Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Անասնաշուկան պահանջում է համալիր ուսումնասիրություն 06.08.2019
Գեղարքունիքի մարզի Մարտունու տարածաշրջանում է գտնվում երկրի ամենամեծ անասնաշուկան, որտեղ կենդանիներ են բերվում և վաճառվում հանրապետության բոլոր մարզերից և Արցախից: Երկրում կենդանիների համարակալման բացակայության պատճառով՝ այդ գործընթացը գրեթե անվերահսկելի է: Անասնաշուկան պահանջում է համալիր ուսումնասիրություն՝ տեղական ինքնակառավարման մարմնինների և իրավասու մյուս կառույցների համագործակցությամբ: Ծանոթություն Ըստ «Առևտրի և ծառայությունների մասին» ՀՀ օրենքի 5-րդ հոդվածի՝ կենդանիների շուկաները պետք է լինեն ցանկապատված, այցելուների և տրանսպորտային միջոցների համար նախատեսված առանձին մուտքերով, փոխադրամիջոցների անիվների ախտահանման համապատասխան հարմարություններով, կենդանիների բեռնման և բեռնաթափման հարթակով, իսկ 25 հազար և ավելի բնակչություն ունեցող բնակավայրերում տեղակայված շուկաները պետք է ունենան նաև տարբեր տեսակի և սեռահասակային խմբերի կենդանիների համար նախատեսված կացատեղեր` ճաղազատված տարածքներով, ցանցավոր հատակներով և ցուցատախտակով, որի վրա նշվում են կենդանու տեսակը, հասակը, սեռը, թույրը (գույնը) և գույքային համարը, ապահովված լինեն
Համահայկական խաղերին Գեղարքունիքի մարզը ներկայացել է պատվիրակության 150 անդամներով 06.08.2019
Օգոստոսի 5-ին Արցախի Հանրապետության մայրաքաղաք Ստեփանակերտում մեկնարկած Համահայկական խաղերին ներկայացել է նաեւ Գեղարքունիքի մարզի 150 անդամներից բաղկացած պատվիրակությունը՝ Գեղարքունիքի մարզպետ Գնել Սանոսյանի ղեկավարությամբ: Պատվիրակությունն այսօր, օգոստոսի 6-ին կմասնակցի Համահայկական 7-րդ ամառային խաղերի բացման արարողությանը, որը կկայանա ԱՀ մայրաքաղաքի Ստեփան Շահումյանի անվան մարզադաշտում: Ինչպես տեղեկացրեց Գեղարքունիքի մարզպետարանի ԿՄՍ վարչության մշակույթի եւ սպորտի բաժնի վարիչ Գեղամ Չարվադարյանը,պատվիրակության անդամներից 72-ը՝ մարզիկ, մարզիչներ են: Դրանցից Գավառի տարածաշրջանը ներկայացել է Գեղարքունիք գյուղի վոլեյբոլի, Սարուխան գյուղի հանդբոլի, Գավառ քաղաքի լողափնյա վոլեյբոլի եւ ֆուտզալի թիմերով ու 2 բազկամարտիկներով, Վարդենիսի տարածաշրջանը՝ 2 շախմատիստներով, 3 բազկամարտիկներով ու 1 թեթեւատլետով, Մարտունու տարածաշրջանը՝ Մարտունու մարզադպրոցի 3 բազկամարտիկներով ու Վարդենիկի շախմատի ակադեմիայի 6 շախմատիստներով...
Հիմնանորոգվում է Վարդաձոր գյուղի օրվա կարգավորիչ ջրամբարը 05.08.2019
Պետական միջոցների հաշվին Գեղարքունիքի մարզի Վարդաձոր համայնքում հիմնանորոգվում է օրվա կարգավորիչ ջրամբարը՝ 400 տոննա տարողությամբ: Ջրամբարը հիմնանորոգվում է ՀՀ կառավարության կողմից առաջնահերթ լուծում պահանջող հիմնախնդիրների կարգավորման ծրագրերի շրջանակներում: Ծրագրի արժեքը ավելի քան 11 500 000 դրամ է, որից Վարդաձորի համայնքապետարանը ներդրել է 5 միլիոն 500 000 դրամը, իսկ մնացած 6 միլիոն դրամը՝ ՀՀ կառավարությունը: Աշխատանքները սկսվել են 2019 թվականի մայիս ամսից եւ արդեն մոտենում են ավարտին: «Գյուղի խմելու ջրի մատակարարման օրվա կարգավորիչ ջրամբարը քայքայված ու անմխիթար վիճակում էր, ինչը թույլ չէր տալիս՝ լիարժեք մաքուր ու անվտանգ ջրամատակարարում իրականացնելու: Այս խնդրի լուծումը համայնքի համար ուներ կենսական կարեւոր նշանակություն:Վարդաձորի խմելու ջրատարի ներքին ցանցը հիմնանորոգված է մոտ 90 տոկոսով, մնացած 10 տոկոսի նորոգման համար տեղական բյուջեից այս տարի հատկացրել ենք 2 միլիոն դրամ: Այնպես որ, գյուղն ապահովված է շուրջօրյա ջրամատակարարմամբ, իսկ օրվա կարգավորիչ ջրամբարի...
Գեղարքունիքի մարզում նախապատրաստվում են ձկան փառատոնին 02.08.2019
Գեղարքունիքի մարզպետ Գնել Սանոսյանի նախաձեռնությամբ և «Ռեստորանների հայկական միության» առաջարկով 2019 թվականի սեպտեմբերի 14-ին Սևանի թերակղզում կանցկացվի ձկան փառատոն, որն իր բովանդակությամբ մարզում առաջին անգամ է կազմակերպվում և հավակնում է ձեռք բերել ամենամյա միջազգային հնչեղություն: Փառատոնի նպատակն է՝ վեր հանել հայկական խոհանոցում առկա ձկան ավանդական կերակրատեսակները և դրանք ներկայացնել հանրությանը: Տոնակատարութունն անցկացվելու է Գեղարքունիքի մարզպետարանի և «Ռեստորանների հայկական միության» համատեղ ուժերով: Ձկան փառատոնի նախապատրաստական աշխատանքների շուրջ քննարկումը տեղի ունեցավ օգոստոսի 2-ին, Գեղարքունիքի մարզպետարանում: Այն անցկացրեց Գեղարքունիքի մարզպետ Գնել Սանոսյանը: Քննարկմանը մասնակցում էին «Ռեստորանների հայկական միության» , «Սևան Ազգային Պարկ»-ի, Գեղարքունիքի մարզպետարանի շահագրգիռ ստորաբաժանումների պատասխանատուներ: Քննարկման ընթացքում կողմերը պայմանավորվեցին՝ մինչև տոնակատարությունը առավոտյան Սևանի ափամերձ տարածքներում... ,
Մաքենիսում սուբվենցիոն ծրագրով գիշերային լուսավորվածությամբ է ապահովվել ողջ գյուղը 02.08.2019
Գեղարքունիքի մարզի Մաքենիս գյուղն իր ողջ պատմության մեջ առաջին անգամ ապահովվել է գիշերային լուսավորվածության ցանցով, ընդ որում՝ ամբողջությամբ ընդգրկելով բոլոր թաղամասերը: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, գիշերային լուսավորվածության ցանցի բացման հանդիսավոր արարողությունը տեղի է ունեցել օգոստոսի 2-ին, որի ընթացքում լույսերի միացման պատիվը վերապահվել է Գեղարքունիքի մարզպետի տեղակալ Նարեկ Գրիգորյանին: Լուսավորվածության ցանցը կառուցվել է սուբվենցիոն ծրագրի շրջանակներում: Շինարարական աշխատանքները մեկնարկել են 2019 թվականի հուլիսի 23-ից եւ ավարտվել մեկ շաբաթվա ընթացքում: Ծրագրի ընդհանուր արժեքը կազմել է շուրջ 10 միլիոն 730 հազար դրամ, որի 65 տոկոսը հատկացրել է ՀՀ կառավարությունը, 35 տոկոսը՝ Մաքենիսի համայնքապետարանը: Լուսավորվածության ցանցը կառուցվել է 2300 մետր երկարությամբ եւ 86 լուսատուներով՝ գյուղի կենտրոնական եւ երկրորդական բոլոր փողոցներով մեկ: «Մաքենիսն իր ողջ պատմության ընթացքում...
Գեղարքունիքի մարզի տնտեսություններում կուտակվել է շուրջ 72 հազար տոննա անասնակեր 02.08.2019
Գեղարքունիքի մարզում արդեն մեկ ամիս է, ինչ ընթանում է անասնակերի բերքահավաքը: Ինչպես տեղեկացրեցին Գեղարքունիքի մարզպետարանի գյուղատնտեսության եւ բնապահպանության վարչությունից, օգոստոսի երկուսի դրությամբ, ըստ համայնքներից ստացված տեղեկատվության, մարզի տնտեսություններում արդեն կուտակվել է շուրջ 72 հազար տոննա անասնակեր, որը մոտ 25 հազար տոննայով պակաս է նախորդ տարվա նույն ժամանակահատվածում գրանցված ցուցանիշից: «Նախորդ տարվա համեմատ ցանովի խոտհարքերում ու ցածրադիր գոտիների խոտհարքերում նվազ բերքատվություն է ստացվել: Իհարկե, վիճակը գոհացուցիչ չէ, սակայն մտահոգիչ էլ չէ, քանի որ սպասելիքներ ունենք լեռնային մարգագետիններից, որտեղ առատ բուսածածկույթ կա: Բացի այդ, տնտեսությունները կարող են բացը լրացնել ծղոտի հաշվին: Անասնակերի բերքահավաքը մարզում կշարունակվի մինչեւ օգոստոսի վերջերը»,-ներկայացրեց գյուղատնտեսության բաժնի վարիչը:
