Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մեկնարկեց ձմեռային զորակոչը 16.12.2019
Գեղարքունիքի մարզում ձմեռային զորակոչը մեկնարկեց դեկտեմբերի 16-ին՝ Սեւան, Մարտունի եւ Վարդենիս քաղաքներից: Նորակոչիկները բանակ ճանապարհվեցին հանդիսավոր պայմաններում, մարզպետարանի, համայնքապետարանների, զինկոմիսարիատի աշխատակիցների, Հայ Առաքելական եկեղեցու Գեղարքունյաց թեմի հոգեւոր դասի, ծնողների ու հարազատների շնորհավորանքների ու մաղթանքների ներքո: Սեւանի տարածաշրջանի նորակոչիկները բանակ ճանապարհվեցին Սեւանի համայնքապետարանի բակից, տոնական բարձր տրամադրությամբ: Օրհնության կարգ կատարեց Գեղարքունյաց թեմի հոգեւոր հովիվ Տեր Ստեփանոս քահանա Իգնատեւոսյանը: «Մենք միշտ մնում ենք աղոթքով ձեզ համար, ձեր թիկունքում, որ միշտ կրեք Խաչի պարծանքը ձեր ուսերին եւ ձեր սրտերում, ու մենք երկու տարի անց ձեզ դիմավորենք խանդավառությամբ»,- նորակորչիկներին օրհնանքի խոսքեր հղեց Տեր Ստեփանոս քահանան: Այնուհետ Հայոց բանակի նորակոչիկներին եւ նրանց ծնողներին ողջունեց ու շնորհավորեց Գեղարքունիքի մարզպետ Գնել Սանոսյանը: «Բոլորիս շնորհավորում եմ այս տոնական օրվա կապակցությամբ Մեր զավակներին բանակ ճանապարհելու ամեն միջոցառում պետք է դառնա այսպիսի տոն՝ երգի, պարի, ուրախ տրամադրության ներքո:
Հիմնանորոգվել է Գագարինի բժշկամանկաբարձական կետը 16.12.2019
Գեղարքունիք-Իզեր մարզերի եւ Սեւան-Գրենոբլ քաղաքների ապակենտրոնացված համագործակցության շրջանակներում հիմնանորոգվել է Սեւանի Գագարին թաղամասի բժշկամանկաբարձական կետը: Ծրագիրն իրականացվել է ֆրանսիական «Բժշկական օգնություն եւ զարգացում» կազմակերպության միջոցներով: Հիմնանորոգված բուժկետի բացման արարողությանը ներկա էին Գեղարքունիքի մարզպետ Գնել Սանոսյանը, Սեւանի համայնքապետ Սարգիս Մուրադյանը, ֆրանսիական «Բժշկական օգնություն եւ զարգացում» կազմակերպության ծրագրերի պատասխանատու Ժան Կլոդ Ռոսեն, Սեւանի համայնքապետարանի պատասխանատու աշխատակիցներ: Շինարարական աշխատանքները մեկնարկել են 2019 թվականի սեպտեմբերից եւ ավարտվել դեկտեմբերի 15-ի դրությամբ: «Ներքին հարդարման աշխատանքներից բացի, անցկացվել է ջեռուցման համակարգ, մշտական ջրամատակարարում, նորոգվել սանհանգույցը: Ֆրանսիական կազմակերպությունը Գագարինի բժշկամանկաբարձական կետն ապահովել է նաեւ աուդիո մետր կոչվող սարքով, որը որոշում է լսողության աստիճանը եւ բժշկին կողմնորոշում՝ ճիշտ որոշումներ կայացնելու: Սա շատ կարեւոր քայլ է թաղամասի եւ հարակից համայնքների բնակիչների բուժսպասարկման որակի բարձրացման համար»,-ներկայացրեց Սևանի բժշկական կենտրոնի տնօրեն Գայանե Էլիզբարյանը:
Քննարկում 2019-2025 թվականների Հայաստանի Տարածքային զարգացման ռազմավարության ծրագրի շուրջ 13.12.2019
2019 թվականի դեկտեմբերի 12-ին Գեղարքունիքի մարզպետարանի նիստերի դահլիճում տեղի ունեցավ խորհրդատվական հանդիպում՝ նվիրված «2019-2025թթ. Հայաստանի տարածքային զարգացման ռազմավարությանը», որն իրականացվում է ԵՄ ֆինանսավորմամբ: Հանդիպում-քննարկումը կազմակերպել էին ՀՀ տարածքային կառավարման և ենթակառուցվածքների նախարարությունը և ՀՀ Գեղարքունիքի մարզպետարանը։ Քննարկումը վարեց Գեղարքունիքի մարզպետի տեղակալ Նարեկ Գրիգորյանը: Քննարկմանը մասնակցեցին մարզպետարանի ստորաբաժանումների ղեկավարներ եւ աշխատակիցներ, մարզի համայնքների ղեկավարներ, հանրակրթական դպրոցների տնօրեններ, ուսանողներ, հասարակական կազմակերպությունների ներկայացուցիչներ, ձեռնարկատերեր, անհատ քաղաքացիներ: ՀՀ տարածքային կառավարման և ենթակառուցվածքների նախարարության տարածքային զարգացման և պլանավորման բաժնի պետ Աննա Իվանյանը նախ համառոտ ներկայացրեց «2019-2025թթ. Հայաստանի տարածքային զարգացման ռազմավարության» նախագիծը՝ առանձին-առանձին անդրադառնալով ծրագրում ...
Գեղարքունիքի մարզպետ Գնել Սանոսյանը բաց դաս վարեց Գեղարքունիք գյուղի միջնակարգ դպրոցում գործող «Աժդահակ» էկոակումբի եւ լրագրողական խմբակում ընդգրկված աշակերտների հետ: Ինչպես ներկայացրեց «Աժդահակ» էկոակումբի ղեկավար, Գեղարքունիքի միջնակարգ դպրոցի ուսուցչուհի Նելլի Դռնոյանը, էկոակումբում ընդգրկված աշակերտները ուսումնական պարապմունքներից դուրս զբաղվում են նաեւ բնապահպանական խնդիրներով, էքսկուրսիաների ու էկոճամբարների միջոցով լրացնում իրենց գիտելիքները, կազմակերպում բնապահպանական կարեւոր միջոցառումներ: Այնուհետ մարզպետ Գնել Սանոսյանը աշակերտների հետ ակտիվ զրույց վարեց բաց դասի տեսքով՝ ներկայացնելով արդի աշխարհի բնապահպանական կարեւոր հիմնախնդիրները եւ լրջագույն մարտահրավերները: «Կյանքի համար կարեւորագույն ու վերականգնվող ռեսուրսները երկուսն են՝ օդը եւ ջուրը, որոնք ոչ մի դեպքում չպետք է աղտոտել: Շատ կարեւոր է նաեւ անտառների ստեղծումն ու պահպանումը, քանի որ դրանք համարվում են թթվածնի արտադրության կարեւորագույն աղբյուր...
Մարզի շնորհալիների աշխատանքները` ներառական ցուցահանդեսում 12.12.2019
2019 թվականի դեկտեմբերի 3-ին ՀՀ կրթության, գիտության, մշակույթի և սպորտի նախարարության աջակցությամբ «Հայկական կինոյի ինդուստրիալ զարգացման» մշակութային հիմնադրամը ՄԱԿ-ի հայաստանյան գրասենյակում անցկացրել է «Միասին» խորագիրը կրող ներառական ցուցահանդեսը՝ նվիրված Հաշմանդամության միջազգային օրվան: Ցուցահանդեսին ներկայացված են եղել Հայաստանի Հանրապետության հաշմանդամ և ոչ հաշմանդամ շնորհալի ստեղծագործողների ձեռքի աշխատանքները: Այս փառատոնին ակտիվ մասնակցություն են ցուցաբերել նաև Գեղարքունիքի մարզի Վարդենիսի գեղարվեստի դպրոցի /Սոնա Գրիգորյան, Արփի Սիմոնյան/, Վարդենիսի «Աստղավարդ» հասարակական կազմակերպության /Մերի Հակոբյան, Արսեն Զարոյան/ սաները, որոնց աշխատանքները արժանացել են հյուրերի ուշադրությանը և համակրանքին: Հյուրերին ու շնորհալի սաներին ողջունել են ՄԱԿ-ի մշտական համակարգող Շոմբի Շարփը, ՀՀ կրթության, գիտության, մշակույթի և սպորտի նախարարության աշխատակից Լիլյա Նիկոյանը, «Հայկական կինոյի ինդուստրիալ զարգացման» մշակութային հիմնադրամի համահիմնադիր Գուժ Թադևոսյանը: Նրանք իրենց...
2019 թվականի դեկտեմբերի 4-ին Առնո Բաբաջանյան համերգասրահում տեղի է ունեցել «Հզոր հայրենիք, հզոր մշակույթ» խորագիրը կրող ժողովրդական և ազգագրական պարերի հանրապետական փառատոնը, որին մասնակցել են հանրապետության ազգագրական և ժողովրդական լավագույն պարային խմբեր: Փառատոնին ակտիվ մասնակցություն է ցուցաբերել նաև Գեղարքունիքի մարզի Վարդենիսի մշակույթի տան «Սասուն», Սարուխանի «Զանգեզուր», Գավառի «Luna» ազգագրական, ժողովրդական և Նորատուսի պարային խմբերը: Փառատոնին Գեղարքունիքի մարզը մասնակցել է յոթ պարային խմբերով: Հանրապետական փառատոնի կազմակերպիչները ջերմ ընդունելության են արժանացրել Գեղարքունիքի մարզի պարային խմբերին և նշել, որ մարզը մեծ ոգևորությամբ, ակտիվությամբ, առանձնակի սիրով և կատարողական վարպետությամբ է մասնակցել փառատոնին: Լավագույն մասնակցության և վարպետության համար մարզը ներկայացնող պարային խմբերը, պարուսույցները և տնօրենները արժանացել են պատվոգրերի և գավաթների: Իսկ Գեղարքունիքի մարզպետարանի կրթության, մշակույթի և սպորտի վարչության մշակույթի և սպորտի բաժնի...
