Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզի բնակիչներին տրամադրվեցին օպտիկական ակնոցներ 25.01.2017
Մարդասիրական ծրագրերի շրջանակներում այս տարվա հունվար ամսից մարզում մեկնարկել է օպտիկական ակնոցներ տրամադրելու գործընթացը: Օգնությունից անվճար հիմունքներով հիմնականում օգտվել են սոցիալապես անապահով և հաշմանդամություն ունեցող այն քաղաքացիներն, ովքեր ունեն տեսողական խնդիրներ: ,,Տեսողական խնդիրներ ունեցող քաղաքացիները նախապես հետազոտվել են, որոշվել է նրանց տեսողության աստիճանը և այսօր արդեն հերթագրվածները ստանում են անվճար ակնոցներ: Ակնաբուժական ծրագրերը մարզում կրելու են շարունակական բնույթ: Ապրիլ ամսից մեկնարկելու են տեսողական համակագի սկրինինգները, որը հնարավորություն կտա մարզի բնակչության շրջանում իրականացնել բազմատեսակ հետազոտություններ, հայտնաբերել հիվանդությունները վաղ փուլում և անհրաժեշտության դեպքում կատարել նաև անվճար բուժում կամ վիրահատություն,,- իր խոսքում նշեց Գեղարքունիքի մարզպետարանի աշխատակազմի առողջապահության...
Ներկայացվեց ՀՀ ԱԻՆ Գեղարքունիքի մարզային ստորաբաժանումների 2016 թվականի աշխատանքային հաշվետվությունը 24.01.2017
2016 թվականի ընթացքում կատարած աշխատանքների ամփոփ հաշվետվությունն ընդունեցին Գեղարքունիքի մարզպետի տեղակալ Կարեն Հակոբյանը, ՀՀ ԱԻՆ ՙՀիդրոoդերեւութաբանության եւ մթնոլորտային երեւույթների վրա ակտիվ ներգործության ծառայություն՚ ՊՈԱԿ-ի տնօրեն Լ Վարդանյանը, ՀՀ ԱԻՆ փրկարար ծառայության թիկունքի եւ նյութատեխնիկական ապահովման վարչության պետ, փ/ծ գնդապետ Ա.Վարդանյանը: Կատարած աշխատանքների մասին ամփոփիչ զեկուցումով հանդես եկավ ՀՀ ԱԻՆ ՓԾ Գեղարքունիքի մարզի փրկարարական վարչության պետ, գնդապետ Էդիկ Գալստյանը: Նա նշեց, որ հաշվետու ժամանակահատվածում վարչության գործունեությունն ուղղված է եղել քաղաքացիական պաշտպանության համակարգի կատարելագործմանը եւ արտակարգ իրավիճակներում բնակչության պաշտպանության խնդիրների իրականացմանը:
Գեղարքունիքի մարզպետն ընդունեց Արծվաշեն համայնքի ներկայացուցիչներին 19.01.2017
Հիմք ընդունելով Արծվաշեն համայնքի բնակիչների կողմից ՀՀ վարչապետ Կարեն Կարապետյանին ուղղված դիմում-խնդրանքը՝ հունվարի 19-ին Գեղարքունիքի մարզպետ Ռաֆիկ Գրիգորյանն ընդունեց Ճամբարակի տարածքի Արծվաշեն համայնքի ղեկավարին և ներկայացուցիչներին, ովքեր մարզի ղեկավարին ներկայացրին իրենց բնակարանների հիմնանորոգման անհրաժեշտության հետ կապված խնդիրները: Համայնքի ղեկավար Մամիկոն Խոչոյանի ներկայացմամբ՝ 1992 թվականի օգոստոս ամսից Արծվաշեն գյուղից տեղահանված և Ճամբարակ քաղաքում վերաբնակություն հաստատած արծվաշենցիների 450 բնակարանները > կողմից կատարված ուսումնասիրությունների արդյունքում ճանաչվել են 4-րդ աստիճանի վթարային շենքեր: Խնդրի կարգավորման նպատակով դեռեւս 2011 թվականին ՀՀ կառավարության համապատասխան որոշմամբ ներքին տեղահանված 1966 շահառուի որպես օգնություն տրամադրվել է 360 հազարական դրամի չափով գումար...
Վարչապետի մոտ քննարկվել են Գեղարքունիքի մարզից ստացված ներդրումային ծրագրերի փաթեթները 12.01.2017
Վարչապետ Կարեն Կարապետյանի մոտ շահագրգիռ գերատեսչությունների ղեկավարների մասնակցությամբ տեղի է ունեցել խորհրդակցություն, որի ընթացքում քննարկվել են Գեղարքունիքի մարզից ներկայացված ներդրումային ծրագրերի փաթեթները՝ վարչապետի մարզային այցի շրջանակում ձեռք բերված պայմանավորվածության համաձայն: Մանրամասն անդրադարձ է կատարվել ներկայացված բիզնես ծրագրերից յուրաքանչյուրին, որոնք վերաբերում են պանրագործության, կաթնամթերքի, գյուղմթերքի արտադրության ընդլայնմանն ու զարգացմանը, ինչպես նաև առանձին բիզնես ծրագրերում արտաքին ներդրողների ներգրավմանը: Կարևորելով մարզերում ներդրումային ծրագրերի խթանումն ու իրականացումը՝ վարչապետը նշել է, որ կառավարությունը համաֆինանսավորելու և աջակցություն է ցուցաբերելու այն ծրագրերին, որոնք հեռանկարային են, ունեն տնտեսական հիմնավորում, գնահատված ռիսկեր, կարող են դառնալ արդյունավետ բիզնես՝ ստեղծելով նոր աշխատատեղեր և ապահովելով մուլտիպլիկատիվ էֆեկտ: Ամփոփելով քննարկման...
Գեղարքունիքի մարզում մեկնարկեց 2017 թվականի ձմեռային զորակոչը 09.01.2017
Հունվարի 9-ին Գեղարքունիքի մարզում մեկնարկեց 2017 թվականի ձմեռային զորակոչը: Նորակոչիկների առաջին հավաքի մասնակիցները Հայոց բանակի շարքերը համալրելու մեկնեցին Գավառի, Մարտունու, Վարդենիսի եւ Սեւանի զինվորական կոմիսարիատներից: Նորակոչիկներին Հայոց բանակ մեկնելու կապակցությամբ շնորհավորեցին եւ խաղաղ ու անվտանգ ծառայություն մաղթեցին Գեղարքունիքի մարզպետ Ռաֆիկ Գրիգորյանը, մարզպետի տեղակալներ Արտաշես Նիկոյանը եւ Կարեն Հակոբյանը, Գեղարքունիքի մարզպետարանի աշխատակազմի ղեկավար Սեւակ Խլղաթյանը, տարածքային զինկոմիսարներ և համայնքների ղեկավարներ: Զինկոմիսարիատներում նորակոչիկների վերջին բուժզննությունից հետո կազմակերպվեց հայրենասիրական ֆիլմի դիտում, ապա զրույց՝ բանակային կյանքի վերաբերյալ: ՙԳեղարքունիքի մարզից այսօր Հայոց բանակ մեկնած նորակոչիկները կայցելեն Մատենադարան, Հայաստանի պատմության և Հայոց ...
Ձորագյուղի Սուրբ Աստվածածին եկեղեցում կատարվեց Ջրօրհնեքի արարողություն 07.01.2017
Ձորագյուղ գյուղի Սուրբ Աստվածածին եկեղեցում հունվարի 6-ին կատարվեց Ջրօրհնեքի արարողություն՝ ձեռամբ Հայ Առաքելական եկեղեցու Գեղարքունյաց թեմի առաջնորդական տեղապահ Տեր-Կիրակոս վարդապետ Դավթյանի: Արարողությանը ներկա էին Գեղարքունիքի մարզպետ Ռաֆիկ Գրիգորյանը, Ձորագյուղի գյուղապետ Լեւիկ Գրիգորյանը, կրթական հաստատությունների տնօրեններ եւ մանկավարժներ, դպրոցականներ, ձորագյուղացիներ:ՙՍիրելի հավատավորներ, այսօր, Սուրբ Ծննդյան օրը, ես առիթ ունեցա առաջինը կատարելու Ջրօրհնեքի արարողությունը այս նորանորոգ եւ մյուռոնաբույր եկեղեցու պատերի ներքո: Այսօր Հայաստանի եւ Սփյուռքի բոլոր եկեղեցիներում մատուցված Սուրբ Պատարագի ընթացքում ընթերցվել է Նորին Սուրբ Օծություն Տեր-Տեր Գարեգին Երկրորդ Վեհափառի հայրապետական պատգամը Հիսուս Քրիստոսի ծննդյան տոնի կապակցությամբ, որում ասվում է, որ Քրիստոսի Սուրբ Ծննդյան տոնը պետք է դառնա նորոգություն մեր ազգի համար: Մենք, այո...
