Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքում կկազմակերպվի ձկան կերակրատեսակների փառատոն 27.05.2019
Գեղարքունիքի մարզում այս տարվա սեպտեմբեր ամսին առաջին անգամ կազմակերպվելու է ձկան կերակրատեսակների փառատոն, որին հիմնականում մասնակցելու են մարզի ռեստորանների ներկայացուցիչները: Այն կազմակերպվելու եւ անցկացվելու է «Հայաստանի ռեստորանների միության» եւ «Հայ խոհարարների ավանդույթների պահպանման եւ զարգացման» ՀԿ նախաձեռնությամբ ու Գեղարքունիքի մարզպետարանի հետ համագործակցությամբ: Ծրագիրը կյանքի կոչելու նպատակով էլ վերջերս Գեղարքունիքի մարզպետարանում նախաձեռնողների կողմից Գեղարքունիքի մարզպետ Գնել Սանոսյանի ուշադրությանը ներկայացվեց փառատոնի նախագիծը: «Հայ խոհարարների ավանդույթների պահպանման եւ զարգացման» ՀԿ նախագահ Սեդրակ Մամուլյանը, նույն կազմակերպության խորհրդի անդամ, « Ծաղկունք» հյուրատան տնօրեն Յուրա Սարգսյանը եւ «Հայաստանի ռեստորանների միության» մի խումբ անդամներ Գեղարքունիքի մարզպետի մոտ կայացած հանդիպման ժամանակ նշեցին, որ ծրագրվող փառատոնի ընթացքում մասնակիցներին են մատուցվելու...
Գեղարքունիքի մարզի դպրոցներին հրաժեշտ տվեցին 1591 շրջանավարտ 24.05.2019
Մայիսի 24-ին ,«Վերջին զանգ» կամ «Վերջին դաս» միջոցառումների առթիվ շրջանավարտներին շնորհավորելու նպատակով Գեղարքունիքի մարզպետ Գնել Սանոսյանն այցելեց Լճափի, Չկալովկայի, Լճաշենի և Գագարինի միջնակարգ դպրոցներ: Մարզպետը շրջայց կատարեց դպրոցներում, ծանոթացավ շենքային պայմաններին և հնարավորություններին, զրուցեց մանկավարժների հետ: Դպրոցներում Գնել Սանոսյանը դիտարկեց նախնական զինվորական պատրաստության դասասենյակներում առկա ուսումնադաստիարակչական հնարավորությունները և հանձնարարեց կատարել գույքագրում՝ ՀՀ Պաշտպանության նախարարություն ներկայացնելու և անհրաժեշտ գույք ձեռք բերելու նպատակով: Լճաշենի միջնակարգ դպրոցում Գեղարքունիքի մարզպետին դիմավորեցին դպրոցի շրջանավարտները և նույն դպրոցի 10-րդ դասարանի սան, Հայոց եկեղեցու պատմություն և հայ գրականություն առարկայական օլիմպիադաների հանրապետական փուլում առաջին կարգի դիպլոմակիր Նարե Խանդանյանը, ում պատիվ շնորհվեց Գեղարքունիքի մարզպետին հանձնել վերջին զանգի խորհրդանիշ կրծքանշանը...
ՀՀ Գեղարքունիքի մարզպետ Գնել Սանոսյանի շնորհավորանքի խոսքը հանրակրթական դպրոցների շրջանավարտներին 23.05.2019
Սիրելի շրջանավարտներ: Դուք այսօր հպարտորեն ու հուզմունքով բաժանվում եք ձեր սիրելի ու հարազատ դպրոցից, որտեղ անցկացրել եք ձեր կյանքի կարեւորագույն տարիները, ստացել արժանի դաստիարակություն, ձեռք բերել գիտելիքներ, սիրելի ուսուցիչներ ու դասընկերներ: Անմոռաց հիշողություններով ու հասունության վկայագրեր ստացած՝ դուք ոտք եք դնում կյանքի մի նոր ճանապարհ, որտեղ ձեզ սպասում են նոր նպատակներ ու ձգտումներ, կյանքի նոր վերելքներ, որոնք պետք է հաղթահարեք կամքով ու աշխատասիրությամբ, հայրենիքի հանդեպ նվիրումով եւ նպատակասլացությամբ: Դուք եք Նոր Հայաստան կայացրած սերունդը, դուք եք լինելու նրա արժանի կերտողները՝ մեր ապագա մանկավարժները, բժիշկները, կառուցողները, զինվորները, Հայաստանի Հանրապետության հպարտ ու ստեղծագործ քաղաքացիները: Ջերմորեն շնորհավորում եմ ձեզ Վերջին զանգի կապակցությամբ, մաղթում լուսավոր ու կանաչ ճանապարհ ձեր անձնական կյանքում: Լավագույն ցանկություններով՝ Գեղարքունիքի մարզպետ Գնել Սանոսյան
Անցկացվել է շախմատի մարզային առաջնություն 23.05.2019
2019 թվականի մայիսի 22-ին Գավառի շախմատի տանը տեղի է ունեցել Հայաստանի Հանրապետության և մայիսյան հերոսամարտերին նվիրված` Հայաստանի Հանրապետության Գեղարքունիքի մարզի շախմատի 2019 թվականի մարզային առաջնությունը: Մարզային առաջնությունն անցկացվել է մեկ փուլով, որին մասնակցել են ՀՀ Գեղարքունիքի մարզում գործող Հայաստանի շախմատի ակադեմիայի Գավառի, Մարտունու, Վարդենիկի, Վարդենիսի, Ճամբարակի, Սևանի և Սարուխանի մասնաճյուղերում կազմակերպված մրցումներում երեք մրցանակային տեղեր գրաված շախմատիստները: Այն անցկացվել է շվեյցարական մրցակարգով՝ ՖԻԴԵ-ի կանոնակարգի համաձայն: Առաջնությունն անհատական է եղել: Մեկ խաղափուլում յուրաքանչյուր խաղացողի տրվել է 25 րոպե ժամանակ` յուրաքանչյուր քայլի համար 5 վրկ. հավելումով: Առաջնությունն անցկացրել և արդյունքներն ամփոփել է մարզային մրցավարական հանձնաժողովը: Մրցումների գլխավոր մրցավարը՝ Հայաստանի Հանրապետության Գեղարքունիքի մարզում Հայաստանի շախմատի ակադեմիայի ներկայացուցիչ Մերուժան Հայրապետյանը...
Գեղարքունիքի մարզում անցկացվեցին շտաբային վարժանքներ 22.05.2019
2019 թվականի մայիսի 22-ին Գեղարքունիքի մարզում, Գեղարքունիքի մարզպետ, Գեղարքունիքի մարզի քաղաքացիական պաշտպանության պետ Գնել Սանոսյանի ղեկավարությամբ անցկացվեցին շտաբային մարզումներ, որոնց մասնակցում էին մարզպետարանի ստորաբաժանումների ղեկավար, ՀՀ Ոստիկանության և ՀՀ ԱԻՆ փրկարար ծառայության Գեղարքունիքի մարզային վարչությունների ղեկավարները և ներկայացուցիչները: Վարժանքներն անցան ըստ մշակված սցենարի:
Գավառի քաղաքի Բարեկամության փողոցում կկառուցվեն աստիճանավանդակներ 22.05.2019
Մայիսի 22-ին Գեղարքունիքի մարզպետարանում անցկացվեց «Վարձատրվող հասարակական աշխատանքներ» պետական ծրագրի շրջանակներում նախատեսված աշխատանքների կազմակերպման նպատակով ստեղծված զբաղվածության աջակցության մարզային հանձնաժողովի հերթական նիստը, որը վարեց մարզպետի տեղակալ, զբաղվածության աջակցության Գեղարքունիքի մարզային հանձնաժողովի նախագահ Նարեկ Գրիգորյանը: Հանձնաժողովի կողմից քննարկվեց ապա հաստատվեց Գավառ քաղաքի «Բարեկամության փողոցի աստիճանավանդակների կառուցում» ծրագիրը: Զբաղվածության աջակցության Գեղարքունիքի մարզային հանձնաժողովի տեղեկացմամբ ծրագրի իրականացման համար պետության կողմից հատկացվելու է 1,5 միլիոն դրամ: Շինարարական աշխատանքները կմեկնարկեն 2019 թվականի հունիսի 17-ին և կավարտվեն նույն թվականի հուլիսի 26-ին: Շինարարական աշխատանքների արդյունքում կստեղծվի 8 ժամանակավոր աշխատատեղ ՝ 5000-ական դրամ օրավարձով:
