Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառի ծննդատանը լույս աշխարհ է եկել արցախցի Մոնթեն 19.10.2020
Հոկտեմբերի 19-ին Գեղարքունիքի մարզպետ Գնել Սանոսյանն այցելեց Գավառի հիվանդանոցի ծննդաբերական բաժանմունք՝ տեսակցելու հոկտեմբերի 16-ին այստեղ լույս աշխարհ եկած արցախցի Մոնթեին: Նորածինն Էդգար և Արևիկ Ավդալյանների 4-րդ երեխան է: Ընտանիքը մարզում ապահովված է կեցության համար անհրաժեշտ պայմաններով: Մարզպետ Գնել Սանոսյանը հետաքրքրվեց նորածնի առողջական վիճակով և Հայոց բանակի ապագա զինվորին մաղթեց երջանիկ ու ապահով մանկություն:
Վարդենիկ համայնքը շարունակում է աջակցել առաջնագծին 19.10.2020
Արցախյան պատերազմի առաջին օրերից Գեղարքունիքի մարզի Վարդենիկ համայնքի բնակիչները, արտերկրում բնակվող վարդենիկցիները և առանձին բարերարներ նախաձեռնել են աջակցություն ցուցաբերել Արցախին և առաջնագծին: Վարդենիկ համայնքի ղեկավար Հովիկ Հովեյանի տեղեկացմամբ Տյումեն քաղաքի հայ համայնքի կողմից Համահայկական հիմնադրամին է փոխանցվել 14 միլիոն, Հովեյան եղբայրների կողմից՝ 1 միլիոն, Չելյաբինսկ քաղաքի վարդենիկցի երիտասարդների կողմից՝ 300 000 և Պերմ քաղաքից Արմեն Ղումաշյանի կողմից՝ 200 000 ռուբլի, իսկ «ՀՌՈՒԹԱՐԹ» ՍՊԸ տնօրեն Խաչիկ Կարապետյանի կողմից տրամադրվել է 350 հազար, «Գարիկ Կեսոյան» ԱՁ-ի կողմից 200 հազար և Հովիկ Եվրեյանի կողմից 120 հազար դրամ: Վարդենիկցի Հովեյան եղբայրների կողմից նվիրաբերվել է նաև «ՈՒԱԶ» մակնիշի 1 շտապօգնության ավտոմեքենա,իսկ Արթուր Այվազյանի կողմից՝ «ՈՒԱԶ» մակնիշի 2 ավտոմեքենա: Ալթայում բնակվող վարդենիկցի Սուրեն Եղոյանի կողմից տրամադրվել է 15 տոննա կարտոֆիլ,արտերկրում բնակվող վարդենիկցիներ Տիգրան Բադալյանի, Ռուդիկ Մանուկյանի, Մարսել և Էդգար Գաբրիելյանների, ինչպես նաև ...
Արցախյան պատերազմի ընթացքում Արցախին, առաջնագծին ինչպես նաև Արցախից Գեղարքունիքի մարզ տեղափոխված ընտանիքներին զգալի աջակցություն է ցուցաբերել Ծաղկունքի համայնքապետարանը, համայնքի բնակիչները, «Ծաղկունք բաց դպրոց» հիմնադրամը , «ԴԱՐ» տարածաշրջանային զարգացման հիմնադրամը և առանձին բարերարներ: Ծաղկունք համայնքի բնակիչների կողմից տրամադրվել է մոտ 100 հատ անիվ: Համայնքի բնակիչ Յուրա Սարգսյանի և ընկերների կողմից առաջնագծում մարտնչող Հայոց բանակին օգնության կարգով տրամադրվել է սննդի տարբեր տեսակներ , բժշկական առաջին օգնության դեղորայք և այլն: Ծաղկունք համայնքի բնակիչների կողմից Համահայկական Հիմնադրամի հաշվեհամարին է փոխանցվել 440,000 ՀՀ դրամ գումար: «Ծաղկունք բաց դպրոց» հիմնադրամի կողմից 100,000 ՀՀ դրամի շրջանակներում գնվել է սնունդ, հիգիենիկ պարագաներ և ուղարկվել առաջնագիծ , իսկ 50 000 ՀՀ դրամ փոխանցվել է Համահայկական Հիմնադրամի հաշվեհամարին: «Դար» տարածաշրջանային զարգացման հիմնադրամի ֆինանսավորմամբ և ամենօրյա հոգածությամբ Արցախից տեղափոխված բնակիչները, մոտ 155 հոգի, շարունակաբար...
Աջակցում են Արցախից Գեղարքունիքի մարզ տեղափոխված ընտանիքներին 18.10.2020
Արցախյան պատերազմի ընթացքում Արցախից Գեղարքունիքի մարզ տեղափոխված ընտանիքներին սննդի, հագուստի, կոշիկի, հիգիենիկ և այլ պարագաների հարցում Գեղարքունիքի մարզպետարանի միջոցով շարունակաբար իրենց աջակցությունն են ցուցաբերում Ծաղկունք համայնքի «Դար» հիմնադրամը, Գավառի պետական բժշկական քոլեջը, Գավառի թիվ 1 հիմնական դպրոցը, Լանջաղբյուրի միջնակարգ դպրոցը, «Հացառատի զարգացման բարեգործական հիմնադրամը» Գանձակ համայնքի « Գանձակ կաթ» ԱՁ-ն,ԳՊՀ ռեկտոր Ռուզաննա Հակոբյանը, Գավառ համայնքից Սամվել Ենգիբարյանին պատկանող առևտրի կենտրոնը, « Սիրելիս» հարսանյաց սրահի տնօրեն Բաբկեն Խաչիկյանը, Գավառից և նրա տարածքի համայնքներից անհատ քաղաքացիներ՝ Սարգիս Միրիբյանը, Լեռնիկ Հակոբյանը, Մերի Հակոբյանը,Կարեն Կոտոլկյանը,Բուրմունք Հովհաննիսյանը, Ռոբերտ Հարությունյանը, Սեյրան Ղուկասյանը, Սիփան Ղազարյանը, Գևորգ Բրսիկյանը, Սամվել Զաքոյանը, Շանթ Ներսիսյանը, Ժորա Ղազարյանը, Անուշավան Առաքելյանը, Կարեն Մանուկյանը, Դավիթ Իգիթյանը, Ատոմ Մնացականյանը, Երանոս համայնքից՝ Արտակ Խանսանամյանը, Զոլաքար համայնքից...
Գեղարքունիքի մարզպետը տեսակցել է թշնամու ԱԹՍ-ի հարվածից վիրավորում ստացած Նարեկին 17.10.2020
Գեղարքունիքի մարզպետ Գնել Սանոսյանը հոկտեմբերի 17-ին այցելել է Երևանի Սուրբ Աստվածամայր բժշկական կենտրոն՝ տեսակցելու 14-ամյա Նարեկ Արզոյանին, ով հոկտեմբերի 14-ի առավոտյան իրենց հողատարածքում թշնամու ԱԹՍ-ի հարվածից բեկորային վնասվածք էր ստացել եւ ծանր վիճակում տեղափոխվել հիվանդանոց: Ինչպես տեղեկացրեց Գեղարքունիքի մարզպետարանի ԱՍԱ վարչության պետ Լուսինե Վարդանյանը, ով ուղեկցել է մարզպետին, Նարեկը գտնվում է բժշկական կենտրոնի ինտենսիվ թերապիայի բաժանմունքում, բուժումը բարեհաջող է ընթանում, նրա ինքնազգացողությունը բավարար է: Մարզպետը զրուցել է Նարեկի հետ, հետաքրքրվել նրան մտահոգող հարցերով և նշել, որ խնդիրներ ի հայտ գալու դեպքում կարող է դիմել իրեն: Գնել Սանոսյանը զրուցել է նաև Նարեկին բուժող բժիշկների հետ, տեղեկացել նրա բուժման ընթացքի մասին: 14-ամյա պատանին իր երախտագիտությունն է հայտնել Գեղարքունիքի մարզպետին՝ ուշադրության և հոգատար վերաբերմունք ցուցաբերելու համար:
Ծակքար համայնքը և «Ծակքար» համայնքային զարգացման հիմնադրամը աջակցում են առաջնագծին 17.10.2020
Արցախյան պատերազմի ընթացքում Արցախին, առաջնագծին և Արցախից Գեղարքունիքի մարզ տեղափոխված ընտանիքներին աջակցություն ցուցաբերելու նպատակով «Ծակքար» համայնքային զարգացման հիմնադրամի և Ծակքար համայնքի բնակիչների կողմից հատկացվել է 874 000 ռուբլի, 18 հազար 250 դոլար և 770 000 դրամ, որից 9000 դոլարը տրամադրվել է «Ծակքար» համայնքային զարգացման հիմնադրամի կողմից: Արցախին, առաջնագծին և նրա կարիքների համար նվիրաբերվել է ՈՒԱԶ մակնիշի 1 ավտոմեքենա, 1000 լիտր բենզին, 6 տոննա ալյուր, 1,7 միլիոն դրամի տարբեր տեսակի սնունդ, 300 արկղ ջուր, 8 հատ անվադող, 220 մետր քառակուսի մետաղական թիթեղ իր պտուտակներով, 2200 հատ անձրևանոց, 15 000 հատ պարկ, 1,5 միլիոն դրամի դեղորայք, 200 արկղ ծխախոտ, 3 հատ հեռուստացույց, 7 հատ հեռախոս, 53 հատ զինվորական տաք հագուստ, 43 զույգ զինվորական կոշիկ, 1 հատ գեներատոր, սղոց, բալգարկա, դռել, զոդման գործիք, հոսանքի փոխակերպիչ, հեռախոսի լիցքավորիչ, լապտեր, բանվորական ակնոցներ, կացին...
