Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ծովինարում բացվեց և օծվեց հուշարձան- խաչքար 23.04.2015
Ապրիլի 23-ին Ծովինար համայնքում տեղի ունեցավ Հայոց ցեղասպանության 100-ամյա տարելիցին նվիրված հուշարձան-խաչքարի բացման և օծման արարողությունը: Նախաձեռնությունը պատկանում էր ծովինարցի, ՌԴ-ում բնակվող գործարարներ` Սերոբ Սահակյանին և Արկադի Մանուկյանին: Կամարաձև խաչքարը քանդակել են ծովինարցի Լյուդվիգ Զիրոյանը և Կարեն Կարապետյանը: Այն տեղադրվել է Ծովինարի գերեզմանոցի մուտքի մոտ: Ունի 2,50 մ բարձրություն և 1,50 մ լայնություն: Խաչքարի կողքին վեր է խոյանում հուշասյուն, որը խորհրդանշում է ցեղասպանության 100-ամյա տարելիցը: Նորաբաց հուշարձանը օծվեց Ծովինարի հոգևոր հովիվ Տեր- Գևորգ քահանայի և Արծվանիստի հոգևոր հովիվ Տեր- Տիրանի ձեռամբ: Հանդիսությանը մասնակցում էր Ծովինարի ողջ հասարակությունը:
Նորատուսում բացվեց եւ օծվեց Հայոց ցեղասպանության զոհերի հիշատակին նվիրված հուշարձան-խաչքար 22.04.2015
Գեղարքունիքի մարզի Նորատուս համայնքում հանդիսավորությամբ բացվեց եւ օծվեց Հայոց ցեղասպանության զոհերի մեկդարյա տարելիցին նվիրված հուշարձան-խաչքար: Հուշարձան-խաչքարը կերտել են նորատուսցի քանդակագործ եղբայրներ Հովիկ եւ Խաժակ Կոստանյանները: Հուշարձանը պատվիրվել եւ պատրաստվել է Նորատուսի գյուղապետարանի միջոցներով, որի համար տեղական բյուջեից ներդրվել է 5 միլիոն 400 հազար դրամ: Հուշարձանն իր հանգրվանն է գտել Հայրենական մեծ պատերազմում զոհված նորատուսցիների հիշատակը հավերժացնող հուշարձանի տարածքում: Այն ունի 3,70 մետր բարձրություն եւ 2,60 մետր լայնություն: Հայոց ցեղասպանության զոհերի հարյուրամյա հիշատակը հավերժացնող հուշարձան-խաչքարի բացման հանդիսությանը մասնակցեցին...
Գավառի երկրագիտական թանգարանում նույն հաստատության տնօրինության եւ աշխատակիցների ջանքերով կազմակերպվեց Հայոց ցեղասպանությունը վերապրած եւ Նոր Բայազետում հաստատված ընտանիքների լուսանկարների եւ գրավոր հուշերի թեմատիկ ցուցադրություն: Ցուցադրությանը մասնակցում էին Գեղարքունիքի մարզպետ Ռաֆիկ Գրիգորյանը, Գեղարքունիքի մարզպետի տեղակալ Անդրանիկ Հակոբյանը, Գեղարքունիքի մարզպետարանի պատասխանատու աշխատակիցներ, Գավառ քաղաքի կրթամշակութային հաստատությունների ներկայացուցիչներ, Հայոց ցեղասպանությունից վերապրած եւ Նոր Բայազետում բնավորված երկու տասնյակից ավելի հայերի...
Հայոց ցեղասպանության 100-ամյա տարելիցի միջոցառումների շրջանակներում Գավառ քաղաքի մշակույթի պալատում հատուկ համերգով հանդես եկավ ՀՀ Տարածքային կառավարման եւ արտակարգ իրավիճակների նախարարության փողային նվագախումբը: Նվագախմբի նախաձեռնությանն աջակցել էին Գեղարքունիքի մարզպետարանը եւ Գավառի քաղաքապետարանը:Նվագախմբի ոգեկոչման եւ խնկարկման հանդիսությունը կրում էր ՙՈղբամ մեռելոց, կոչեմ ապրողաց՚ խորագիրը: Փողային նվագախմբի կատարումները դիտելու էին եկել Գավառի տարածքի համայնքների ղեկավարներ, Գեղարքունիքի մարզպետարանի եւ Գավառի քաղաքապետարանի աշխատակիցներ,կրթամշակութային հաստատությունների...
Տեղի ունեցավ հուշարձան-խաչքարի բացման արարողություն 18.04.2015
,,Հացառատի զարգացման բարեգործական հիմնադրամի,, միջոցներով Գավառ քաղաքի Հացառատ թաղամասում ապրիլի 18-ին բացվեց Հայոց ցեղասպանության 100-ամյա տարելիցին նվիրված հուշարձան-խաչքար: Այն տեղադրվել է թաղամասի` Հայրենական մեծ պատերազմում զոհված հացառատցիների հիշատակը հավերժացնող հուշարձանի տարածքում: Հանդիսավոր արարողությանը ներկա էին Գեղարքունիքի մարզպետի տեղակալ Կարեն Հակոբյանը, Գավառի կրթամշակութային հաստատությունների ներկայացուցիչներ, համայնքների ղեկավարներ, ծնունդով հացառատցի անվանի մտավորականներ, երկրապահներ, հացառատցիներ: Հուշարձան-խաչքարի բացման նախապատվությունը տրվեց Հացառատից Արցախյան ազատամարտում զոհված ազտամարտիկների ծնողներին...
«Երգող Հայաստան» մանկապատանեկան երգչախմբերի հանրապետական 8-րդ մրցույթի մարզային փուլում 18.04.2015
,,Երգող Հայաստան,, մանկապատանեկան երգչախմբերի 8-րդ հանրապետական մրցույթի Գեղարքունիքի մարզային փուլն անցկացվեց ապրիլի 16-ին` Գավառի երաժշտական դպրոցի դահլիճում: Մասնակցում էին Կարմիրգյուղի և Նորատուսի արվեստի, Գավառի, Գանձակի, Վարդենիսի N1 և N2 երաժշտական դպրոցների մանկական երգչախմբերը: Գավառի և Վարդենիսի N1 երաժշտական դպրոցների երգչախմբերը ընդգրկված էին «մեծերի երգչախումբ» , իսկ մյուս դպրոցների երգչախմբերը` «փոքրերի երգչախումբ» տարիքային խմբում: Մրցույթի մասնակիցները ներկայացրել էին տարբեր բնույթի 4 ստեղծագործություն, որոնցից երկուսը պարտադիր ստեղծագործություններ էին: Այդ ստեղծագործործությունների կատարումները նվիրված էին Հայոց Մեծ եղեռնի 100-ամյա տարելիցին: Մրցութային հանձնաժողովի կազմում ընդգրկված էին ՀՀ մշակույթի նախարարության...
