Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ցուցահանդես-վաճառքի հասույթը կփոխանցվի Զինծառայողների ապահովագրության հիմնադրամին 04.11.2020
Նոյեմբերի 3-ին ՀՀ կրթության, գիտության, մշակույթի և սպորտի նախարարության նախաձեռնությամբ, Հայաստանում գործող թանգարանների մասնակցությամբ Երևանի Հյուսիսային պողոտայի տարածքում կազմակերպվել է հուշանվերների և գրքերի ցուցահանդես-վաճառք, որի ամբողջ հասույթը պետք է փոխանցվի Զինծառայողների ապահովագրության հիմնադրամին: Գեղարքունիքի մարզպետարանի աջակցությամբ նախաձեռնությանը միացել և ցուցահանդես-վաճառքով հանդես է եկել նաև Գեղարքունիքի երկրագիտական թանգարանը: Տաղավարում ներկայացվել են Գավառի մանկատան, Գավառի արվեստի դպրոցի, Գեղարքունյաց թեմի Գավառի կիրակնօրյա դպրոցի և «Հայկական Կարիտաս» հասարակական կազմակերպության «Փոքրիկ Իշխան» կենտրոնի սաների ձեռքի աշխատանքները, ինչպես նաև Գավառի փախլավան, գաթան և շաքարլոխումը: Գեղարքունիքի մարզը ներկայացնող տաղավար այցելել են ՀՀ ԱԺ պատգամավորներ, ՀՀ ԿԳՄՍ նախարարության պատասխանատու աշխատակիցներ, երևանցիներ, մայրաքաղաքի հյուրեր: Գեղարքունիքի երկրագիտական թանգարանը ցուցահանդես-վաճառքից գոյացած հասույթը՝ կփոխանցի Զինծառայողների ապահովագրության հիմնադրամին:
Գեղարքունիքի մարզի մանկավարժները մասնակցում են հայրենիքի պաշտպանությանը 03.11.2020
Արցախյան պատերազմի օրերին առաջնագծում հայ զինվորի հետ կողք կողքի մարտնչում և մեր երկրի սահմաններն են պահում նաև Գեղարքունիքի մարզից մեկնած կամավորական ջոկատների տղաները, որոնց շարքում են նաև մարզի հանրակրթական դպրոցների տնօրեններ, ՆԶՊ առարկան դասավանդող ուսուցիչներ, այլ առարկաների գծով բազմաթիվ մանկավարժներ, ուսումնաօժանդակ անձնակազմի աշխատակիցներ: Այս պահին նրանք մարտի դաշտում մասնակցում են հայրենի երկրի պաշտպանությանը՝ ցուցաբերելով արիություն և խիզախություն, որոնց մասին փաստում է վերջերս առաջնագծից ուղարկված նամակը: Գեղարքունիքի մարզպետ Գնել Սանոսյանի իր երախտագիտությունն է հայտնում Գեղարքունիքի մարզից կամավորագրված անձանց և այն մանկավարժներին, ովքեր այս պահին գտնվում են առաջնագծում և իրենց ծառայությունն են մատուցում հայրենիքի պաշտպանության Սուրբ գործին՝ ցանկանալով նրանց անվտանգ ծառայություն և հաղթական վերադարձ:
Զոլաքար համայնքն օժանդակում է առաջնագծին 03.11.2020
2020 թվականի սեպտեմբերի 27-ից մինչեւ նոյեմբերի 2-ն ընկած ժամանակահատվածում առաջնագծին օժանդակելու նպատակով իրենց ներդրումն են ունեցել Զոլաքար համայնքի բնակիչները և արտերկրում բնակվող զոլաքարցիները: ՌԴ- ում բնակվող զոլաքարցի Արտաշես Մյասնիկի Կեսոյանը, նրա եղբայրը՝ Զոլաքար համայնքում բնակվող Նարեկ Մյասնիկի Կեսոյանը իրենց ընտանիքների կողմից հատկացրել են 77 հազար դոլար, որից 11 միլիոն դրամը փոխանցվել է Հայաստան համահայկական հիմնադրամին, իսկ մնացած գումարը ծախսվել է առաջնագծին տեխնիկա և առաջնահերթ այլ պարագաներ ձեռք բերելու համար: Արտերկրում բնակվող 15 զոլաքարցիների կողմից տրամադրվել է 2 միլիոն 800 հազար ռուբլի, որից 50 հազար ռուբլին հատկացվել է թշնամու դեմ մղած մարտերում զոհված զոլաքարցի Մեխակ Արեստի Սադոյանի ընտանիքին, իսկ մնացած գումարը փոխանցվել է Հայաստան համահայկական հիմնադրամին կամ ծախսվել առաջնագծի կարիքների համար: Զոլաքարի համայնքապետարանի աշխատակազմի կողմից Հայաստան համահայկական հիմնադրամի է փոխանցվել մոտ 1 միլիոն դրամ, համայնքապետարանի կողմից առաջնագիծ է ուղարկվել 1,5 միլիոն...
Ավելի քան 45 միլիոն դրամ Հայաստան համահայկական հիմնադրամին 02.11.2020
Արցախյան պատերազմի առաջին իսկ օրվանից Գեղարքունիքի մարզի հանրակրթական դպրոցները իրենց հայրենասիրական պարտքն են կատարում՝ առաջնագծին ցուցաբերելով տարատեսակ աջակցություն: Սեպտեմբերի 27-ից նոյեմբերի 1-ն ընկած ժամանակահատվածում Գեղարքունիքի մարզի 116 հանրակրթական դպրոցները, միանալով «Մենք ենք մեր սահմանները». համախմբվենք հանուն հայրենիքի նախաձեռնությանը, հավաքագրել և Հայաստան համահայկական հիմնադրամին են փոխանցել մոտ 45 միլիոն 342 հազար 270 դրամ, որից 22 միլիոն 732 հազար 680 դրամը մանկավարժները փոխանցել են իրենց սոցիալական փաթեթի գումարից: Այս ձեռնարկին մասնակցել են մանկավարժական կոլեկտիվները, աշակերտական և ծնողական խորհուրդները:
Գեղարքունիքի մարզում ավարտին են մոտենում բերքահավաքի աշխատանքները 31.10.2020
Գեղարքունիքի մարզի տնտեսություններում 2020 թվականի հոկտեմբերի 30-ի դրությամբ ավարտին է մոտենում կարտոֆիլի բերքահավաքը։ Գեղարքունիքի մարզպետարանի աշխատակազմի գյուղատնտեսության եւ բնապահպանության վարչությունից տեղեկացնում են, որ , շուրջ 8000 հեկտար կարտոֆիլի ցանքերից մնացել է բերքը հավաքել մոտ 90 հեկտար տարածքում։ Մեկ հեկտարի միջին բերքատվությունը կազմել է 240-250 ցենտներ։ Հոկտեմբերի վերջին օրերի դրությամբ սկսվել է նաեւ կաղամբի բերքահավաքը, որի ցանքատարածությունները կազմում են շուրջ 600 հեկտար։ Այս ուղղությամբ եւս բերքատվության արդյունքները գոհացուցիչ են։ Նույն աղբյուրի հավաստմամբ այս տարի գոհացուցիչ արդյուքն են տվել աշնանացան ցորենի ցանքերը, որոնցում մեկ հեկտարի միջին բերքատվությունը կազմել է 30-32 ցենտներ։ Հոկտեմբեր ամսին մարզում ավարտվել է նաեւ անասնակերի բերքահավաքը։ Մարզի տնտեսություններում կուտակվել է շուրջ 115 հազար տոննա խոտ եւ 22 հազար տոննա ծղոտ։ Հոկտեմբերի 30-ի դրությամբ մարզում կատարվել է մոտ 7700 հեկտար աշնանացան, որի աշխատանքները շարունակվում են:
Գեղարքունիքի մարզում այժմ ընթացքի մեջ է ՀՀ կառավարության կողմից իրականացվող սուբվենցիոն 61 ծրագիր 31.10.2020
Գեղարքունիքի մարզի համայնքներում 2020 թվականի հոկտեմբերի 30-ի դրությամբ ընթացքի մեջ է գտնվում ՀՀ կառավարության կողմից իրականացվող սուբվենցիոն 61 ծրագիր։ Գեղարքունիքի մարզպետարանի քաղաքաշինության վարչությունից ստացված տեղեկատվության համաձայն, սուբվենցիոն ծրագրերի շրջանակներում շինարարական աշխատանքներ են ընթանում Զոլաքար, Լիճք, Մադինա, Երանոս, Սարուխան, Աստղաձոր, Շողակաթ, Վերին Գետաշեն, Վարդենիկ, Գեղհովիտ, Կարմիրգյուղ, Ծովինար, Գանձակ, Ծաղկունք, Ծովագյուղ, Լանջաղբյուր, Գավառ, Զովաբեր, Խաչաղբյուր, Լճավան, Ծովասար, Վարսեր, Ծովակ, Ծակքար, Ճամբարակ, Գեղամասար, Գեղարքունիք, Մեծ Մասրիկ, Ներքին Գետաշեն, Մարտունի, Նորատուս, Սեւան, Վարդենիս, Վարդաձոր, Լուսակունք, Ակունք, Ձորագյուղ, եւ Չկալովկա համայնքներում։ «Գավառ քաղաքում ընթացքի մեջ է 4, Շողակաթում՝ 5, Ճամբարակում, Ներքին Գետաշենում, Ծովինարում, Գեղամասարում 3-ական, Լուսակունքում, Ծակքարում, Վարդաձորում, Զոլաքարում, Աստղաձորում, Գանձակում և Վարդենիկում 2-ական, մնացած համայնքներում՝ 1-ական ծրագրեր։ Կառուցվում կամ հիմնանորոգվում են ճանապարհներ..
