Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Վարդենիկ գյուղում սուբվենցիոն ծրագրերի ընթացքը դիտարկեց Գեղարքունիքի մարզպետը 29.10.2019
Հոկտեմբերի 28-ին Գեղարքունիքի մարզպետ Գնել Սանոսյանն աշխատանքային այց կատարեց Վարդենիկ համայնք՝ ծանոթանալու այստեղ իրականացվող սուբվենցիոն չորս ծրագրերի ընթացքին: Գեղարքունիքի մարզպետարանի քաղաքաշինության վարչության տեղեկություններով՝ սուբվենցիոն առաջին ծրագրով, որի պայմանագրային արժեքը կազմում է 252 միլիոն 364 հազար դրամ, նախատեսվում է ասֆալտապատել գյուղի 9 փողոց՝ շուրջ 6 կիլոմետր երկարությամբ եւ 27 հազար 650 քառակուսի մետր մակերեսով: Պայմանագրային արժեքի 60 տոկոսը տրամադրել է ՀՀ կառավարությունը, 40 տոկոսը՝ Վարդենիկի համայնքապետարանը: Շինարարական աշխատանքները կավարտվեն առաջիկա մեկ ամսվա ընթացքում: Սուբվենցիոն երկրորդ ծրագրով հիմնանորոգվում է գյուղի խմելու ջրի օրվա կարգավորիչ ջրամբարը եւ 80 դիտահորեր՝ իրենց փականներով ու այլ սարքավորումներով: Ծրագրի պայմանագրային արժեքը կազմում է 18 միլիոն 200 հազար դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Վարդենիկի համայնքապետարանը: Շինարարական աշխատանքները կավարտվեն մեկ ամսից, որից հետո Վարդենիկում հիմնովին կկարգավորվի խմելու...
Մարտունիում բացվեց գեղանկարիչ Արթուր Գասպարյանի գրաֆիկական աշխատանքների ցուցահանդեսը 29.10.2019
Մարտունու ՏիգրանԱբրահամյանի անվան ավագ դպրոցի դահլիճում բացվեց գեղանկարիչ Արթուր Գասպարյանի թելային-լարային արվեստի (string art) գրաֆիկական աշխատանքների ցուցահանդեսը: Ցուցահանդեսի բացմանը ներկա էին Գեղարքունիքի մարզպետ Գնել Սանոսյանը, Մարտունի համայնքի ղեկավար Արմեն Ավետիսյանը, Մարտունի քաղաքի արվեստասերներ, մտավորականներ, մանկավարժներ: Ցուցահանդեսում ներկայացված էր ավելի քան 60 աշխատանք, որոնք արվեստագետը ստեղծել է 6-7 ամիսների ընթացքում եւ հանրությանը ներկայանում է առաջին անգամ: Ցուցահանդեսը բացեց Մարտունու Տ.Աբրահամյանի անվան ավագ դպրոցի տնօրեն Վարդան Ավետիսյանը, նշելով, որ այն յուրօրինակ է եւ արվեստի այդ ուրույն տեսակը պետք է փոխանցվի սերունդներին :§Այս օրը խորհրդավոր է այնքանով, որքանով որ արվեստի այս ճյուղը, որը ներկայացվում է, բացառիկ է ոչ միայն մեր մարզում, այլ նաեւ Հայաստանում: Իսկ մենք առավել հպարտանում ենք Արթուրի ստեղծագործությամբ, մի անհատի, ով սովորել է մեր դպրոցում, այստեղ է կայացել որպես արվեստագետ ու այժմ էլ վերադարձել է մեր դպրոց՝ այս հիասքանչ...
Գավառում անցկացվեց ավանդական «Մեծ փուռ – 2019» փառատոնը 28.10.2019
Գավառի քաղաքային զբոսայգում անցկացվեց «Մեծ փուռ – 2019» փառատոնը՝ «հյուրասիրում են քյավառցիները» խորագրով: Միջոցառմանը ներկա էին նաև ՀՀ կառավարության անդամներ, ՀՀ ԱԺ պատգամավորներ, Գեղարքունիքի մարզպետ Գնել Սանոսյանը, Գավառի քաղաքապետ Գուրգեն Մարտիրոսյանը, Գեղարքունիքի մարզպետարանի ու Գավառի քաղաքապետարանի աշխատակիցներ, Գավառի տարածաշրջանի բնակիչներ, հյուրեր Երեւանից ու Հայաստանի այլ մարզերից, արտասահմանցի զբոսաշրջիկներ: Փառատոնի ընթացքում ցուցադրվեց մարզի գյուղատնտեսական արտադրանքի տեսականին։ Փառատոնի մասնակիցները շրջեցին տաղավարներում, համտեսեցին առաջարկվող տեսականին եւ զրուցեցին արտադրողների հետ։ Փառատոնը կազմակերպել էին Գեղարքունիքի մարզպետարանը եւ Վորլդ Վիժն Հայաստան կազմակերպության Գավառի տարածքային գրասենյակը։ Ինչպես ներկայացրին Գեղարքունիքի մարզպետարանի գյուղատնտեսության եւ բնապահպանության վարչությունից՝ փառատոնի կազմակերպումը դարձել է հաճելի ավանդույթ եւ խորհրդանշում է կարտոֆիլի բերքահավաքը...
Համատեղ ուժերով փորձելու են դուրս բերել Գեղարքունքի մարզին ապագայում անհրաժեշտ մասնագիտությունները 28.10.2019
Հոկտեմբերի 28-ին Գեղարքունիքի մարզպետի տեղակալ Նարեկ Գրիգորյանն ընդունեց ՄԱԿ-ի «Ապագա հմտություններ եւ մասնագիտություններ» ծրագրի պատասխանատուներին: Հանդիպման հիմնական նպատակը ՄԱԿ-ի դրամաշնորհային ծրագրերի շրջանակներում Գեղարքունիքի մարզում իրականացվող աշխատանքների ուրվագծումն էր եւ տնտեսության զարգացման առաջնահերթ ոլորտի ընտրությունը: «Մենք համագործակցում ենք ՀՀ կրթության, գիտության, մշակույթի եւ սպորտի, ՀՀ աշխատանքի եւ սոցիալական հարցերի եւ տարածքային կառավարման եւ ենթակառուցվածքների նախարարությունների, ինչպես նաեւ մարզպետարանների հետ: Յուրաքանչյուր մարզի համար մենք պետք է ընտրենք մեկ գերակա ոլորտ, որպեսզի համատեղ ուրվագծենք 2020 թվականի աշխատանքները»,-նշեց «Ապագա հմտություններ եւ մասնագիտություններ» ծրագրի պատասխանատու Հասմիկ Սողոմոնյանը: Մարզպետի տեղակալ Նարեկ Գրիգորյանը շեշտեց, որ մարզի զարգացման համար գերակա համարվող գյուղատնտեսության, տուրիզմի ու այլընտրանքային էներգիայի արտադրության ոլորտներից բացի կարեւոր են նաեւ մի շարք այլ ոլորտներ, որտեղ հարկավոր է ներդնել...
Հանրային քննարկում՝ ՀՀ աշխատանքի եւ սոցիալական հարցերի նախարարի տեղակալի մասնակցությամբ 25.10.2019
Գեղարքունիքի մարզպետարանում հրավիրված քննարկումը, որը հրավիրվել էր ՀՀ աշխատանքի եւ սոցիալական հարցերի նախարարության նախաձեռնությամբ, նվիրված էր նպաստառու ընտանիքների համար ինքնուրույնաբար կայուն եկամտի ձեւավորման հնարավորությունների ստեղծման նպատակտակով ՀՀ կառավարության կողմից մշակված որոշման նոր նախագծի հանրայնացմանը: Հանդիպում-քննարկումը վարեց ՀՀ աշխատանքի եւ սոցիալական հարցերի նախարարի տեղակալ Ժաննա Անդրեասյանը: Հանրային քննարկմանը հրավիրված էին Գեղարքունիքի մարզպետարանի առողջապահության եւ սոցիալական ապահովության վարչության աշխատակիցները, սոցիալական աջակցության տարածքային գործակալությունների, զբաղվածության տարածքային կենտրոնների տնօրենները, զբաղվածության խնդրով հետաքրքրվող ակտիվ գործատուներ, հասարակական կազմակերպությունների ներկայացուցիչներ: Քննարկման ընթացքում առաջարկություններով կամ առարկություններով հանդես եկան հիմնականում սոցիալական աջակցության տարածքային գործակալությունների պետերը, հասարակական կազմակերպությունների ներկայացուցիչները..
ՀՀ մարդու իրավունքների պաշտպանը եւ Գեղարքունիքի մարզպետը հանդիպեցին դիմումատու քաղաքացիներին 25.10.2019
ՀՀ Մարդու իրավունքների պաշտպան Արման Թաթոյանը եւ Գեղարքունիքի մարզպետ Գնել Սանոսյանը Գավառ քաղաքում հանդիպեցին ՀՀ մարդու իրավունքների պաշտպանի գրասենյակ դիմած մի խումբ քաղաքացիների: Արման Թաթոյանն ու Գնել Սանոսյանն առաջինն այցելեցին Գավառ քաղաքի Կաբելագործների փողոցի թիվ 9 բազմաբնակարան շենք, որի տանիքը այս տարվա հունվարից քանդվել էր ավերիչ հողմից: Ինչպես տեղում ներկայացրեց Գեղարքունիքի մարզպետարանի քաղաքաշինության վարչության պետ Արմեն Զոհրաբյանը, շենքի տանիքի հիմնանորոգումն այժմ ընթանում է ՀՀ կառավարության կողմից տրամադրված միջոցների հաշվին: Շինարարական աշխատանքները կավարտվեն մի քանի օրից, ու բազմաբնակարան շենքի բնակիչներն այլեւս անհանգստանալու հիմքեր չունեն: «Ձեր շենքի տանիքի հիմնանորոգման պահանջով գրված դիմումը մենք քննարկել ենք Գեղարքունիքի մարզպետի հետ: Մենք ունենք համագործակցության շատ հաջողված օրինակ ու, ինչպես տեսնում եք, երկուստեք արձագանքել ենք ձեր դիմումներին, իսկ հարցի լուծումը կառավարության միջոցներով ․․․․
