Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գործարկվել է պետական աջակցության ծրագրերի իրազեկման հարթակը 18.07.2023
Պետական աջակցության ծրագրերի վերաբերյալ քաղաքացիների շրջանում տեղեկացվածության բարձրացման և շահառուների թվի մեծացման նպատակով Վարչապետի աշխատակազմի Հանրային կապերի և տեղեկատվության կենտրոնը գործարկել է Պետական աջակցության ծրագրերի իրազեկման հարթակը։ Այն հասանելի է https://irazekum.am/ հասցեով, ինչպես նաև Irazekum / State programs անվամբ հեռախոսային հավելվածի տեսքով, որը հնարավոր է ներբեռնել Google Play և App Store հարթակներից։ Իրազեկման հարթակում ներառված են տվյալ պահին հասանելի պետական աջակցության բոլոր ծրագրերը։ Հարթակը հնարավորություն է տալիս քաղաքացուն մեկ հասցեում հեշտությամբ ծանոթանալ պետաջակցության բոլոր ծրագրերի՝ բովանդակությանը, դիմելու կարգին, անհրաժեշտ փաստաթղթերի ցանկին։ Բաժանորդագրվելով Irazekum հարթակին՝
Հուլիսի 17-ին Գեղարքունիքի մարզպետ Կարեն Սարգսյանի մոտ կայացած խորհրդակցության ընթացքում անդրադարձ եղավ աղբահանության վարձավճարների սակագների սահմանմանը և կանոնակարգմանը, պայմանագրերի կնքմանը, համայնքների կողմից գանձված ապառքներին, մարզային ենթակայության բժշկական հաստատություններում 2023 թվականի առաջին կիսամյակի կատարողական արդյունքներին, մարզով անցնող միջպետական և հանրապետական նշանակության ավտոճանապարհների պաշտպանական գոտիներում քաղաքաշինական գործունեության, ճանապարհաշինության և ավտոճանապարհների ամառային պահպանության բնագավառում տիրող իրավիճակին, մարզպետի աշխատակազմի կողմից իրականացված մշտադիտարկման արդյունքներին և ձեռնարկված միջոցառումներին: Քննարկվեցին նաև համայնքային նշանակության ճանապարհների գծանշման և կահավորման գործընթացներին,․․․
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 17.07.2023
Գեղարքունիքի մարզի Սեւան համայնքի Դդմաշեն գյուղում ՀՀ կառավարության կողմից իրականացվող սուբվենցիոն ծրագրերի շրջանակներում կառուցվել է արտաքին լուսավորության ցանց։ Դդմաշենի արտաքին լուսավորորության ցանցի կառուցման ծրագրի պայմանագրային արժեքը կազմել է 6 միլիոն 776 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Սեւանի համայնքապետարանը։ Ծրագրի մեկնարկը տրվել է 2022 թվականի սեպտեմբերից եւ ավարտվել նույն տարվա վերջին։ Ծրագրի իրականացման արդյունքում Դդմաշենում կառուցվել է ԼԵԴ համակարգով աշխատող 1740 գծամետր երկարության արտաքին լուսավորության ցանց։ Տեղադրվել է 63 լուսատու։
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 13.07.2023
Գեղարքունիքի մարզի Մարտունի համայնքի Մադինա գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել է ոռոգման ջրատարի արտաքին ցանց՝ 716 գծամետր երկարությամբ։ Ոռոգման ջրատարի արտաքին ցանցի կառուցման ծրագրի պայմանագրային արժեքը կազմում է 67 միլիոն 536 հազար դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Մարտունու համայնքապետարանը։ Ոռոգման ջրատարի արտաքին ցանցը կառուցվել է մետաղական կիսախողովակներով։ Շինարարական աշխատանքները մեկնարկել են 2022 թվականի սեպտեմբեր ամսից և ավարտվել նույն տարվա վերջին։ «Մխեյ ձոր» կոչվող տարածքում Արգիճի գետի ձախ թևից սկիզբ առնող ջրատարի շահագործման արդյունքում Մադինա գյուղում ոռոգելի հողատարածքներն ավելացել են 15-20 հեկտարով։
ՀՀ Գեղարքունիքի մարզի խորհրդի նիստում քննարկվեց օրակարգային 5 հարց 13.07.2023
Հուլիսի 12-ին կայացավ Գեղարքունիքի մարզի խորհրդի հերթական նիստը, որը վարեց Գեղարքունիքի մարզպետ, մարզի խորհրդի նախագահ Կարեն Սարգսյանը։ Քննարկվեց օրակարգային 5 հարց։ Մարզպետը իր գոհունակությունը հայտնեց կատարված աշխատանքներից և հորդորեց՝ ձեռք բերված արդյունքները շարունակաբար ավելացնել հետևողական ու համագործակցված աշխատանքի շնորհիվ։ «Տեղական բյուջեների սեփական եկամուտների հավաքագրման բարձր արդյունքները խոսում են ջանադիր ու արդյունավետ աշխատանքի մասին։ Մեզ մնում է՝ պահպանել աշխատանքային տեմպը և ապահովել ավելի բարձր արդյունքներ, որոնցից էլ կախված կլինեն նոր ծրագրերի ներդրման հնարավորությունները։ Շատ կարևոր է մարզում լայն թափ ստացած շինարարության որակի պահպանումը, որի համար համատեղ ուժերով պետք է անցկացնենք մշտադիտարկում և իրականացնենք պատշաճ վերահսկողություն։ Ոչ մի անորակ շինարարություն չպետք է վրիպի մեր ուշադրությունից, ամեն մի թերացում պետք է ստանա համարժեք պատասխան:․․․
Ապամոնտաժվում են Գեղարքունիքի մարզի անօրինական տեղադրված գովազդային վահանակները 12.07.2023
ՀՀ Գեղարքունիքի մարզպետի հանձնարարությամբ 2023 թվականի մայիս ամսի ընթացքում մարզի համայնքապետարանների կողմից գույքագրվել են համայնքների վարչական տարածքներում առկա գովազդային վահանակները։ Տրված հանձնարարականի համաձայն՝ մինչև 2023 թվականի հունիսի 1-ը համայնքապետարանները պետք է միջոցներ ձեռնարկեին՝ ինքնակամ տեղադրված գովազդային վահանակներն օրինականացնելու ուղղությամբ։ Հունիսի 1-ից հետո, Գեղարքունիքի մարզպետ Կարեն Սարգսյանի նոր հանձնարարությամբ, մարզի համայնքների ղեկավարներին առաջարկվել է օրինականացման չդիմած գովազդային վահանակների ցանկը ներկայացնել մարզպետի աշխատակազմ։ Այժմ աշխատանքներ են ընթանում համայնքների վարչական տարածքներում, միջպետական և հանրապետական նշանակության ավտոճանապարհների եզրերին ապօրինի տեղադրված գովազդային վահանակները և ցուցանակները ապամոնտաժելու ուղղությամբ։․․․
