Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2018-2021 թվականներին իրականացվել է շուրջ 1190 սուբվենցիոն ծրագիր։ Այս մասին հայտարարվել է Հայաստանի Հանրապետության փոխվարչապետ Համբարձում Մաթևոսյանի գլխավորությամբ հունվարի 10-ին տեղի ունեցած Հայաստանի համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի նիստի ժամանակ։ Փոխվարչապետ Համբարձում Մաթևոսյանը կարևորել է Կառավարության կողմից համայնքների զարգացմանը նպաստող այս գործիքի կիրառումն ու ընդգծել, որ այն իրական ու շոշափելի արդյունքներ է գրանցում։
Տեղեկացում 10.01.2022
Սույն թվականի հունվարի 11-ին ժամը 14:00-ին տեղի կունենա Գավառ խոշորացված համայնքի ավագանու արտահերթ նիստը:
Թող իրականանան մանուկների բոլոր հրաշալի երազներն ու երազանքները 10.01.2022
Գեղարքունիքի մարզպետարանին ուղղված Ամանորյա շնորհավորանքների մեջ էր նաև «Դասավանդի՛ր, Հայաստան» Teach for All միջազգային կրթական կազմակերպության Հայաստանյան ծրագրի բացիկը, որի նպատակն է ունենալ այնպիսի Հայաստան, որտեղ յուրաքանչյուր երեխա՝ անկախ իր սոցիալ-տնտեսական կարգավիճակից, կարող է ստանալ գերազանց կրթություն: Բացիկին կցված էր Ծովազարդի փոքրիկ բնակչուհի 9-ամյա Մարինա Սահակյանի նամակը՝ Ձմեռ պապին, որում Մարինան խնդրել էր նկարչական պարագաներ: Հունվարի 10-ին մարզպետ Կարեն Սարգսյանը հանդիպեց և իրականություն դարձրեց փոքրիկի խնդրանքը: Թող իրականանան մանուկների բոլոր հրաշալի երազներն ու երազանքները, նշել է Գեղարքունիքի մարզպետը:
Դասընթացի մեկնարկին ծանոթանալու նպատակով հունվարի 10-ին Գեղարքունիքի մարզպետ Կարեն Սարգսյանը մարզպետարանի կրթության, մշակույթի և սպորտի վարչության պետ Կարեն Զազյանի ուղեկցությամբ այցելեց Գավառի թիվ 1 հիմնական, Կարմիրգյուղի թիվ 1, Նորատուսի թիվ 1 և 2 միջնակարգ դպրոցներ: Մարզպետը դիտարկեց դպրոցների դասասենյակներում դասընթացի նորմալ կազմակերպման նպատակով բավարար ջերմաստիճանի ապահովման և աշակերտների հաճախելիության հետ կապված հարցերը: Տնօրենների ուղեկցությամբ Կարեն Սարգսյանը շրջեց դպրոցներում, ծանոթացավ շենքային պայմաններին և հնարավորություններին, ինչպես նաև դասընթացի կազմակերպման հետ կապված մի շարք հարցերի, որոնք մասնավորապես առնչվում էին դպրոցական գույքի և լաբորատոր սարքավորումների առկայությանը, ուսուցիչների օգնականների, դպրոցներում բուժկետերի և բուժաշխատողների գործունեությանը:...
Գեղարքունիքի մարզպետ Կարեն Սարգսյանն այցելեց 100-ամյա Սարիբեկ Արշակյանին 08.01.2022
շնորհավորեց աստղաձորցի Սարիբեկ Արշակյանին՝ ծննդյան 100-ամյակի առթիվ: Մարզպետին ուղեկցում էր Մարտունի խոշորացված համայնքի ղեկավար Հովհաննես Հովեյանը: Սարիբեկ Արշակյանը տոնական բարձր տրամադրությամբ դիմավորեց հյուրերին։ Մեծ Հայրենականի դաժան ճանապարհով անցած վետերանը խոսեց պատերազմից մինչև վիրավորում իր անցած ճանապարհի մասին, ցուցադրեց ստացած և մինչ օրս խնամքով պահպանած խրախուսանքներն ու մեդալները: Մեծ Հայրենականի առաջին կարգի հաշմանդամության կարգ ունեցող Սարիբեկ պապը մարզպետին հպարտությամբ ներկայացրեց վերջին տարիներին հրատարակված «Մեծ Հայրենականի դեմքեր» գիրքը, որի մեջ առանձին էջով ներկայացված էր նաև տեղեկատվություն իր մասին: Պատերազմի ավարտից հետո, ինչպես զրույցի ընթացքում նշեց Սարիբեկ Արշակյանը, նա աշխատանքի է անցել հայրենի ծննդավայրում, մեծ ներդրում և աշխատանքային ավանդ ունենալով գյուղատնտեսության բնագավառում: 100- ամյա հոբելյարն ամենուրեք գրանցել է աշխատանքային հաջողություններ։ ...
Հարգանքի տուրք Հայրենիքի պաշտպանության համար նահատակված հերոսների հիշատակին 07.01.2022
Այսօր՝ Սուրբ Ծննդյան տոնին հաջորդող ննջեցյալների հիշատակի օրը Գեղարքունիքի մարզպետ Կարեն Սարգսյանը Գավառ խոշորացված համայնքի ղեկավար Գուրգեն Մարտիրոսյանի հետ այցելեց Գավառ խոշորացված համայնքի Հացառատ, Արծվաքար թաղամասերից և Նորատուս ու Գավառ բնակավայրերից Արցախյան 44-օրյա պատերազմում հայրենիքի պաշտպանության ընթացքում հերոսացած հայորդիների շիրիմներին, որտեղ նրանք ծաղիկներ խոնարհեցին, աղոթեցին ու խնկարկեցին նահատակների հոգիների հանգստության համար: Գեղարքունիքի մարզպետ Կարեն Սարգսյանն իր վշտակցությունն ու զորակցությունը հայտնեց զոհվածների ընտանիքներին:
