Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մայիսի 27-ին Գեղարքունիքի մարզպետ Կարեն Սարգսյանն աշխատանքային հանդիպում ունեցավ ֆրանսիական «Աֆրատ» տուրիստական կազմակերպության տնօրեն Մարտինա Շալինիեի և նույն կազմակերպության Հայաստանյան ծրագրերի պատասխանատու Սեվաստիան Ֆավիեի հետ։ Կողմերը քննարկեցին Հայաստանի Հանրապետության Գեղարքարունիքի մարզպետի աշխատակազմի և Ֆրանսիայի Հանրապետության Իզերի դեպարտամենտի միջև հաստատված համագործակցության շրջանակներում իրականանացվող ծրագրերի ընթացքը տուրիզմի զարգացման ոլորտում։ Քննարկման առանցքում Գեղարքունիքի մարզում այս տարի նախատեսվող քայլարշավային տուրիզմի փառատոնի կազմակերպման հարցն էր, ինչպես նաև՝ քայլարշավային արահետների ստեղծման ուղղությունների համատեղ որոշումը և դրանց կահավորման աշխատանքների ձեռնարկումը։ Կարեն Սարգսյանը ֆրանսիական կողմին առաջարկեց՝ համատեղ քննարկման արդյունքում Գեղարքունիքի մարզի տարածքում հստակեցնել քայլարշավային արահետների երեք ուղղություն և այս տարվա ընթացքում ձեռնարկել ծրագրի իրականացումը,․․․
Գեղարքունիքի մարզը մասնակցել է «Ճանաչի՛ր Հայաստանը» ներքին զբոսաշրջային ցուցահանդեսին 26.05.2024
Հրավիրում ենք բոլոր ճանապարհորդներին, արկածներ փնտրողներին, մշակույթի և բնության սիրահարներին ու գուրմաններին: «Ճանաչի՛ր Հայաստանը» ներքին զբոսաշրջային ցուցահանդեսը Ձեր լավագույն հնարավորությունն է բացահայտելու Հայաստանի մարզերը։ Հնագույն պատմությունից մինչև հիասքանչ բնություն, հարուստ մշակույթից՝ համեղ խոհանոց… Միացեք ցուցահանդեսին և եկեք միասին բացահայտենք Հայաստանն իր բոլոր թաքնված գանձերով: Արի բացահայտելու Հայաստանի թաքնված ուղիները մայիսի 26-ին՝ Երևանի Սիզընս այգի։ Ցուցահանդեսի մուտքն ազատ է։
Սիրելի շրջանավարտներ, դուք այսօր հրաժեշտ եք տալիս ձեզ համար հարազատ տուն ու ընտանիք դարձած այն կրթօջախներին ու դասարաններին, որտեղ առաջին անգամ ոտք եք դրել տարիներ առաջ ու հիմա բաժանվում եք` արդեն կրթված ու դաստիարակված, գիտելիքներով զինված, ձեր կյանքի հետագա ուղիներն ընտրած, միշտ վառ ու տպավորիչ հիշողություններով։ Դուք այդ տարիների ընթացքում անցել եք այն նույն ճանապարհով, որով անցել են բոլոր կիրթ ու գրագետ մարդիկ, մեր գրի ու մշակույթի, գիտության բոլոր երախտավորները, և ես հավատացած եմ, որ ձեր մեջ են լինելու ապագայի մեր մանկավարժներն ու բժիշկները, տնտեսագետներն ու արվեստագետները, զինվորականներն ու գիտնականները, պետական ու հանրային ծառայողները։ Հավատացած եմ նաև, որ ձեզանից յուրաքանչյուրն իր դաստիարակությամբ ու մասնագիտական գիտելիքներով, ջանասիրությամբ ու նվիրումով իր նպաստը կբերի մեր հայրենիքի շենացմանը, զարգացմանն ու հզորացմանը, կյանքի նոր որակի հաստատմանը։...
Մարզպետի հետ ունեցած հանդիպման ընթացքում «Մարտունու կանանց համայնքային խորհուրդ» հասարակական կազմակերպության նախագահ Անահիտ Գևորգյանը ներկայացրեց 24 ամյա պատմություն ունեցող հասարակական կազմակերպության գործունեությունը՝ կրթության, առողջապահության, սոցիալական, հումանիտար, բնապահպանական և համայնքային զարգացման ոլորտներում։ Նրա խոսքով ծրագրերի իրականացման ընթացքում կարևորվել է բնակչության անմիջական ներգրավվածությունը տարբեր խնդիրների լուծման գործընթացներում, որն էլ իր նպաստն է ունեցել համայնքների զարգացման գործում բնակչության մասնակցային վարքի ձևավորման և նշված ոլորտներում խնդիրների արդյունավետ լուծման հարցերում։ «Մեր գործունեության ընթացքում հատուկ ուշադրություն է դարձվել բնակչության խոցելի խմբերին, նրանց սոցիալական վիճակի, հուզող խնդիրների բարելավմանը, զբաղվածության ապահովմանը։...
Մայիսի 24-ին Գեղարքունիքի մարզպետ Կարեն Սարգսյանն ընդունեց «Սևանա լճի շրջակա միջավայրի պահպանություն» ծրագրի թիմի արդեն նախկին ղեկավար Քրիստիան Հենշելին, նույն ծրագրի թիմի ղեկավար Օլգա Վայգելին, մասնավոր հատվածի զարգացման ֆինանսական կառավարիչ Նիկոլինա Միյատովիչ Գերբային, «Կայուն էներգիա հանուն Հայաստանում կլիմայակայուն համայնքային զարգացման» ծրագրի ղեկավար Ալեքսանդր Առաքելյանին, նույն ծրագրի խորհրդատուներ Էդգար Փիրումյանին, Հովիկ Սայադյանին և Վարազդատ Սարգսյանին։ Հանդիպման ընթացքում կողմերը քննարկեցին «Սևանա լճի շրջակա միջավայրի պահպանություն» ծրագրի ընթացքը, մինչ այժմ իրականացված աշխատանքները, առաջիկա անելիքները և հրատապ ու առաջնահերթ խնդիրները, համագործակցության հիմնական ուղղությունները։ Ծրագրի բաղադրիչների ղեկավարները Գեղարքունիքի մարզպետին ներկայացրին իրականացված աշխատանքները, ծրագրերի իրականացման ընթացքում ի հայտ եկած խնդիրները, դրանց կարգավորման միջոցներն ու հնարավորությունները։․․․
Գեղարքունիքի մարզային գրադարանում անցկացվել է «Դպրոցական Մատենադարան» միջոցառումը 24.05.2024
ՀՀ ԿԳՄՍ նախարարության դրամաշնորհային ծրագրերի շրջանակում, Մատենադարանի համաֆինանսավորմամբ և ՀՀ Գեղարքունիքի մարզպետի աջակցությամբ 2024 թվականի մայիսի 17-23-ը Գեղարքունիքի Վարդգես Պետրոսյանի անվան մարզային գրադարանում անցկացվել է «Դպրոցական Մատենադարան» միջոցառումը։ Ըստ նախատեսվածի՝ միջոցառմանը մասնակցել են Գեղարքունիքի մարզի հանրակրթական ուսումնական հաստատությունների 4-12-րդ դասարանների՝ շուրջ 250 աշակերտներ։ Միջոցառումը ներկացվել է շրջիկ ցուցահանդեսի, վարպետաց դաս՝ ձեռագրերի ստեղծման, հայ միջնադարյան գրավոր ժառանգության, մատենադարանի պատմության և ձեռագրերի վերականգնման տեսքով։ Ընթացքն ապահովվել է երեք բաժններով. ցուցադրություն, պատկերներով տեսական և գործնական մաս, որոնց ընթացքում աշակերտները սովորել են ձեռագիր մատյանում գրել եղեգնյա գրիչներով, նկարազարդել ձեռագիր մանրանկար էջ և հատուկ գործիքների ու նյութերի միջոցով փորձել վերականգնել թերթի պատռված, պակասող կամ կտրված մասերը։ դասընթացներն անցկացրել են Մատենադարանի գիտաշխատողները, թանգարանի կրթական ծրագրերի բաժնի աշխատակիցները և վերականգնման բաժնի մասնագետները։
