Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Վահան Զարոյանը նշանակվել է ՀՀ Գեղարքունիքի մարզպետի տեղակալ 26.10.2021
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Հայաստանի Հանրապետության վարչապետ Նիկոլ Փաշինյանի 2021 թվականի հոկտեմբերի 26-ի 1200 - Ա որոշմամբ Վահան Զարոյանը նշանակվել է Հայաստանի Հանրապետության Գեղարքունիքի մարզպետի տեղակալ:
Ծովինար համայնքում անցկացվեց «ԹոնրաՏոն» փառատոնը 25.10.2021
«Միհր Վոյաժը», «Կէան կրթամշակութային կենտրոնը» և «Հայ խոհարարական ավանդույթների պահպանման և զարգացման» ՀԿ-ն ՀՀ Գեղարքունիքի մարզպետարանի հետ համատեղ հոկտեմբերի 23-ին Գեղարքունիքի մարզի Ծովինար համայնքում առաջին անգամ անցկացրեցին «ԹոնրաՏոն» փառատոնը։ Միջոցառման նպատակն էր՝ վեր հանել ու ներկայացնել թոնիր-հազարաշեն ծիսական կապի ողջ համակարգը, տոնածիսական կերակուրները, ծանոթացնել հացի ծեսին, տվյալ ծեսերին վերաբերվող խոհանոցին, երգ ու պարերին, խաղերին: Փառատոնի մեկնարկը տրվեց Ծովինարի Սուրբ Աստվածածին եկեղեցու բակից, որտեղ օրհնության կարգ կատարեց Գեղարքունյաց թեմի Մարտունու տարածաշրջանի հոգևոր հովիվ Տեր Գևորգ քահանա Բարսեղյանը: «Միհր վոյաժ» զբոսաշրջային և մշակութային ընկերության համահիմնադիր, փառատոնի հեղինակ Կարինե Փանոսյանը բացման խոսքում նշեց, որ փառատոնի նպատակն է հանրահռչակել, պահպանել և փրկել վաղ բրոնզի դարից հայտնի հազարաշենները՝ գերանակապ շինությունները: Նա հույս հայտնեց, որ ՀՀ կառավարությունը իր հոգածությունը կցուցաբերի հազարաշեն...
Գեղարքունիքի մարզպետն անցկացրեց աշխատանքային հերթական խորհրդակցությունը 23.10.2021
Հոկտեմբերի 22-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների մասնակցությամբ անցկացրեց աշխատանքային հերթական խորհրդակցությունը, որի ընթացքում անդրադարձ կատարվեց նախորդ խորհրդակցության ընթացքում մարզպետի կողմից տրված հանձնարարականների կատարման արդյունքներին։ Քննարկվեցին համայնքներում իրականացվող սուբվենցիոն ծրագրերի կատարման ժամանակ ի հայտ եկած թերությունների շտկման հետ կապված խնդիրները։ Ինչպես զեկուցեց քաղաքաշինության վարչության պետ Արմեն Զոհրաբյանը՝ նկատված թերությունները շտկելու համար շինարարներին տրվել են համապատասխան հանձնարարականներ, որի համար սահմանվել են նաև հստակ ժամկետներ։ Քննարկվեցին նաև միջպետական, հանրապետական ու մարզային նշանակության ճանապարհները կենցաղային աղբից մաքրելու, համավարակի դեմ պայքարի միջոցառումների կատարման, սուբվենցիոն նոր ծրագրերի կազմման նպատակով համայնքապետարանների հետ համագործակցության, համայնքների խոշորացման քաղաքականության թեմայով հանրային քննարկումների կազմակերպման հետ կապված հարցեր։ Անդրադառնալով հոկտեմբերի 18-19-ին Երևանում կայացած Հայ-ռուսական միջտարածաշրջանային համաժողովում Գեղարքունիքի մարզպետարանի մասնակցության արդյունքներին
Հոկտեմբերի 21-ին Գեղարքունիքի մարզպետ Կարեն Սարգսյանը մարզպետարանում ընդունեց ՄԱԿ-ի պարենի համաշխարհային ծրագրի` սննդի արժեշղթաների ծրագրերի համակարգող, Վանաձորի ենթագրասենյակի ղեկավար Վահան Առաքելյանին: Հանդիպման սկզբում Վահան Առաքելյանը խոսեց այն ծրագրերի մասին, որոնք իրականացվում են հանրապետության տարբեր մարզերում և առաջիկայում կներդրվեն նաև Գեղարքունիքում: Անդրադառնալով այցի բուն նպատակին ՄԱԿ-ի ներկայացուցիչը հանգամանալից ներկայացրեց պարենի համաշխարհային ծրագրի կողմից իրականացվող «Վերականգնվող էներգիայի հասանելիություն Հայաստանի միկրոձեռնարկությունների համար» նոր նախագիծը, որի մեկնարկը Գեղարքունիքի մարզում նախատեսվում է տալ առաջիկա օրերի ընթացքում: «Ծրագիրը սննդի արտադրության ոլորտում գործող միկրոձեռնարկություններին հնարավորություն է տալու ստանալ 30% սուբսիդավորում՝ արևային կայաններ տեղադրելու համար: Արևային կայան ստացող միկրոձեռնարկությունը որպես կանխավճար պետք է վճարի արևային կայանի արժեքի ընդամենը 10%-ը: ...
Գեղարքունիքի մարզպետ Կարեն Սարգսյանն ընդունել է Միգրացիոն քաղաքականության մշակման միջազգային կենտրոնի գրասենյակի ղեկավար Կարել Հոֆսթրային, «ԵՄ-ն հանուն միգրանտների ներուժի օգտագործման` ի նպաստ Հայաստանի զարգացման» ծրագրի պատասխանատու Անդրեյ Ափոյանին և նույն ծրագրի հաղորդակցման վարչության գծով պատասխանատու Իննա Գալոյանին: Հանդիպմանը մասնակցել են նաև Գեղարքունիքի մարզպետի տեղակալ Ռուբիկ Նավոյանը, մարզպետարանի ստորաբաժանումների ղեկավարներ: Միգրացիոն քաղաքականության մշակման միջազգային կենտրոնի գրասենյակի ղեկավարը և ծրագրի պատասխանատուն հանդիպման մասնակիցներին ներկայացրել են ծրագրի բովանդակությունը, նպատակներն ու խնդիրները: «Ծրագրի նպատակն է աջակցել մարզի բնակիչների և նրանց ընտանիքների անդամների կողմից արդեն իսկ հիմնադրված կամ ապագայում ստեղծվելիք բիզնեսների զարգացմանը: Ծրագրին միանալու համար շահառուները նախ կմասնակցեն երկամսյա օնլայն դասընթացների, որը հաջողությամբ ավարտելուց հետո նրանց հնարավորություն կտրվի ներկայացնել անհատական բիզնես պլանններ:
Երևանում կայացավ հայ-ռուսական միջտարածաշրջանային 8-րդ համաժողովը 20.10.2021
Երևանում կայացավ հայ-ռուսական միջտարածաշրջանային 8-րդ համաժողովը՝ «Նոր իրողությունների պարագայում հայ-ռուսական համագործակցության հեռանկարներ» խորագրով, որի կազմակերպիչներն էին ՀՀ տարածքային կառավարման և ենթակառուցվածքների նախարարությունը, ՌԴ տնտեսական զարգացման նախարարությունը։ 2011 թվականից պարբերաբար անցկացվող միջտարածաշրջանային համաժողովները նպաստում են Հայաստանի մարզերի ու Ռուսաստանի ռեգիոնների միջև տարբեր ուղղություններով համագործակցության խորացմանը և խնդիր ունեն նպաստել երկու երկրների միջև միջտարածաշրջանային մակարդակով առկա փոխգործակցության մեծ ներուժի բացահայտմանը, գործակցության նոր ուղղությունների նախանշմանը և նոր կապերի հաստատմանը։ Ութերորդ հայ-ռուսական ֆորումի նպատակն էր ի հայտ բերել պոտենցիալ գործընկերների, որոնք հետաքրքրված են արտադրանքի ու ապրանքների արտահանման, ներդրումների և այլ համատեղ նախագծերի իրականացման գործում համագործակցելու ուղղությամբ։ Համաժողովի շրջանակներում իրականացվեց ռուսական արտահանման կենտրոնի բիզնես առաքելություն՝ շուրջ 100-150 հայ և ռուս գործարարների
