Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ԻՐԱԶԵԿՈՒՄ 22.11.2024
Հայաստանի Հանրապետության կառավարության 2024 թվականի օգոստոսի 22-ի N 1392-Լ որոշմամբ հաստատված՝ «Մթերատվության բարձրացման փորձնական ծրագրի» շրջանակներում նախատեսվում է պետական աջակցություն ցուցաբերել կովերի արհեստական սերմնավորման գործընթացին՝ յուրաքանչյուր սերմնավորման համար փոխհատուցելով 10 հազար դրամ (5 հազար դրամը կվճարի անասնատերը)։ Ծրագրի համաձայն, ՀՀ Գեղարքունիքի մարզում նախատեսվում է 2025 թ․-ին սերմնավորել 3500, իսկ 2026 թ․-ին՝ 4650 կովեր։ 2025 թվականին մարզում կովերի արհեստական սերմնավորումն իրականացնելու նպատակով ընդունվում են հայտեր սերմնավորման ծառայություններ մատուցող կազմակերպություններից: Ելնելով վերոգրյալից 10 աշխատանքային օրվա ընթացքում, մասնակցության վերաբերյալ հայտը էլեկտրոնային տարբերակով միաժամանակ կարող եք ներկայացնել և՛ մարզպետի աշխատակազմ, և՛ համայնք կամ բնակավայր՝ Մանրամասները՝ http://gegharkunik.mtad.am/files/announcements/18236.pdf
Գեղարքունիքի մարզպետ Կարեն Սարգսյանն ընդունեց ֆրանսիական «Բժշկական օգնություն և զարգացում» կազմակերպության փոխնախագահ Բեռնար Զենատտիին և ծրագրերի պատասխանատու Ժան-Կլոդ Ռոսսեին։ Հանդիպման ընթացքում կողմերը քննարկեցին Ֆրանսիայի Հանրապետության Իզերի դեպարտամենտի և Հայաստանի Հանրապետության Գեղարքունիքի մարզպետի աշխատակազմի միջև ստորագրված համագործակության պայմանագրի շրջանակներում առողջապահության ոլորտում իրականացվող ծրագրերի ընթացքն ու առաջիկա անելիքները։ Նոյեմբերի 19-ին Իզերի դեպարտամենտի առոջապահության ոլորտի պատասխանատուները մարզպետի տեղակալ Ջանիկ Բազեյանի և մարզպետի աշխատակազմի համապատասխան ստորաբաժանման ներկայացուցիչների ուղեկցությամբ շրջայց են կատարել համագործակցության շրջանակներում արդեն իսկ վերանորոգված և վերազինված Գանձակի ԱԱՊԿ, Ծովինարի և Կարմիրգյուղի բուժամբուլատորիաներ և գոհ ու տպավորված մնացել իրականացված աշխատանքներից։ Աշխատանքային խումբն այցեցել է նաև Վերին Գետաշենի բուժամբուլատորիա, որի շենքը, ըստ 2024 թվականի նոյեմբերի 5-ից 9-ի մարզպետի Ֆրանսիա կատարած․․․
ՀՀ կառավարության 2024 թվականի նոյեմբերի 21-ի հերթական նիստում որոշում է կայացվել Գեղարքունիքի մարզին հատկացնել 398 միլիոն 096,2 հազար դրամ՝ մի շարք ավտոճանապարհների, տրանսպորտային օբյեկտների վերակառուցման, և վերանորոգման, նախագծանախահաշվային փաստաթղթերի ձեռքբերման համար։ Այդ թվում՝ 71 միլիոն 778,8 հազար դրամ հատկացվել է Մ-10, Սևան-Մարտունի-Գետափ միջպետական նշանակության ավտոճանապարհի 1,5 կիլոմետր հատվածի վերակառուցման համար։ 102 միլիոն 925,7 հազար դրամ՝ Հ-29, Սևան-Ծաղկունք-Զովաբեր հանրապետական նշանակության ավտոճանապարհի 18,2 կիլոմետր հատվածի հիմնանորոգման համար։ 201 միլիոն 748,2 հազար դրամ՝ Տ-4-13, /Հ-39/ (Գավառ)-Գանձակ-Սարուխան-Գեղարքունիք ավտոճանապարհի 12,9 կիլոմետր հատվածի հիմնանորոգման համար։ 20 միլիոն 406,0 հազար դրամ՝ Մ-10, Սևան-Մարտունի-Գետափ միջպետական նշանակության ավտոճանապարհի 21,5 կիլոմետր հատվածում գտնվող փլուզված հողային պաստառի շեպի վերականգնման համար։ 1 միլիոն 237,5 հազար դրամ՝ Հ-30, /Մ-4/-Ճամբարակ-/Հ-7/ հանրապետական նշանակության ավտոճանապարհի 25 կիլոմետր հատվածում քարաթափման աշխատանքների իրականացման նպատակով նախագծանախահաշվային փաստաթղթերի ձեռքբերման համար։ ՀՀ կառավարություն
ՀՀ կառավարության 2024 թվականի նոյեմբերի 21-ի հերթական նիստում որոշում է կայացվել ՀՀ պետական բյուջեից 432 միլիոն 913,1 հազար դրամ հատկացնել Գեղարքունիքի մարզում 300 դպրոցի և 500 մանկապարտեզի կառուցման, վերակառուցման, հիմնանորոգման ծրագրերի շրջանակներում իրականացվող աշխատանքների համար։ Այդ թվում՝ 82 միլիոն 237,30 հազար դրամ հատկացվել է Գեղարքունիքի մարզի ,,Գագարինի միջնակարգ դպրոց,, ՊՈԱԿ-ում նոր մարզադահլիճի կառուցման համար։ 53 միլիոն 200, 60 հազար դրամ՝ «Վերին Գետաշենի թիվ 2 միջնակարգ դպրոց» ՊՈԱԿ-ի մարզադահլիճի վերակառուցման համար։ 214 միլիոն 046,30 հազար դրամ՝ Գեղարքունիքի մարզի Աստղաձոր բնակավայրում «Մոդուլային» տիպի 144 տեղ հզորությամբ մսուր-մանկապարտեզի նոր շենքի կառուցման համար։ 78 միլիոն 428,90 հազար դրամ՝ «Ջիլի միջնակարգ դպրոց» ՊՈԱԿ-ի նոր շենքի կառուցման համար։ 5 միլիոն դրամ՝ Գեղարքունիքի մարզի Վաղաշենի միջնակարգ դպրոցի հիմնանորոգման ծրագրի համար։ ՀՀ կառավարություն
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 19.11.2024
Նոյեմբերի 19-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը, որի ընթացքում քննարկվեցին Վերին Շորժա տանող հիմանորոգված ճանապարհի նկատված թերությունների վերացման, Ձորավանք-Ճամբարակ-Դրախտիկ հանրապետական նշանակության ավտոճանապարհի միջին նորոգման հետ կապված հարցեր։ Օրակարգում էին նաև Ճամբարակի թիվ 3 մանկապարտեզի հիմնանորոգումը, Աստղաձորի և Բերդկունքի մանկապարտեզների, ինչպես նաև Սևանի երաժշտական դպրոցի, Լճափի առողջության առաջնային պահպանման կենտրոնի շենքի, Գագարինի, Ակունքի և Վերին Գետաշենի միջնակարգ դպրոցների մարզադահլիճների կառուցման ընթացքի հետ կապված հարցեր։ Կարեն Սարգսյանն անդրադարձավ Գավառ քաղաքի Ազատություն փողոցի կոյուղու խցանումների հետ կապված խնդրին, ինչի հետևանքով կեղտաջրերը հաճախակի ողողում են հիմնանորոգված ճանապարհը՝ հակասանիտարական ու վթարային վիճակ ստեղծելով։․․․
Մարզերում առաջնահերթ լուծում պահանջող հիմնախնդիրների շրջանակներում՝ ՀՀ կառավարության 2024 թվականի նոյեմբերի 15-ի հերթական նիստում որոշում է կայացվել ՀՀ պետական բյուջեից Հայաստանի Տարածքային Զարգացման Հիմնադրամին հատկացնել 28․0 միլիոն դրամ՝ Սևան համայնքի Վարսեր բնակավայրի սանիտարահիգենիկ անբարենպաստ վիճակի բարելավմանն ուղղված աշխատանքներն իրականացնելու համար։
