Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն ընդունել է Գեղարքունիքի մարզային գրադարանի ներկայացուցիչներին 28.02.2025
Հայ մեծանուն բանաստեղծ Հովհաննես Թումանյանի տարեդարձի և գիրք նվիրելու օրվա առթիվ Գեղարքունիքի մարզպետ Կարեն Սարգսյանն իր աշխատասենյակում ընդունել է Վ.Պետրոսյանի անվան Գեղարքունիքի մարզային գրադարանի տնօրեն Մարիամ Համբարձումյանին, ընթերցասրահի բաժնի վարիչ Շուշանիկ Գրիգորյանին և ընթերցողներ` Գավառի պետական համալսարանի սերվիս բաժնի 3-րդ կուրսի ուսանողուհի Նելլի Գրիգորյանին ու Գանձակի թիվ 1 միջնակարգ դպրոցի 11-րդ դասարանի աշակերտ Սիփան Կիրակոսյանին։ Նելլին և Սիփանը «Տարվա լավագույն ընթերցող» ճանաչվածներից են, ովքեր տարվա ընթացքում ակտիվորեն հաճախել են գրադարան, կարդացել մեծաթիվ գրքեր /30-40/ մասնակցել գրադարանի միջոցառումներին, քննարկումներին և ընթերցանության խթանման ծրագրերին։ Մարզպետ Կարեն Սարգսյանը շնորհավորել է ներկաներին՝ Հովհաննես Թումանյանի ծննդյան և այդ առիթով մեր հանրապետությունում նշվող տոնի՝ գիրք նվիրելու օրվա կապակցությամբ,․․․
Գեղարքունիքի մարզպետի տեղակալը քաղաքացիների ընդունելություն անցկացրեց Սևանի համայնքապետարանում 26.02.2025
Փետրվարի 26-ին Գեղարքունիքի մարզպետի տեղակալ Ջանիկ Բազեյանը Սևանի համայնքապետարանում կատարեց քաղաքացիների ընդունելություն։ Ընդունելությանը մասնակցում էր Սևան համայնքի ղեկավարի տեղակալ Արթուր Մարգարյանը, Գեղարքունիքի մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Վանիկ Հարությունյանը, առողջապահության և սոցիալական ոլորտի հարցերի վարչության պետ Լուսինե Վարդանյանը։ Քաղաքացիները դիմում ներկայացրին առողջապահության, սոցիալական ոլորտներում իրենց մտահոգող խնդիրների կարգավորմանն աջակցելու, անձնական բնույթի տարբեր թեմաների շուրջ ։ Ներկայացված դիմումներին պատասխան կտրվի օրենքով սահմանված կարգով և ժամկետում։
Գեղարքունիքի մարզպետ Կարեն Սարգսյանն աշխատանքային այց կատարեց Վարդենիսի ԲԿ 26.02.2025
Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի ուղեկցությամբ աշխատանքային այց կատարեց Վարդենիսի բժշկական կենտրոն, որտեղ ՀՀ պետական բյուջեի «Առողջապահական ոլորտում պետական քաղաքականության մշակում, ծրագրերի համակարգում և մոնիթորինգ» ծրագրի «Առողջապահական համակարգի պետական առևտրային և ոչ առևտրային կազմակերպություններին ֆինանսական աջակցության հատկացում» միջոցառման իրականացման նպատակով հատկացվել է 20 միլիոն ՀՀ դրամ գումար: Դրամաշնորհային ծրագրի շրջանակներում իրականացվում են Վարդենիսի ԲԿ հիվանդանոցային մասնաշենքի մասնակի ներքին հարդարման և ընթացիկ վերանորոգման աշխատանքներ՝ մինչև կմեկնարկի նոր բժշկական կենտրոնի կառուցումը։...
Եկամտային հարկից վերադարձի վերաբերյալ անհրաժեշտ բոլոր տեղեկությունները 25.02.2025
ՀՀ կրթության, գիտության, մշակույթի և սպորտի նախարարության համակարգման ոլորտներում եկամտային հարկից վերադարձի վերաբերյալ անհրաժեշտ բոլոր տեղեկությունները հրապարկված են նախարարության կայքում` www.escs.am: ԿԳՄՍՆ կայքում բացվել է «Սոցիալական կրեդիտ» բաժինը, որն ունի «Նախադպրոցական հաստատություններ», «Հանրակրթական հաստատություններ», «Քոլեջներ», «Բուհեր», «Արտադպրոցական հաստատություններ», «Ոչ ֆորմալ կրթություն», «Ուղեցույցներ» ենթաբաժինները: «Նախադպրոցական հաստատություններ» ենթաբաժնում՝ ըստ մարզերի, ներկայացված են պետական և ոչ պետական նախադպրոցական ուսումնական հաստատությունների, ինչպես նաև ոչ պետական նախադպրոցական կրթական ծրագրեր իրականացնող հաստատությունների ցանկերը: «Հանրակրթական հաստատություններ» ենթաբաժնում՝ ըստ մարզերի, ներկայացված են ՀՀ ոչ պետական դպրոցների ցանկերը, ինչպես նաև դասագրքերի վարձավճարների վերադարձի մասին տեղակատվություն:...
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 24.02.2025
Փետրվարի 24-ին Գեղարքունիքի մարզպետ Կարեն Սարգսյանը մարզպետի աշխատակազմի ստերաբաժանումների ղեկավարների հետ անցկացրեց հերթական աշխատանքային խորհրդակցությունը։ Խորհրդակցության ժամանակ քննարկվեցին միջպետական, հանրապետական, մարզային ու համայնքային նշանակության ճանապարհներին, ինչպես նաև կրթական ու նախակրթկան հաստատությունների մուտքերում ձնամաքարման աշխատանքների կազմակերպման, Շողակաթի միջնակարգ դպրոցի տարածքում նոր մանկապարտեզի շենքի կառուցման հնարավորությունների դիտարկման, համայնքների կողմից տրված շինարարական թույլտվությունների ժամկետների վերաբերյալ մշտադիտարկման իրականացման, Ներքին Գետաշենի թիվ 1 միջնակարգ և Լեռնակերտի հիմնական դպրոցների շինարարական աշխատանքների ավարտի կանխատեսվող արդյունքների, Ջաղացաձորում նոր բուժակմանկաբարձական կետի կառուցման, 2025 թվականին մարզի համայնքներում իրականացվող սուբվենցիոն ծրագրերի մեկնարկի հետ կապված հարցեր։․․․
ՀՀ կառավարության կողմից ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրում իրականացվել են բարեփոխումներ՝ հիմնական պայմաններում կատարելով վերջնական փոփոխությունները, մասնավորապես` 1 անձի գծով տրվող աջակցության չափի և առանձին՝ ավելի բարձր աջակցությամբ բնակավայրերի ցանկերի մասով։ Եթե շահառու ընտանիքն ընտրում է ծրագրի՝ անհատական բնակելի տան կառուցման բաղադրիչը, ապա իրացվող հավաստագրի արժեքում ներառվող անհատական բնակելի տան կառուցման համար նախատեսված հողի նկատմամբ մակերեսի սահմանաչափ չի կիրառվում․ տվյալ դեպքում աջակցությունը սահմանվում է մինչև 4 մլն դրամ՝ 3-ի փոխարեն։ ՀՀ Գեղարքունիքի մարզում սահմանվել է 4 մլն դրամ սահմանաչափով բնակավայրերի նոր ցանկ, որում ներառվել են մարզի Ճամբարակ և Վարդենիս համայնքների 39 բնակավայրեր։․․․
