Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քննարկվեցին խմելու ջրի որակի շեղումների ուսումնասիրությունների արդյունքները 20.02.2016
Փետրվարի 19-ին Գեղարքունիքի մարզպետի տեղակալ Անդրանիկ Հակոբյանի մոտ քննարկվեցին 2015 թվականի երկրորդ կիսամյակի ընթացքում մարզի համայքներում խմելու ջրի մեջ հայտնաբերված շեղումների ուսումնասիրությունների արդյունքները եւ դրանց հատեւանքների վերացմանն ու կանխարգելմանն ուղղված խնդիրները: 2015 թվականի երկրորդ կիսամյակի ընթացքում մարզի համայքներում խմելու ջրի մեջ հայտնաբերված շեղումների մասին զեկուցեց Գեղարքունիքի մարզպետարանի աշխատակազմի առողջապահության եւ սոցիալական ապահովության վարչության պետ Անուշ Պողոսյանը: Նա նշեց, որ 2015 թվականի երկրորդ կիսամյակի ընթացքում ՀՀ առողջապահության նախարարության ՙՀիվանդությունների վերահսկման եւ կանխարգելման՚ ՊՈԱԿ-ի կողմից...
,,Գեղարքունյաց ձմեռ-2016,, 20.02.2016
Հիմք ընդունելով առողջ ապրելակերպի շրջանակներում ,,Ոչ թմրամոլությանը,, խորագրով Գեղարքունիքի մարզի համայնքներում «Գեղարքունյաց ձմեռ - 2016» մարզամշակութային միջոցառում կազմակերպելու և անցկացնելու մասին ՀՀ Գեղարքունիքի մարզպետի 2016 թվականի փետրվարի 9-ի որոշումը, Գավառ քաղաքի N5 հիմնական դպրոցը առաջիններից էր, որ նախաձեռնեց դրա իրականացումը: Մարզամշակութային այս միջոցառմանը մասնակցում էին դպրոցի I-IX դասարանների աշակերտները, ծնողներ, ուսուցիչներ: Միջոցառումը լավագույնս կազմակերպելուն և անցկացնելուն նպաստում էր դպրոցամերձ տարածքի ձյունառատ խաղահրապարակը, արևոտ եղանակն ու դպրոցականների բարձր պատրաստակամությունը: Ծրագրի ընթացքում դպրոցականները միմյանց հետ մրցեցին դահուկներով, սահնակներով, VII-IX դասարանների աշակերտները փորձեցին իրենց ուժերը «Կոխ» ըմբշամարտի...
Ճանապարհվեց վաստակած հանգստի 10.02.2016
Փետրվարի 10-ին Գեղարքունիքի մարզպետ Ռաֆիկ Գրիգորյանը վաստակած հանգստի ճանապարհեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետ Վանիկ Հովհաննիսյանին: Երկար տարիների բարեխիղճ ու պարտաճանաչ աշխատանքի, մասնագիտական բարձր որակների դրսեւորման, մարզի գյուղատնտեսության ոլորտի զարգացման մեջ ունեցած ծառայությունների համար Գեղարքունիքի մարզպետ Ռաֆիկ Գրիգորյանը ՀՀ Նախագահի շնորհակալագրով պարգեւատրեց Վանիկ Հովհաննիսյանն, ով վաստակած հանգստի է գնում օրենքով սահմանված կարգով կենսաթոշակային տարիքի անցնելու կապակցությամբ: ,,Վանիկ Հովհաննիսյանն անցել է աշխատանքային երկար տարիների ճանապարհ, կուտակել աշխատանքային հարուստ կենսափորձ` իր ուժերը ներդնելով...
Քաղաքացիների ընդունելություն 09.02.2016
Փետրվարի 9-ին Գեղարքունիքի մարզպետարանում, մարզպետի տեղակալ Անդրանիկ Հակոբյանը կատարեց քաղաքացիների ընդունելություն: Մասնակից 14 քաղաքացիներից 3-ը դիմեցին աշխատանքի տեղավորման, 1-ական քաղաքացի` պետպատվերի շրջանակներում բուժման մեկնելու, առողջարանային ուղեգիր ձեռք բերելու, գարնանացանի նպատակով սերմացու և դիզվառելիք ձեռք բերելու, 2-ական քաղաքացի` կենցաղային բնույթի խնդիրների կարգավորման, բնակարանի վերանորոգման նպատակներով մարզի ղեկավարից աջակցություն ստանալու նպատակով: Մնացած դիմումատուները սոցիալական տարբեր բնույթի խնդիրների կարգավորման նպատակով ակնկալում էին դրամական օգնություն: Քաղաքացիների մի մասին տեղում տրվեց սպառիչ պատասխան, իսկ մնացած դիմումները հաշվառվեցին մարզպետարանի աշխատակազմում, որոնց պատասխան կտրվի օրենքով սահմանված ժամկետում:
Փետրվարի 5-ին Գեղարքունիքի մարզպետարանում հրավիրված հանդիպման ժամանակ ՙՀայջրմուղկոյուղի՚ ՓԲԸ գործադիր տնօրեն Պատրիկ Լորենը հավաստեց, որ Գեղարքունիքի մարզում առաջիկա տարիներին եւս ՙՀայջրմուղկոյուղի՚ ՓԲԸ պատվիրատվությամբ կշարունակվեն խմելու ջրի մատակարարման եւ ջրահեռացման համակարգերի բարելավման եւ նորացման ծրագրերը: Հանդիպումը, որին մասնակցում էին Գեղարքունիքի մարզի մի շարք համայնքների ղեկավարներ եւ ՙՀայջրմուղկոյուղի՚ ՓԲԸ գործադիր տնօրեն Պատրիկ Լորենը եւ այլ պաշտոնյաներ, վարում էր Գեղարքունիքի մարզպետ Ռաֆիկ Գրիգորյանը: Բացելով հանդիպումը` Գեղարքունիքի մարզպետը նշեց, որ հրավիրված հանդիպման հիմնական նպատակն է` համատեղ քննարկելառաջիկա հրատապ անելիքները, հստակեցնել հետագա քայլերը...
Գեղարքունիքի մարզում մեկնարկել են դպրոցականների առարկայական օլիմպիադաները 02.02.2016
Փետրվարի 1-ից Գեղարքունիքի մարզի հանրակրթական դպրոցներում մեկնարկել են դպրոցականների առարկայական օլիմպիադաների տարածքային փուլերը, որին մասնակցում են մարզի հիմնական, միջնակարգ եւ ավագ դպրոցները: Աշակերտների գիտելիքների եւ ուսման առաջադիմության ամենամյա ստուգատեսն անցկացվում է 16 առարկաների գծով: Օլիմպիադաներն անցկացվում են առցանց՝ օնլայն տարբերակով եւ դպրոցներում: Գեղարքունիքի մարզպետարանի աշխատակազմի ԿՄՍ վարչության կրթության բաժնի վարիչ Համբարձում Սաֆարյանի տեղեկացմամբ , ըստ կարգի՝ մաթեմատիկա, ֆիզիկա, կենսաբանություն, աստղագիտություն, ինֆորմատիկա առարկայական օլիմպիադաների առաջին փուլը բոլոր դպրոցներում առցանց է անցկացվում՝ միասնական թեստով: Պատրաստի ձեւաթղթերն ուղարկվում են օլիմպիադաների անցկացման եւ համակարգման կենտրոն: Մնացած առարկաները՝ ռուսաց լեզու, հայոց լեզու, հայ եկեղեցու պատմություն, պատմություն, անգլերեն...
