Նորություններ
Կհիմնանորոգվի Ծովակ համայնքի 1-ին փողոցը 29.06.2021
Միջգերատեսչական հանձնաժողովի կողմից հավանության արժանացած ծրագրերի ցանկում է Ծովակ համայնքի 1-ին փողոցի հիմնանորոգման ծրագիրը։ Մարտունի-Վարդենիս մայրուղուց Ծովակ մտնող ճանապարհը կասֆալտապատվի 906 գծամետր երկարությամբ եւ 4530 քառակուսի մետր ընդհանուր մակերեսով։ Ծրագրի նախնական ընդհանուր արժեքը կազմում է 70 միլիոն 360 հազար դրամ, որի 40 տոկոսը կամ 28 միլիոն 144 հազար դրամը հատկացնում է ՀՀ կառավարությունը, 60 տոկոսը կամ 42 միլիոն 216 հազար դրամը՝ Ծովակի համայնքապետարանը։ Հիմնանորոգվող փողոցը հատվում է Ծովակ-Լճավան-Մաքենիս–Ախպրաձոր միջհամայնքային նշանակության ճանապարհին, որի հիմնանորոգման աշխատանքներն այժմ ընթացքի մեջ են։ Շինարարական աշխատանքների մրցույթը կհայտարարվի առաջիկայում։
Հերթական զորակոչը Գավառի տարածաշրջանից էր 29.06.2021
Գեղարքունիքի մարզում 2021 թվականի ամառային հերթական զորակոչը կատարվեց ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքից: Կառույցի բակում միախառնվել էին երաժշտությունն ու նորակոչիկների բարձր տրամադրությունը: Տղաները քաջ գիտակցում էին, որ մեկնում են Հայոց բանակ և պատրաստ են՝ ծառայելու հանուն հայրենիքի: Զորակոչի արարողությանը ներկա էին Գեղարքունիքի մարզպետ Գնել Սանոսյանը, Գավառի քաղաքապետ Գուրգեն Մարտիրոսյանը, մարզի ուժային կառույցների ղեկավարներ, հոգևոր դասի ներկայացուցիչներ, նորակոչիկների ծնողներ և հարազատներ: Գեղարքունիքի մարզպետ Գնել Սանոսյանը նորակոչիկներին մաղթեց անփորձանք ծառայություն և բարի վերադարձ հայրենի օջախներ: «Մեր տղաները մեկնում են ծառայության՝ նոր շունչ, նոր ուժ և նոր լիցքեր հաղորդելու Հայոց բանակին: Սիրելի՛ նորակոչիկներ, բանակում ձեզ են սպասում ձեր նոր ընկերները: Հայոց բանակը շատ փորձությունների միջով է անցել, և դուք ձեր...
Տեղեկացում 28.06.2021
2021թ. հուլիսի 2-ին, ժամը 11:00-ին Գեղարքունիքի մարզպետարանում տեղի կունենա «Սևանի ջրավազանային կառավարման պլան» հիմնադրութային փաստաթղթի շրջակա միջավայրի վրա ազդեցության գնահատման հայտի և դրա փորձաքննական գործընթացի վերաբերյալ հանրային քննարկումներ /երկրորդ փուլ/: Փաստաթղթերին կարելի է ծանոթանալ շրջակա միջավայրի նախարարության պաշտոնական կայք էջերում (http://env.am/)
Ամառային հերթական զորակոչի ընթացքում Հայոց բանակ զորակոչվեցին Մարտունու տարածաշրջանի նորակոչիկները 28.06.2021
Գեղարքունիքի մարզում հերթական զորակոչի օրը համընկավ Հայրավանքի ուխտի օրվա հետ: Այդ առիթով նորակոչիկների բանակ ճանապարհելու արարողությունը կատարվեց Հայրավանքի եկեղեցում: Արարողությանը ներկա էին Գեղարքունիքի մարզպետ Գնել Սանոսյանը, Հայ առաքելական եկեղեցու Գեղարքունյաց թեմի առաջնորդական տեղապահ, Հոգեշնորհ Տեր Պարթեւ վարդապետ Բարսեղյանը, հոգևոր դասի ներկայացուցիչներ, նորակոչիկների ծնողներ և հարազատներ: Ողջունելով ներկաներին՝ Գեղարքունիքի մարզպետ Գնել Սանոսյանը իր խոսքում կարևորեց հայրենիքին ծառայելու գործընթացը՝ նորակոչիկներին մաղթելով առողջություն, խաղաղ ու անփորձանք ծառայություն և բարի վերադարձ: «Այս պահին, առավել, քան երբևէ, շատ կարևոր է ձեր ծառայությունը և՛ մեր երկրի, և՛ մեր բանակի և՛ ձեր ծառայակից ընկերների համար, քանզի այդ տղաները պատերազմի և շատ մեծ փորձությունների միջով են անցել, կորուստներ կրել: Եվ հիմա մենք պետք է ձեզ խնդրենք, որպեսզի դուք լինեք նրանց կողքի, օգնեք նրանց, դառնաք նրանց ընկերն ու բարեկամը, կիսեք նրանց հոգսը, ուժ և հույս տաք նրանց, որպեսզի ձեռք ձեռքի տված զորանաք...
Վարդենիս քաղաքում սուբվենցիոն ծրագրերով կհիմնանորոգվի երեք փողոց 27.06.2021
Գեղարքունիքի մարզի Վարդենիս քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի կասֆալտապատվեն Ռոման եւ Խ․ Ստեփանյան փողոցները, միակողմանի մայթ կկառուցվի Վիկտոր Համբարձումյան փողոցում։ Սուբվենցիոն երեք ծրագրերը հաստատվել են Միջգերատեսչական հանձնաժողովի 2021 թվականի հունիսի 16-ի նիստում։ Ռոման փողոցի ասֆալտապատման եւ կահավորման ծրագրի նախնական ընդհանուր արժեքը կազմում է 30 միլիոն 576 հազար դրամ, որի 45 տոկոսը կամ 13 միլիոն 759 հազար դրամը հատկացնում է ՀՀ կառավարությունը, 16 միլիոն 817 հազար դրամը՝ Վարդենիսի համայնքապետարանը։ Ծրագրի իրականացման արդյունքում կասֆալտապատվի 360 գծամետր ճանապարհ՝ 3729 քառակուսի մետր ընդհանուր մակերեսով։ Խ․ Ստեփանյան փողոցի ասֆալտապատման, միակողմանի մայթի կառուցման եւ կահավորման ծրագրի նախնական ընդհանուր արժեքը կազմում է 82 միլիոն 178 հազար դրամ, որի 45 տոկոսը կամ 36 միլիոն 980 հազար դրամը հատկացնում է ՀՀ կառավարությունը, 55 տոկոսը կամ 45 միլիոն 198 հազար դրամը՝ Վարդենիսի համայնքապետարանը։
Խաչաղբյուրում կիրականացվեն ոռոգման ցանցի կառուցման եւ վերականգնման աշխատանքներ 26.06.2021
Գեղարքունիքի մարզի Խաչաղբյուր համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կիրականացվեն ոռոգման ցանցի կառուցման եւ վերականգնման աշխատանքներ։ Ծրագիրը հաստատվել է Միջգերատեսչական հանձնաժողովի 2021 թվականի հունիսի 16-ի նիստում։ Ծրագրի նախնական ընդհանուր արժեքը կազմում է 41 միլիոն 626 հազար դրամ, որի 65 տոկոսը կամ 27 միլիոն 57 հազար դրամը հատկացնում է ՀՀ կառավարությունը, 35 տոկոսը կամ 14 միլիոն 569 հազար դրամը՝ Խաչաղբյուրի համայնքապետարանը։ Ծրագրով նախատեսվում է Խաչաղբյուրի ոռոգման համակարգը կառուցել կամ վերականգնել շուրջ 760 գծամետր երկարությամբ՝ մի մասը երկաթյա խողովակներով, մի մասը երկաթբետոնյա կիսախողովակներով, ինչի շնորհիվ նվազագույնի կհասցվեն մատակարարվող ոռոգման ջրի կորուստները, իսկ ներհամայնքային ճանապարհները պաշտպանված կլինեն քանդման վտանգից։ Շինարարական աշխատանքների մրցույթը կհայտարարվի առաջիկայում։
