Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն ընդլայնված խորհրդակցություն անցկացրեց մարզպետարանի աշխատակազմի հետ 10.02.2020
Փետրվարի 10-ին Գեղարքունիքի մարզպետ Գնել Սանոսյանը մարզպետարանի նիստերի դահլիճում անցկացրեց հանդիպում մարզպետարանի կառուցվածքային ստորաբաժանումների, սոցիալական աջակցության տարածքային գործակալությունների բոլոր աշխատակիցների մասնակցությամբ: Հանդիպման սկզբում մարզպետը շնորհակալություն հայտնեց մի շարք ստորաբաժանումների աշխատակիցների՝ համատեղ աշխատանքի, գրանցված հաջողությունների և ձեռքբերումների համար: Մարզպետը խոսեց նաև այն ստորաբաժանումների գործունեության մասին, որոնց աշխատանքներում նկատվում են բացթողումներ: Գնել Սանոսյանն անդրադարձավ մարզպետարանում աշխատանքային կարգապահական ներքին կանոների պահպանմանը՝ հորդորելով մարզպետարանի աշխատակիցներին՝ առաջնորդվել բարձր պատասխանատվությամբ և օրինակելի վարքով: Մարզպետը հանձնարարեց ՍԱՏԳ ղեկավարներին և աշխատակիցներին՝ ապահովել աշխատանքային կատարողական բարձր կարգապահություն և գործակալություն այցելած քաղաքացիների հանդեպ ցուցաբերել հարգալից վերաբերմունք: Գնել Սանոսյանը մարզպետարանի ստորաբաժանումների ղեկավարներին առաջարկեց՝ իրենց ոլորտների...
Ուժեղ քամին նոր վնասներ է հասցրել Գեղարքունիքի մարզի համայնքներում 07.02.2020
Գեղարքունիքի մարզի մի շարք համայնքներում փետրվարի 6-ի եւ 7-ի գիշերային ժամերին գրանցված ուժեղ քամիները նոր վնասներ են հասցրել բնակիչներին եւ տնտեսվարող սուբյեկտներին: Ճամբարակի համայնքապետարանից տեղեկացնում են, որ փետրվարի 6-ին եւ 7-ին գրանցված ուժեղ քամիների հետեւանքով վնասվել է բազմաբնակարան 16 շենքերի տանիքներ՝ մոտ 780 քառակուսի մետր մակերեսով եւ 25 առանձնատների տանիքներ՝ շուրջ 865 քառակուսի մետր մակերեսով: Վնասվել են նաեւ հանրային նշանակության յոթ շենքերի տանիքներ՝ 120 քառակուսի մետր մակերեսով: Մասնակի քանդվել են նաեւ Ճամբարակի թիվ 1 եւ 2 հիմնական, Թթուջուր գյուղի միջնակարգ դպրոցների տանիքները, փլվել է 1 անասնագոմի պատ՝ 70 քառակուսի մետր մակերսով: Վնասվել է Ճամբարակ քաղաքի լուսավորվածության ցանցը 1800 գծամետր երկարությամբ, շարքից դուրս եկել ԼԵԴ տեսակի 25 լամպ, 8 թողարկիչ սարք: Գավառի քաղաքապետարանից ստացված տեղեկատվության համաձայն՝ փետրվար 6-ի գիշերային ժամերին Գավառ քաղաքում քամին վնասել է բազմաբնակարան երկու շենքի տանիքներ Ազատության եւ Զորավար Անդրանիկ փողոցներում՝ մասամբ, իսկ այլ փողոցներում գտնվող երկու առանձնատների տանիքներ՝
Գեղարքունիքի մարզից ՀՀ կառավարության քննարկմանն է ներկայացվել 135 սուբվենցիոն ծրագրային հայտ 07.02.2020
ՀՀ Գեղարքունիքի մարզի համայնքներից 2020 թվականի համար ՀՀ կառավարություն է ներկայացվել 135 նպատակային և հիմնավորված սուբվենցիոն ծրագրային հայտ: Դրանցից 35-ը վերաբերում է ներհամայնքային փողոցների ասֆալտապատմանը,11-ը՝ հրապարակների, պուրակների, մայթերի կառուցմանը և եզրաքարերի տեղադրմանը, 32-ը՝ խմելու և ոռոգման ջրագծերի վերանորոգմանը, ջրամատակարարման ցանցերի անցկացմանը, խորքային հորերի մաքրմանը, ջրահեռացման համակարգերի կառուցմանը և վերանորոգմանը, գաբիոնե հենապատի կառուցմանը, 31-ը՝ բազմաբնակարան շենքերի տանիքների և մուտքերի, մանկապարտեզների, դրանց դահլիճների, հանդիսությունների սրահների և համայնքային ճաշարանների վերանորոգմանը, մշակույթի տների եւ մանկապարտեզների գույքի ձեռքբերմանը, խաղահրապարակների կառուցմանն ու կահավորմանը, երաժշտական, արվեստի, մարզադպրոցների և համայնքային կենտրոնների հիմնանորոգմանը, 23-ը՝ փողոցային լուսավորության ցանցերի կառուցմանը
Քամին վնաս է պատճառել Երանոս եւ Ճամբարակ համայնքներում 06.02.2020
Փետրվարի 6-ի գիշերը Գեղարքունիքի մարզում գրանցված ուժեղ քամիները վնաս են պատճառել Երանոս եւ Ճամբարակ համայնքների տնտեսություններին: Ճամբարակի եւ Երանոսի համայնքապետարաններից ստացված տվյալների համաձայն , քամու պատճառած վնասի չափերն ուսումնասիրելու եւ ճշգրտելու նպատակով տեղերում աշխատում են Գեղարքունիքի մարզպետարանի, ՀՀ ԱԻՆ փրկարար ծառության Գեղարքունիքի մարզի փրկարարական վարչության եւ համայնքապետարանների համապատասխան հանձնաժողովները: Ճամբարակ համայնքի ղեկավարի տեղակալ Ռոբերտ Օհանյանի խոսքով, նախնական տվյալներով, քամին Ճամբարակ քաղաքում վնասել է բազմաբնակարան 5 շենքերի տանիքներ: Առավել շատ տուժել է Տիգրան մեծ փողոցի բազմաբնակարան 7-րդ շենքի տանիքը, որտեղ քամին մոտ 50 տոկոսի չափով պոկել է տանիքի փայտյա ու թիթեղյա մասերը: Վնասվել է նաեւ 15-20 առանձնատան եւ հանրային նշանակության մի շարք շինությունների տանիքները: Փլվել է Ճամբարակ համայնքի բնակիչ Վահե Հովհաննիսյանին պատկանող անասնագոմի տանիքը եւ պատերը, ինչի հետեւանքով մանր եղջերավոր անասունների անկում է տեղի ունեցել: Երանոս համայնքի ղեկավար Սաշա Բավեյանի տեղեկացմամբ, քամին վնաս է հասցրել Երանոսի թիվ 2 միջնակարգ դպրոցի շենքի, մեկ անասնապահական համալիրի
Ծաղկունքի գլխատան մաքրման աշխատանքների ժամանակ բացահայտվել է պատմահնագիտական նոր իրողություն 06.02.2020
Ծաղկունք գյուղի գլխատներից մեկի վերականգնման աշխատանքներին նախորդած մաքրման ձեռնարկի արդյունքում, որն իրականացվում է «Դար» հիմնադրամի պատվիրատվությամբ, ի հայտ են եկել ճարտարապետահնագիտական արժեք ներկայացնող այնպիսի նյութեր, որոնք փաստում են տվյալ շինության, ինչպես նաեւ բնակավայրի գործելու շատ ավելի վաղ ժամկետների մասին: Մաքրման աշխատանքների համաղեկավարի տեղեկացմամբ, ճարտարապետության թեկնածու, Ճարտարապետության եւ շինարարության Հայաստանի ազգային համալսարանի դասախոս, վերականգնող ճարտարապետ Դավիթ Նահատակյանը, Ծաղկունքում գտնվող գլխատներից մեկի ներքին հատվածի մաքրման և ուսումնասիրման աշխատանքների ընթացքում, որը տեղի է ունեցել 2019 թվականի հուլիս-օգոստոս եւ հոկտեմբեր ամիսներին, կառույցի վտանգված լինելու պատճառով, անհրաժեշտություն է առաջացել տանիքի եւ հատակին կուտակված հողաշերտը հեռացնել, որի ժամանակ էլ գտնվել են հնագիտական ու ազգագրական արժեք ներկայացնող այնպիսի նյութեր, որոնք ենթակա են եղել ուսումնասիրության: Աշխատանքների համաղեկավար է եղել ՀՀ ԳԱԱ հնագիտության եւ ազգագրության
ՏԿԵ նախարարությունում տեղի է ունեցել միջգերատեսչական քննարկում 05.02.2020
Տարածքային կառավարման և ենթակառուցվածքների նախարարությունում փետրվարի 4-ին տեղի է ունեցել խորհրդակցություն՝ ՏԿԵ նախարար Սուրեն Պապիկյանի Սուրեն Պապիկյան/ Suren Papikyanի, Կրթության, գիտության, մշակույթի և սպորտի նախարար Արայիկ Հարությունյանի, Առողջապահության նախարար Արսեն Թորոսյանի և մարզպետների մասնակցությամբ: Հանդիպման ընթացքում ոլորտային գերատեսչությունների ղեկավարները մարզպետների հետ քննարկել են միջգերատեսչական հարցեր, որոնք վերաբերել են կրթության և առողջապահության ոլորտի բարեփոխումներին և դրանք տարածքային կառավարման մարմինների հետ փոխգործակցության միջոցով մարզերում իրականացնելու հնարավորություններին: Շարունակելով խորհրդակցությունը՝ նախարար Սուրեն Պապիկյանն անդրադարձել է սպանդանոցների կառուցման հանրային հետաքրքրություն ներկայացնող խնդրին և մարզպետներից հետաքրքրվել նախորդ խորհրդակցության ժամանակ տրված հանձնարարականների կատարման ընթացքից, մասնավորապես՝ ՍԱՏՄ ներկայացուցիչների մասնակցությամբ մարզի տարածքում գործող ֆերմերներին, մսավաճառներին, շահառու այլ խմբերին մեկնարկած գործընթացում
