Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում պատվաստումային գործընթացը շարունակվում է 27.07.2021
COVID-19-ի դեմ պատվաստումների մեկնարկից ի վեր հուլիսի 26-ի դրությամբ Գեղարքունիքի մարզում կատարվել է 11 729 պատվաստում, որից առաջին դեղաչափ` 8341, երկրորդ դեղաչափ` 3388։ Պատվաստվել են ՀՀ Գեղարքունիքի մարզպետարանի աշխատակիցների 90 տոկոսը և մարզի բուժաշխատողների 70 տոկոսը:
Կվերակառուցվի Լիճք համայնքի խմելու ջրատարի արտաքին ցանցը 27.07.2021
Գեղարքունիքի մարզի Լիճք համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կվերակառուցվի խմելու ջրատարի արտաքին ցանցը։ Ծրագիրը հաստատվել է միջգերատեսչական հանձնաժողովի 2021 թվականի հունիսի 29-ի նիստում։ Ծրագրի նախահաշվային ընդհանուր արժեքը կազմում է 30 միլիոն 210 հազար դրամ, որի 70 տոկոսը կամ 21 միլիոն 147 հազար դրամը հատկացնում է ՀՀ կառավարությունը, 30 տոկոսը կամ 9 միլիոն 63 հազար դրամը՝ Լիճքի համայնքապետարանը։ Ծրագրով նախատեսվում է համայնքի խմելու ջրատարի արտաքին ցանցը վերակառուցել պոլիէթիլենային խողովակներով, շուրջ 1 կիլոմետր 600 մետր երկարությամբ։ Ծրագրի իականացման արդյունքում ջրատարում նվազագույնի կհասցվեն ջրի կորուստները, Լիճքում կբարելավվի խմելու ջրի մատակարարումը։ Շինարարական աշխատանքների մրցույթը հայտարարված է։
Կհիմնանորոգվի Նորակերտի խմելու ջրատարի արտաքին ցանցը 21.07.2021
Գեղարքունիքի մարզի Նորակերտ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կհիմնանորոգվի խմելու ջրատարի արտաքին ցանցը։ Ծրագիրը հաստատվել է միջգերատեսչական հանձնաժողովի 2021 թվականի հունիսի 29-ի նիստում։ Ծրագրի նախնական ընդհանուր արժեքը կազմում է 32 միլիոն 405 հազար դրամ, որի 70 տոկոսը կամ 22 միլիոն 683 հազար դրամը հատկացնում է ՀՀ կառավարությունը, 30 տոկոսը կամ 9 միլիոն 721 հազար դրամը՝ Նորակերտի համայնքապետարանը։ Ծրագրով նախատեսվում է Նորակերտի խմելու ջրատարի արտաքին ցանցի հիմնանորոգում 2 կիլոմետր երկարությամբ, ինչի արդյունքում համայնքում կբարելավվի ջրամատակարարումը, կնվազեն ջրի կորուստները։ Շինարարական աշխատանքների մրցույթը կհայտարարվի առաջիկայում։
Գեղարքունիքի մարզպետ Գնել Սանոսյանն աշխատանքային այցով եղավ Գավառի բժշկական կենտրոնում 21.07.2021
Աշխատանքային այցով Գեղարքունիքի մարզպետ Գնել Սանոսյանը հուլիսի 20-ին եղավ Գավառի բժշկական կենտրոնում: Տնօրեն Գարիկ Սողոմոնյանի ուղեկցությամբ մարզպետը շրջեց շենքի բոլոր բաժանմունքներում, որտեղ և ծանոթացավ վերջին 2 ամիսների ընթացքում կատարվող շինարարությանը, արտաքին և ներքին հարդարման աշխատանքներին, շինարարական թարմացումներին, տարբեր ծառայությունների նպատակային տեղափոխություններին: Դրանք առնչվում էին առաջին բուժօգնության կազմակերպման համար առավել հարմարավետ պայմանների ստեղծմանը, ֆիզիոթերապիայի, հեմոդիալիզի բաժանմունքներում պայմանների և հնարավորությունների, հիվանդանոցում գործող դեղատանն առկա դեղորայքի պահպանման պայմանների բարելավմանը, շտապօգնության և այլ ծառայությունների տեղակայմանը: Անդրադառնալով բժշկական կենտրոնում գրանցված հաջողություններին և ձեռքբերումներին՝ տնօրենը տեղեկացրեց, որ կենտրոնը արդեն համալրվել է 30 բժիշկ-մասնագետներով, իսկ հովանավոր կազմակերպությունների և առանձին բարերարների շնորհիվ հիվանդանոց են այցելում և իրենց առաջավոր փորձով տարբեր բժշկական միջամտություններ են...
Գեղարքունիքի մարզպետ Գնել Սանոսյանն ընդունեց Տիգրան Արզաքանցյանին և Նատալյա Ռոտենբերգին 21.07.2021
Հուլիսի 20-ին Գեղարքունիքի մարզպետ Գնել Սանոսյանն ընդունեց գործարար, ՀՀ Ազգային Ժողովի նախկին պատգամավոր, «Տիգրան Արզաքանցյան» բարեգործական հիմնադրամի նախագահ Տիգրան Արզաքանցյանին և նրա տիկնոջը՝ Նատալյա Ռոտենբերգին: Հանդիպման ընթացքում մարզպետի և հյուրերի միջև զրույց ծավալվեց մարզի սոցիալ-տնտեսական իրավիճակի և դրա կարգավորման հնարավորությունների, մարզում աշխատատեղերի ստեղծման անհրաժեշտության, հետպատերազմյան իրավիճակի աստիճանական կագավորման, մազային բնույթի այլ թեմաների շուրջ: Զրույցի ընթացքում Տիգրան Արզաքանցյանը ներկայացրեց այն աշխատանքները, որոնք ամուսինների հովանավորությամբ իրականացվել են Գավառ քաղաքում, վերջին ամիսների ընթացքում: Տիգրան Արզաքանցյանը և Նատալյա Ռոտենբերգը Գնել Սանոսյանի հետ ունեցած զրույցի ընթացքում նշեցին, որ իրենք ունեն մարզում ներդրումային ծրագրերի իրականացման գաղափար և ակնկալում են Գեղարքունիքի մարզպետի և մարզպետարանի աջակցությունը՝ այն իրականություն դարձնելու հարցում: Գեղարքունիքի մարզպետ Գնել Սանոսյանը ողջունեց հյուրերին և...
ՄԱԿ-ի ՓԳՀ աշխատակիցներն այցելեցին Գեղարքունիքի մարզ 20.07.2021
2020 թվականի Արցախյան 44-օրյա պատերազմի ընթացքում Արցախից Գեղարքունիքի մարզ տեղափոխված և մարզի տարբեր համայնքներում բնակության անցած արցախցիների խնդիրներին ծանոթանալու նպատակով հուլիսի 20-ին ՄԱԿ-ի ՓԳՀ աշխատակիցները աշխատանքային այցով եղան Գեղարքունիքի մարզում: Գեղարքունիքի մարզպետարանում նրանց հանդիպեցին Գեղարքունիքի մարզպետի խորհրդական Վահագն Դաբաղյանը և մարզպետարանի առողջապահության և սոցիալական ապահովության վարչության պետ Լուսինե Վարդանյանը: Հանդիպման ընթացքում մարզպետի խորհրդականը ներկայացրեց մարզում բնակություն հաստատած արցախցիների խնդիրներին և դրանց լուծման հարցում ՀՀ կառավարության ու տարբեր միջազգային կազմակերպությունների հետ ձևավորված համագործակցության մասին, ինչը հետաքրքրում էր ՄԱԿ-ի ներկայացուցիչներին: Վերջիններս խոսեցին նաև այդ ուղղությամբ ՄԱԿ-ի ՓԳՀ կողմից նախատեսվող ծրագրերի մասին: «Մեր այցերի ընթացքում մենք կփորձենք հասկանալ, թե Արցախից Գեղարքունիքի մարզ տեղափոխված ընտանիքները որ համայնքներում են ապրում, ինչ հիմնական խնդիրներ ունեն, համայնքներում ինչ ռեսուրսներ կան...
