Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկացում 21.12.2021
Գավառի, Մարտունիի և Սևանի համայնքապետարաններից տեղեկացնում են, որ 2021թվականի դեկտեմբերի 23-ին ժամը 11:00-ին Գավառի Հայրապետ Խաչատրյանի անվան արվեստի դպրոցի դահլիճում, 2021թ. դեկտեմբերի 23-ին ժամը 13:00-ին Մարտունու մշակույթի տան դահլիճում, իսկ 2021 թվականի դեկտեմբերի 24-ին ժամը 11:00-ին Սևանի համայնքապետարանի շենքում տեղի կունենան համայնքի ավագանու հերթական նիստերը:
Ազգային անվտանգության հարգելի՛ աշխատողներ, Շնորհավորում եմ ձեզ մասնագիտական տոնի կապակցությամբ: Այս օրը ևս մեկ առիթ է արժևորելու և գնահատելու մեր երկրի անվտանգության աշխատակիցների աշխատանքն ու գործունեությունը՝ ուղղված հայրենիքի անվտանգության ապահովմանն ու ամրապնդմանը: Ազգային անվտանգության ծառայությունը մեր պետականության անվտանգ գոյության ապահովման կարևորագույն կառույցներից է, և մենք բարձր ենք գնահատում ձեր դերն ու նշանակությունն այդ առաքելության իրականացման գործում: Հայաստանի Ազգային անվտանգության ծառայությունը այսօր առավել քան երբևէ պատվով և մեծ հաջողությամբ է իրականացնում իր առջև դրված խնդիրները՝ ժամանակին արձագանքելով ներքին և արտաքին սպառնալիքներին, մեր երկրի առջև ծառացող տարաբնույթ մարտահրավերներին: Կրկին շնորհավորում եմ ձեզ և մաղթում հաջողություններ ու ձեռքբերումներ՝ ի շահ մեր ժողովրդի և հանուն Հայաստանի Հանրապետության անվտանգությունն ապահովելու վեհ գործի:
Նորակոչիկների առաջին խումբը Հայոց բանակ մեկնեց Մարտունի համայնքից 20.12.2021
2021 թվականի դեկտեմբերի 20-ին Գեղարքունիքի մարզում տեղի ունեցավ 2021-2022 թվականների ձմեռային առաջին զորակոչը, որի ընթացքում Հայոց բանակ ճանապարհվեցին Մարտունի խոշորացված համայնքի նորակոչիկները: Այն մեկնարկեց ՀՀ ՊՆ Զ և ԶՀԾ Գեղարքունիքի մարզային կառույցից: Զորակոչի արարողությանը ներկա էր Գեղարքունիքի մարզպետ Կարեն Սարգսյանը, ով բարեմաղթանքի խոսքեր հղեց նորակոչիկներին: «Սիրելի նորակոչիկներ, շնորհավորում եմ ձեզ Հայոց բանակի զինվորի բարձր կոչմանն արժանանալու համար: Վստահ եմ, որ դուք դաստիարակվել եք հայրենասիրական ոգով և պատվով կկատարեք ձեր առջև դրված պարտականությունները: Միաժամանակ վստահ եմ, որ այս նույն կազմով կհանդիպենք նաև երկու տարի անց, երբ ծառայությունն ավարտած կլինեք և հայրենիքին մատուցած ծառայության համար կպարգևատրվեք: Խաղաղ ծառայություն և բարի վերադարձ եմ մաղթում ձեզ»,- նշեց Կարեն Սարգսյանը:...
Դեկտեմբերի 20-ին Գեղարքունիքի մարզպետարանում կայացած խորհրդակցության ընթացքում քննարկվեց Սեւանա լճում արդյունագործական ձկնորսության ժամանակավոր դադարեցման միջոցառումների ծրագիրը՝ կապված սիգի ձվադրման ժամանակահատվածի հետ։ Խորհրդակցությունը վարեց Գեղարքունիքի մարզպետ Կարեն Սարգսյանը։ Խորհրդակցությանը մասնակցեցին ՀՀ Ոստիկանության, ՀՀ Շրջակա միջավայրի նախարարության, ՀՀ Բնապահպանության եւ ընդերքի տեսչական մարմնի, Գեղարքունիքի մարզպետարանի ներկայացուցիչներ եւ համայնքների ղեկավարներ։ Բացելով խորհրդակցությունը՝ Գեղարքունիքի մարզպետը ներկայացրեց ՀՀ Շրջակա միջավայրի, ՀՀ Տարածքային կառավարման եւ ենթակառուցվածքների նախարարությունների, ՀՀ Ոստիկանության, Գեղարքունիքի մարզպետարանի, ՀՀ բնապահպանության եւ ընդերքի տեսչական մարմնի եւ Երեւանի քաղաքապետարանի պատասխանատվությամբ մշակված համատեղ...
Մարտունու համայնքապետարանը տեղեկացնում է նորընտիր ավագանու առաջին նիստի մասին 17.12.2021
Մարտունու համայնքապետարանից տեղեկացնում են, որ ս/թ դեկտեմբերի 20-ին, ժամը 11:00-ին, Մարտունու համայնքապետարանի շենքում տեղի կունենա Մարտունի համայնքի նորընտիր ավագանու առաջին նիստը:
Գավառ համայնքը տեղեկացնում է ավագանու համար 1 նիստի մասին 16.12.2021
Գավառի համայնքապետարանից տեղեկացնում են, որ ս/թ դեկտեմբերի 20-ին, ժամը 11:00-ին, ավագանու նստավայրում /հասցե՝ Գավառի համայնքապետարան, Գր. Լուսավորչի 12/ տեղի կունենա Գավառ համայնքի ավագանու համար 1 նիստը, օրակարգային հետևյալ հարցերով. Օրակարգի հաստատման մասին ՀՀ Գեղարքունիքի մարզի Գավառ համայնքի ղեկավարի պաշտոնի ստանձնման մասին: ՀՀ Գեղարքունիքի մարզի Գավառ համայնքի ղեկավարի երդման արարողության կազմակերպչական հարցերի մասին ՀՀ Գեղարքունիքի մարզի Գավառ համայնքի առաջին նստաշրջանի գումարման օրվա սահմանում:
