Նորություններ
Հայոց ցեղասպանության 100-րդ տարելիցի հռչակագիրը ընթերցվում է մարզի դպրոցներում 17.04.2015
Հայոց Մեծ եղեռնի 100-ամյա տարելիցի համահայկական և մարզային միջոցառումների շրջանակներում այս օրերին Գեղարքունիքի մարզի մի շարք հանրակրթական դպրոցների 5-12-րդ դասարանների աշակերտների համար դասղեկները ընթերցել են Հայոց ցեղասպանության 100-րդ տարելիցի համահայկական հռչակագիրը, բացատրել հռչակագրի բովանդակությունը և պատասխանել աշակերտներին հետաքրքրող հարցերին: Մարզի հանրակրթական դպրոցներում շարունակում են նաև ոգեկոչման արարողությունները, ,, Հիշում եմ և պահանջում,, կարգախոսի շրջանակներում դպրոցականների և մանկավարժական կոլեկտիվների մասնակցությամբ իրականացվող գրական-երաժշտական ցերեկույթները:
Ապրիլի 15-ին Գեղարքունիքի մարզպետարանում տեղի ունեցավ ,,Հայոց ցեղասպանության 100-ամյա տարելիցին նվիրված միջոցառումների կազմակերպման և անցկացման մարզային հանձնաժողովի հերթական նիստը, որը վարեց հանձնաժողովի նախագահ, Գեղարքունիքի մարզպետ Ռաֆիկ Գրիգորյանը: Նիստի ընթացքում մարզպետարանի աշխատակազմի ԿՄՍ վարչության պետ, հանձնաժողովի անդամ Գարիկ Բադալյանը հանձնաժողովին ներկայացրեց մարզում մինչ այժմ Հայոց ցեղասպանության տարելիցին նվիրված միջոցառումները: Ըստ զեկուցման` մարզի համայնքներում և կրթամշակութային հաստատություններում հոբելյանի առիթով կազմակերպվում և կյանքի են կոչվում տարբեր բնույթի ...
Գավառ քաղաքի մշակույթի պալատում ապրիլի 15-ին ՀՀ Ազգային արխիվի կողմից հանրությանը ներկայացվեցին Հայոց ցեղասպանությունը հաստատող փաստաթղթեր և լուսանկարներ, որոնք Գեղարքունիքի մարզում ցուցադրվում են առաջին անգամ: Ցուցադրությանը մասնակցում էին ՀՀ Գեղարքունիքի մարզպետ Ռաֆիկ Գրիգորյանը, ՀՀ Ազգային արխիվի տնօրեն Ամատունի Վիրաբյանը, Գավառի քաղաքապետ Գուրգեն Մարտիրոսյանը, Գեղարքունիքի մարզպետարանի, Գավառի քաղաքապետարանի պատասխանատու աշխատակիցներ, Գավառի և մի շարք գյուղական համայնքների կրթամշակութային հաստատությունների ներկայացուցիչներ: Ցուցադրությանը Հայոց ցեղասպանությանը ...
Գավառի Սուրբ Կարապետ եկեղեցում ցուցադրման է բերվել Հին Բայազետի Բերդի երկփեղկ դռներից մեկը 15.04.2015
Գավառ քաղաքի Սուրբ Կարապետ եկեղեցում ապրիլի 15-ին ցուցադրման ներկայացվեց Հին Բայազետի Բերդի երկփեղկ դռներից մեկը: Ցուցադրությունը նախաձեռնել էր Գավառ քաղաքի բնակիչ, Սուրբ Կարապետ եկեղեցու վերականգնման և վերաբացման հովանավոր Սամվել Սինանյանը: Առաջին ցուցադրությանը մասնակցեցին Գեղարքունիքի մարզի և Գավառ քաղաքի ղեկավար այրերը, քաղաքի կրթամշակութային հաստատությունների ներկայացուցիչներ, մտավորականներ: Ինչպես ներկայացրեց Սամվել Սինանյանը` Հին Բայազետի բերդի մուտքի երկփեղկ մետաղակուռ դուռը պատրաստվել է 18-րդ դարում և կշռում է 1600 կիլոգրամ: Այն Հին Բայազետի հայերը իրենց հետ Արևելյան Հայաստան են տեղափոխել 1830 թվականի գաղթի ժամանակ: Այդ դռները 1835 թվականին ...
Ամփոփվեցին հրամանատարաշտաբային ուսումնավարժության արդյունքները 15.04.2015
Ապրիլի 14-ին և 15-ին Գեղարքունիքի մարզպետարանում անցկացվեց հրամանատարաշտաբային ուսումնավարժություն, որին ընդգրկված էին մարզի քաղպաշտպանության և զորահավաքային մարմինների ղեկավար կազմերը, քաղպաշտպանության ծառայությունները, տարհանման հանձնաժողովի, Նորատուսի և Երանոսի համայնքապետարանների ներկայացուցիչները, ղեկավար կազմերը: Ուսումնավարժության թեման ,,Նորատուս և Երանոս համայնքներում քաղպաշտպանության և զորահավաքային համակարգերը խաղաղից ռազմական դրության անցնելուն,, վերաբերող գործողությունն էր, որտեղ գործում էին քաղպաշտպանության և զորահավաքային պլաններին համապատասխան, և պատրաստ էին...
ՌԴ մուտքի արգելք ունեցող քաղաքացիների մասին 14.04.2015
Ռուսաստանի Դաշնություն մուտքի արգելքը հանելու խնդրանքով 2015 թվականի ապրիլի 1-ի դրությամբ Գեղարքունիքի մարզից մարզպետարան դիմում է ներկայացրել 720 քաղաքացի: Դիմումները քննարկելու նպատակով ուղարկվել են ՀՀ և ՌԴ միգրացիոն ծառայություններ: Վերջիններիս կողմից առայժմ 59 դիմումի պատասխան է տրվել: Արդյունքում բացվել է 21 քաղաքացու` ՌԴ մուտք գործելու արգելքը, իսկ 38 քաղաքացու դիմումներ մերժվել են: Գեղարքունիքի մարզպետարանում շարունակվում է դիմումների ընդունման գործընթացը: