Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացիների հերթական ընդունելություն՝ Ճամբարակ համայնքում 27.03.2024
Մարտի 27-ին Գեղարքունիքի մարզպետ Կարեն Սարգսյանը Ճամբարակի համայնքապետարանում կատարեց քաղաքացիների ընդունելություն։ Ընդունելությանը մասնակցեցին նաև Գեղարքունիքի մարզպետի և Ճամբարակի համայնքապետարանի աշխատակազմերի ներկայացուցիչներ, «Ճամբարակի առողջության կենտրոն» ՓԲԸ տնօրեն Արմեն Մելքումյանը։ 33 քաղաքացի մարզպետ Կարեն Սարգսյանին դիմեցին դրամական օգնության, աշխատանքի տեղավորման, բուժման, հրդեհված կամ վթարված բնակարանների վերանորոգման, այլ խնդիրներով։ Բոլոր դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։
Գեղարքունիքի մարզպետն անցկացրեց աշխատանքային հերթական խորհրդակցությունը 26.03.2024
Մարտի 26-ին Գեղարքունիքի մարզպետ Կարեն Սարգսյանը մարզպետի աշխատակազմի հետ անցկացրեց հերթական աշխատանքային խորհրդակցությունը։ Գեղարքունիքի մարզպետի աշխատակազմի ստորաբաժանումների ղեկավարները զեկուցեցին 2024 թվականի սուբվենցիոն հայտերի ներկայացման վերջնաժամկետների, 2025 թվականի զարգացման ծրագրերի իրականացման նպատակով նախագծանախահաշվային փաստաթղթերի ձեռքբերման համար համայնքների ֆոնդային բյուջեներում համապատասխան գումարներ նախատեսելու, Լեռնային Ղարաբաղից բռնի տեղահանված բնակչության աջակցության ծրագրերի տրամադրման ընթացքի, պետության կողմից գյուղատնտեսության ոլորտում իրականացվող աջակցության ծրագրերի իրազեկման, մարզի տարածքում ճանապարհների մաքրման և ավտոճանապարհների ձմեռային սպասարկման ընթացիկ վիճակի հետ կապված հարցերի մասին։․․․
ՈՒՇԱԴՐՈՒԹՅՈՒՆ 26.03.2024
ՀՀ Գեղարքունիքի մարզպետի աշխատակազմից տեղեկացվում է, որ 2024 թվականի մարտի 26-ին ժամը 17։00-ի դրությամբ ուժեղ բքի և անբավարար տեսանելիության պատճառով Մարտունի համայնքի Վերին Գետաշեն-Մադինա բնակավայրերով անցնող մարզային նշանակության ճանապարհահատվածը փակ է բոլոր տեսակի տրանսպորտային միջոցների համար։ Խնդրվում է ժամանակավորապես զերծ մնալ նշված հատվածով երթևեկելուց։ ՀՀ Գեղարքունիքի մարզպետի աշխատակազմ
Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության մասնագետները իրազեկման հերթական արշավով մարտի 26-ին հանդիպումներ ունեցան Ճամբարակ և Սևան համայնքների գյուղացիական տնտեսությունների ներկայացուցիչների հետ, խոսեցին ՀՀ կառավարության աջակցությամբ 2024 թվականին իրականացվող «Բուսաբուծության աջակցության ծրագրի» բովանդակության, դրանից օգտվելու հնարավորությունների, ծրագրի արդյունավետության մասին, պատասխանեցին ներկաների կողմից բարձրացված հարցերին։ Ըստ ներկայացվածի՝ ՀՀ կառավարության 2024 թվականի մարտի 14-ի հերթական նիստում որոշում է կայացվել պետական աջակցության ծրագրերի շրջանակներում հաստատել «Բուսաբուծության աջակցության ծրագիրը», որը կխթանի գարնանացան հացահատիկային (գարնանացան ցորեն, գարնանացան գարի, եգիպտացորեն, վարսակ, հաճար), հատիկաընդեղեն (ոլոռ, լոբի, ոսպ, սիսեռ) մշակաբույսերի և բազմամյա խոտաբույսերի (առվույտ, կորնգան) հավաստագրված սերմերով մշակության իրականացմանը, մարզերում ցանքատարածությունների ավելացմանը։․․․
ՏԵՂԵԿԱՑՈՒՄ 26.03.2024
ՀՀ Գեղարքունիքի մարզպետի աշխատակազմից տեղեկացվում է, որ 2024 թվականի մարտի 27-ին ժամը 10։00-ի դրությամբ Մարտունի համայնքի Վերին Գետաշեն-Մադինա մարզային նշանակության ճանապարհահատվածը բաց է բոլոր տեսակի տրանսպորտային միջոցների համար։ Սպասարկող կազմակերպության կողմից իրականացվում են ճանապարհի լայնացման աշխատանքներ։ ՀՀ Գեղարքունիքի մարզպետի աշխատակազմ
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 25.03.2024
Գեղարքունիքի մարզի Ճամբարակ համայնքի Շողակաթ բնակավայրում ավարտական փուլում է գտնվում Խելացի ոռոգման համակարգի կառուցման ծրագիրը, որն իրականացվել է ՀՀ կառավարության, Ճամբարակի համայնքապետարանի, «Հայաստանի տարածքային զարգացման հիմնադրամ»-ի եւ ՄԱԿ-ի Զարգացման ծրագրի կողմից տրամադրված միջոցներով։ 5️⃣6️⃣ Ծրագրի պայմանագրային արժեքը կազմում է 85 միլիոն 123 հազար 711 դրամ, որից 12 միլիոն դրամը հատկացրել է ՄԱԿ-ի Զարգացման ծրագիրը, 59 միլիոն դրամը՝ ՀՀ կառավարությունը եւ 13 միլիոն 537 հազար 113 դրամը՝ Ճամբարակի համայնքապետարանը: «Հայաստանի տարածքային զարգացման հիմնադրամը» 2022 թվականին համաշխարհային բանկի կողմից տրամադրված 4,7 միլիոն դրամ ֆինանսավորմամբ, «Սոցիալական ներդրումների և տարածքային զարգացման ծրագրի» շրջանակներում Շողակաթ գյուղում իրականացրել է 15 կիլովատտ ժամ հզորության արևային ֆոտովոլտային կայանի տեղադրում։
