Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Եվրոպական խորհրդի նախագահն այցելեց Գեղարքունիքի մարզ 11.07.2019
Հուլիսի 10-ին Գեղարքուիքի մարզ ժամանեց Եվրոպական խորհրդի նախագահ Դոնալդ Տուսկը: Նրան ուղեկցում էին Հայաստանում Եվրամիության դեսպան Պյոտր Սվիտալսկին և Գեղարքունիքի մարզպետի տեղակալ Նարեկ Գրիգորյանը: Եվրախորհրդի նախագահը այցելեց Սևանի թերակղզու վանական համալիր և Նորատուսի խաչքարեր: Այցի ավարտից հետո Դոնալդ Տուսկը լրագրողներ հետ կիսվեց այցի տպավորություններով: « Չնայած ես քաղաքական գործիչ եմ, սակայն մշակույթը շատ ավելի կարևոր է և ամենից առավել: Ես իսկապես տպավորված եմ: Որպես եվրոպացի՝ կարծում եմ, որ սա միայն իմ տեսակետը չէ՝ սա այն տեղն է, որտեղ Եվրոպայի սիրտը բաբախում է»,- ասաց Տուսկը: Նա Հայաստանի մշակութային ժառանգությունը համարեց ամենատպավորիչներից ոչ միայն այս տարածաշրջանում: Եվրոպական խորհրդի նախագահը երկրի ամենակարևոր առավելությունը համարեց Հայաստանի մարդկանց, շեշտեց՝ դա ուղղակի հաճոյախոսություն չէ: Տուսկը նշեց, որ առաջին անգամ է խաչքարերը տեսնում և շատ տպավորված է:
Քաղաքացիների ընդունելություն 10.07.2019
Հուլիսի 10-ին Գեղարքունիքի մարզպետի տեղակալ Նարեկ Գրիգորյանը, մարզպետի խորհրդական Անուշավան Ղազարյանը, մարզպետարանի գլխավոր քարտուղար Սևակ Խլղաթյանը մարզպետարանում կատարեցին քաղաքացիների ընդունելություն: Ընդունելությանը ցուցակագրվել էին 20 քաղաքացի: Նրանցից, աշխատանքի տեղավորման խնդրով, դիմում ներկայացրեցին 4 քաղաքացի, ենթակառուցվածքների վերանորոգման, հողային խնդրով և վարձակալական հիմունքներով խոտհարք ձեռք բերելու նպատակով՝ 5, ժամանակավոր կացարանով ապահովվելու և դրամական աջակցություն ստանալու նպատակով՝ 7, առողջարանային ուղեգիր ձեռք բերելու նպատակով՝ 4 քաղաքացի: Գավառ քաղաքի երկու բազմաբնակարան շենքերի մի խումբ բնակիչներ դիմեցին բնակարանների տանիքների անմխիթար վիճակի և դրանց հիմնանորոգման հարցում աջակցություն ստանալու ակնկալիքով: Դիմումատուների մի մասին պատասխանվեց տեղում: Մնացած դիմումներին պատասխան կտրվի լրացուցիչ ուսումնասիրություն կատարելուց հետո:
Խորհրդակցություն մարզի բուժհաստատությունների տնօրենների հետ 09.07.2019
Հուլիսի 8-ին Գեղարքունիքի մարզպետի տեղակալ Նարեկ Գրիգորյանը խորհրդակցություն անցկացրեց մարզի առողջապահական հաստատությունների տնօրենների հետ: Խորհրդակցության ընթացքում արծարծվեցին աշխատանքային ու կատարողական կարգապահության, ինչպես նաեւ համակարգում առկա օրակարգային մի շարք հարցեր: Մարզպետի տեղակալը նշեց, որ առանձին բուժհաստատություններում արձանագրվել են տնօրենների անհարգելի բացակայություններ, համայնքներում գրանցված արտակարգ դեպքերի մասին տնօրենները ժամանակին չեն իրազեկել մարզպետին: Որոշ տեղերում էլ հասարակական կազմակերպությունները միջոցառումներ են իրականացրել՝ առանց մարզպետարանին տեղեկացնելու: «Աշխատանքները պետք է լինեն կանոնակարգված, ինչպես նաեւ՝ հասարակական կազմակերպությունների եւ զանգվածային լրատվամիջոցների հետ համագործակցությունը: Հարկավոր է տեղերում գրանցված արտակարգ դեպքերի մասին անմիջապես իրազեկել վերադաս մարմնին, բարձրացնել աշխատանքային եւ կաըտարողական կարգապահությունը»,-հանձնարարեց Նարեկ Գրիգորյանը: Խորհրդակցության ընթացքում նաեւ հանձնարարվեց՝ կանխարգելիչ պատվաստումները ...
Հուլիսի 8-ին ՀՀ Գեղարքունիքի մարզպետարանում կայացավ արտաընդերային ճանապարհով փոխանցվող վիրուսային հեպատիտների կանխարգելման մասնագիտական հանձնաժողովի նիստը, որին մասնակցում էին հանձնաժողովի բոլոր անդամները, մարզպետարանի առողջապահության և սոցիալական ապահովության վարչության պետի ժամանակավոր պաշտոնակատար Լուսինե Վարդանյանը և ՀՎԿԱԿ Գեղարքունիքի մասնաճյուղի մասնագետները: Նիստի ընթացքում ընդգծվեց, որ վիրուսային հեպատիտներն առողջապահության գերակա խնդիր են և ունեն արտահայտված համաճարակային ներուժ, լայն տարածում և զգալի սոցիալ-տնտեսական բեռ: ՀՎԿԱԿ Գեղարքունիքի մասնաճյուղի փոխտնօրեն Հասմիկ Հարությունյանի կողմից ներկայացվեց Գեղարքունիքի մարզում արտաընդերային վիրուսային հեպատիտների 2018 թվականի համաճարակային իրավիճակի վերլուծությունը, քննարկվեցին մարզում հեպատիտների հայտնաբերման և ախտորոշման, արտաընդերային հեպատիտների համաճարակաբանական հսկողության և կանխարգելման ոլորտներում առկա խնդիրները...
Աշխատաժողով՝ «Էներգաարդյունավետությունը սառնամատակարարման և օդորակման ոլորտում» թեմայով 09.07.2019
Շրջակա միջավայրի նախարարության Օզոնի ծրագիրի շրջանակներում, որն իրականացվում է ՀՀ տարածքային կառավարման և զարգացման նախարարության օժանդակությամբ, հուլիսի 9-ին Գեղարքունիքի մարզում կազմակերպվեց աշխատաժողով՝ նվիրված սառնամատակարարման և օդորակման սարքավորումների էներգաարդյունավետությանը: Ինչպես հանդիպման սկզբում նշեց բանախոսը, Հայաստանի Հանրապոտության կողմից մարտի 27-ին վավերացված Կիգալիի փոփոխությունը հնարավորություն է ընձեռում՝ օզոնաանվտանգ նյութերի անցում կատարելիս ուշադրություն դարձնել էներգաարդյունավետության արդի խնդիրներին: Աշխատաժողովին մասնակցում էին սառնարանային ոլորտի մասնագետներ, տարածքային կառավարման և տեղական ինքնակառավարման մարմինների, Գեղարքունիքի մարզպետարանի գյուղատնտեսության և բնապահպանության, քաղաքաշինության վարչությունների, էներգետիկայի ոլորտների ներկայացուցիչներ: Աշխատաժողովի ընթացքում ծրագրի փորձագետները ներկայացրեցին տեղեկատվություն՝ էներգաարդյունավետության ոլորտում Հայաստանի պետական քաղաքականության, սառնագենտային և օդակարգավորման միավորների, ջերմային պոմպերի
Ավարտվել են Թթուջուր բնակավայրի մանկապարտեզի շենքի մասնակի վերանորոգման աշխատանքները 08.07.2019
Հուլիսի 8-ին Գեղարքունիքի մարզպետարանում անցկացվեց «Վարձատրվող հասարակական աշխատանքներ» պետական ծրագրի շրջանակներում նախատեսված աշխատանքների կազմակերպման նպատակով ստեղծված զբաղվածության աջակցության մարզային հանձնաժողովի հերթական նիստը, որը վարեց Գեղարքունիքի մարզպետի տեղակալ, զբաղվածության աջակցության Գեղարքունիքի մարզային հանձնաժողովի նախագահ Նարեկ Գրիգորյանը: Նիստի ընթացքում հանձնաժողովին ներկայացվեց Ճամբարակ համայնքի ղեկավարի կողմից 2019 թվականի հուլիսի 1-ին կազմված կատարողական ակտը՝ «Վարձատրվող հասարակական աշխատանքներ» պետական ծրագրի շրջանակներում Ճամբարակ համայնքի Թթուջուր բնակավայրի մանկապարտեզի շենքի մասնակի վերանորոգման ծրագրի ավարտի վերաբերյալ: Ճամբարակ համայնքի ներկայացուցչի տեղեկացմամբ՝ մանկապարտեզի մասնակի վերանորոգման աշխատանքներն ավարտվել են նախատեսված ժամկետում: Հանձնաժողովը՝ հաշվի առնելով ծրագրի պատվիրատուի կողմից ներկայացված կատարողական ակտը, որոշեց հաստատել Թթուջուր բնակավայրի մանկապարտեզի շենքի մասնակի վերանորոգման ծրագիրը:
