Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարտի 16-ին Գեղարքունիքի մարզպետ Կարեն Սարգսյանն ընդունեց ՄԱԶԾ գենդերային հավասարության ծրագրերի պորտֆոլիոյի ղեկավար Նատալյա Հարությունյանին և ՄԱԶԾ Հարավային Կովկասում «Կանանց տնտեսական զորացում Հարավային Կովկասում» ծրագրի հայկական բաղադրիչի համակարգող Արմեն Բեժանյանին: ՄԱԶԾ ծրագրի ՀՀ բաղադրիչն իրականացվել է Վրաստանի ՄԱԿ-Կանայք կառույցի հետ գործընկերությամբ՝ զարգացման և համագործակցության շվեյցարական գործակալության և ավստրիական զարգացման գործակալության աջակցությամբ։ Ծրագրի գլխավոր գործընկերը ՀՀ տարածքային կառավարման և ենթակառուցվածքների նախարարությունն է, իսկ առանձին գործողությունների մասով ծրագրին աջակցում է նաև ՀՀ աշխատանքի և սոցիալական հարցերի նախարարությունը։ Ծրագրի նպատակն է` զարգացնել Հայաստանի մարզերում բնակվող անապահով և սոցիալապես մեկուսացված խմբերի կանանց, երիտասարդությանը, որպեսզի նրանք տնտեսապես հզորանան և ընդգրկվեն ՏԻՄ ոլորտում` որոշումների կայացման գործընթացներին: Նատալյա Հարությունյանը և Արմեն Բեժանյանը ներկայացրին ծրագրի առաջին փուլի․․․
Գեղարքունիքի մարզի և Իզերի դեպարտամենտի միջև առկա հարաբերություններն ընդլայնվում են 15.03.2022
Հայաստանի Հանրապետության Գեղարքունիքի մարզի և Ֆրանսիայի Հանրապետության Իզերի դեպարտամենտի միջև ստեղծված ապակենտրոնացված համարգործակցության շրջանակներում մարտի 15-ին Գեղարքունիքի մարզպետ Կարեն Սարգսյանն ընդունեց Ֆրանսիական «Բժշկական օգնություն և զագացում» ծրագրի համակարգող Ժան Կլոդ Ռոսսեին և Ֆրանս-ֆորմասիոն ինտերնասինալ կազմակերպության տնօրեն Լիլյա Շալունցին: Հանդիպման սկզբում Գեղարքունիքի մարզպետը ողջունեց հյուրերին` մարզ այցելելու համար և շնորհավորեց Հայաստանի և Ֆրանսիայի միջև դիվանագիտական հարաբերությունների հաստատման 30-ամյակի կապակցությամբ: Կարեն Սարգսյանը միաժամանակ իր երախտագիտությունը հայտնեց Ֆրանսիայի կառավարությանը` համագործակցության արդյունքում Գեղարքունիքի մարզում կատարված ներդրումների և իրականացված ծրագրերի համար:Ժան Կլոդ Ռոսսեն խոսեց Կարմիրգյուղ և Գանձակ բնակավայրերի բուժամբուլատորիաներում 2021 թվականին իրականացված վերանորոգման, ներքին հարդարման աշխատանքների և տեխնիկական վերազինումների մասին:․․․
Մարտի 15-ին Գեղարքունիքի մարզպետ Կարեն Սարգսյանն ընդունեց Գերմանական միջազգային համագործակցության ընկերության «Սևանա լճի շրջակա միջավայրի պահպանություն» ( EU4Sevan) ծրագիրը իրականացնող թիմի ղեկավար Քրիստիան Հենշելին, ծրագրի մարզային համակարգող Վարազդատ Սարգսյանին և թիմի խորհրդատուին: Կարեն Սարգսյանի և Քրիստիան Հենշելի միջև կայացած նախորդ հանդիպման ընթացքում ձեռք բերված պայմանավորվածության արդյունքում Գեղարքունիքի մարզպետարանից կազմակերպությանը տրամադրվել է համապատասխան տարածք, որտեղ էլ, մարզային համակարգողի միջոցով, կիրականացվեն ծրագրից բխող գործառույթներ: Թիմի ղեկավարը նախ շնորհակալություն հայտնեց Գեղարքունիքի մարզպետին` ընձեռված հնարավորության համար և հույս հայտնեց, որ այն կնպաստի ծրագրի ավելի արդյունավետ իրականացմանը: Այնուհետև Քրիստիան Հենշելը ներկայացրեց EU4Sevan ծրագրի շրջանակներում իրականացվող աշխատանքները, որոնք կաջակցեն ՀՀ կառավարությանը և կկարգավորեն Սևանա լճի շուրջ տարիներ ի վեր կուտակված բնապահպանական մի շարք խնդիրներ: Նրա խոսքով՝ EU4Sevan ծրագրի շրջանակներում...
Վարդենիսում անցկացվեց երիտասարդական համաժողով 14.03.2022
Մարտի 12-ին Վարդենիս քաղաքի մշակույթի պալատում անցկացվեց երիտասարդական համաժողով՝ Եվրոպական Միության կողմից ֆինանսավորվող եւ «Վորլդ Վիժն Հայաստան» կազմակերպության կողմից իրականացվող «ԵՄ-ն հանուն երիտասարդության․ բանիմաց եւ ակտիվ երիտասարդներ հանուն ժողովրդավար Հայաստանի՝ այսօր եւ վաղը» ծրագրի շրջանակներում։ Երիտասարդական համաժողովի նպատակն էր՝ Գեղարքունիքի մարզում գործող կրթական հաստատությունների, տեղական և միջազգային կազմակերպությունների համար հարթակ ստեղծել՝ ներկայացնելու իրենց փորձը, նորարարական լուծումներ առաջարկելու երիտասարդների կողմից վեր հանված համայնքային խնդիրների և կարիքների վեաբերյալ։ Բացման եւ ողջույնի խոսքով հանդես եկավ Գեղարքունիքի մարզպետի տեղակալ Ռուբիկ Նավոյանը: Կարեւորելով կրթության դերը հանրային կյանքում եւ ժողովրդավարական արժեքների պահպանման ու զարգացման գործում՝ մարզպետի տեղակալը կոչ արեց համաժողովի մասնակիցներին՝ բազմաբովանդակ հարցերի շուրջ բաց ու ակտիվ քննարկումներ ծավալելու համար։
Գեղարքունիքի մարզպետարանում անցկացվեց քաղաքացիների հերթական ընդունելությունը 09.03.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի մարտի 9-ին Գեղարքունիքի մարզպետ Կարեն Սարգսյանը մարզպետարանում կատարեց քաղաքացիների ընդունելություն, որին մասնակցեցին 25 քաղաքացի: Դիմումատուների զգալի մասը մարզպետից ակնկալում էր դրամական աջակցություն՝ առողջապահական, սոցիալ-տնտեսական խնդիրների լուծման, բնակարանային պայմանների և ենթակառուցվածքների բարելավման նպատակով: Աշխատանքի տեղավորման նպատակով հաշվառվեց 5 դիմում, ևս 2 քաղաքացի դիմեցին առողջարանային ուղեգիր ձեռք բերելու նպատակով: Դիմումատուների հիմնական մասի խնդրանքը տեղում բավարարվեց և մարզպետը խոստացավ նրանց ընտանիքներին ցուցաբերել որոշակի դրամական աջակցություն, իսկ մնացած դիմումներն էլ հաշվառվեցին մարզպետարանում, որոնց պատասխանները կտրվեն օրենքով սահմանված կարգով եւ ժամկետներում, լրացուցիչ ուսումնասիրություն կատարելուց հետո:
Գեղարքունիքի մարզպետ Կարեն Սարգսյանը շնորհավորեց մարզպետարանի կին աշխատակիցներին 09.03.2022
Մարտի 9-ին Գեղարքունիքի մարզպետ Կարեն Սարգսյանը, կանանց միջազգային օրվա առթիվ, հանդիսավոր պայմաններում շնորհավորեց Գեղարքունիքի մարզպետարանի կին աշխատակիցներին՝ տոնի առթիվ բարեմաղթանքի խոսքեր հղելով նրանց: «Հարգելի կանայք, շնորհավորում եմ ձեզ՝ կանանց տոնի առթիվ: Թող մեր երկրում և առհասարակ աշխարհում թևածի խաղաղությունը, որպեսզի հնարավոր լինի ապրել ու արարել անվրդով ու խաղաղ պայմաններում: Դուք հայ ընտանիքի հիմքն եք ու շարունակականության ապահովողը, մաղթում եմ ձեզ երջանկություն և ընտանեկան ջերմ մթնոլորտ: Թող ժպիտն անպակաս լինի ձեր դեմքից, լինեք սիրված, հարգված ու գնահատված: Մենք կարևորում ու գնահատում ենք ձեզ և բարին մաղթում բոլորիդ»,- ասաց մարզպետ Կարեն Սարգսյանը: Արարողության ընթացքում կանանց շնորհավորեցին նաև Գեղարքունիքի մարզպետի տեղակալներ Ռուբիկ Նավոյանը, Վահան Զարոյանը, մարզպետարանի գլխավոր քարտուղար Սևակ Խլղաթյանը, մարզպետարանի ստորաբաժանումների ղեկավարները և այլք:
