Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը Ճամբարակ համայնքում ծանոթացավ սուբվենցիոն ծրագրերի ընթացքին 22.11.2019
Աշխատանքային այցի շրջանակներում նոյեմբերի 21-ին Գեղարքունիքի մարզպետ Գնել Սանոսյանը Ճամբարակ համայնքում ծանոթացավ սուբվենցիոն ծրագրերի ընթացքին: Այստեղ, այս տարի ՀՀ կառավարության կողմից հաստատվել է սուբվենցիոն 17 ծրագիր, որոնց մի մասն ավարտված է, մի մասը գտնվում է ընթացքի մեջ կամ ավարտական փուլում: Սուբվենցիոն ծրագրերի ընդհանուր արժեքը կազմել է 256 միլիոն դրամ, որից Ճամբարակի համայնքապետարանի ներդրումը կազմել է 93 միլիոն դրամ: «Նոյեմբերի 21-ի դրությամբ ավարտական փուլում են գտնվում ճանապարհների, մայթերի եւ մեկ հրապարակի ասֆալտապատման աշխատանքները: Ընթացքի մեջ են գտնվում խմելու ջրատարների և մանկական խաղահրապարակների կառուցման աշխատանքները Վահան, Գետիկ, Թթուջուր, Այգուտ, Դպրաբակ, Կալավան, Անտառամեջ համայնքներում: Մինչեւ տարեվերջ ավարտին կհասցվեն բոլոր ծրագրերը»,-ներկայացրեց Ճամբարակի համայնքի ղեկավարի տեղակալը: Սուբվենցիոն ծրագրերի դիտարկումից հետո մարզպետն այցելեց Ճամբարակի առողջության կենտրոն՝ տնօրենի եւ բուժանձնակազմի հետ քննարկելով աշխատանքային ընթացիկ հարցեր: Այցի ավարտին...
Գեղարքունիքի մարզպետը ստորագրեց համագործակցության նոր հուշագիր 22.11.2019
Նոյեմբերի 22-ին Գեղարքունիքի մարզպետ Գնել Սանոսյանը և «Հայ-չինական հարաբերությունների տարածաշրջանային հիմնադրամ» ԲԲԸ-ի տնօրեն Սերգեյ Ավանեսովը համատեղ ստորագրեցին համագործակցության հուշագիր՝ Գեղարքունիքի մարզի սոցիալ-տնտեսական զարգացման ստրատեգիայի իրականացման պայմանների բարելավմանն ուղղված գործունեության կոորդինացման, Գեղարքունիքի մարզի տնտեսական պոտենցիալի և ներդրումային գրավչության աճին աջակցելու, մարզում գործարարության համար նպաստավոր պայմաններ ստեղծելու նպատակով: Կողմերի միջև կայանալիք համագործակցությունը կնպաստի մարզի գրավչության մեծացմանը, որպես զբոսաշրջային ուղղություն օտարերկրյա զբոսաշրջիկների համար, ինչպես նաև նպաստավոր միջավայր կստեղծի մարզում պոտենցիալ ներդրողների ներգրավման համար: «Այն կնպաստի նաև ազատ տնտեսական գոտու ստեղծմանը, բազալտե մանրաթելերի և դրանց հիմքի վրա կոմպոզիտային նյութեր արտադրող գործարանի կառուցմանը, տեխնոպարկի ստեղծմանը, Չինաստանի տարածքում Հայաստանի առևտրային տան բացմանը, որում կներկայացվեն Գեղարքունիքի մարզում արտադրված ապրանքատեսակները...
Մեծ թեյախմություն «Բոհեմ» արվեստանոց-թեյարանում 22.11.2019
Նոյեմբերի 21-ին Հայաստանում առաջին անգամ նշվել է Սոցիալական ձեռնարկատիրության միջազգային օրը: Այդ օրը Սևան քաղաքի «Բոհեմ» արվեստանոց-թեյարանում, թեյի սիրահարների մասնակցությամբ, անցկացվել է ամենամեծ թեյախմությունը: Միջոցառմանը մասնակցել է նաև Գեղարքունիքի մարզպետ Գնել Սանոսյանը: Ինչպես նշել է «Բոհեմ» արվեստանոց-թեյարան սոցիալական ձեռնարկության նախագահ Գոհար Մնացականյանը, այդ օրը իրենք առաջարկել են համատեղել օգտակարն ու հաճելին: « Թեյախմությանը ձեր մասնակցությամբ կնպաստեք մեր երկրում սոցիալական խնդիրների լուծման այլընտրանքային մեխանիզմներ առաջարկող, ստեղծագործ ու բարի բիզնեսի տարածմանն ու զարգացմանը: Առաջարկում ենք գնել թեյախմության բաժակը, որից հետո յուրաքանչյուրի վճարած խորհրդանշական գումարն ուղղվելու է 2020թ. մարտ ամսին կայանալիք ՍՁ գաղափարների մրցույթի կազմակերպմանը»,- նշել է Գոհար Մնացականյանը: Ներկաներին ողջունել ու օրվա առիթով շնորհավորել է Գեղարքունիքի մարզպետ Գնել Սանոսյանը: «Մեր մարզը ոչ միայն սոցիալական ձեռնարկությունների քանակով է առաջատար, այլ նաեւ՝ որակական...
Գեղարքունիքի մարզպետը Մեծ Մասրիկում դիտարկեց սուբվենցիոն ծրագրերի իրականացման աշխատանքները 21.11.2019
Գեղարքունիքի մարզպետ Գնել Սանոսյանն աշխատանքային այց կատարեց Մեծ Մասրիկ համայնք՝ ծանոթանալու ՀՀ կառավարության կողմից իրականացվող սուբվենցիոն երկու ծրագրերով իրականացվող շինարարական աշխատանքներին: Սուբվենցիոն առաջին ծրագրով սեպտեմբերի 9-ից մեկնարկել եւ նոյեմբերի 10-ի դրությամբ ավարտվել են ճանապարհների ասֆալտապատման աշխատանքները: Հիմնանորոգվել են գյուղի գերեզմանոց եւ տարրական դպրոց տանող ճանապարհները՝ 1,5 կիլոմետր երկարությամբ եւ շուրջ 6 հազար քառակուսի մետր մակերեսով: Ծրագրի պայմանագրային արժեքը կազմել է 82 միլիոն 200 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Մեծ Մասրիկի համայնքապետարանը: Սուբվենցիոն երկրորդ ծրագրով գյուղում կառուցվում է մշակույթի տան նոր շենք: Ծրագրի պայմանագրային արժեքը կազմում է 150 միլիոն դրամ, որի 45 տոկոսը հատկացրել է ՀՀ կառավարությունը, 55 տոկոսը՝ Մեծ Մասրիկի համայնքապետարանը: Շինարարական աշխատանքները նախատեսվում է ավարտել 2020 թվականի վերջին: Գնել Սանոսյանը եղավ կառուցվող մշակույթի տան շենքի շինհրապարակում, զրուցեց...
Գեղարքունիքի մարզպետը շնորհակալագրեր հանձնեց ՀՀ ԱԺ գավաթի խաղարկության հաղթող թիմերին 21.11.2019
2019 թվականի հոկտեմբերի 31-ից նոյեմբերի 1-ը Երևանում անցկացվեց Հայաստանի Հանրապետության «Ազգային Ժողովի գավաթի» խաղարկության եզրափակիչ փուլի մրցումները, որին մասնակցում էին Հանրապետության բոլոր մարզերի, Երևան քաղաքի և Արցախի Հանրապետության 4-րդ, 5-րդ և 6-րդ դասարանների աշակերտներ (թիմերի կազմը յուրաքանչյուր դասարանից 2 տղա և 2 աղջիկ) : Գեղարքունիքի մարզը ներկայացնում էին Վերին Գետաշենի թիվ 1 միջնակարգ դպրոցի 4-րդ ( Գագիկ Հակոբյան, Արեն Բաղդասարյան, Ռոզա Գալստյան, Անի Սարգսյան), Գավառ քաղաքի Պ. Ղանդիլյանի անվան թիվ 2 միջնակարգ դպրոցի 5-րդ (Միշա Ղարիբյան, Խաչիկ Իսրաելյան, Սյուզաննա Մկրտչյան, Դիանա Գափոյան) և Մարտունու Մ.Մելիք-Շահումյանցի անվան թիվ 1 հիմնական դպրոցի 6-րդ ( Դավիթ Ներկարյան, Դավիթ Ավետիսյան, Պայծառ Ավետիսյան, Նարե Հարությունյան) դասարանների աշակերտները: Երկօրյա պայքարից հետո թիմային հաշվարկով հաղթողի կոչմանն արժանացավ Գեղարքունիքի մարզի հավաքական թիմը (ֆիզկուլտուրայի ուսուցիչներ՝ Հակոբ Ջիվանյան՝ Մարտունու Մ.Մելիք-Շահումյանցի անվան թիվ 1 հիմնական դպրոցի...
Գեղարքունիքի մարզպետն այցելեց Վարդենիս քաղաքի շինհրապարակներ 21.11.2019
Գեղարքունիքի մարզպետ Գնել Սանոսյանն այցելեց Վարդենիս քաղաք՝ դիտարկելու ՀՀ կառավարության կողմից իրականացվող սուբվենցիոն հինգ ծրագրերի ընթացքը: Բոլոր ծրագրերը, որոնց մեկնարկը տրվել է սեպտեմբերի սկզբներից, նոյեմբերի 20-ի դրությամբ դեռեւս գտնվում են ընթացքի մեջ: Սուբվենցիոն առաջին ծրագրով ասֆալտապատվում է Զորավար Անդրանիկ փողոցը՝ 1060 գծամետր երկարությամբ եւ 9152 քառակուսի մետր մակերեսով: Ծրագրի պայմանագրային արժեքը կազմում է 89 միլիոն 972 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Վարդենիսի համայնքապետարանը: Սուբվենցիոն երկրորդ ծրագրով ասֆալտապատվում է Արզոյան փողոցը՝ 780 գծամետր երկարությամբ եւ 8226,72 քառակուսի մետր մակերեսով: Ծրագրի պայմանագրային արժեքը կազմել է 88 միլիոն 200 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Վարդենիսի համայնքապետարանը: Սուբվենցիոն երրորդ ծրագրով հիմնանորոգվում է Վարդենիս քաղաքի Վիկտոր Համբարձումյանի անվան զբոսայգին: Ծրագրի պայմանագրային արժեքը կազմում է 45 միլիոն դրամ, որի 45 տոկոսը հատկացրել է...
