էր առաջին մրցանակի։ Արդեն Հայոց բանակի զինծառայող Գևորգ Կիրակոսյանը Պաշտպանության նախարարության կողմից` իմ միջնորդությամբ, որպես «Պարտաճանաչ զինվոր» խորագիրը կրող շարադրության մրցույթի հաղթող, խրախուսվել է հնգօրյա զինվորական արձակուրդով․․․
Գեղարքունիքի մարզպետն անցկացրեց աշխատանքային հերթական խորհրդակցությունը 02.05.2023
Մայիսի 2-ին Գեղարքունիքի մարզպետ Կարեն Սարգսյանն անցկացրեց հերթական խորհրդակցությունը մարզպետի աշխատակազմի կառուցվածքային ստորաբաժանումների ղեկավարների հետ։ Ներկայացվեց տեղեկատվություն մարզի համայնքների սեփական եկամուտների հավաքագրման և համայնքապետարաններում ապառքների գանձման հետ կապված գործընթացի վերաբերյալ: Զեկուցվեց սուբվենցիոն ծրագրերի շրջանակներում իրականացված շինարարական աշխատանքներում հայտնաբերված թերությունները վերացնելու ուղղությամբ կատարվող աշխատանքների ընթացքի վերաբերյալ տեղեկատվություն: Զեկուցվեց, որ 2018թ.-ից սկսած Հայաստանի տարածքային զարգացման հիմնադրամի կողմից Մարտունի, Վարդենիս և Ճամբարակ համայնքներին տրամադրվել է 51 միավոր մեքենամեխանիզմ՝ ևս 24-ը նախատեսվում է տրամադրել: Զեկուցվեց, որ ավարտվել է ․․․
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Մայիսի 1-ի կապակցությամբ 01.05.2023
Սիրելի՛ հայրենակիցներ, Սրտանց շնորհավորում եմ ձեզ Աշխատանքի օրվա՝ Մայիսի 1-ի կապակցությամբ։ Մենք լավ գիտենք աշխատանքի գինը, քանի որ դարեր շարունակ սեփական ձեռքերով ենք կառուցել մեր տունը, շենացրել հայրենի հողն ու կերտել մեր ապագան: Այս տոնը կոչված է փառաբանելու և մեծարելու աշխատավորին, նրա արարումն ու աշխատանքը: Թե՛ մեր երկրի ներսում, թե՛ դրա սահմաններից դուրս հայ աշխատավորը մշտապես աչքի է ընկել իր ստեղծագործ մտքով և արարող ձեռքով։ Այսօր մենք մեր բոլոր ջանքերը պետք է ներդնենք երկրում արժանապատիվ աշխատանքի, արժանապատիվ վաստակի հնարավորությունները մեծացնելու և մեր ժողովրդի բարօրությունն ապահովելու համար։ Աշխատանքի արժևորումը՝ սոցիալական կյանքի պայմանների ստեղծումն ու մեր քաղաքացիների լիարժեք զբաղվածությունը...
2023 թվականի ապրիլի 21-28-ն ընկած ժամանակահատվածում Գեղարքունիքի մարզում կորոնավիրուսով վարակվածներ չկան ։ Փաստացի բուժում ստացող պացիենտներ չկան: Բուժման արդյունքում գրանցվել է 649 առողջացած։ Կորոնավիրուսային հիվանդության ախտորոշման նպատակով կատարվել է 56 թեստավորում։ 2022թ․ օգոստոսի 1-ից - 2023թ․ ապրիլի 28-ն ընկած ժամանակահատվածում Գեղարքունիքի մարզային ենթակայության առողջապահական հիմնարկների կողմից գրանցվել է 650 Covid-19-ի դրական դեպք (1 մահվան դեպք):
Ապրիլ ամսին Գեղարքունիքի մարզում ծնվել է 98 երեխա 01.05.2023
2023 թվականի ապրիլ ամսին Գեղարքունիքի մարզում ծնվել է 98 երեխա, որից 60-ը տղա, 38-ը՝ աղջիկ: 98 երեխաներից 13-ը ծնվել են Գավառի բժշկական կենտրոնում, 17-ը՝ Սևանի բժշկական կենտրոնում, 43-ը՝ Մարտունու ծննդատանը, 20-ը՝ Վարդենիսի հիվանդանոցում և 5-ը՝ Ճամբարակի առողջության կենտրոնում։
