Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Դդմաշեն համայնքն աջակցում է առաջնագծին 26.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, արցախաադրբեջանական շփման գծում ռազմական գործողությունների ծավալումից ի վեր, առաջնագծին օժանդակելու նպատակով Գեղարքունիքի մարզի Դդմաշեն համայնքի՝ արտերկրում ապրող բարերարների կողմից Հայաստան Համահայկական հիմնադրամին է փոխանցվել 100 հազար ռուբլուն համարժեք դրամ: Համայնքի առանձին բնակիչների կողմից առաջնագիծ է ուղարկվել 1200 շիշ ջուր, 100 կոմպլեկտ զինվորական տաք հագուստ, ԴՐՈՒԺԲԱ տեսակի 10 սղոց, ծխախոտ, հիգիենիկ այլ պարագաներ: Օժանդակության գործընթացն առաջնագծին շարունակվում է: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Դդմաշեն համայնքին՝ մարդասիրական և հայրենանվեր գործունեություն ցուցաբերելու համար:
Լիճք համայնքի աջակցությունը առաջնագծին և Արցախին 24.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, Արցախաադրբեջանական շփման գծի երկայնքով մեկ բռնկված մարտական գործողությունների ընթացքում, առաջնագծում մարտնչող Հայոց բանակի կարիքների համար Գեղարքունիքի մարզի Լիճք համայնքը ցուցաբերել է նկատելի աջակցություն: Լիճքի համայնքապետարանից ստացված տեղեկատվության համաձայն՝ արտերկրում ապրող եւ աշխատող լիճքեցիները Հայաստան Համահայկական հիմնադրամին են փոխանցել շուրջ 50 հազար դոլար: Նույն հիմնադրամին 341 հազար դրամ փոխանցվել է համայնքապետարանի, 10 հազար դոլար՝ համայնքի բնակիչ՝ Գոհար Ավետիսյանի կողմից: Նա միաժամանակ 100 հազար ռուբլի է տրամադրել համայնքին՝ առաջնագծին սննդի կամ այլ անհրաժեշտ իրերի տեսքով աջակցություն ցուցաբերելու համար: Լիճքից արտերկրում բնակվող բարերար Հակոբ Աշոտի Ենոքյանը առաջնագծին է նվիրել ՎԻԼԻՍ մակնիշի 1 ավտոմեքենա: Բացի այդ, համայնքի բնակիչները առաջնագծի կարիքների համար հատկացրել են 1800 դոլար, 380 հազար ռուբլի, 1 միլիոն 500 հազար դրամ: 235 հազար դրամ էլ հավաքվել է համայնքի
Սևան համայնքն իր աջակցությունն է ցուցաբերում առաջնագծին 24.10.2020
Արցախյան պատերազմի ընթացքում Արցախին, առաջնագծին, ինչպես նաև Արցախից Գեղարքունիքի մարզ տեղափոխված ընտանիքներին զգալի աջակցություն է ցուցաբերել նաև Սևանի համայնքապետարանը, համայնքի բնակիչները , առանձին բարերարներ և կազմակերպություններ: Համայնքի կողմից նվիրաբերվել է «ԳԱԶ 53» մակնիշի բենզատար, «ՎԻԼԻՍ» մակնիշի 1 և «ՈՒԱԶ» մակնիշի 2 ավտոմեքենաներ: Առաջնագիծ է ուղարկվել է 97 արկղ սննդի տարբեր տեսակներ, 89 փաթեթ դեղորայք, 2 տոննա ալյուր, 4 արկղ մեղր, քաղցրավենիք, հագուստ, ձեռնոցներ, գլխարկ, հիգիենայի պարագաներ, դիզվառելիք, ծխախոտ, վրան, թիկնոց, քնապարկ, շինանյութ: Սևանի համայնքապետարանի կողմից «Հայաստան» Համահայկական հիմնադրամի՝ «Մենք ենք, մեր սահմանները» նախաձեռնություն-դրամահավաքին փոխանցվել է 1 միլիոն դրամ: Այս օրերին համայնքում գործում է խոհանոց-ճաշարան, որտեղից իրականացվում է ամենօրյա տաք ճաշի՝ երկուանգամյա մատակարարում Արցախից տեղափոխված ընտանիքների համար։ Առաջնագիծ ուղարկվող օգնությունը կրում է շարունակական բնույթ։...
Գեղհովիտ համայնքը շարունակում է աջակցություն ցուցաբերել Արցախին 23.10.2020
2020 թվականի սեպտեմբերի 27-ից մինչեւ հոկտեմբերի 21-ն ընկած ժամանակահատվածում, արցախաադրբեջանական շփման գոտում ռազմական գործողությունների ծավալումից ի վեր, առաջնագծին օժանդակելու նպատակով Գեղարքունիքի մարզի Գեղհովիտ համայնքի բնակիչների եւ համայնքի աշխատակազմի կողմից Հայաստան Համահայկական հիմնադրամին է փոխանցվելել 1 միլիոն 380 հազար դրամ: Բացի այդ, առանձին բնակիչների տրամադրած նյութական միջոցներով առաջնագիծ է ուղարկվել 610 հազար դրամի սնունդ, 3 500 կիլոգրամ կարտոֆիլ, տրամադրվել է նաև 50 հատ քնապարկ, 5 հատ վառարան, 60 մետր երկաթյա շղթա, 50 զույգ վալինկա և ձեռնոց, առաջին անհրաժեշտության այլ իրեր: Գեղհովիտ համայնքի բնակիչների կողմից օժանդակության գործընթացն առաջնագծին շարունակվում է: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Գեղհովիտ համայնքին՝ մարդասիրական և հայրենանվեր գործունեություն ցուցաբերելու համար:
Ձորագյուղ համայնքը շարունակում է աջակցել առաջնագծին 23.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, Արցախաադրբեջանական շփման գծի երկայնքով մեկ բռնկված մարտական գործողությունների ընթացքում, առաջնագծում մարտնչող Հայոց բանակի կարիքների համար Գեղարքունիքի մարզի Ձորագյուղ համայնքը ցուցաբերել է նկատելի աջակցություն: Ձորագյուղի համայնքապետարանը Հայաստան համահայկական հիմնադրամին է փոխանցել 500 հազար դրամ, իսկ համայնքի մի խումբ բարերարների կողմից նույն հիմնադրամին՝ 3 միլիոն 400 000 դրամ և 6000 դոլար: Համայնքի բնակիչ Կարեն Գրիգորյանի կողմից առաջնագծին նվիրաբերվել է «ՈՒԱԶ» մակնիշի 1 ավտոմեքենա, 500 հազար դրամ փոխանցվել է Հայաստան Համահայկական հիմնադրամին, 400 հազար դրամի շրջանակներում հավաքագրվել եւ առաջնագիծ է ուղարկվել սննդի տարբեր տեսակներ, առաջին անհրաժեշտության այլ իրեր: Համայնքի բնակիչների կողմից ևս առաջնագծին տրամադրվել է 600 հազար դրամի սնունդ, դեղորայք, 11 տոննա կարտոֆիլ, պտուղ եւ բանջարեղեն: Աջակցությունն առաջնագծին կրում է շարունակական բնույթ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Ձորագյուղ համայնքին՝ մարդասիրական և հայրենանվեր գործունեություն ցուցաբերելու համար:
Լճաշեն համայնքի բնակիչները շարունակում են աջակցություն ցուցաբերել առաջնագծին 23.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, Արցախաադրբեջանական շփման գծի երկայնքով մեկ բռնկված մարտական գործողությունների ընթացքում, առաջնագծում մարտնչող Հայոց բանակի կարիքների համար Գեղարքունիքի մարզի Լճաշեն համայնքը ցուցաբերել է նկատելի աջակցություն: Համայնքում կամ արտերկրում ապրող լճաշենցիների կողմից հավաքագրվել է շուրջ 17 հազար ԱՄՆ դոլար արժողության սնունդ, 5 հատ գեներատոր, տանիքի ցինկապատ թիթեղ, քնապարկ, հագուստ, զինվորական ներքնաշորեր, անձրևանոցներ, ձմեռային գլխարկներ և ձեռնոցներ, ծածկոցներ և սրբիչներ, 102 զույգ ռեզինե ճտքավոր կոշիկներ, ծխախոտ, առաջին անհրաժեշտության այլ իրեր: Լճաշենի համայնքապետարանը Հայաստան համահայկական հիմնադրամի հաշվին է փոխանցել 1 միլիոն, մանկապարտեզի կոլեկտիվը՝ 100 հազար դրամ: Համայնքի առանձին բնակիչներ անհատապես փոխանցումներ են կատարում Հայաստան Համահայկական հիմնադրամին: Աջակցությունն առաջնագծին կրում է շարունակական բնույթ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Լճաշեն համայնքին՝ մարդասիրական և հայրենանվեր գործունեություն ցուցաբերելու համար:
