Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 27.04.2023
Գեղարքունիքի մարզի Սեւան համայնքի Չկալովկա բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում առաջին անգամ լուսավորության ցանց է կառուցվել 2-րդ փողոցի առաջին նրբանցքի առաջին փակուղում, 3-րդ եւ 4-րդ փողոցների առաջին նրբանցքներում, ասֆալտապատվել է երկրորդ փողոցի առաջին նրբանցքը։ Չկալովկայի փողոցային լուսավորության ցանցի կառուցման ծրագրի պայմանագրային արժեքը կազմել է 3 միլիոն 109 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Սեւանի համայնքապետարանը։ Ծրագրի իրականացման արդյունքում տեղադրվել է ԼԵԴ համակարգով աշխատող 21 լուսատու ՝ 540 մետր ընդհանուր երկարությամբ։ Չկալովկայի երկրորդ փողոցի առաջին նրբանցքի եւ երրորդ փողոցի ասֆալտապատման ծրագրի պայմանագրային արժեքը կազմել է 47 միլիոն 935 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Սեւանի համայնքապետարանը։ Ծրագրի իրականացման արդյունքում ասֆալտապատվել է 512 մետր երկարության ճանապարհ՝ 2616 քառակուսի մետր մակերեսով։ Վերոնշյալ ծրագրերն ավարտվել են 2022 թվականի նոյեմբեր և դեկտեմբեր ամիսներին։
Գեղարքունիքի մարզում ավարտին են մոտենում համապետական շաբաթօրյակի նախապատրաստական աշխատանքները 27.04.2023
Ապրիլի 29-ին կայանալիք համապետական շաբաթօրյակին ընդառաջ՝ ապրիլի 27-ին Գեղարքունիքի մարզպետի աշխատակազմի վարչական շենքում հրավիրվեց հանդիպում, որի ընթացքում քննարկվեցին շաբաթօրյակի նախապատրաստական, կազմակերպչական եւ անցկացման աշխատանքներին վերաբերող հարցեր։ Հանդիպմանը մասնակցում էին Գեղարքունիքի մարզպետի համապատասխան որոշմամբ շաբաթօրյակի կազմակերպչական աշխատանքների պատասխանատուները՝ Գեղարքունիքի մարզպետի աշխատակազմից, մարզի համայնքապետարաններից, ՀՀ ոստիկանության Գեղարքունիքի մարզային վարչությունից, ՀՀ ԱԻՆ Գեղարքունիքի մարզային փրկարարական վարչությունից, «Սևան» Ազգային պարկից։ Հանդիպումը վարում էր Գեղարքունիքի մարզպետի տեղակալ, համապետական շաբաթօրյակի Գեղարքունիքի մարզի պատասխանատու ՌուբիկՆավոյանը։ Խորհրդակցության ընթացքում ներկաներն ըստ ոլորտների ստացան հանձարարականներ՝ Գեղարքունիքի մարզում կազմակերպվելիք համապետական շաբաթօրյակի աշխատանքները պատշաճ մակարդակով կազմակերպելու և անցկացնելու համար:
Գեղարքունիք-Իզեր ապակենտրոնացված համագործակցության շրջանակներում Գեղարքունիքի մարզպետ Կարեն Սարգսյանը ընդունեց Իզերի դեպարտամենտի նախագահ Ժան Պիեռ Բարբիեի գլխավորած` Իզերի դեպարտամենտ-Գրենոբլ պատվիրակության ներկայացուցիչներին։ Հանդիպման ընթացքում տեղի ունեցավ IRAPA հարթակի պիլոտային կոմիտեի ժողովը, որի ընթացքում Ֆրանսիայից ժամանած ոլորտային պատասխանատուների հետ քննարկվեցին Գեղարքունիք-Իզեր ապակենտրոնացված համագործակցության շրջանակներում Գեղարքունիքի մարզի տարբեր համայնքներում և բնակավայրերում իրականացված, ընթացքի մեջ գտնվող և հեռանկարային ծրագրերը։ Քննարկվեց մարզի դպրոցականների շրջանում ֆրանսերեն լեզվի ուսուցման արդեն տարիների պատմություն ունեցող դասընթացների անցկացման, դրանց ընդլայնման, մշակութային մի շարք ծրագրերի իրականացման մասին հետագա անելիքները: Կարևորվեց Հայաստանում ֆրանսերեն լեզվի տարածման և Ֆրանսիայում հայկական մշակույթի ներկայացման գործընթացը՝ այդ թվում երաժշտական ծրագրերը և համագործակցությունը թատերական ոլորտում: Ներկայացվեցին «ԱՖՐԱՏ»-ի զարգացման ծրագրերը․․․
Ապրիլի 26-ին Գեղարքունիքի մարզպետ Կարեն Սարգսյանը Վարդենիսի համայնքապետարանում կատարեց քաղաքացիների ընդունելություն, որին մասնակցեցին Վարդենիս համայնքի ղեկավար Ահարոն Խաչատրյանը, Գեղարքունիքի մարզպետի օգնական Ջանիկ Բազեյանը, մարզպետի աշխատակազմի առողջապահության և սոցիալական ապահովության վարչության պետ Լուսինե Վարդանյանը։ Քաղաքացիները մարզպետին դիմեցին առողջապահական, բնակարանի վերանորոգման և դրամական օգնության խնդիրներով։ Դրամական օգնության հարցով դիմածների խնդրանքը մարզպետի կողմից բավարարվեց, իսկ մնացած դիմումները վերցվեցին հաշվառման, որոնց պատասխանը կտրվի օրենքով սահմանված կարգով և ժամկետներում։ Կարեն Սարգսյանն իր լիազորությունների շրջանակներում որոշակի աջակցություն խոստացավ նաև առողջապահական խնդիրներով դիմած քաղաքացիներին։
«Սպորտլանդիա» մարզական միջոցառումը անցկացվեց երկու տարիքային խմբերով` 1-3-րդ և 4-6-րդ դասարանցիների միջև` 4 փուլով: Սպորտլանդիայի ներդպրոցական փուլն անցկացվեց 2023 թվականի փետրվար-մարտ ամիսներին, որտեղ ձևավորվեցին դպրոցական հավաքական թիմերը: Թիմի կազմում ընդգրկված էին 5 տղա և 5 աղջիկ։ Այս փուլում կազմակերպվեցին առանձին-առանձին մրցումներ 1-ին, 2-րդ, 3-րդ, 4-րդ, 5-րդ և 6-րդ դասարանների աշակերտների միջև: 1-3-րդ դասարանցիների մրցումային ծրագրում էին խաղային փոխանցումավազք, փոխանցումավազք արգելքների հաղթահարումով, փոխանցումավազք մարմնամարզական օղակներով, մրցումներ երկանիվ հեծանիվով և օլիմպիական խորհրդանիշի հավաքում վարժությունները, իսկ 4-6-րդ դասարանցիների ծրագրում երկանիվ հեծանիվով վարժության փոխարեն ընդգրկված էր խաղային փոխանցումավազք բասկետբոլի գնդակով վարժությունը: Մարտի 23-30-ը դպրոցական թիմերը մասնակցեցին համայնքային փուլի մրցումներին: Համայնքային փուլերում 1-ին և 2-րդ տեղեր գրաված թիմերը մասնակցեցին մարզային փուլերի մրցումներին:
Ապրիլի 29-ին միացի՛ր համապետական շաբաթօրյակին 25.04.2023
Հարգելի՛ հայրենակիցներ, 2023 թվականի ապրիլի 29-ը մեր երկրում հայտարարված է համապետական շաբաթօրյակ։ Միացի՛ր համապետական շաբաթօրյակի աշխատանքներին, քո մասնակցությամբ նպաստելով մաքուր տարածք, մաքուր բնակավայր, մաքուր համայնք և մաքուր մարզ ունենալու նախաձեռնությանը։ Հարգելի՛ վարորդներ, հորդորում ենք ձեզ՝ ապրիլի 29-ին չափազանց զգույշ երթևեկել հատկապես միջպետական, հանրապետական և մարզային նշանակության ավտոճանապարհներով, որտեղ այդ օրը սանիտարական մաքրման աշխատանքներ են իրականացնում քո, մեր և բոլորիս հայրենակիցները։ #համապետական_շաբաթօրյակ #միացիր, ՀՀ Գեղարքունիքի մարզպետի աշխատակազմ
