Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն աշխատանքային այցով եղավ Սոթք բնակավայրում 29.05.2024
Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի, Գեղարքունիքի մարզպետի տեղակալ Վահան Զարոյանի և մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետ Սասուն Սահակյանի ուղեկցությամբ Սոթք բնակավայրում դիտարկեց 2022 թվականի սեպտեմբեր ամսին ադրբեջանական ագրեսիայի հետևանքով հրետակոծությունից քանդված և քանդման ենթակա ճանաչված 4 տների կառուցման աշխատանքները, որոնք իրականացվում են ՀՀ կառավարության կողմից հատկացված ֆինանսական միջոցների հաշվին։ Շինարարական աշխատանքների ընդհանուր արժեքը՝ 120մլն․ 66հազ․ 500 դրամ է, որից 2023թ․-ին ծախսվել է 40մլն․ 82հազ․ 900դրամը։ 2024թ․-ին ՀՀ կառավարության որոշման համաձայն թվով 4 տների կառուցման աշխատանքները ավարտելու նպատակով հատկացվել է ևս 79մլն․ 983հազ․ 610 դրամ։Աշխատանքները մեկնարկել են 2023թ․-ի նոյեմբերից և ավարտի կհասցվեն 2024 թվականի դեկտեմբերին։․․ ․․
Մայիսի 29-ին Գեղարքունիքի մարզպետ Կարեն Սարգսյանը Մարտունու համայնքապետարանում կատարեց քաղաքացիների ընդունելություն։ Քաղաքացիները մարզպետին դիմեցին դրամական օգնության, բնակարան կառուցելու նպատակով տնամերձ հողամասի ձեռքբերման, ձեռնարկատիրական գործունեություն սկսելու նպատակով հողի կարգի փոփոխության, պետպատվերի շրջանակներում բուժում ստանալու խնդրանքով, այլ հարցերով։ Բոլոր դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։ Հարգելի՛ քաղաքացիներ, մարզպետի մոտ ընդունելությանը մասնակցելու համար անհրաժեշտ է նախապես հերթագրվել՝ զանգահարելով 060-65-06-12 հեռախոսահամարին :
Հարգելի՛ հայրենակիցներ, շնորհավորում եմ Հայաստանի առաջին հանրապետության օրվա առթիվ: 1918թ. մայիսի 28-ին մեր ժողովրդի հավաքական կամքի ու անկոտրում ոգու շնորհիվ իրականություն դարձավ անկախ պետականությունը վերականգնելու հայոց դարավոր իղձը: 106 տարի առաջ՝ մայիսի 28-ին Հայաստանի Հանրապետության հռչակումը տրամաբանական շարունակությունն էր Սարդարապատի, Բաշ-Ապարանի և Ղարաքիլիսայի ճակատամարտերում մեր ժողովրդի մղած հիրավի հերոսական պայքարի: Բախտորոշ այդ իրադարձությունը հնարավորություն տվեց դարերի ընդմիջումից հետո վերականգնելու հայոց անկախ պետականությունը, նոր հեռանկարներ բացեց մեր պետության հետագան սեփական ուժի զորությամբ կերտելու, աշխարհի հետ ներդաշնակ զարգացման ուղին ոտք դնելու համար: Այդ ամենը ձեռք բերվեց նաև ազգային միասնության, ազատության ու անկախության, ինքնիշխան պետականության գաղափարների շուրջ մեր ժողովրդի բացառիկ համախմբվածության շնորհիվ: Եվ անկասկած մայիսի 28-ը մեր պատմության ամենապայծառ էջերից է։
Մոնթե Մելքոնյանի անվան ռազմամարզական վարժարանի հետ ունեցած համագործակցության շրջանակներում Գեղարքունիքի մարզպետ Կարեն Սարգսյանի նախաձեռնությամբ և աջակցությամբ Վարդենիս համայնքի հանրակրթական տարբեր դպրոցների 9-րդ դասարաններում սովորող տղաները, իրենց ծնողների ու ՆԶՊ առարկան դասվանդող ուսուցիչների ուղեկցությամբ, ճանաչողական այցով եղել են Մոնթե Մելքոնյանի անվան ռազմամարզական վարժարանում։ Այցի ընթացքում դպրոցականները հանդիպել են վարժարանի տնօրենության հետ, կազմակերպել զրույց, հնարավորություն ստացել շրջայց կատարել վարժարանում, ծանոթանալ առկա պայմաններին և հնարավորություններին։ Հանդիպելով տեղի սաների հետ՝ դպրոցականները անմիջական զրույց են ունեցել նրանց հետ, ծանոթացել նաև վարժարանի առօրյային, անցուդարձին, ստացել իրենց հետաքրքրող հարցերի պատասխանները։ Հանդիպման ավարտին 9-րդցիները վարժարանի ճաշարանում հրավիրվել են ճաշի։
Տոնական միջոցառումներ՝ Հայաստանի Առաջին Հանրապետության տոնի առթիվ 28.05.2024
Մայիսի 28-ին, Հայաստանի Առաջին Հանրապետության տոնի առթիվ, Գեղարքունիքի մարզային և համայնքային ենթակայությամբ գործող կրթամշամշակութային մի շարք հաստատություններում կազմակերպվել են տոնական ցերեկույթներ, գրական-երաժշտական միջոցառումներ, որոնց ընթացքում հանդես են եկել տվյալ հաստատությունների երգի, պարի, գործիքային խմբերը, մենակատարներ, ցուցադրվել են շնորհալի սաների ձեռքի լավագույն աշխատանքները։
2024 թվականի մայիսի 24-ին Գավառի Պ․ Ղանդիլյանի անվան N2 միջնակարգ դպրոցում տեղի է ունեցել ՀՀ դպրոցականների շախմատի 18-րդ օլիմպիադայի Գեղարքունիքի մարզային փուլի մրցումները, որին մասնակցել են համայնքային փուլում հաղթող ճանաչված Գավառի N5, Ճամբարակի N1, Վարդենիսի N3 հիմնական, Զովաբերի միջնակարգ դպրոցների և Վարդենիկի կրթահամալիրի հավաքական թիմերը: Օլիմպիադայի նպատակն նպաստել դպրոցականների շրջանում շախմատ մարզաձևի զարգացմանը, շախմատ մարզաձևը նպատակաուղղելու սովորողների բարոյաֆիզիկական և հոգևոր հատկանիշների դաստիարակմանը, ինչպես նաև ի հայտ բերել շնորհալի մարզիկներին՝ նրանց հետագա մարզական կատարելագործումն ապահովելու համար: Մրցումները անցկացվել են ՖԻԴԵ-ի արագ շախմատի կանոններով, շրջանաձև: Խաղացողին տրվել է 10 րոպե մինչև խաղի ավարտը՝ յուրաքանչյուր քայլի համար 5 վայրկյան հավելումով: Գլխավոր մրցավար՝ Հայաստանի շախմատի ակադեմիայի ներկայացուցիչ Մերուժան Հայրապետյան:․․․
