Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2020 թվականի մայիսի 14-ին կայացան ՀՀ կառավարության կողմից իրականացվող «Վարձատրվող հասարակական աշխատանքներ» ծրագրի շրջանակներում նախատեսված աշխատանքների կազմակերպման նպատակով ստեղծված զբաղվածության աջակցության մարզային հանձնաժողովի առաջին և երկրորդ նիստերը, որոնք վարում էր Գեղարքունիքի մարզպետի տեղակալ, «Վարձատրվող հասարակական աշխատանքներ» ծրագրի կազմակերպման նպատակով ստեղծված զբաղվածության աջակցության մարզային հանձնաժողովի նախագահ Նարեկ Գրիգորյանը: Նիստին մասնակցում էին հանձնաժողովի բոլոր անդամները: Հանձնաժողովն առաջին նիստում քննարկեց «Ճամբարակ քաղաքի Սուրբ Խաչ եկեղեցու և կենտրոնական մարզադաշտի հարակից տարածքի բարեկարգում, ցանկապատում» ...
Լիճք համայնքի 4 փողոցներում կկառուցվի խմելու ջրատար 14.05.2020
Լիճք համայնքում ՀՀ կառավարության կողմից իրականացվող սուբվենցիոն ծրագրի շրջանակներում կկառուցվի խմելու ջրատար Ա-7 թաղամասի 4 փողոցներում: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի վարիչ Վարդուհի Մնացականյանի փոխանցմամբ, ծրագրի ընդհանուր արժեքը կազմում է 8 միլիոն 632 հազար դրամ, որի 3 միլիոն 632 հազար դրամը հատկացնում է ՀՀ կառավարությունը, 5 միլիոն դրամը՝ Լիճքի համայնքապետարանը: «Թաղամասը սնուցող ջրատարը քայքայվել է վաղեմության ժամկետի պատճառով, մատակարարվող ջրի կորուստները շատ են: Նոր ջրատարը կկառուցվի թաղամասի 5-րդ, 7-րդ, 10-րդ եւ 12-րդ փողոցներում, 1115 մետր ընդհանուր երկարությամբ,ինչի արդյունքում կբարելավվի բնակչության ջրամատակարարումը: Շինարարական աշխատանքները կավարտվեն այս տարվա ընթացքում»,-ներկայացրեց Լիճք համայնքի ղեկավարը:
Արծվանիստում կիրականացվի սուբվենցիոն երկու ծրագիր 13.05.2020
Գեղարքունիքի մարզում 2020 թվականին սուբվենցիոն ծրագրեր կիրականացվեն նաև Արծվանիստ համայնքում: ՀՀ կառավարության աջակցությամբ այս համայնքում կհիմնանորոգվի 22-րդ փողոցը, կկառուցվի աղբյուրակապ եւ խմելու ջրի սնման ջրատար՝ 1800 մետր երկարությամբ: Ինչպես տեղեկացրեցին Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից, սուբվենցիոն առաջին ծրագրի՝ 22-րդ փողոցի ասֆալտապատման ընդհանուր արժեքը կազմել է 56 միլիոն 196 հազար դրամ, որի 60 տոկոսը կամ 33 միլիոն 717 հազար դրամը հատկացնում է ՀՀ կառավարությունը, 40 տոկոսը կամ 22 միլիոն 478 հազար դրամը՝ Արծվանիստի համայնքապետարանը: Սուբվենցիոն երկրորդ ծրագրի՝ նոր աղբյուրակապի եւ սնման ջրատարի կառուցման ընդհանուր արժեքը կազմել է 22 միլիոն 292 հազար դրամ, որի 70 տոկոսը կամ 15 միլիոն 604 հազար դրամը հատկացնում է ՀՀ կառավարությունը, ...
Կհիմնանորոգվեն Սեւան քաղաքի Նալբանդյան եւ Գրիբոեդով փողոցները 12.05.2020
Միջգերատեսչական հանձնաժողովի հերթական նիստում հաստատվել է ՀՀ կառավարության կողմից իրականացվող «Սեւան համայնքի Գրիբոեդով եւ Նալբանդյան փողոցների ասֆալտբետոնյա ծածկույթի հիմնանորոգում» ծրագիրը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից ստացված տվյալների համաձայն, ծրագրի ընդհանուր արժեքը կազմել է 104 միլիոն 39 հազար դրամ, որի 60 տոկոսը կամ 62 միլիոն 423 հազար դրամը հատկացնում է ՀՀ կառավարությունը, 41 միլիոն 615 հազար դրամը՝ Սեւանի համայնքապետարանը: Գրիբոեդով փողոցում հիմնանորոգումը կիրականացվի 546, Նալբանդյան փողոցում՝ 1230 գծամետր երկարությամբ ճանապարհ: «Ասֆալտապատման աշխատանքներին զուգահեռ՝ նույն փողոցներում նախատեսված են եզրաքարերի քանդման ...
«Թանկագին բուժքույրեր, ընդունեք իմ ջերմ շնորհավորանքը բուժքույրերի միջազգային օրվա կապակցությամբ։ Օրը լավ առիթ է երախտիքի անկեղծ խոսքեր հղելու բոլոր այն բուժքույրերին, ովքեր մեծ նվիրումով են կատարում մասնագիտական իրենց պարտքը։ Դուք նեցուկ եք լինում հիվանդին, ձեր ժպիտով ու բարի վերաբերմունքով նպաստում նրա ապաքինմանը։ Առանց ձեզ կիսատ կլինի բժշկիկի գործը, առաջին օղակն եք, ում հետ բժիշկը կիսում է իր հաղթանակներն ու դժվարությունները։ Հատկապես անգնահատելի է ձեր դերը այս օրերին, երբ յուրաքանչյուր բուժաշխատող լծված է համավարակի հաղթահարման գործին։ Մաղթում եմ ձեզ քաջառողջություն, ընտանեկան ջերմություն և նորանոր հաջողություններ»:
Սեւանա լճի մակարդակը նախորդ տարվա մայիսի 11-ի համեմատ բարձր է 3 սանտիմետրով 12.05.2020
ՀՀ ԱԻՆ «Հայհիդրոմետ» ծառայությունից ստացված տվյալների համաձայն Սեւանա լճի մակարդակը 2020 թվականի մայիսի 11-ի դրությամբ գտնվում է 1900 մետր, 66 սանտիմետր բարձրության վրա: Նույն աղբյուրի հավաստմամբ գրանցված նիշը 3 սանտիմետրով բարձր է նախորդ տարվա նույն օրվա նիշից: Այս տարվա հունվարի 9-ից մինչեւ մայիսի 11-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 78 միլիոն 497 հազար խորանարդ մետր ջուր: Սեւան թափվող գետերում դիտվել է ջրի ելքերի մեծացում: Արգիճի գետի ջրի ելքը մայիսի 11-ի առավոտյան կազմել է 34, Մասրիկի ելքը՝ 15,6, Գավառագետի ելքը՝ 14,9 խորանարդ մետր վայրկյան: Սեւան թափվող գետերն առայժմ հեռու են իրենց վտանգավոր ելքերից, հավաստում են ՀՀ ԱԻՆ «Հայհիդրոմետ» ծառայությունից:
