Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գնել Սանոսյանը Գեղարքունիքի մարզպետի շնորհակալագրով խրախուսեց ուժային եռամարտի մրցանակակիրներին 20.06.2019
Հունիսի 20-ին Գեղարքունիքի մարզպետ Գնել Սանոսյանն ընդունեց 2019 թվականի մայիս ամսին Ուկրաինայի Լուցկ քաղաքում կայացած ուժային եռամարտի 2019 թվականի աշխարհի 19-րդ առաջնությունում Հայաստանի Հավաքականի կազմում Գեղարքունիքի մարզը ներկայացրած եւ մրցանակային տեղեր զբաղեցրած մարզիկներին և նրանց մարզիչներին: Մրցանակակիր 13 մարզիկներից 2-ը՝ Հայրավանք համայնքից Նվեր Հովհաննիսյանը և Ալբերտ Դադիկյանը, արժանացել են առաջին մրցանակի և գրանցել ռեկորդային ցուցանիշներ: Նույն համայնքը ներկայացնող Ջիվան Հովհաննիսյանը, Վահան Բուդաղյանը, Վահե Բուդաղյանը , Խաչիկ Թադևոսյանը, Մեսրոպ Հովսեփյանը, Խորեն Հարությունյանը, Արման Հայրապետյանը, Գավառից՝ Գևորգ Աֆրիկյանը, Սևանից՝ Վարազդատ Հակոբյանը և Սամվել Հունանյանը, ևս արժանացել են առաջին մրցանակի, իսկ Հայրավանքից Արշակ Հայրապետյանը գրավել է երկրորդ տեղը:
Գեղարքունիքի մարզպետն ընդունեց ՄԱԿ-ի մանկական հիմնադրամի ներկայացուցիչներին 20.06.2019
Հունիսի 20-ին Գեղարքունիքի մարզպետ Գնել Սանոսյանն ընդունեց ՄԱԿ-ի մանկական հիմնադրամի ներկայացուցիչ Տանյա Ռադոչային եւ Երեխայի պաշտպանության ծրագրերի ղեկավար Հայկ Խեմչյանին: Ինչպես հանդիպման սկզբում նշեց Տանյա Ռադոչայը, նախկինում ՄԱԿ-ի մանկական հիմնադրամը Գեղարքունիքի մարզպետարանի հետ համագործակցությամբ ծրագրեր է իրականացրել մարզում, մասնավորապես, կրթակական, առողջապահական ու երեխաների իրավունքների պաշտպանության ոլորտներում, իսկ այժմ մարզպետարանի հետ կազմակերպությունը քննարկելու է նոր ծրագրերի իրականացման գաղափարներն ու հեռանկարները: «Մենք ցանկություն ունենք ձեր մարզում նոր ծրագրեր իրականացնելու «Եվրամիությունը հանուն քաղաքացիների» ծրագրի շրջանակներում: Այդ ծրագրի բաղադրիչներից մեկը նախատեսում է մանկապարտեզների ստեղծում հեռավոր ու սակավ բնակչություն ունեցող գյուղերում:
Գեղարքունիքի մարզպետն այց կատարեց մարզի սահմանապահ դիրքերից մեկում 20.06.2019
Հունիսի 19-ին Գեղարքունիքի մարզպետ Գնել Սանոսյանը մարզի ուժային կառույցների ղեկավարների ուղեկցությամբ այց կատարեց մարզի սահմանապահ դիրքերից մեկում՝ ծանոթանալով սահմանապահների առօրյա խնդիրներին ու կենցաղային պայմաններին:
Հունիսի 20-ին Գեղարքունիքի մարզպետարանում ստորագրվեց համագործակցության հուշագիր՝ Գեղարքունիքի մարզպետարանի,Կայուն զարգացման նախաձեռնությունների «Աստղացոլք» հասարակական կազմակերպության և Հաշմանդամություն ունեցող անձանց հարցերով զբաղվող ազգային պլատֆորմի միջև՝ «ՀԻՄԱ հանրային միջոցները՝ հանուն երեխաների իրավունքների պաշտպանության» ծրագրի շրջանակներում, որն ուղղված է Հայաստանում երեխայի պաշտպանության համակարգի զարգացմանը: Գեղարքունիքի մարզպետարանը, ի դեմս մարզպետ Գնել Սանոսյանի, «Աստղացոլք» ՀԿ-ն, ի դեմս նախագահ Իրինա Հովհաննիսյանի, մի կողմից, Պլատֆորմը, ի դեմս Սուրեն Մաղաքյանի, հուշագրի կնքմամբ հաստատեցին, որ պատրաստ են համատեղ ուժերով նպաստել մարզում երեխայի պաշտպանության համակարգի զարգացմանը։ Կողմերը համաձայնության եկան՝ համագործակցել Գեղարքունիքի մարզում կյանքի դժվարին ...
Գեղարքունիքի մարզպետը դիտարկեց մարզում մեկնարկած սուբվենցիոն առաջին ծրագրի ընթացքը 19.06.2019
Գեղարքունիքի մարզում ՀՀ կառավարության կողմից իրականացվող սուբվենցիոն ծրագրերի մեկնարկը տրվեց Գեղհովիտ համայնքից, որտեղ նույն ծրագրի շրջանակներում այս պահին ասֆալտապատվում է գյուղի կենտրոնական փողոցը՝ մոտ 800 մետր երկարությամբ ու շուրջ 5000 քառակուսի մետր մակերեսով: Մարզում մեկնարկած սուբվենցիոն առաջին ծրագրի իրականացման ընթացքին տեղում ծանոթացավ Գեղարքունիքի մարզպետ Գնել Սանոսյանը: Մարզպետը դիտարկում անցկացրեց շինհրապարակում՝ համապատասխան ցուցումներ տալով շինարարներին ու հրահանգեց՝ խստիվ պահպանել շինարարության որակը, նպատակային ծախսել տրամադրված միջոցները:Շրջայցից հետո Գնել Սանոսյանը ներկայացրեց մարզում իրականացվող սուբվենցիոն մյուս ծրագրերի մասին ամփոփ տեղեկատվություն: §Մենք ՀՀ կառավարություն ենք ներկայացրել 112 սուբվենցիոն ծրագիր,
Գնել Սանոսյանը շնորհավորեց Գեղհովիտ և Ծովասար համայնքների վերընտրված ղեկավարներին 18.06.2019
Հունիսի 18-ին Գեղարքունիքի մարզպետ Գնել Սանոսյանն ընդունեց 2019 թվականի հունիսի 9-ին կայացած ՏԻՄ ընտրությունների արդյունքում վերընտրված Գեղհովիտ համայնքի ղեկավար Վարդան Պողոսյանին և Ծովասար համայնքի ղեկավար Արտաշես Մխիթարյանին: Մարզպետը շնորհավորեց նրանց՝ համայնքի ղեկավարի պարտականությունները կրկին ստանձնելու կապակցությամբ՝ մաղթելով ձեռքբերումներով լի աշխատանք և հաջողություններ: « Անկախ այն հանգամանքից, որ դուք առաջին անգամ չեք ընտրվում համայնքի ղեկավարի պաշտոնում, պետք է վերագնահատեք ձեր նախորդ ընտրաշրջանի աշխատանքային ուղին, վեր հանեք արված և չարված աշխատանքները և հետամուտ լինեք՝ բաց թողածը լրացնելու: Երկու համայնքում էլ այս տարի սուբվենցիոն կարևոր ծրագրեր են իրականացվում: Պետք է ուշադրություն դարձնեք դրանց ընթացքին, որպեսզի և՛ պետության, և՛ ձեր ղեկավարած համայնքների կողմից կատարված ֆինանսական հատկացումները արդյունավետ կերպով ծառայեն իրենց նպատակին»,- նշեց Գնել Սանոսյանը: Մարզպետը համայնքների ղեկավարների հետ քննարկեց նաև ճանապարհաշինական...
