Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Փերտրվարի 28-ին Գեղարքունիքի մարզպետ Գնել Սանոսյանն ընդունեց «Բաց սահմաններ» ՀԿ նախագահ Էլեոնորա Բեգոյանին եւ ծրագրի հետազոտող փորձագետ Գոհարիկ Տիգրանյանին: Ինչպես հանդիպման սկզբում ներկայացրեցին հյուրերը, «Բաց սահմաններ» ՀԿ-ն, որը գործում է արդեն երեք տարի, Հայաստանում գործունեություն է ծավալում ժողովրդավարության ամրապնդման, տնտեսական եւ խաղաղարար միջոցառումների իրականացման ոլորտներում: «Մեր օրակարգում է հասարակագիտություն առարկայի գործող դասագրքի արդյունավետության եւ դասավանդման դրվածքի ուսումնասիրությունը, ինչը մենք համարում ենք շատ կարեւոր գործոն ժողովրդավարական արժեքների պահպանման եւ գիտելիքների հարստացման տեսանկյունից: Ուսումնասիրության ընթացքում Գավառի տարածքի մի շարք դպրոցներում ծրագրել ենք քննարկումներ ուսուցիչների եւ աշակերտների հետ, որպեսզի պարզենք, թե հասարակագիտություն առարկայի գործող...
Գեղարքունիքի մարզպետն ընդունեց համայնքների նորընտիր ղեկավարներին 28.02.2019
Փետրվարի 28-ին Գեղարքունիքի մարզպետ Գնել Սանոսյանն ընդունեց փետրվարի 17-ին Վարդենիս և Ակունք համայնքներում կայացած ՏԻՄ ընտրությունների արդյունքում համայնքի ղեկավարի պաշտոնն ստանձնած Արամ Մելքոնյանին և Նիկոլա Խաչատրյանին: Մարզպետը շնորհավորեց նրանց համայնքի ղեկավարի պաշտոնում ընտրվելու կապակցությամբ, մաղթելով աշխատանքային հաջողություններ՝ ի նպաստ համայնքների զարգացման և առաջընթացի: «Ողջունում եմ ձեզ համայնքի ղեկավարի պատասխանատու և պատվաբեր պաշտոնը զբաղեցնելու կապակցությամբ: Ծանր աշխատանք է ձեզ սպասվում և ջանք ու եռանդ չպետք է խնայեք, որպեսզի կատարված աշխատանքները դրական ներգործություն ունենան համայնքների տնտեսությունների բարելավման հարցում: Գեղարքունիքի մարզպետարանի ողջ աշխատակազմը պատրաստ է համագործակցել և աջակցել բոլոր աշխատանքներում: Մեր համատեղ աշխատանքը մեկ ուղղություն է ունենալու. լուծում տալ համայնքային ամենատարբեր խնդիրներին և անել հնարավորը՝ համայնքի ղեկավարի դերի կարևորության և բարձրացման համար»,- նշեց Գնել Սանոսյանը...
Ծանրամարտի մարզադահլիճներն ունեն վերանորոգման և գույքի ձեռքբերման խնդիր 28.02.2019
Փետրվարի 28-ին Գեղարքունիքի մարզպետ Գնել Սանոսյանն ընդունեց Գեղարքունիքի մարզի Գավառ, Սևան, Լճափ, Հայրավանք, Մարտունի, Վերին Գետաշեն համայնքներում ծանրամարտի մարզիչ- մանկավարժներին: Վերջիններս մարզպետին ներկայացրին իրենց ընդհանուր գործուներության վերաբերյալ տեղեկատվություն, նշելով, որ թեև մարզում ծանրամարտի խմբակներ հաճախում է մոտ 247 ծանրորդ, սակայն մարզադահլիճները զուրկ են մարզումների համար անհրաժեշտ պայմաններից և հնարավորություններից: « Սևան քաղաքում ծանրամարտ մարզաձևի հանդեպ մեծ սեր ու հետաքրքրություն կա: Այս պահին մեր խմբակում ընդգրկված են ավելի քան 80 մարզիկներ, սակայն տարածքի փոքր լինելու հետևանքով, նրանք միաժամանակ չեն կարողանում մարզվել: Մենք տարածքի խնդիր ունենք»,- նշեց ՀՀ վաստակավոր մարզիչ, Սևան քաղաքի մարզադպրոցի ծանրամարտի մարզիչ Յուրի Սարգսյանը: «Մարտունի և Վերին Գետաշեն համայնքներում ունենք մարզադահլիճի վերանորոգման, շենքի հատակի ամրացման, ինչպես նաև գույքի ձեռքբերման անհրաժեշտություն...
Տեղեկացում 27.02.2019
Տեղեկացում՝ Մարտունի համայնքի ավագանու նիստի անցկացման վերաբերյալ...
Ներդրումային ծրագիր-առաջարկի ձևաչափ 25.02.2019
2019 թվականի ապրիլի 19-ին կայանալու է «Իմ քայլը հանուն Գեղարքունիքի» տնտեսական գործարար համաժողով, որի նպատակն է համախմբել ծնունդով Գեղարքունիքի մարզից Հայաստանում և արտերկրում բնակվող գործարարներին՝ մարզում ներդրումներ կատարելու, սոցիալ-տնտեսական բնույթի ծրագրեր իրականացնելու, աշխատատեղեր ստեղծելու համար: Մարզի համայնքներում ներդրումային ծրագրեր կյանքի կոչելու համար խնդրվում է մարզի բնակիչներին՝ իրենց կողմից մշակված խելացի և նպատակային գաղափարները ներկայացնել Գեղարքունիքի մարզպետարան՝ այն համապատասխանեցնելով ներդրումային ծրագիր-առաջարկի ձևաչափին: Ներկայացված ծրագրերը Գեղարքունիքի մարզպետարանում ստեղծված հանձնաժողովի կողմից քննարկվելու և հավանության արժանանալու դեպքում կներկայացվեն գործարար համաժողովի օրակարգում: Հարցերի և դիմումների համար կապվել՝ ՀՀ Գեղարքունիքի մարզպետարան Զարգացման ծրագրերի, զբոսաշրջության և վերլուծության բաժնի պետ՝ Վարդուհի Մնացականյանին: Հեռ ...
Դդմաշենում հիմնվում է ինտենսիվ մեծածավալ այգի 25.02.2019
Փետրվարի 22-ին Գեղարքունիքի մարզպետ Գնել Սանոսյանն այցելեց Դդմաշեն համայնքի վարչական տարածք՝ ինտենսիվ այգու հիմնման ծրագրի ընթացքին ծանոթանալու նպատակով: Ինչպես տեղում ներկայացրեց ինտենիսվ այգու հիմնման ծրագիրն իրականացնող «Գրին Ֆարմեր» ՍՊԸ տնօրեն Ռոբերտ Կոծինյանը, ծրագրի մեկնարկը տրվել է 2018 թվականի ապրիլ ամսից: 30 հեկտարի վրա անցկացվել է կաթիլային ոռոգման համակարգ, տեղադրվել հակակարկտային ցանցեր: Ծառատունկը կիրականացվի այս տարվա ապրիլ ամսին:Ծառատնկման աշխատանքների ավարտից հետո ծրագրի իրականացման ուղղությամբ կատարված ներդրումը կազմելու է շուրջ 2 միլիարդ դրամ: « Նախատեսված է տնկել ու խնամել 110 հազար խնձորի ծառ՝ 3 տեսակով: Ինտենսիվ այգուն կից հիմնվում է սառնարանային տնտեսություն, որը հնարավորություն կտա 12-14 ամիս ժամկետով պահպանել մոտ 4 հազար տոննա բերք: Սառնարանային տնտեսության ստեղծման նախագծի իրականացման համար կներդրվի 2,2 միլիարդ դրամ: Ինտենսիվ այգու շինարարությունն իրականացրել է «Էկոշին Գրուպ» ՍՊԸ-ն՝ ապահովելով մոտ 50-60 աշխատատեղ: Ինտենսիվ այգու գործարկման...
