Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում կատարվեց քաղաքացիների հերթական ընդունելությունը 06.04.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի ապրիլի 6-ին մարզպետարանում կատարեցի քաղաքացիների ընդունելություն, որին մասնակցեցին 47 հոգի: Զգալի մասը ներկայացրած դիմումներում մարզպետարանից ակնկալում էին դրամական աջակցություն՝ ուսման վարձի վճարման, բնակարանային պայմանների բարելավման, տանիքների վերանորոգման, կոմունալ ծախսերի դիմաց կուտակված պարտքերի մարման համար: Քաղաքացիների կողմից ներկայացրած մի շարք դիմումներ էլ վերաբերում էին դեղորայքի ձեռքբերմանը, աշխատանքի տեղավորմանը, զինվորական թոշակառու դառնալու և հաշմանդանության կարգի ձեռքբերման հարցում խորհրդատվություն ստանալուն, շինարարական ծրագրերում ներգրավվածությանը, մարզա-մշակութային միջոցառումների անցկացման հարցում աջակցությանը։ Դիմումատուների հիմնական մասի խնդրանքը տեղում բավարարվեց՝ նրանց ընտանիքներին ցուցաբերել որոշակի դրամական աջակցություն, ընդառաջել աշխատանքի տեղավորման հարցում, իսկ մնացած դիմումներն էլ հաշվառվեցին․․․
Ապրիլի 4-ին Գեղարքունիքի մարզպետարանի եւ «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղի միջեւ ստորագրվեց փոխըմբռնման հուշագիր։ Հուշագրի ստորագրումից առաջ «Վորլդ Վիժն Հայաստան» կազմակերպության Գավառի եւ Ճամբարակի տարածքային ծրագրերի համակարգողներ Նարինե Ասատրյանը եւ Ռոզա Բարսեղյանը Գեղարքունիքի մարզպետին ներկայացրեցին ընթացիկ տարվա ընթացքում Գեղարքունիքի մարզի Ճամբարակի, Գավառի եւ Վարդենիսի տարածաշրջաններում «Վորլդ Վիժն Հայաստան» կազմակերպության կողմից իրականացվող ծրագրերը, որոնք ունեն երեխայակենտրոն, սոցիալական եւ համայնքահեն ուղղվածություն։ «Մենք հիմնականում աշխատում ենք կյանքի դժվարին իրավիճակում հայտնված սոցիալապես խոցելի և անապահով ընտանիքների հետ։ Առավել խոցելի ընտանիքներից 240-ի հետ (638 երեխաներ), աշխատում ենք անհատական զարգացման ծրագրերով՝ ներառյալ Աղքատության փուլային հաղթահարման ծրագիրը։ Իրականացնում ենք աջակցության․․․
Գեղարքունիքի մարզում մեկնարկել են ճանապարհների ամառային պահպանման աշխատանքները 05.04.2022
2022 թվականի ապրիլի 1-ից ավարտվել են պետական նշանակության ավտոճանապարհների ձմեռային պահպանության աշխատանքները և մեկնարկել ամառային աշխատանքները: Գեղարքունիքի մարզի ճանապարհները սպասարկող կազմակերպությունները ձեռնամուխ են եղել ճանապարհների եզրերից աղբի մաքրման, ձմեռային պահպանության նպատակով իրականացված աշխատանքների ընթացքում օգտագործված և ասֆալտբետոնյա ծածկի վրա առկա ավազի հեռացման, ինչպես նաև ջրահեռացման համակարգերի մաքրման աշխատանքների իրականացմանը: Եղանակային պայմանների բարելավման պես մարզում կսկսվեն միջպետական և հանրապետական նշանակության ավտոմոբիլային ճանապարհների փոսային նորոգման և ճաքերի մշակման աշխատանքները: Ըստ ճանապարհային դեպարտամենտ հիմնադրամի` Գավառի, Մարտունու, Սևանի, Վարդենիսի և Ճամբարակի տարածաշրջաններում փոսային նորոգման և ճաքերի մշակման աշխատանքների ավարտման վերջնաժամկետ է սահմանվել 2022թվականի հունիսի 1-ը:․․․
Կայացավ հրաձգության մարզային մրցաշարը 04.04.2022
2022 թվականի մարտի 31-ին Գավառի Ավ. Իսահակյանի անվան թիվ 3 հիմնական դպրոցում տեղի ունեցավ հրաձգության մրցաշարի մարզային փուլը: Այն անցկացվում էր ՀՀ մարզերի, Երևան քաղաքի և Արցախի Հանրապետության հանրակրթական դպրոցների 7-12-րդ դասարանների աշակերտների միջև անցկացվող Սպարտակիադա մարզական միջոցառման ծրագրի շրջանակում: Մարզում հրաձգության մրցաշարն անցկացվեց երկու փուլով` համայնքային և մարզային: Համայնքային փուլն անցկացվեց մարտի 17-18-ին` տարածքների ավագ զինղեկների կողմից: Համայնքային փուլում հաղթած թիմերը մասնակցեցին մարզային փուլին: Հրաձգության մրցումներին մասնակցած դպրոցների թիմերի կազմում ընդգրկված էին 4 տղա և 4 աղջիկ: Մրցումներն անցկացվեցին օդամղիչ հրացանով ` մինչև թիրախ 10 մետր հեռավորությամբ: Յուաքանչյուր մասնակից իրավունք ուներ 8 կրակոցի, որից լավագույն 5-ը հաշվարկային էր: Թիմի հավաքած միավորը որոշվում էր թիմի յուրաքանչյուր անդամի հավաքած միավորների հանրահաշվական հանրագումարուվ:․․․
Ոռոգման համակարգերի արդիականացման, առկա խնդիրների և դրանց լուծման հնարավոր ուղիների ճանապարհին 04.04.2022
Գավառ խոշորացված համայնքի Գեղարքունիք բնակավայրի ոռոգման ցանցի վերանորոգման և կառուցման սուբվենցիոն ծրագրի շինարարական աշխատանքները, որոնք մեկնարկել էին 2021 թվականից, կվերսկսվեն և կավարտվեն 2022 թվականի ընթացքում։ Ծրագրի պայմանագրային արժեքը 32 միլիոն 853 հազար դրամ է, որից 22 միլիոն 997 հազար դրամը կազմել է ՀՀ կառավարության, 9 միլիոն 855 հազար 900 դրամը՝ Գեղարքունիքի համայնքապետարանի ներդրումը։ Մարտի 22-ի դրությամբ այստեղ աշխատանքներն ավարտված են շուրջ 70 տոկոսով։ Ծրագրի իրականացման արդյունքում Գեղարքունիքի ներհամայնքային ոռոգման ցանցը տարբեր թաղամասերում կհիմնանորոգվի կամ կվերակառուցվի շուրջ 2 կիլոմետր երկարությամբ, ինչի շնորհիվ տնտեսություններին ոռոգման ջուրը կմատակարարվի առանց կորուստների։ Շինարարական աշխատանքները կվերսկսվեն եղանակների տաքանալուն պես։
«Մարտական Խաչ» 2-րդ աստիճանի հուշամեդալով հետմահու պարգևատրվել է Շոթա Արմենակի Գևորգյանը 04.04.2022
Արցախի Հանրապետության նախագահի հրամանագրով «Մարտական Խաչ» 2-րդ աստիճանի հուշամեդալով հետմահու պարգևատրվել է 2020 թվականի Արցախյան պատերազմում հայրենիքի սահմանները պաշտպանելիս հերոսաբար զոհված, ժամկետային զինծառայող, Գեղարքունիքի մարզի Մարտունի համայնքի Ներքին Գետաշեն բնակավայրից Շոթա Արմենակի Գևորգյանը: Հուշամեդալը ապրիլի 4-ին հերոսի մորը հանձնեցին Գեղարքունիքի մարզպետարանի գլխավոր քարտուղար Սևակ Խլղաթյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման զորահավաքային բաժնի պետ Բենիկ Սարգսյանը և Ներքին Գետաշենի վարչական ղեկավար Ռուբեն Զուլոյանը: Սևակ Խլղաթյանը զրուցեց զոհված հերոսի հարազատների հետ, հնչեցրեց սփոփանքի և մեծարանքի խոսքեր: «Մենք խոնարհվում ենք հերոս Շոթա Գևորգյանի հիշատակի առջև: Անգնահատելի է նրա և իր ծառայակից շատ ու շատ հերոսացած տղաների դերը ․․․
