Նորություններ
Կրկեսային ծրագիր մարզի փոքրիկների համար
19.06.2017
Գեղարքունիքի մարզպետ Կարեն Բոթոյանի բարձր հովանու ներքո հունիսի 16-ին և 17-ին Երեանի պետական կրկեսի Լեոնիդ Ենգիբարյանի անվան դպրոց-ստուդիայի սաները հյուրախաղերով հանդես եկան մարզի Սևան, ճամբարակ, Մարտունի Վարդենիս և Գավառ քաղաքներում: Կրկեսի դերասանները մարզի քաղաքների և տարածաշրջանների համայնքների փոքրիկ հանդիսատեսին մատուցեցին ուրախ ու հետաքրքիր ծրագիր: Իրենց բազմաժանր կատարումներով հանդես եկան աճպարարներ, ձեռնածուներ, օղակային մարմնամարզիկներ, այլ դերասաններ: Կրկեսի գլխավոր ռեժիսոր Նաիրա Պետրոսյանի տեղեկացմամբ, մարզի բոլոր տարածաշրջաններում կրկեսային ծրագրերն ընթացել են լեփլեցուն դահլիճներում, ժպտացող մանուկների ուրախ ծափերի ներքո, փոքրիկ հանդիսատեսին պարգևելով անմոռանալի պահեր: