Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մայիսի 24-ին և 25-ին դպրոցներում կանցկացվեն վերջին դասին նվիրված միջոցառումներ 23.05.2024
Գեղարքունիքի մարզային ենթակայության 116 և ԿԳՄՍ նախարարության ենթակայության 8 հանրակրթական դպրոցներից 5-օրյա աշխատանքային գրաֆիկ ունեցող 110 դպրոցներում մայիսի 24-ին տեղի կունենան ավարտական «Վերջին դաս»-ին նվիրված միջոցառումներ, իսկ 6-օրյա աշխատանքային գրաֆիկ ունեցող 14 դպրոցներում նման արարողություններ կանցկացվեն մայիսի 25-ին։ Գեղարքունիքի մարզում 2023-2024 ուսումնական տարվա ավարտին իրենց կրթօջախներին հրաժեշտ կտան 1509՝ 12-րդ և 2671՝ 9-րդ դասարանցիներ, որոցից 2640-ը մարզային ենթակայության դպրոցների 9-րդ, իսկ 1106-ը՝ 12-րդ դասարանների շրջանավարտներ են։ Դպրոցներում միջոցառումները պատշաճ անցկացնելու, ավելորդ խնդիրներից և միջադեպերից զերծ մնալու նպատակով մայիսի 24-ին և 25-ին մարզի դպրոցներում, դպրոցամերձ տարածքներում և հանրային այլ վայրերում ուժեղացված ծառայություն կիրականացնեն ՀՀ ՆԳՆ ոստիկանության Գեղարքունիքի մարզային վարչության աշխատակիցները և պարեկային ծառայողները։․․․
ՀՀ կառավարության 2024 թվականի մայիսի 23-ի հերթական նիստում որոշում է կայացվել 7 միլիոն 247 800 հազար դրամ հատկացնել Գեղարքունիքի մարզի յոթ մարզադպրոցներին՝ գույքի ձեռքբերման նպատակով։ Այդ թվում՝ 1 միլիոն 484 200 հազար դրամ՝ ՀՀ Գեղարքունիքի մարզի «Վարդենիս համայնքի Ռաֆիկի Եսայանի անվան քաղաքային մարզադպրոց» ՀՈԱԿ-ին։ 900 հազար դրամ՝ «Գեղարքունիքի մարզային մարզադպրոց» ՊՈԱԿ-ին։ 950 հազար դրամ՝ ՀՀ Գեղարքունիքի մարզի «Մարտունու համայնքապետարանի Սմբատ Մհերյանի անվան մարզադպրոց» ՀՈԱԿ-ին։ 1 միլիոն 726 600 հազար դրամ՝ ՀՀ Գեղարքունիքի մարզի «Սևան համայնքի Ն. Դագարյանի անվան մանկապատանեկան մարզադպրոց» ՀՈԱԿ-ին։ 580 հազար դրամ՝ ՀՀ Գեղարքունիքի մարզի «Ճամբարակի մանկապատանեկան մարզադպրոց» ՀՈԱԿ-ին։ 406 հազար դրամ՝ ՀՀ Գեղարքունիքի մարզի «Վարդենիսի թիվ 1 մարզադպրոց» ՀՈԱԿ-ին։ 1 միլիոն 201 հազար դրամ՝ ՀՀ Գեղարքունիքի մարզի «Գավառի Գրիշա Վահանի Ափրոյանի անվան մարզադպրոց» ՀՈԱԿ-ին։ ՀՀ կառավարություն
ՀՀ կառավարության 2024 թվականի մայիսի 23-ի հերթական նիստում որոշում է կայացվել 24 միլիոն 040 հազար դրամ հատկացնել Ճամբարակի թիվ 4 և Վանևանի միջնակարգ դպրոցներին՝ ամրացված շենքի ջեռուցման իրականացման աշխատանքների և հարակից ծառայությունների ձեռքբերման համար։ Որից՝ 10 միլիոն 252.0 հազար դրամ գումարը դրամաշնորհային պայմանագրի հիման վրա հատկացվելու է «Վանևանի միջնակարգ դպրոց» ՊՈԱԿ-ին, իսկ 13 միլիոն 790.0 հազար դրամը՝ «Ճամբարակի թիվ 4 միջնակարգ դպրոց» ՊՈԱԿ-ին։ ՀՀ կառավարություն
Սևանա լիճ բաց թողնվեց «Ամառային իշխան» տեսակի 87 330 մանրաձուկ 22.05.2024
Մայիսի 22-ին, կենսաբազմազանության միջազգային օրվա առթիվ, Գեղարքունիքի մարզպետ Կարեն Սարգսյանը, Շրջակա միջավայրի նախարար Հակոբ Սիմիդյանը և պաշտոնական այլ անձինք մասնակցեցին Սևանա լճում իշխանի մանրաձկան բացթղնման արարողությանը։ Միջոցառումն իրականացվեց պետական ծրագրի շրջանակներում, Շրջակա միջավայրի նախարարության, Գեղարքունիքի մարզպետի աշխատակազմի, «Սևանի իշխան» ՓԲԸ-ի, «Սևանի իշխանի պաշարների վերականգնման և զարգացման» հիմնադրամի կողմից։ Իրականացված միջոցառման արդյունքում Գեղարքունիքի մարզի Վարդենիս համայնքի Կարաճաղբյուր բնակավայրի ձկնաբուծական գործարանից Սևանա լիճ բաց թողնվեց «Ամառային իշխանի» 87 300 մեկ տարեկան մանրաձուկ՝ 10 գրամքաշով։ «Սևանի իշխան» ՓԲԸ տնօրենության տեղեկացմամբ՝ 2024 թվականի ընթացքում սա Սևանա լճում իշխանի մանրաձկան բացթողնման առաջին միջոցառումն է...
Գավառ քաղաքում 2023 թվականին սուբվենցիոն 4 ծրագիր է իրականացվել 21.05.2024
Գեղարքունիքի մարզկենտրոն Գավառ քաղաքում ՀՀ կառավարության կողմից 2022-2023 թվականներին իրականացվող սուբվենցիոն ծրագրերի շրջանակներում կառուցվել է արտաքին լուսավորության ցանց, մանկական 3 խաղահրապարակ, ավտոտրանսպորտային սպասարկման 2 կանգառ, ասֆալտապատմամբ հիմնանորոգվել Գրիգոր Նարեկացի և Կաբելագործների փողոցը, Դաշտոյան նրբանցքը։ Իրականացված սուբվենցիոն 4 ծրագրերի համար ներդրվել է 431 միլիոն 701 հազար 276 դրամ, որից 227 միլիոն 603 հազար 153 դրամը ՀՀ կառավարության, 204 միլիոն 98 հազար 123 դրամը Գավառի համայնքապետարանի մասնաբաժինն է։ Գավառ քաղաքի Գրիգոր Նարեկացի, Կաբելագործների փողոցների և Դաշտոյան նրբանցքի հիմնանորոգման ծրագրի պայմանագրային արժեքը կազմել է 239 միլիոն 671 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Գավառի համայնքապետարանը։ Շինարարական աշխատանքները մեկնարկել են 2023 թվականի մարտ ամսից և ավարտվել նույն տարվա դեկտեմբերին։ Ծրագրի իրականացման արդյունքում...
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 20.05.2024
Մայիսի 20-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը։ Մարզպետի աշխատակազմի ստորաբաժանումների ղեկավարների կողմից նախորդ խորհրդակցության ընթացքում տրված հանձնարարականների կատարման ընթացքի մասին զեկուցումներից հետո Կարեն Սարգսյանը ոլորտային պատասխանատու ստորաբաժանումների հետ քննարկեց ԼՂՀ-ից բռնի տեղահանված ընտանիքների բնակարանային ապահովման պետական աջակցության ծրագրին առնչվող մի շարք հարցեր: Օրակարգային հարցերի շարքում էին նաև 2024 թվականին ՀՀ պետական միջոցներով իրականացվող ճանապարհաշինական աշխատանքների, միջպետական և հանրապետական ճանապարհների ամառայանին սպասարկման պատշաճ կազմակերպումը: Հանձնարարվեց նաև ուշադրության կենտրոնում պահել փուլերով ընթացող սուբվենցիոն ծրագրերի կատարման ընթացքի, ժամկետների և որակի պահպանումը՝ խախտումների դեպքում ձեռնարկել օրենքով սահմանված համարժեք քայլեր։ Խորհրդակցության ավարտին Կարեն Սարգսյանը հանձարարեց հետևողական լինել ճամբարներ հաճախող երեխաների, ինչպես նաև սպասարկող անձնակազմի պատվաստումների իրականացմանը: Գեղարքունիքի մարզպետի աշխատակազմի ստորաբաժանումների ղեկավարները ստացան այլ հանձնարարականներ։
