Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզում «ՀՀ վարչապետի գավաթ» խճուղային հեծանվավազքի սիրողական մրցաշարի մարզային փուլն անցկացվեց 2024 թվականի սեպտեմբերի 23-ին՝ Ծովագյուղ-Շողակաթ-Վարդենիս մայրուղու «Արևիկ» հանգստյան գոտուց դեպի Շողակաթ բնակավայր տանող 20 կիլոմետրանոց ճանապարհահատվածում
Սեպտեմբերի 21-ին ՀՀ Գեղարքունիքի մարզի Գավառ, Մարտունի, Սևան, Վարդենիս, Ճամբարակ համայնքներում տեղի ունեցան Հայաստանի Հանրապետության Անկախության 33-րդ տարեդարձին նվիրված միջոցառումներ, որոնց մասնակցեցին համայնքների ղեկավարներ և ավագանիների անդամներ, համայնքապետարանների աշխատակիցներ...
Գեղարքունիքի մարզում «ԴասԱրվեստ» ծրագրի մեկնարկը տրվել է Լճաշենի միջնակարգ դպրոցում 18.09.2024
ՀՀ Կրթության, գիտության, մշակույթի և սպորտի նախարարության կողմից իրականացվող «ԴասԱրվեստ» կրթամշակութային ծրագիրը հյուրընկալվել է ՀՀ Գեղարքունիքի մարզի Լճաշեն գյուղի Ա.Տեր-Գրիգորյանի անվան միջնակարգ դպրոցում:
Գեղարքունիքի մարզում կընդլայնվի սպանդանոցային ծառայություններ մատուցող բնակավայրերի ցանկը 18.09.2024
Հայաստանի Հանրապետության կառավարության 2018 թվականի հուլիսի 19-ի > N 893-Լ որոշման մեջ կատարվել են փոփոխություններ և լրացումներ.
ՀՀ կառավարության 2024 թվականի սեպտեմբերի 12-ի հերթական նիստում որոշում է կայացվել ՀՀ Գեղարքունիքի մարզպետի աշխատակազմին տրամադրել 12 միլիոն 801 հազար դրամ, որից՝ 10 միլիոն 049 հազար դրամը՝ Տ-4-25, /Մ-10/-Ներքին Գետաշեն-Վերին Գետաշեն-Մադինա մարզային նշանակության ավտոճանապարհի Վերին Գետաշեն բնակավայրում 2,6 կմ երկարությամբ ճանապարհահատվածի ասֆալտբետոնյա ծածկի փոսային նորոգման աշխատանքների ձեռքբերման, իսկ 2 միլիոն 752 հազար դրամը՝ Տ-4-63, /Հ-7/-Ջիլ մարզային նշանակության 3,1 կիլոմետր երկարության ավտոճանապարհի և նորակառույց դպրոց տանող ճանապարհահատվածի հիմնանորոգման աշխատանքների նախագծանախահաշվային փաստաթղթերի ձեռքբերման համար։ Վերը նշված երկու ծրագրերի մեկնարկը կտրվի հաջորդ շաբաթվա ընթացքում։ ՀՀ կառավարություն
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 16.09.2024
Սեպտեմբերի 16-ին Գեղարքունիքի մարզպետ Կարեն Սարգսյանը մարզպետի աշխատակազմի հետ անցկացրեց հերթական աշխատանքային խորհրդակցությունը։ Խորհրդակցության ընթացքում քննարկվեցին Գեղարքունիքի մարզի հանրակրթական ու նախադպրոցական կրթական հաստատություններում Լեռնային Ղարաբաղից 2023 թվականի սեպտեմբերին բռնի տեղահանված նախադպրոցական ու դպրոցական տարիքի երեխաների ընդգրկվածության ու տեղաշարժի, մանկավարժների և սպասարկող անձնակազմի աշխատանքի տեղավորման, դպրոցներում լաբորատորիաների կահավորման, էլեկտրոնային գրատախտակների և համակարգիչների ձեռքբերման հետ կապված հարցեր: Խոսվեց նաև միջգերատեսչական հանձնաժողովի կողմից Գեղարքունիքի մարզի համայնքներից 2024 թվականին ներկայացված սուբվենցիոն ծրագրերի հաստատման, Լճափի ԱԱՊԿ տանող ճանապարհի հիմնանորոգման նախագծի ձեռքբերման և շինարարական աշխատանքների մեկնարկի հետ կապված հարցերի շուրջ։․․․
