Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացիների հերթական ընդունելություն Սևան համայնքում 23.02.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի փետրվարի 23-ին Գեղարքունիքի մարզպետի տեղակալ Ռուբիկ Նավոյանը և մարզպետարանի առողջապահության և սոցիալական ապահովության վարչության պետ Լուսինե Վարդանյանը Սևանի համայնքապետարանում կատարեցին քաղաքացիների ընդունելություն, որին մասնակցեցին 44 քաղաքացի: 36 դիմումներ վերաբերում էին մարզպետարանից դրամական աջակցություն ստանալուն, մնացած 8 քաղաքացիներ դիմում ներկայացրեցին բնակարանային և կոմունալ-կենցաղային պայմանների բարելավման, նոր բնակարանի ձեռքբերման, աշխատանքի տեղավորման, պետական աջակցությամբ առողջարանում կամ բուժհիմնարկներում բուժում ստանալու, սոցիալական բնույթի այլ հարցերով: Դիմումատուների մի մասին տեղում տրվեց բավարար պատասխան, իսկ մնացած դիմումներ էլ հաշվառվեցին մարզպետարանում, որոնց պատասխանները կտրվեն օրենքով սահմանված կարգով եւ ժամկետներում, լրացուցիչ ուսումնասիրություն կատարելուց հետո:
ՀՀ Կառավարությունը 145 877,5 դրամ է հատկացրել Գեղարքունիքի մարզպետարանին 23.02.2022
ՀՀ Կառավարության փետրվարի 23-ի հերթական նիստում 145 877,5 դրամ է հատկացվել Գեղարքունիքի մարզպետարանին՝ 2021 թվականին իրականացված և ընթացքի մեջ գտնվող սուբվենցիոն ծրագրերի համար: Որից՝ 104 324,5 դրամ՝ Ծովինար բնակավայրի խմելու ջրագծի կառուցման 11 004,1 դրամ՝ Գեղարքունիք բնակավայրի խմելու ջրի ջրագծի հիմնանորոգման 14 885,7 դրամ՝ Ճամբարակ համայնքի Իսահակյան, Վերին Ճամբարակ թաղամասերի, ինչպես նաև Այգուտ բնակավայրի ջրագծերի ներքին և/կամ արտաքին ցանցերի կառուցման աշխատանքների 15 663,2 Ճամբարակ քաղաքի Գ․ Նժդեհի 103 և Տ․ Մեծի 107 բազմաբնակարան շենքերի տանիքների վերանորոգման աշխատանքների համար:
Փետրվարի 20-ից Գեղարքունիքի մարզի բոլոր հանրակրթական դպրոցներում եւ մասնագիտական ուսումնական հաստատություններում ՄԱԿ-ի «Պարենի համաշխարհային ծրագրի» աջակցությամբ ստացված նվիրատվությունը բաշխվում է անհատական պաշտպանության միջոցների տեսքով։ Դրանք դիմակներ են, դեմքի պաշտպանիչ վահաններ, ալկոգել, ճաշարանի աշխատակիցների համար ստերիլ խալաթներ, որոնք բաշխվում են ՀՀ ԿԳՄՍՆ կողմից կազմված բաշխման ցուցակներով ԿԶՆԱԿ հիմնադրամի «Դպրոցական սնունդ և երեխաների բարեկեցություն» հիմնարկի ջանքերով՝ ի աջակցություն ուսումնական հաստատություններում COVID-19 համավարակի տարածման կանխարգելիչ միջոցառումների և ի նպաստ դպրոցական ճաշարանների վերաբացմանն ու դրանց անվտանգ աշխատանքն ապահովելու ջանքերին։ Անհատական պաշտպանության միջոցները նախատեսված են ուսումնական հաստատությունների սովորողների եւ անձնակազմերի համար:...
Գեղարքունիքի մարզից դպրոցականների առարկայական օլիմպիադայի հանրապետական փուլին կմասնակցեն 77 աշակերտ 21.02.2022
Գեղարքունիքի մարզի հանրակրթական դպրոցներից առարկայական օլիմպիադայի հանրապետական փուլին կմասնակցեն օլիմպիադայի մարզային փուլի արդյունքներով հաղթող ճանաչված 77 աշակերտ։ Ինչպես տեղեկացրին Գեղարքունիքի մարզպետարանի ԿՄՍ վարչությունից, 8-ական մասնակից լինելու են հայոց լեզու, հայ գրականություն, պատմություն, ռուսաց լեզու, 7-ական մասնակից՝ անգլերեն, գերմաներեն, հայոց եկեղեցու պատմություն, ՆԶՊ, 5-ական մասնակից՝ մաթեմատիկա եւ աշխարհագրություն, 4 մասնակից՝ կենսաբանություն եւ 3 մասնակից՝ քիմիա առարկաներից։ «Օլիմպիադայի մարզային փուլին մասնակցելու համար դպրոցներից ներկայացվել է 494 հայտ։ Մասնակցել են 361 աշակերտ, որոնցից հաղթող են ճանաչվել 77-ը։ Մասնակիցներ չենք ունեցել ֆրանսերեն, ինֆորմատիկա եւ աստղագիտություն առարկաներից։
Գեղարքունիքի մարզի ավտոճանապարհներին շարունակվում են սանիտարական մաքրման աշխատանքները 18.02.2022
Միջպետական և հանրապետական նշանակության ճանապարհների՝ Գեղարքունիքի մարզով անցնող հատվածներում շարունակվում են 2022 թվականի փետրվարի 16-ից մեկնարկած աղբահանության և սանիտարական մաքրման աշխատանքները: Գեղարքունիքի մարզպետի օգնական Ջանիկ Բազեյանը և մարզպետարանի քաղաքաշինության վարչության պետ Արմեն Զոհրաբյանը փետրվարի 18-ին հերթական այցով դիտարկեցին Վարդենիսի հատվածում իրականացվող աշխատանքները, որտեղ ավտոճանապարհների սպասարկվող գոտիներում և նրանցից դուրս գտնվող աղտոտված հատվածներում իրականացվում են աղբահանության և սանիտարական մաքրման աշխատանքներ: Աշխատանքներն իրականացվում են «Կապավոր» ՍՊԸ-ի աշխատակիցների ուժերով և տեխնիկական միջոցներով:
Արդեն ավանդույթ դարձած «Ժիվայա կլասիկա» խորագրով մանկական ընթերցանության միջազգային մրցույթ-փառատոնի տարածքային փուլն այս տարի անցկացվել է հունվար ամսին, իսկ փետրվարի 11–ին Գավառի՝ Լ.Քալանթարի անվան դրամատիկական թատրոնում կայացել է միջազգային մրցույթ- փառատոնի մարզային փուլը, որին մասնակցել են Գավառի, Մարտունու, Վարդենիսի և Սևանի տարածաշրջաններից տարածքային փուլում հաղթող ճանաչված 12-17 տարեկան 23 աշակերտ: Մրցույթի ընթացքում ներկայացվող նյութի ընտրության համար նախապես տրվել է համապատասխան ցանկ: Մասնակիցները ընտրել և ներկայացրել են ռուս կամ այլազգի որևէ գրողի՝ ռուսերենով գրված արձակ ստեղծագործություններից մի հատված՝ մինչև 5 րոպե տևողությամբ: Ժյուրիի կազմում ընդգրկվել են ռուսաց լեզվի ուսուցիչներ՝ Վարդենիսի թիվ 4 հիմնական, Գեղարքունիքի, Գանձակի թիվ 1, Գավառի թիվ 7 միջնակարգ դպրոցներից:...
