Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզից արտերկրում բնակվող անձինք շարունակում են օգնել Արցախին 06.11.2020
Գեղարքունիքի մարզի տարբեր համայնքներից արտերկրում բնակվող մեր բազմաթիվ հայրենակիցների կողմից վերջին 40 օրերի ընթացքում Արցախին և առաջնագծին ցուցաբերվել է մեծածավալ աջակցություն՝ տրանսպորտային միջոցների նվիրաբերության, հագուստի, տեխնիկայի, սննդի և այլ անհրաժեշտ պարագաների տրամադրման տեսքով: Բարեգործական նախաձեռնությունները մեր հայրենակիցների կողմից, կրում են շարունակական բնույթ: Հերթական բարեգործությունը պատկանում է Զոլաքար համայնքից ՌԴ Պերմ քաղաքում բնակվող եղբայրներին: Եփրեմ, Երեմ, Գագիկ և Գևորգ Սաֆարյաններն օրերս առաջնագծին նվիրաբերեցին ՈՒԱԶ Hunter (ՎԻԼԻՍ) մակնիշի մեկ ավտոմեքենա՝ գերազանց վիճակում: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Սաֆարյան եղբայրներին և արտերկրում բնակվող մեր հայրենակիցներին, ովքեր թիկունքից իրենց ներդրումն են ունենում հայրենի երկրի սահմանների պաշտպանության գործին:
Վարդենիս համայնքի բնակիչների աջակցությունը առաջնագծին 05.11.2020
Արցախին, առաջնագծին և Արցախից Գեղարքունիքի մարզ տեղափոխված ընտանիքներին աջակցություն ցուցաբերելու նպատակով Վարդենիսի համայնքապետարանի կողմից առաջնագծին տրամադրվել է սննդի տարբեր տեսակներ, ծխախոտ, հագուստ, ձմեռային սապոգներ, քնապարկ, դեղորայք, ծածկոցներ, հիգիենայի պարագաներ, գազի բալոններ, վառարաններ, լապտերներ, դիզվառելիք, 1400 հատ տուֆ քար: Առաջնագծին օգնելու նպատակով 500 000 դրամ տրամադրել է համաքաղաքացի Կարեն Բոթոյանը, 250 000 - ական դրամ՝ Տիգրան Սահակյանը և Վահե Քալոյանը, 215 000 դրամ՝ Կարմեն Մկրտչյանը: Այս օրերին նաև Հայաստանի տարբեր մարզերից մեծաքանակ հումանիտար օգնություն է հասցվել Վարդենիսի համայնքապետարան, որն անմիջապես տեսակավորվել և ուղարկվել է Արցախ կամ առաջնագիծ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Վարդենիս համայնքի բնակիչներին՝ մարդասիրական և հայրենանվեր գործունեություն ցուցաբերելու համար: Վարդենիս համայնքի բնակիչների կողմից Արցախին և առաջնագծին պարբերաբար ցուցաբերվող աջակցությունների վերաբերյալ տեղեկություններին կարող եք ծանոթանալ Վարդենիսի քաղաքապետարանի ֆեյսբուքյան էջից, անցնելով հետևյալ հղումով. https://www.facebook.com/vardenishamaynq:
Երանոս համայնքը շարունակում է օժանդակությունը առաջնագծին 04.11.2020
Երանոս համայնքը շարունակում է աջակցությունը ցուցաբերել առաջնագծին և Հայաստան համահայկական հիմնադրամին։ 2020 թվականի սեպտեմբերի 27-ից մինչեւ նոյեմբերի 2-ն ընկած ժամանակահատվածում, արցախաադրբեջանական շփման գծում ռազմական գործողությունների ծավալումից ի վեր, Երանոս համայնքում և արտերկրում բնակվող երանոսցիների կողմից Հայաստան համահայկական հիմնադրամին է փոխանցվել 28 միլիոն 345 հազար դրամ, ավելի քան 11 միլիոն ռուսական ռուբլի, 7100 ԱՄՆ դոլար։ Բացի այդ, առաջնագիծ է ուղարկվել 51 միլիոն 12 հազար դրամ արժողության տեխնիկա, սարքավորումներ, սնունդ, առաջին անհրաժեշտության ապրանքներ։Օժանդակությունն առաջնագծին կրում է շարունակական բնույթ։ Երանոս համայնքի բնակիչների և արտերկրում բնակվող երանոսցիների կողմից ցուցաբերած աջակցությունների վերաբերյալ կարող եք տեղեկանալ Երանոսի համայնքապետարանի ֆեյսբուքյան էջից https://www.facebook.com/yeranosigyuxapetaran: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Երանոս համայնքի բնակիչներին և արտերկրում բնակվող երանոսցիներին՝ մարդասիրական և հայրենանվեր գործունեություն ցուցաբերելու համար:
Ցուցահանդես-վաճառքի հասույթը կփոխանցվի Զինծառայողների ապահովագրության հիմնադրամին 04.11.2020
Նոյեմբերի 3-ին ՀՀ կրթության, գիտության, մշակույթի և սպորտի նախարարության նախաձեռնությամբ, Հայաստանում գործող թանգարանների մասնակցությամբ Երևանի Հյուսիսային պողոտայի տարածքում կազմակերպվել է հուշանվերների և գրքերի ցուցահանդես-վաճառք, որի ամբողջ հասույթը պետք է փոխանցվի Զինծառայողների ապահովագրության հիմնադրամին: Գեղարքունիքի մարզպետարանի աջակցությամբ նախաձեռնությանը միացել և ցուցահանդես-վաճառքով հանդես է եկել նաև Գեղարքունիքի երկրագիտական թանգարանը: Տաղավարում ներկայացվել են Գավառի մանկատան, Գավառի արվեստի դպրոցի, Գեղարքունյաց թեմի Գավառի կիրակնօրյա դպրոցի և «Հայկական Կարիտաս» հասարակական կազմակերպության «Փոքրիկ Իշխան» կենտրոնի սաների ձեռքի աշխատանքները, ինչպես նաև Գավառի փախլավան, գաթան և շաքարլոխումը: Գեղարքունիքի մարզը ներկայացնող տաղավար այցելել են ՀՀ ԱԺ պատգամավորներ, ՀՀ ԿԳՄՍ նախարարության պատասխանատու աշխատակիցներ, երևանցիներ, մայրաքաղաքի հյուրեր: Գեղարքունիքի երկրագիտական թանգարանը ցուցահանդես-վաճառքից գոյացած հասույթը՝ կփոխանցի Զինծառայողների ապահովագրության հիմնադրամին:
Գեղարքունիքի մարզի մանկավարժները մասնակցում են հայրենիքի պաշտպանությանը 03.11.2020
Արցախյան պատերազմի օրերին առաջնագծում հայ զինվորի հետ կողք կողքի մարտնչում և մեր երկրի սահմաններն են պահում նաև Գեղարքունիքի մարզից մեկնած կամավորական ջոկատների տղաները, որոնց շարքում են նաև մարզի հանրակրթական դպրոցների տնօրեններ, ՆԶՊ առարկան դասավանդող ուսուցիչներ, այլ առարկաների գծով բազմաթիվ մանկավարժներ, ուսումնաօժանդակ անձնակազմի աշխատակիցներ: Այս պահին նրանք մարտի դաշտում մասնակցում են հայրենի երկրի պաշտպանությանը՝ ցուցաբերելով արիություն և խիզախություն, որոնց մասին փաստում է վերջերս առաջնագծից ուղարկված նամակը: Գեղարքունիքի մարզպետ Գնել Սանոսյանի իր երախտագիտությունն է հայտնում Գեղարքունիքի մարզից կամավորագրված անձանց և այն մանկավարժներին, ովքեր այս պահին գտնվում են առաջնագծում և իրենց ծառայությունն են մատուցում հայրենիքի պաշտպանության Սուրբ գործին՝ ցանկանալով նրանց անվտանգ ծառայություն և հաղթական վերադարձ:
Զոլաքար համայնքն օժանդակում է առաջնագծին 03.11.2020
2020 թվականի սեպտեմբերի 27-ից մինչեւ նոյեմբերի 2-ն ընկած ժամանակահատվածում առաջնագծին օժանդակելու նպատակով իրենց ներդրումն են ունեցել Զոլաքար համայնքի բնակիչները և արտերկրում բնակվող զոլաքարցիները: ՌԴ- ում բնակվող զոլաքարցի Արտաշես Մյասնիկի Կեսոյանը, նրա եղբայրը՝ Զոլաքար համայնքում բնակվող Նարեկ Մյասնիկի Կեսոյանը իրենց ընտանիքների կողմից հատկացրել են 77 հազար դոլար, որից 11 միլիոն դրամը փոխանցվել է Հայաստան համահայկական հիմնադրամին, իսկ մնացած գումարը ծախսվել է առաջնագծին տեխնիկա և առաջնահերթ այլ պարագաներ ձեռք բերելու համար: Արտերկրում բնակվող 15 զոլաքարցիների կողմից տրամադրվել է 2 միլիոն 800 հազար ռուբլի, որից 50 հազար ռուբլին հատկացվել է թշնամու դեմ մղած մարտերում զոհված զոլաքարցի Մեխակ Արեստի Սադոյանի ընտանիքին, իսկ մնացած գումարը փոխանցվել է Հայաստան համահայկական հիմնադրամին կամ ծախսվել առաջնագծի կարիքների համար: Զոլաքարի համայնքապետարանի աշխատակազմի կողմից Հայաստան համահայկական հիմնադրամի է փոխանցվել մոտ 1 միլիոն դրամ, համայնքապետարանի կողմից առաջնագիծ է ուղարկվել 1,5 միլիոն...
