Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության մասնագետների կողմից «Բուսաբուծության աջակցության ծրագրի» իրազեկման նպատակով վերջին հանդիպումը մարտի 27-ին կայացավ Գավառ համայնքի գյուղացիական տնտեսությունների ներկայացուցիչների հետ։ Հանդիպման ընթացքում մարզպետի աշխատակազմի ներկայացուցիչները խոսեցին ՀՀ կառավարության աջակցությամբ 2024 թվականին իրականացվող ծրագրի բովանդակության, դրանից օգտվելու հնարավորությունների, ծրագրի արդյունավետության մասին, պատասխանեցին ներկաների կողմից գյուղատնտեսության և բուսաբուծության ոլորտներին առնչվող հարցերին։ Ըստ ներկայացվածի՝ ՀՀ կառավարության 2024 թվականի մարտի 14-ի հերթական նիստում որոշում է կայացվել պետական աջակցության ծրագրերի շրջանակներում հաստատել «Բուսաբուծության աջակցության ծրագիրը», որը կխթանի գարնանացան հացահատիկային
Հիմք ընդունելով ՀՀ կառավարության 01.09.2022թ. «Համայնքային մասհանումների ծախսման ծրագրով նախատեսված միջոցառումների ուղղությունները, դրանց առաջնահերթությունները հաստատելու մասին» N 1370-Ն որոշմամբ սահմանված ուղղությունները, նախատեսվում է Գեղարքունիքի մարզում «Գեոպրոմայնինգ գոլդ» ՍՊԸ-ի կողմից 2021 թվականին պետական բյուջե վճարված ռոյալթիներից օրենքով սահմանված 2%-ի չափով մասհանումներ հատկացնել ազդակիր Վարդենիս համայնքի Սոթք, Տրետուք, Կուտական և Կախակն բնակավայրերին: Այդ նպատակով որոշվեց 185 միլիոն 144,2 հազար դրամ հատկացնել Վարդենիս համայնքին՝ Սոթք բնակավայրում՝ ոռոգման ցանցի կառուցման, Տրետուք բնակավայրում՝ ճանապարհի ասֆալտապատման, Կուտական բնակավայրում՝ ոռոգման արտաքին ցանցի կառուցման և Կախակն բնակավայրում՝ ճանապարհի ասֆալտապատման համար։
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 28.03.2024
Գեղարքունիքի մարզի Վարդենիս համայնքի Ավազան գյուղում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում խմելու ջրատարի արտաքին ցանցի գլխամասային հատվածում կառուցվել է 5 աղբյուրակապ՝ դրենաժային համակարգով։ 57․Ավազանի խմելու ջրի մատակարարման համակարգի կառուցման ծրագրի պայմանագրային արժեքը կազմում է 28 միլիոն 680 հազար դրամ, որի 70 տոկոսը ՀՀ կառավարության, 30 տոկոսը՝ Վարդենիսի համայնքապետարանի մասնաբաժինն է։ Ծրագրի իրականացման արդյունքում կառուցվել է դրենաժային համակարգով աշխատող 5 աղբյուրակապ եւ 210 գծամետր երկարության խողովակաշար։․․․
Մեկնարկեց ֆուտզալի Գեղարքունիքի մարզային առաջնությունը 27.03.2024
Մարտի 26-ին մեկնարկեց ֆուտզալի Գեղարքունիքի մարզային առաջնությունը, որին հայտավորվել են Վարդենիսի, Մարտունու, Գավառի համայնքապետարանների, ՆԳՆ ոստիկանության Գեղարքունիքի մարզային վարչություն, ՆԳՆ Գեղարքունիքի մարզային փրկարարական վարչության, Գեղարքունիքի մարզի 1-ին ատյանի ընդհանուր իրավասության դատարանի, 2-րդ բանակային կորպուսի և Գեղարքունիքի մարզպետի աշխատակազմի թիմերը։ Վիճակահանությամբ թիմերը բաժանվել են 2 խմբի: Ա ենթախմբում հանդես կգան Վարդենիսի համայնքապետարանի, Մարտունու համայնքապետարանի, մարզային փրկարարական վարչության և Գեղարքունիքի մարզի 1-ին ատյանի ընդհանուր իրավասության դատարանի թիմերը: Բ ենթախմբում հայտնվել են Գավառի համայնքապետարանի, 2-րդ բանակային կորպուսի, ՆԳՆ ոստիկանության Գեղարքունիքի մարզային վարչության և Գեղարքունիքի մարզպետի աշխատակազմի թիմերը: Առաջնությունն անցկացվելու է Գավառի Գրիշա Վահանի Ափրոյանի անվան մարզադպրոցում:․․․
ՀՀ Գեղարքունիքի մարզպետ Կարեն Սարգսյանի շնորհավորանքի խոսքը Թատրոնի միջազգային օրվա առթիվ 27.03.2024
Հարգելի հայրենակիցներ, այսօր նշվում է թատրոնի միջազգային օրը, ինչը լավագույն առիթ է` հիշելու աշխարհով մեկ ճանաչում գտած թատերագիրներին ու թատերական արվեստի ներկայացուցիչներին, ոգևորվելու մարդասիրական գաղափարներով, գեղեցիկի ու վեհի զգացումով։ Թատերական արվեստը հայ իրականության մեջ սկիզբ է առել հազարամյակների խորքից և այսօր էլ մնում է մեր նախասիրություններից ու առօրյայից անբաժան։ Իսկ Գավառի պետթատրոնի ավելի քան մեկուկեսդարյա գոյությունը մեզանում ավելի հարգի է դարձնում արվեստի այս կարևորագույն ճյուղը։ Ավելորդ չէ նշել, որ այստեղ հանդիսատեսին իրենց բարձրարվեստ խաղով հիացրել են հայ բեմի հանրաճանաչ դերասանները, և մեր ջանքերն այժմ ուղղված են նրան, որ այդ ավանդույթը մնա շարունակական, ինչի վկայությունը մեր նախաձեռնությամբ հաճախակի կազմակերպվող հյուրախաղերն են` մայրաքաղաքի հանրահայտ թատրոնների մասնակցությամբ։
Գեղարքունիքի մարզպետ Կարեն Սարգսյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը, որի կազմում են ԱԺ բոլոր խմբակցությունների ներկայացուցիչները: Հանդիպմանը մասնակցել է նաև Հայաստանում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին։ Կարևորելով Հայաստանի և Ֆրանսիայի միջև ձևավորված ամուր կապերը` մարզպետը ներկայացրել է Գեղարքունիք-Իզեր բազմաոլորտ համագործակցությունը, ինչպես նաև Ադրբեջանական ագրեսիայի հետևանքնով առաջացած խնդիրները ու դրանց կարգավորման տարբերակները:
