Նորություններ
![Գեղարքունիքի մարզպետն անցկացրեց աշխատանքային հերթական խորհրդակցությունը Գեղարքունիքի մարզպետն անցկացրեց աշխատանքային հերթական խորհրդակցությունը](http://gegharkunik.mtad.am/files/n_pics/31763_s.jpg)
Գեղարքունիքի մարզպետն անցկացրեց աշխատանքային հերթական խորհրդակցությունը 02.05.2022
Մայիսի 2-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը, որին մասնակցեցին մարզպետարանի ստորաբաժանումների ղեկավարները։ Խորհրդակցության սկզբում ամփոփվեցին 2022 թվականի ապրիլի 30-ին կայացած համապետական շաբաթօրյակի արդյունքները։ Մարզի 6 խոշորացված համայնքներին ամրակցված պատասխանատուները զեկուցեցին իրենց իրենց վերահսկողության տակ գտնվող համայնքներում և տարածքներում իրականացված աշխատանքների մասին, առանձնացրին այն բացթողումները, որոնք արձանագրվել են շաբաթօրյակի ընթացքում։ Իր գոհունակությունը հայտնելով շաբաթօրյակի արդյունքների մասին՝ Գեղարքունիքի մարզպետ Կարեն Սարգսյանը միևնույն ժամանակ շեշտեց, որ առանձին բնակավայրերում և տարածքներում առկա են որոշակի բացթողումներ, որոնք հնարավոր չէ շտկել մեկ շաբաթօրյակի ընթացքում։ «Շրջակա միջավայրի և բնակավայրերի մաքրությունը լիարժեքորեն ապահովելու համար մենք պետք է հետևողական աշխատանք տանենք և մի քանի շաբաթօրյակների միջոցով կարողանանք հասնել ցանկալի արդյունքի։
![Ապրիլ ամսին Գեղարքունիքի մարզում ծնվել է 95 երեխա Ապրիլ ամսին Գեղարքունիքի մարզում ծնվել է 95 երեխա](http://gegharkunik.mtad.am/files/n_pics/31764_s.jpg)
Ապրիլ ամսին Գեղարքունիքի մարզում ծնվել է 95 երեխա 02.05.2022
2022 թվականի ապրիլ ամսին Գեղարքունիքի մարզում ծնվել է 95 երեխա, որից 50-ը՝ տղա,45-ը՝ աղջիկ: 95 երեխաներից 16-ը ծնվել են Գավառի ԲԿ-ում, 24-ը՝ Սևանի ԲԿ-ում, 38-ը՝ Մարտունու ծննդատանը, 14-ը՝ Վարդենիսի հիվանդանոցում և 3-ը՝ Ճամբարակի ԱԿ-ում:
![Գեղարքունիքի մարզպետ Կարեն Սարգսյանի մոտ ամփոփվեց Ֆրանսիայից ժամանած պատվիրակության այցը Գեղարքունիքի մարզպետ Կարեն Սարգսյանի մոտ ամփոփվեց Ֆրանսիայից ժամանած պատվիրակության այցը](http://gegharkunik.mtad.am/files/n_pics/31750_s.jpg)
Գեղարքունիքի մարզպետ Կարեն Սարգսյանի մոտ ամփոփվեց Ֆրանսիայից ժամանած պատվիրակության այցը 01.05.2022
Գեղարքունիքի մարզպետ Կարեն Սարգսյանի մոտ ամփոփվեց Ֆրանսիայից ժամանած պատվիրակության աշխատանքային քննարկումների, մարզ կատարած աշխատանքային այցերի, տուրիզմի, կրթամշակութային և առողջապահական ոլորտներում կայացած հանդիպումների արդյունքները։ Հանդիպմանը ներկա էին Իզերի դեպարտամենտի համագործակցության ծրագրերի պատասխանատու Սյուզի Գրենեշը և «Աֆրատ» կազմակերպության տուրիզմի զարգացման ծրագրերի պատասխանատու Սեբաստիեն Ֆավիեն։ Հյուրերը նշեցին, որ ունեցել են բավականին հագեցած աշխատանքային օրեր և տպավորված են Գեղարքունիքի մարզում տեղի ունեցած հանդիպումներով։ Մարզպետ Կարեն Սարգսյանը շնորհակալություն հայտնեց պատվիրակության ներկայացուցիչներին, Իզերի դեպարտամենտին և Գրենոբլի քաղաքապետարանին՝ մարզի կենսական նշանակության տարբեր ոլորտներում կատարված ներդրումային ծրագրերի համար։․․․
![ՀՀ Գեղարքունիքի մարզպետ Կարեն Սարգսյանի շնորհավորական ուղերձը Մայիսի 1-ի կապակցությամբ ՀՀ Գեղարքունիքի մարզպետ Կարեն Սարգսյանի շնորհավորական ուղերձը Մայիսի 1-ի կապակցությամբ](http://gegharkunik.mtad.am/files/n_pics/31751_s.jpg)
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Մայիսի 1-ի կապակցությամբ 01.05.2022
Սիրելի հայրենակիցներ, շնորհավորում եմ ձեզ Աշխատանքի օրվա՝ Մայիսի 1-ի կապակցությամբ։ Պատմականորեն համաշխարհային նշանակություն ստացած այս տոնը կոչված է փառաբանելու աշխատանքն ու աշխատավորին, պաշտպանելու աշխատավորների իրավունքները։ Աշխատասեր ու բարեխիղճ մարդը միշտ բարձր է գնահատվել ու հանդիսացել ընդօրինակման առարկա։ Հանրության կյանքում աշխատանքը մշտապես կարևորվել է, իսկ արժանապատիվ աշխատանքն առավել ևս, քանզի այն երկրի ամրապնդման և լիարժեք կյանքի ապահովման գրավականն է։ Մեր ժողովուրդը տարիներ շարունակ տոնում է այս օրը՝ ամեն ժամանակաշրջանում նոր իմաստ հաղորդելով դրան։ Հայի ստեղծագործ մտքի ու արարող ձեռքի արգասիքը կարելի է տեսնել աշխարհի տարբեր անկյուններում, սակայն մեր ամենամեծ ձեռքբերումները կերտում ենք մայր Հայաստանում։ Բազմաթիվ դժվարություններ վերապրած մեր հայրենիքում այժմ էլ պետք է ստեղծենք մի այնպիսի պետություն, որտեղ պահպանվում և սերնդեսերունդ են փոխանցվում լավագույն ավանդույթները։
![Գեղարքունիքի մարզում մեկնարկել են համապետական շաբաթօրյակի աշխատանքները Գեղարքունիքի մարզում մեկնարկել են համապետական շաբաթօրյակի աշխատանքները](http://gegharkunik.mtad.am/files/n_pics/31731_s.jpg)
Գեղարքունիքի մարզում մեկնարկել են համապետական շաբաթօրյակի աշխատանքները 30.04.2022
Ապրիլի 30-ին Գեղարքունիքի մարզի բոլոր համայնքներում և բնակավայրերում մեկնարկեցին համապետական շաբաթօրյակի աշխատանքները։ Շաբաթօրյակի աշխատանքներում ներգրավված են ավելի քան 43 հազար մասնակից, որից շուրջ 7 հազարը ներկայացնում է մասնավոր հատվածը, իսկ մոտ 36 հազարը՝ պետական կառավարման, տեղական ինքնակառավարման, կրթամշակութային, առողջապահական հաստատությունների, ուժային կառույցների, հասարակական կազմակերպությունների, «Սևան» Ազգային պարկի, «Գեղարքունիք» ՋՕԸ աշխատակիցներ, անհատ քաղաքացիներ։ Շաբաթօրյակի աշխատանքներին ներգրավված է 238 միավոր տեխնիկա։ Ամենուրեք իրականացվում են աղբահեռացման, սանիտարական մաքրման, տարածքների բարեկարգման և աղբաթաղման աշխատանքներ։ Կենցաղային աղբի թափոններից մաքրվում են միջպետական, հանրապետական, մարզային և համայնքային նշանակության ճանապարհների եզրերը, բնակավայրերի փողոցները, բակերը, հարակից տարածքները, Սևան ազգային պարկի
![Գեղարքունիքի մարզում ավարտին են մոտենում համապետական շաբաթօրյակի աշխատանքները Գեղարքունիքի մարզում ավարտին են մոտենում համապետական շաբաթօրյակի աշխատանքները](http://gegharkunik.mtad.am/files/n_pics/31734_s.jpg)
Գեղարքունիքի մարզում ավարտին են մոտենում համապետական շաբաթօրյակի աշխատանքները 30.04.2022
Գեղարքունիքի մարզի համայնքներում և բնակավայրերում արդեն ավարտին են մոտենում ապրիլի 30-ին հայտարարված համապետական շաբաթօրյակի աշխատանքները։ Ինչպես արդեն տեղեկացրել էինք՝ մարզում շաբաթօրյակի աշխատանքներին ընդգրկված էին աննախադեպ քանակությամբ՝ շուրջ 43 հազար մարդ և 238 միավոր տեխնիկա։ Ամենուրեք իրականացվեցին սանիտարական մաքրման, աղբահեռացման, տարածքների բարեկարգման, աղբաթափման և աղբածածկման աշխատանքներ։ Կենցաղային աղբի թափոններից մաքրվեցին միջպետական, հանրապետական, մարզային և համայնքային նշանակության ճանապարհների եզրերը, բնակավայրերի փողոցները, բակերը, հարակից տարածքները, Սևան ազգային պարկի անտառային տարածքները, գետաբերանները, պատմական հուշարձանների և տեսարժան վայրերի շրջակայքը, կրթական, առողջապահական, մշակութային և այլ հաստատությունների բակերը և դրանց հարող տարածքները։ Գեղարքւոնիքի մարզպետ Կարեն Սարգսյանը շրջայց կատարեց մարզի տարածքում, ծանոթացավ իրականացվող աշխատանքներին և կիսվեց իր տպավորություններով։