Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կհիմնանորոգվեն Սեւան քաղաքի Նալբանդյան եւ Գրիբոեդով փողոցները 12.05.2020
Միջգերատեսչական հանձնաժողովի հերթական նիստում հաստատվել է ՀՀ կառավարության կողմից իրականացվող «Սեւան համայնքի Գրիբոեդով եւ Նալբանդյան փողոցների ասֆալտբետոնյա ծածկույթի հիմնանորոգում» ծրագիրը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից ստացված տվյալների համաձայն, ծրագրի ընդհանուր արժեքը կազմել է 104 միլիոն 39 հազար դրամ, որի 60 տոկոսը կամ 62 միլիոն 423 հազար դրամը հատկացնում է ՀՀ կառավարությունը, 41 միլիոն 615 հազար դրամը՝ Սեւանի համայնքապետարանը: Գրիբոեդով փողոցում հիմնանորոգումը կիրականացվի 546, Նալբանդյան փողոցում՝ 1230 գծամետր երկարությամբ ճանապարհ: «Ասֆալտապատման աշխատանքներին զուգահեռ՝ նույն փողոցներում նախատեսված են եզրաքարերի քանդման ...
«Թանկագին բուժքույրեր, ընդունեք իմ ջերմ շնորհավորանքը բուժքույրերի միջազգային օրվա կապակցությամբ։ Օրը լավ առիթ է երախտիքի անկեղծ խոսքեր հղելու բոլոր այն բուժքույրերին, ովքեր մեծ նվիրումով են կատարում մասնագիտական իրենց պարտքը։ Դուք նեցուկ եք լինում հիվանդին, ձեր ժպիտով ու բարի վերաբերմունքով նպաստում նրա ապաքինմանը։ Առանց ձեզ կիսատ կլինի բժշկիկի գործը, առաջին օղակն եք, ում հետ բժիշկը կիսում է իր հաղթանակներն ու դժվարությունները։ Հատկապես անգնահատելի է ձեր դերը այս օրերին, երբ յուրաքանչյուր բուժաշխատող լծված է համավարակի հաղթահարման գործին։ Մաղթում եմ ձեզ քաջառողջություն, ընտանեկան ջերմություն և նորանոր հաջողություններ»:
Սեւանա լճի մակարդակը նախորդ տարվա մայիսի 11-ի համեմատ բարձր է 3 սանտիմետրով 12.05.2020
ՀՀ ԱԻՆ «Հայհիդրոմետ» ծառայությունից ստացված տվյալների համաձայն Սեւանա լճի մակարդակը 2020 թվականի մայիսի 11-ի դրությամբ գտնվում է 1900 մետր, 66 սանտիմետր բարձրության վրա: Նույն աղբյուրի հավաստմամբ գրանցված նիշը 3 սանտիմետրով բարձր է նախորդ տարվա նույն օրվա նիշից: Այս տարվա հունվարի 9-ից մինչեւ մայիսի 11-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 78 միլիոն 497 հազար խորանարդ մետր ջուր: Սեւան թափվող գետերում դիտվել է ջրի ելքերի մեծացում: Արգիճի գետի ջրի ելքը մայիսի 11-ի առավոտյան կազմել է 34, Մասրիկի ելքը՝ 15,6, Գավառագետի ելքը՝ 14,9 խորանարդ մետր վայրկյան: Սեւան թափվող գետերն առայժմ հեռու են իրենց վտանգավոր ելքերից, հավաստում են ՀՀ ԱԻՆ «Հայհիդրոմետ» ծառայությունից:
Վաղաշենում այս տարի կիրականացվի սուբվենցիոն երեք ծրագիր 11.05.2020
Գեղարքունիքի մարզի Վաղաշեն գյուղում այս տարի կիրականացվի սուբվենցիոն երեք ծրագիր: Դրանք արդեն հավանության են արժանացել միջգերատեսչական հանձնաժողովի կողմից: Ինչպես տեղեկացրեց Գեղարքունիքի մարզպետարանի զարգացման ծրագրերի, զբոսաշրջության և վերլուծության բաժնի պետ Վարդուհի Մնացականյանը, սուբվենցիոն առաջին ծրագրով նախատեսված է բազմաֆունկցիոնալ ամբարձիչ էքսկավատորի ձեռքբերում: Ծրագրի նախահաշվային արժեքը կազմում է 35 միլիոն 500 հազար դրամ, որի 55 տոկոսը կամ 19 միլիոն 525 հազար դրամը հատկացնում է ՀՀ կառավարությունը, 45 տոկոսը կամ 15 միլիոն 975 հազար դրամը՝ Վաղաշենի համայնքապետարանը: Սուբվենցիոն երկրորդ ծրագրով նախատեսվում է գույքի ձեռքբերում համայնքի մանկապարտեզի կարիքների համար: Նույն աղբյուրի տեղեկացմամբ այս ծրագրի նախահաշվային արժեքը կազմում է 15 միլիոն 460 հազար դրամ, որի 55 տոկոսը կամ 8 միլիոն 503 հազար դրամը հատկացնում է ՀՀ կառավարությունը, 45 տոկոսը կամ 6 միլիոն 957 հազար դրամը՝ Վաղաշենի համայնքապետարանը...
ՀՀ Գեղարքունիքի մարզպետ Գնել Սանոսյանի շնորհավորանքի խոսքը մայիսիննյան հաղթանակների առթիվ 09.05.2020
Սիրելի հայրենակիցնե՛ր, Հայրենական Մեծ պատերազմի եւ Արցախյան ազատամարտի թանկագի՛ն վետերաններ. Հայրենական Մեծ պատերազմի հաղթական ավարտը մեր ժողովրդի առջեւ բացեց խաղաղ ստեղծագործ աշխատանքի, երկրի շենացման եւ պատմական վերածննդի նոր դարաշրջան: Հարյուր հազարավոր հայորդիներ Խորհրդային բանակի շարքերում իրենց կյանքը նվիրաբերեցին սպասված հաղթանակի կերտման գործին` տալով հայրենասիրության ու անձնազոհության բացառիկ օրինակներ: 1992թ.-ին մեր տոնացույցում ավելացավ ևս մեկ փառահեղ տոն: Հայ ազգը, դառնալով մեկ բռունցք, հերոսություն ու արիություն ցուցաբերելով՝ ազատագրեց Շուշին: Մեզ պարտադրված պատերազմում ևս մեկ անգամ ապացուցեցինք, որ միշտ պատրաստ ենք պաշտպանել մեր ժողովրդի խաղաղ ապրելու իրավունքը: Մայիսի 9-ը համայն հայության հաղթական ոգու տոնն է, մեր հարատեւության ու հպարտության տոնը: Հավերժ փառք ու պատի՛վ մեր նվիրյալ հայորդիներին: Փա՛ռք հերոսական հայ ժողովրդին, Փառք ու պատի՛վ Հայրենական մեծ պատերազմի վետերաններին, Փառք ու պատի՛վ Արցախյան հերոսամարտի քաջ մարտիկներին: Գեղարքունիքի մարզպետ Գնել Սանոսյան
Հիշում ենք և խոնարհվում 09.05.2020
Մայիսի 9-ին, Հայրենական Մեծ Պատերազմում տարած հաղթանակի 75 և Շուշիի ազատագրման 28-րդ տարեդարձերի առթիվ, Գավառ քաղաքի Հայրենական Մեծ պատերազմի և Արցախյան հերոսամարտի զոհերի հիշատակն հավերժացնող հուշարձաններին ծաղկեպսակ դրեցին և ծաղիկներ խոնարհեցին Գեղարքունիքի մարզպետ Գնել Սանոսյանը, Գեղարքունիքի մարզպետի տեղակալ Նարեկ Գրիգորյանը, Գավառի քաղաքապետ Գուրգեն Մարտիրոսյանը, Գեղարքունյաց թեմի հոգևոր դասի ներկայացուցիչներ: Հուշարձանի մոտ հոգևոր հայրերը հնչեցրին տերունական աղոթք՝ ի հիշատակ հայրենիքի համար մարտնչած հերոսների: Գեղարքունիքի մարզպետ Գնել Սանոսյանը շնորհավորեց Մեծ Հայրենականի և Շուշիի ազատագրաման պայքարում մարտնչած հերոսներին` մաղթելով նրանց խաղաղ երկինք, առողջ ու երջանիկ կյանք: «Ես այսօր հայցում եմ Մեծ Հայրենականի և Շուշիի ազատագրման պայքարում կռիվ տված և հերոսացած քաջորդիների ներողամտությունը, քանզի երկրում տիրող արտակարգ դրությամբ պայմանավորված`մենք իրավունք չունեինք մեծ հավաքույթ կազմակերպել: Անընդհատ մեր պապերի, մեր հերոսների սխրանքները հիշելով...
