Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Վերջին զանգի կապակցությամբ 26.05.2023
Սիրելի՛ շրջանավարտներ, Շնորհավորում եմ բոլորիդ վերջին զանգի՝ արդեն գեղեցիկ ավանդույթի վերածված հիշարժան այս օրվա կապակցությամբ: Հասկանալի ու բնական է այն հուզմունքը, որ ապրում եք դուք՝ հրաժեշտ տալով ջերմ ու հարազատ դարձած կրթօջախներին, սիրելի ուսուցիչներին: Տարիներ շարունակ դպրոցը ձեզ համար եղել է կրթման, դաստիարակման և արժեքների ձևավորման յուրատեսակ դարբնոց: Այսօր դպրոցական ուսումնառության ավարտը խորհրդանշող վերջին զանգը ձեզ առաջնորդում է դեպի նոր ու մեծ կյանք, դեպի ինքնադրսևորման և ինքնահաստատման ավելի լայն ասպարեզներ: Սա այն պահն է, երբ պետք է կատարել մասնագիտության ճիշտ ընտրություն: Համոզված եմ, որ դպրոցական տարիներին ստացած ձեր հարուստ գիտելիքները, հայեցի կրթությունն ու ազգային արժեքների ոգով դաստիարակությունը կօգնեն ձեզ սեփական ունակություններն ու ձիրքերը ի սպաս դնելու երկրի և ժողովրդի հետագա բարգավաճմանը՝ իբրև մեր պետության արժանավոր քաղաքացիներ: ․․․
Գեղարքունիքի մարզի դպրոցներում տեղի ունեցան «Վերջին դասին» նվիրված միջոցառումներ 26.05.2023
Մայիսի 26-ին Գեղարքունիքի մարզի 124 հանրակրթական դպրոցներից 5-օրյա աշխատանքային գրաֆիկ ունեցող 110 դպրոցներում տեղի ունեցան ավարտական «Վերջին դաս» միջոցառումներ, որոնց ընթացքում շրջանավարտներն իրենց երախտագիտությունը հայտնեցին հարազատ կրթօջախներին ու մանկավարժներին, հանդես եկան դպրոցական տարիներին ուղղված հրաժեշտի խոսքերով, գրական, երաժշտական կատարումներով։ Մարզի 6-օրյա աշխատանքային գրաֆիկ ունեցող 14 դպրոցներում «Վերջին դասին» նվիրված միջոցառումները տեղի կունենան մայիսի 27-ին։ 2022-2023 ուսումնական տարվա ավարտին Գեղարքունիքի մարզն ունի 4120 շրջանավարտ, որից 1534-ը՝ 12-րդ, իսկ 2586-ը՝ 9-րդ դասարանցիներ են ։ 1-ական 12-րդ դասարանի շրջանավարտ ունեն Ճամբարակի թիվ 4, Ախպրաձորի և Ջաղացաձորի միջնակարգ դպրոցները, իսկ 1-ական 9-րդ դասարանի շրջանավարտ՝ Անտառամեջի, Այրքի, Ջաղացաձորի, Շատվանի միջնակարգ և Գեղամաբակի հիմնական դպրոցները։․․․
44 միլիոն 550 հազար դրամ՝ Գավառ համայնքում կանգառների տեղադրման համար 25.05.2023
Գեղարքունիքի մարզին սուբվենցիաների տրամադրում` ենթակառուցվածքների զարգացման նպատակով՝ ՀՀ կառավարության 2023 թվականի մայիսի 25-ի հերթական նիստում որոշում է կայացվել 44 միլիոն 550 հազար դրամ հատկացնել Գեղարքունիքի մարզպետի աշխատակազմին՝ Գավառ համայնքի կանգառների տեղադրման համար։
Կրթական համակարգի կատարելագործումն ու բարեփոխումները` որպես բարեկեցիկ ապագայի գրավական 25.05.2023
ՀՀ կառավարության 2023 թվականի մայիսի 25-ի հերթական նիստում որոշում է կայացվել 76 միլիոն 900 հազար դրամ հատկացնել Գեղարքունիքի մարզում 300 տեղ հզորությամբ թվով 6 դպրոցների կառուցման նախագծի լրամշակման նպատակով (վերափոխում 350 տեղ հզորության) անհրաժեշտ նախագծանախահաշվային փաստաթղթերի ձեռքբերման համար։ Այդ թվում՝ 11 միլիոն 600 հազար դրամ հատկացվելու է Գավառի թիվ 5 հիմնական դպրոցին, 11 միլիոն 600 հազար դրամ՝ Ծովինարի Արծրուն Խաչատրյանի անվան միջնակարգ դպրոցին, 21 միլիոն դրամ՝ Սևանի Վլադիմիր Կարապետյանի անվան թիվ 3 հիմնական դպրոցին, 9 միլիոն 500 հազար դրամ՝ Լիճքի միջնակարգ դպրոցին (Լիճքի հիմնական դպրոցի տեղակայման վայրում), 13 միլիոն 700 հազար դրամ՝ Վարդենիսի թիվ 3 հիմնական դպրոցին և 9 միլիոն 500 հազար դրամ՝ Գավառի Գեորգի Մնացականյանի թիվ 7 միջնակարգ դպրոցին․․․
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 25.05.2023
Գեղարքունիքի մարզի Գավառ համայնքի Բերդկունք բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել եւ շահագործվել է արտաքին լուսավորության ցանց։ Բերդկունքի արտաքին լուսավորության ցանցի կառուցման պայմանագրային արժեքը կազմել է 3 միլիոն 772 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Գավառի համայնքապետարանը։ Ծրագրի իրականացման արդյունքում ԼԵԴ համակարգով աշխատող արտաքին լուսավորության ցանց է կառուցվել Բերդկունքի Կենտրոնական փողոցում, Կենտրոնական փողոցի 1-ին նրբանցքում, մայրուղուն հարող 2-րդ եւ 5-րդ նրբանցքներում։ Տեղադրվել է 29 լուսատու։ Շինարարական աշխատանքները մեկնարկել են անցած տարեվերջին եւ ավարտվել 2023 թվականի մարտ ամսին։
Մայիսի 25-ին Գեղարքունիքի մարզպետի տեղակալ Ռուբիկ Նավոյանն ընդունեց «COVID-19-ի հետևանքների հաղթահարում համայնքահեն միջամտություններով» ծրագրի պատասխանատուներին, Ասիական Զարգացման Բանկի և «Արմավիրի զարգացման կենտրոն» ՀԿ ներկայացուցիչներին։ Հանդիպմանը ներկա էր Գեղարքունիքի մարզպետի աշխատակազմի գլխավոր քարտուղար Սևակ Խլղաթյանը, մարզպետի աշխատակազմի կառուցվածքային ստորաբաժանումների ղեկավարներ։ Ինչպես հանդիպման սկզբում ներկայացրին հյուրերը՝ «COVID-19-ի հետևանքների հաղթահարում համայնքահեն միջամտություններով» ծրագրի հիմնական նպատակն է՝ մատուցել այնպիսի ծառայություններ, որոնք կթեթևացնեն COVID-19-ի ազդեցությունը աղքատության մեջ գտնվող և խոցելի բնակչության վրա։ Ծրագիրը միաժամանակ բարձրացնում է ճգնաժամերի կանխարգելման, համավարակի հետևանքների մեղմացման և հաղթահարման համայնքահեն կարողությունները, աջակցում է COVID-19-ի ազդեցության պատճառով ծանրաբերռնված սոցիալական պաշտպանության ծրագրերին․․․
