Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառի տարածաշրջանում ապաստանած արցախցի երեխաները ստացան ամանորյա նվերներ 29.12.2020
Գեղարքունիքի մարզպետարանի, Գավառի տարածաշրջանի համայնքապետարանների հետ համագործակցությամբ «Ֆոքըս օն չիլդրեն նաու ինկ» կազմակերպության միջոցներով ամանորյա նվերներ հատկացվեցին Գավառի տարածաշրջանում ապաստան գտած 3-18 տարեկան արցախցի երեխաների։ Ինչպես տեղեկացրեցին «Ֆոքըս օն չիլդրեն նաու ինկ» կազմակերպության գրասենյակից, նվերներով լի պայուսակները պարունակել են հագուստ, հիգիենիկ պարագաներ, դրամ եւ շնորհավորական նամակներ՝ գրված ԱՄՆ հայկական համայնքի երեխաների կողմից։ Կազմակերպության տնօրեն Անահիտ Քալանթարյանի հավաստմամբ, բացի այս բարեգործական ձեռնարկը, Գեղարքունիքի մարզի տարբեր տարածքաշրջաններում «Ֆոքըս օն չիլդրեն նաու ինկ» կազմակերպության կողմից սննդի փաթեթներ են բաժանվում արցախցի ընտանիքներին։
Ծանրամարտի մարզային առաջնությունում 28.12.2020
2020 թվականի դեկտեմբերի 26-ին Սևանի Ն. Դագարյանի անվան մարզադպրոցում տեղի է ունեցել Գեղարքունիքի մարզի պատանիների ծանրամարտի բաց առաջնություն, որի նպատակն է ի հայտ բերել և մարզի հավաքական թիմը համալրել լավագույն մարզիկներով: Առաջնությունը անցկացվել է մեկ փուլով՝ ծանրամարտի միջազգային ֆեդերացիայի կանոնակարգի համաձայն: Առաջնությանը մասնակցել են Սևանի՝ Ն. Դագարյանի անվան, Մարտունու քաղաքապետարանի՝ Ս.Մհերյանի անվան մարզադպրոցների, Հայրավանք, Վերին Գետաշեն և Տավուշի մարզի Սևքար համայնքների կողմից հայտավորված 36 պատանի ծանրամարտիկներ: Մարզիկները հաղթողներին որոշելու համար պայքարել են 30կգ, 34կգ, 38կգ, 42կգ, 46կգ, 49կգ, 55կգ, 61կգ, 67կգ, 73կգ և 73+ քաշային կարգերում: Ծավալվել է համառ և հետաքրքիր պայքար, որի ընթացքում 30 կգ քաշային կարգում 51 կգ արդյունքով հաղթող է ճանաչվել Ավետ Ավետիսյանը (Հայրավանք), 34 կգ քաշային կարգում 51 կգ արդյունքով՝ Ռազմիկ Անդրիկյանը (Սևան), 38 կգ քաշային կարգում 108 կգ արդյունքով՝ Խաչիկ Թադևոսյանը (Հայրավանք), 42 կգ քաշային կարգում 72 կգ արդյունքով՝ Մերուժան Աբրահամյանը (Սևան), 46 կգ քաշային կարգում 120 կգ արդյունքով՝ Արսեն Անդրիկյանը (Սևան), 49 կգ քաշային կարգում 125 կգ արդյունքով՝ Հովհաննես Հովհաննիսյանը (Սևան), 55 կգ քաշային կարգում 133 կգ արդյունքով՝ Սերգեյ Մարանյանը (Սևքար)՝ ...
Ակունքում հարգանքի տուրք մատուցվեց Արցախյան վերջին պատերազմում զոհված սուրբ նահատակների հիշատակին 28.12.2020
Գեղարքունիքի մարզի Ակունք գյուղի հասարակությունը ծաղկեդրմամբ եւ մոմավառությամբ հարգանքի տուրք մատուցեց Արցախյան վերջին պատերազմում նահատակված ակունքցի հերոսների հիշատակին։ Հարգանքի տուրքի արարողությանը մասնակցում էին Գեղարքունիքի մարզպետ Գնել Սանոսյանը, զոհվածների ընտանիքների անդամները եւ համայնքի բնակիչներ։ Ծաղկեպսակ դրվեց Արցախյան ազատամարտի զոհերի հիշատակը հավերժացնող հուշաքարին, այնուհետ տեղի ունեցավ ծաղկեդրման արարողությունը, որին հաջորդեց սգո երթը դեպի Ակունքի Սուրբ Մեսրոպ եկեղեցի, որտեղ տեղի ունեցավ մոմավառություն Ակունքի սուրբ նահատակների հոգիների հանգստության համար։ Ոգեկոչման խոսքեր հնչեցրեց Գեղարքունյաց թեմի Վարդենիսի տարածաշրջանի հոգեւոր հովիվ տեր Տարոն Հունանյանը։ «Մեր պատմության հազարամյակների ընթացքում անհամար քաջեր են հերոսացել։ Այսօր էլ մերօրյա հերոսներն անմահացան, որպեսզի կանգուն ու ամուր մնա մեր հայրենիքը։ Նրանք մեր հայրենիքի ապրող զավակների համար դարձան հերոսական ու խոսուն կերպարներ, եւ ամեն մի մանուկ, որը կծնվի այս հողի վրա ու կյանք կառնի, կիմանա, թե որքան...
Սահմանապահ մարտական հենակետերը ապահովվում են արեւային շարժական էլեկտրակայաններով 25.12.2020
Օրերս Գեղարքունիքի մարզպետ Գնել Սանոսյանի, հայաստանցի և արտերկրում բնակվող մի խումբ հայ բարերարների մասնակցությամբ տեղի է ունեցել հանդիպում, որի ընթացքում քննարկվել է ՀՀ ԶՈՒ բանակային երկրորդ կորպուսի սահմանապահ մարտական հենակետերը արևային շարժական կայաններով ապահովելու խնդիրը: Բարերարների խումբը անմիջապես ձեռնամուխ է եղել նախաձեռնության իրականացմանը, և դեկտեմբերի 24-ին, Գեղարքունիքի մարզպետի մասնակցությամբ, ՀՀ ԶՈՒ բանակային երկրորդ կորպուսի հրամանատարությանը նվիրատվության կարգով արդեն հանձնվել են արեւային շարժական էլեկտրակայաններ: Դրանք առաջիկայում կտեղակայվեն սահմանապահ մարտական հենակետերում։ ՀՀ ԶՈՒ բանակային երկրորդ կորպուսի զորամասի կապի պետ, փոխգնդապետ Անդրանիկ Պետրոսյանի ներկայացմամբ՝ կորպուսի հրամանատարությանն է հանձնվել արեւային շարժական 20 էլետրակայան, որոնք ծառայելու են ռադիոկայանի մարտկոցների, սահմանապահ անձնակազմերի բջջային հեռախոսների լիցքավորման, գիշերային լուսավորության եւ տեխնիկական այլ խնդիրների ապահովման համար։ Շարժական արեւային յուրաքանչյուր էլեկտրակայան...
Գեղարքունիքի մարզպետն այցելեց Արտանիշում ապաստանած արցախցի բազմաշունչ ընտանիքին 24.12.2020
Գեղարքունիքի մարզպետ Գնել Սանոսյանն այցելեց Շողակաթ խոշորացված համայնքի Արտանիշ բնակավայրում ժամանակավորապես ապաստան գտած Վարդան Նազարյանի բազմաշունչ ընտանիքին: Այցի նպատակն էր ծանոթանալ բազմաշունչ ընտանիքի կեցության պայմաններին: Գեղարքունիքի մարզպետարանի կողմից Վարդան Նազարյանի ընտանիքին այդ օրը հատկացվեց լվացքի մեքենա, հագուստ, սնունդ, մահճակալ, անկողնային պարագաներ և երեխաների համար նախատեսված ամանորյա նվերներ պարունակող փաթեթներ: Վարդան Նազարյանի 14 շնչից բաղկացած ընտանիքը Արտանիշ է տեղափոխվել Մարտակերտի շրջանի Հայկաջուր գյուղից՝ ավելի քան 1 ամիս առաջ: Արցախյան վերջին պատերազմի արդյունքում Նազարյանների ընտանիքը կորցրել է իրենց տունն ու ողջ ունեցվածքը, եւ ճակատագիրը նրանց Արտանիշ է բերել միայն Վարդանի կնոջ հարազատական կապի շնորհիվ: Վարդանը Արցախյան առաջին պատերազմից հետո նոր տուն է հիմնել Հայկաջուր գյուղում, որտեղ իր կին Նախշունի հետ ունեցած համատեղ կյանքում ունեցել է 11 երեխա: Այժմ Արտանիշում նա ապաստանել է իր զավակների եւ թոռների հետ: «Արդեն իմ կյանքում երկրորդ անգամ եմ տուն...
ԻՄ ՔԱՅԼԸ բարեգործական հիմնադրամը՝ համագործակցելով Գեղարքունիքի մարզպետարանի և «Կարմիր Խաչի Հայկական կոմիտե»-ի հետ, դեկտեմբերի 22-ին Գեղարքունիքի մարզ է տեղափոխել օգնության փաթեթներ, որոնք նախատեսված են տրամադրել Արցախից մարզի տարբեր համայնքներում ժամանակավոր բնակություն հաստատած մայրերին ու իրենց նորածին երեխաներին: Նվեր-փաթեթները ներառում են մանկասայլակ, համապատասխան հագուստ, հիգիենայի ու խնամքի պարագաներ, անկողնային ամբողջական հավաքածու, ծածկոց, լոգանքի տաշտակներ և այլ պարագաներ: Նվեր -փաթեթները լիովին բավարար են ծննդաբերության պատրաստվող կանանց և նորածինների հիվանդանոցային կարիքների համար: Գեղարքունիքի մարզպետարանում շահառուների տվյալների հավաքագրմամբ և փաթեթները հասցեատերերին տրամադրելու գործընթացով զբաղվում է Գեղարքունիքի մարզպետարանի ընտանիքի, կանանց և երեխաների իրավունքների պաշտպանության բաժինը: Բաժնի պետի հավաստմամբ փաթեթները հասցեական սկզբունքով կբաշխվեն մինչև տարեվերջ՝ ԻՄ ՔԱՅԼԸ հիմնադրամի, գործընկերների ու մարզպետարանների համապատասխան ստորաբաժանման աշխատակիցների կողմից:
