Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2019 թվականի դեկտեմբերին Գեղարքունիքի մարզպետ Գնել Սանոսյանը և Դիլիջան քաղաքում գործող «Թումո» ստեղծարար տեղեկատվական կենտրոնի ղեկավար Տիգրան Բաղիյանը մարզպետի մոտ կայացած հանդիպման ընթացքում քննարկեցին մարզում «Թումո» ստեղծարար տեղեկատվական կենտրոնի շարժական ուսումնական կետեր հիմնելու եւ մարզի դպրոցականներին ուսման մեջ ներգրավելուն վերաբերող հարցը: Գնել Սանոսյանը հավանություն տվեց նախաձեռնությանը և պատրաստակամություն հայտնեց` հնարավորության և լիազորության շրջանակներում աջակցել, որպեսզի նախաձեռնությունը կյանքի կոչվի: Նախապատրաստական որոշակի աշխատանքներից հետո 2020 թվականի փետրվարի 26-ին «Թումո» ստեղծարար տեղեկատվական կենտրոնի ղեկավար Տիգրան Բաղիյանը և կենտրոնի աշխատակիցները կրկին Գեղարքունիքի մարզպետարանում էին: Մարզպետարանի ԿՄՍ վարչության պետ Կարեն Զազյանի և Գավառի քաղաքապետի տեղակալ Գրիգոր Բոշյանի հետ համատեղ նրանք քննարկեցին Գեղարքունիքի մարզում «Թումո» ստեղծարար տեղեկատվական կենտրոնի առաջին
Տեղի ունեցավ գյուղատնտեսության ոլորտում իրականացվող պետական օժանդակության ծրագրերի իրազեկում 25.02.2020
Փետրվարի 25-ին ՀՀ Էկոնոմիկայի նախարարության և Գեղարքունիքի մարզպետարանի համատեղ նախաձեռնությամբ մարզպետարանի նիստերի դահլիճում անցկացվեց հանդիպում մարզպետարանի գյուղատնտեսության և բնապահպանության վարչության աշխատակիցների, մարզի գյուղատնտեսության ոլորտում գործունեություն իրականացնող կազմակերպությունների, համայնքների ղեկավարների, շահագրգիռ այլ կառույցների եւ գյուղացիական տնտեսությունների ներկայացուցիչների հետ: Հանդիպման նպատակն էր՝ մասնակիցներին իրազեկել գյուղատնտեսության ոլորտում իրականացվող պետական օժանդակության ծրագրերին: Օրվա բանախոսներն էին ՀՀ Էկոնոմիկայի նախարարի խորհրդական Դավիթ Դավթյանը և ՀՀ էկոնոմիկայի նախարարության գյուղատնտեսական ծրագրերի մշակման, ռեսուրսների օգտագործման կոոպերատիվի զարգացման վարչության պետ Իռա Փանոսյանը: Հանդիպումը վարեց Գեղարքունիքի մարզպետի տեղակալ Նարեկ Գրիգորյանը: Ողջունելով հանդիպման մասնակիցներին՝ Նարեկ Գիրգորյանը նշեց, որ մարզում իրականացվող ցանկացած գյուղատնտեսական
Բուն Բարեկենդանի տոնին նվիրված միջոցառում՝ Նորատուս համայնքում 25.02.2020
Փետրվարի 23-ին Նորատուս համայնքում մեծ հանդիսավորությամբ նշվել է Մեծ Պահքին նախորդող Բուն Բարեկենդանի տոնը: Տոնի նախապատրաստման և անցկացման գործում մեծ ներդրում է ունեցել Գեղարքունյաց թեմի սարկավագ Վահե Միքայելյանը, ով լուրջ աշխատանքներ է տանում համայնքում հոգևոր կյանքի ամրապնդման ու զարգացման գործում: Բուն Բարեկենդանի տոնի նախաձեռնման և կազմակերպչական աշխատանքներին աջակցել է Գեղարքունիքի մարզպետի տեղակալ Նարեկ Գրիգորյանը: Տոնական ծրագիրը նախապատրաստել և ներկայացրել են Նորատուս համայնքի թիվ 1,2,3 միջնակարգ և արվեստի դպրոցների սաներն ու մանկավարժական կոլեկտիվները: Ծրագրում ներառվել են տոնին բնորոշ երգեր, պարեր, խաղիկներ և բանաստեղծություններ: Դպրոցականները համայնքի Սուրբ Գրիգոր Լուսավորիչ եկեղեցու տարածքից քայլերթով ու շարականների կատարմամբ հասել են մինչև համայնքի Սուրբ Աստվածածին եկեղեցու տարածք: Այդ ընթացքում նրանց հետևել և տոնակատարությանը միացել են նաև համայնքի բնակիչներ: Տոնակատարությունն ուղեկցվել է բարձր տրամադրությամբ, հյուրասիրությամբ և շարունակվել մինչև ուշ երեկո:
Անցկացվել է ռուսական ընթերցանության մրցույթի մարզային փուլը 25.02.2020
Փետրվարի 20-ին Գավառի Լ.Քալանթարի անվան դրամատիկական թատրոնում անցկացվել է > խորագիրը կրող ռուսական ընթերցանության մրցույթի մարզային փուլը: Մրցույթին մասնակցել են 10 շնորհալի աշակերտներ մարզի տարբեր դպրոցներից: Տաթևիկ Մարգարյան Սևանի թիվ 1 հ/դ, Արփինե Մանուկյան Գանձակի թիվ1 մ/դ, Ալլա Ավետիքյան Գանձակի թիվ 2 մ/դ, Անի Նազարյան Կարմիրգյուղի թիվ 2 մ/դ, Անի Սուչյան Կարմիրգյուղի թիվ 2 մ/դ, Ժաննա Սիմոնյան Կարմիրգյուղի թիվ 2 մ/դ, Սամվել Գյոզալյան Գավառի թիվ 5 հ/դ, Մարի Սիրականյան Լիճքի մ/դ, Գրետա Առաքելյան Լիճքի մ/դ, Գրիգոր Խաչատրյան Կարմիրգյուղի թիվ 1 մ/դ: Մրցույթի ժյուրիի կազմում ընդգրկվել են Ձորագյուղի ավագ դպրոցի ուսումնադաստիարակչական աշխատանքների գծով տնօրենի տեղակալ, ռուսաց լեզվի և գրականության ուսուցչուհի Լաուրա Հովհաննիսյանը և Գավառի Պ.Ղանդիլյանի անվան թիվ 2 միջնակարգ դպրոցի ռուսաց լեզվի և գրականության ուսուցչուհի Շողեր Խաչատրյանը: Մրցույթն անցել է ջերմ մթնոլորտում, մասնակիցները անկաշկանդ ու սահուն ներկայացրել են 2-5 րոպե տևողությամբ հատվածներ՝ ռուս դասական գրողների արձակ ստեղծագործություններից, արժանանացել ժյուրիի դրվատանքին: Ընթերցանության մրցույթի մարզային փուլի արդյունքում
Այս տարի ավելացել է բարերարների մասնակցությունը համայնքներում իրականացվող սուբվենցիոն ծրագրերին 24.02.2020
Գեղարքունիքի մարզում 2020 թվականին ավելացել է այն բարերարների թիվը, ովքեր ցանկացել են ներդրումներ կատարել իրենց համայնքներում իրականացվող սուբվենցիոն ծրագրերի ուղղությամբ: Գեղարքունիքի մարզպետ Գնել Սանոսյանի հավաստմամբ՝ եթե 2018 թվականին Գեղարքունիքի մարզում իրականացված սուբվենցիոն ծրագրերում բարերարների մասնակցությունը եղել է 8 միլիոն, 2019 թվականին ՝ 36 միլիոն դրամի չափով, ապա 2020 թվականին այն կհասնի շուրջ 225 միլիոն դրամի: Ամենախոշոր ներդրումը բարերարի կողմից կլինի Ծաղկունք համայնքում, §Դար¦ հիմնադրամի կողմից, 130 միլիոն դրամի չափով: Այստեղ բարերարը մասնակցություն կունենա սուբվենցիոն երկու ծրագրերում՝ համայնքային կենտրոնի կառուցում եւ կենտրոնական հրապարակի բարեկարգում, ճաշարանային մասնաշենքի կապիտալ վերանորոգում: Բարերարի կողմից 18 միլիոն 141 հազար դրամ հատկացվելու է Նորատուսի արվեստի դպրոցի հիմնանորոգմանը: Բարերարների տրամադրած միջոցներով ճանապարհաշինական աշխատանքներ կիրականացվեն Երանոսում՝ 17 միլիոն 125 հազար դրամի չափով,
Գեղարքունիքի մարզպետ Գնել Սանոսյանի մամուլի ասուլիսը հանրապետական ԶԼՄ- ներին 21.02.2020
Փետրվարի 20-ին Գեղարքունիքի մարզպետ Գնել Սանոսյանը «Արմենպրես»-ի մամուլի սրահում հրավիրված ասուլիսում ներկայացրեց Գեղարքունիքի մարզում 2019 թվականին գրանցված աշխատանքային ձեռքբերումները, 2020 թվականի ընթացքում իրականացվելիք կենսական կարեւոր նշանակության ծրագրերը եւ առաջնահերթ անելիքները: Գնել Սանոսյանը 2019 թվականը համարեց աշխատանքային ձեռքբերումներով լի ու հաջողված տարի: Մարզպետը, որպես առաջին կարեւոր ձեռքբերում, առանձնացրեց սուբվենցիոն ծրագրերը: Այս տեսանկյունից 2019 թվականին Հայաստանի Հանրապետությունում Գեղարքունիքի մարզն առաջատար է եղել: Մասնավորապես, նախորդ տարի մարզում իրականացվել է 103 սուբվենցիոն ծրագիր: Աշխատանքներն իրականացվել են 128 տեղամասերում: Ընդհանուր գումարը կազմել է 5.5 միլիարդ դրամ: Համեմատության համար մարզպետը նշեց, որ 2018 թվականին մարզում իրականացվել է 992 մլն դրամի սուբվենցիոն ծրագիր: «Կարծում եմ, որ 2017, 2016 թվականներ հետ գնալու կարիք չկա: 2019 թվականի սուբվենցիոն ծրագրերի ծավալը մի քանի անգամ ավելին է եղել: Ծրագրերը բազմազան են եղել, մասնավորապես, նոր մանկապարտեզների կառուցում, եղածի վերանորոգում,
