Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տարածքային համաչափ զարգացումը ՀՀ կառավարության գերակայություններից է 25.04.2022
Գեղարքունիքի մարզի Վարդենիս համայնքի Սոթք գյուղի գազաֆիկացման աշխատանքները, որոնք մեկնարկել էին 2021 թվականին, ՀՀ կառավարության կողմից իրականացվող սուբվենցիոն ծրագրերի շրջանակներում, այժմ գտնվում են ընթացքի մեջ։ Ծրագրի պայմանագրային արժեքը 92 միլիոն 973 հազար դրամ է, որից 58 միլիոն 851 հազար 946 դրամը կազմում է ՀՀ կառավարության, 34 միլիոն 121 հազար 113 դրամը՝ Գեղամասարի համայնքապետարանի ներդրումը։ Այս պահի դրությամբ շինարարական աշխատանքներն ավարտված են շուրջ 95 տոկոսով։ Եթե մինչև ծրագրի մեկնարկը Սոթքում բնական գազից օգտվում էին 5 տնտեսություն, ապա ծրագրի ավարտի արդյունքում այստեղ բաժանորդների թիվը կավելանա ևս 200-ով։
Սևան խոշորացված համայնքից պետական աջակցությամբ իրականացվող գյուղատնտեսական ծրագրերից օգտվել ցանկացող շահառուների թիվը 27 է, որից 17-ը դիմել են գյուղատնտեսության ոլորտին տրամադրվող վարկերի տոկոսադրույքների սուբսիդավորման, 1-ական շահառու՝ ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների, փոքր և միջին ջերմատնային տնտեսությունների ներդրման պետական աջակցության, 3 շահառու՝ «Փոքր և միջին «խելացի» անասնաշենքերի կամ վերակառուցման և դրանց տեխնոլոգիական ապահովման աջակցություն», 3 շահառու՝ 2019-2024 թվականների տավարաբուծության զարգացման և 2 շահառու՝ գյուղատնտեսական տեխնիկայի լիզինգի աջակցության ծրագրերից օգտվելու նպատակով։ Սույն ծրագրերը Սևանի շահառուների կողմից ընտրվել են՝ գյուղատնտեսական տարբեր ծրագրերի իրականացման ընթացքում պետության կողմից տրամադրվող սուբսիդավորումից օգտվելու, այգեգործության զարգացման, բարձրարժեք մշակաբույսերի արտադրության,․․․
Գեղարքունիքի մարզպետն անցկացրեց աշխատանքային հերթական խորհրդակցությունը 25.04.2022
Ապրիլի 25-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը, որին մասնակցեցին մարզպետարանի ստորաբաժանումների ղեկավարները։ Խորհրդակցությունը քննության առավ ապրիլի 18-ին մարզպետի կողմից տրված հանձնարարականների կատարման ընթացքը։ Ընդլայնված քննարկում ծավալվեց 2022 թվականի ապրիլի 30-ին կայանալիք համապետական շաբաթօրյակի նախապատրաստական աշխատանքների շուրջ։ Մազպետարանի պատասխանատու աշխատակիցները և ստորաբաժանումների ղեկավարներն, ըստ տրված հանձնարարականի, զեկուցեցին կատարված աշխատանքների մասին, մարզպետի հետ քննարկեցին առաջիկա անելիքները և ստացան լրացուցիչ հանձնարարականներ։ «Համապետական շաբաթօրյակի աշխատանքները պետք է կազմակերպվեն բարձր մակարդակով, բոլոր կառույցները պետք է աշխատեն համագործակցված կարգով՝ նախապես ունենալով աշխատանքային հստակ ծրագիր, մաքրման ենթակա քարտեզագրված տարածքների սխեմաներ։ Պետք է բացառել դպրոցահասակ երեխաների ներգրավումը միջպետական, հանրապետական և մարզային նշանակության․․․
Գեղարքունիքի մարզում հարգանքի տուրք մատուցվեց Հայոց ցեղասպանության սրբադասված նահատակների հիշատակին 24.04.2022
Ապրիլի 24-ին Գեղարքունիքի մարզպետ Կարեն Սարգսյանը Գավառ քաղաքում ծաղկեպսակ դրեց Հայոց ցեղասպանության սրբադասված նահատակների հուշաքարին: Ծաղկեդրման արարողությանը մասնակցեցին նաև Հայ Առաքելական եկեղեցու Գեղարքունյաց թեմի առաջնորդական տեղապահ Տեր Պարթև վարդապետ Բարսեղյանը, Գեղարքունիքի մարզպետարանի և Գավառի համայնքապետարանի ներկայացուցիչներ, Գեղարքունյաց թեմի հոգևոր դասի անդամներ, մարզային և քաղաքային ենթակայության կրթամշակութային հաստատությունների, ուժային կառույցների ներկայացուցիչներ, հանրակրթական դպրոցների աշակերտներ: Ի հիշատակ Հայոց ցեղասպանության սրբադասված նահատակների՝ Գավառի Սուրբ Աստվածածին եկեղեցում մատուցվեց կիրակնօրյա պատարագ և Սրբերի բարեխոսության կարգ, կատարվեց մոմավառություն: Ոգեկոչման և ազգային միաբանության խոսքով ներկաներին դիմեց Գեղարքունյաց թեմի առաջնորդական տեղապահ Տեր Պարթև վարդապետ Բարսեղյանը։ Հիշատակի արարողությունից հետո մարզպետ Կարեն Սարգսյանը, Գեղարքունյաց թեմի առաջնորդական տեղապահ Պարթև վարդապետ Բարսեղյանը եւ արարողության․․․
Ծովինարում հիմնվում է ագրոանտառ 23.04.2022
Գեղարքունիքի մարզի Ծովինար գյուղի հարավային բարձունքի վրա Գերմանիայի միջազգային զարգացման գործակալության տրամադրած միջոցների հաշվին հիմնվում է ագրոանտառ, որը զբաղեցնում է 3,5 հեկտար տարածք։ Ագրոանտառի հիմնման հայեցակարգը Մարտունի խոշորացված համայնքի Ծովինար գյուղում ներկայացրեց Գերմանիայի միջազգային զարգացման գործակալության խորհրդատու Հովիկ Սայադյանը։ Հայեցակարգի ներկայացմանը մասնակցեցին Գեղարքունիքի մարզպետարանի գյուղատնտեսության եւ բնապահպանության վարչության պետ Մարտին Պետրոսյանը, «Սեւանա լճի շրջակա միջավայրի պահպանություն» ծրագրի Գեղարքունիքի մարզի համակարգող Վարազդատ Սարգսյանը, «Գեղարքունիք» ՋՕԸ տնօրեն Արտաշ Սարդարյանը, Ծովինարի վարչական ղեկավար Արայիկ Թարփոշյանը, Ծովինար գյուղի բնակիչներ, շահագրգիռ այլ անձինք։ Ինչպես ներկայացրեց Գերմանիայի միջազգային զարգացման գործակալության խորհրդատու Հովիկ Սայադյանը՝ Ծովինարի ագրոանտառը հիմնվում է դեգրադացված վարելահողերում, ձեռք է բերելու գյուղատնտեսական ․․․
Ավարտվեցին «Սպորտլանադիա» մարզական միջոցառման Գեղարքունիքի մարզային փուլերը 23.04.2022
2022 թվականի մարտ-ապրիլ ամիսներին Հայաստանի Հանրապետության Գեղարքունիքի մարզի հանրակրթական դպրոցների 1-3-րդ և 4-6-րդ դասարանների աշակերտների շրջանում անցկացվեցին «Սպորտլանդիա» մարզական միջոցառման ներդպրոցական, համայնքային և մարզային փուլերի մրցումները: Այն նպատակ ուներ ֆիզիկական կուլտուրայի և սպորտի միջոցով դպրոցահասակ երեխաների առողջության ամրապնդմանը, նրանց ֆիզիկական որակների բարելավմանը, ինչպես նաև դպրոցներում ֆիզկուլտուրային և զանգվածային մարզական աշխատանքների կազմակերպմանը: Միջոցառումը մեկնարկեց մարտի 1-ից՝ ներդպրոցական փուլով: Այս փուլում անցկացվեցին առանձին-առանձին մրցումներ 1-ին, 2-րդ, 3-րդ, 4-րդ, 5-րդ և 6-րդ դասարանների աշակերտների միջև, որի արդյունքում ձևավորվեցին դպրոցների հավաքական թիմերը: 1-3-րդ և 4-6-րդ դասարանների աշակերտները հավաքական թիմերում ընդգրկվել էին 5 տղա և 5 աղջիկ ձևաչափով։ Միջոցառման ծրագրում ընդգրկված էին 5 խաղային մարզաձևեր:․․․
