Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ բռնքամարտի հանրապետական բաց առաջնություն 29.01.2020
Հունվարի 25-26-ին Մարտունու մարզադպրոցում կայացավ բռնցքամարտի 10-րդ բաց առաջնությունը՝ նվիրված Հայոց բանակի կազմավորման 28-րդ տարեդարձին: Ինչպես տեղեկացրեցին Գեղարքունիքի մարզպետարանի ԿՄՍ վարչությունից, մրցաշարին մասնակցեցին Երևանի, Վանաձորի, Էջմիածինի, Եղեգնաձորի, Աբովյանի, Դիլիջանի, Կուրթանի, Իջևանի, Մարտունու տարածաշրջանի, Սևանի, Լճաշենի, Ճամբարակի և Լիճքի թիմերը: Յոթ թիմով մրցաշարին ներկայացել էին Մարտունու, երեք թիմով՝ Աբովյանի, երկու թիմով՝ Սեւանի տարածաշրջանները: Մրցաշարը, որին մասնակցեցին 200-ից ավելի բռնցքամարտիկներ, կազմակերպել էին Մարտունու մարզադպրոցը եւ Գեղարքունիքի մարզի բռնցքամարտի ֆեդերացիան: Տարբեր քաշային կարգերում անցկացվեցին մենամարտեր բռնցքամարտի գոտու համար: Թիմային հաշվարկով առաջին տեղը զբաղեցրեց Մարտունու մարզադպրոցը: Ճամբարակի բռնցքամարտի դպրոցի թիմը զբաղեցրեց երկրորդ, Վանաձոր քաղաքի թիմը՝ երրորդ տեղը:
Հայաստանի Հանրապետության վարչապետ Նիկոլ Փաշինյանը հունվարի 28-ին Վարդենիս քաղաքում մասնակցեց Բանակի օրվան՝ Հայաստանի Հանրապետության զինված ուժերի կազմավորման 28-րդ տարեդարձին նվիրված տոնական միջոցառմանը։ ՀՀ վարչապետին ուղեկցում էին Պաշտպանության նախարար Դավիթ Տոնոյանը, Ազգային անվտանգության ծառայության տնօրենի ժամանակավոր պաշտոնակատար Էդուարդ Մարտիրոսյանը, Գեղարքունիքի մարզպետ Գնել Սանոսյանը, ԱԺ պատգամավորներ, կառավարության անդամներ: Մինչ տոնակատարության մեկնարկը վարչապետ Նիկոլ Փաշինյանը ծաղկեպսակ դրեց Երկրորդ համաշխարհային և Արցախյան պատերազմների ժամանակ զոհված հայորդիների հիշատակը հավերժացնող հուշարձանին։ Տոնական միջոցառումը անցկացվեց Վարդենիսի՝ Մ. Մկրտչյանի անվան մշակույթի պալատում: Միջոցառման սկզբում ներկաներին ողջունեց ՀՀ պաշտպանության նախարար Դավիթ Տոնոյանը, ով իր ելույթը սկսեց այն խոսքերով, որոնցով 100 տարի առաջ սկսվել է Հայաստանի առաջին Հանրապետության բանակի կազմավորմանը նվիրված տոնական միջոցառումը: Միջոցառմանը ներկա ՀՀ վարչապետ Նիկոլ Փաշինյանին, Ն.Ս.Օ.Տ.Տ. Ամենայն Հայոց Գարեգին Բ Կաթողիկոսին, Ազգային ժողովի պատգամավորներին, կառավարության անդամներին, մարզպետներին և այլ բարձրաստիճան պաշտոնյաներին
ՀՀ Գեղարքունիքի մարզպետ Գնել Սանոսյանի ուղերձը Հայոց բանակի կազմավորման 28-րդ տարեդարձի առթիվ 27.01.2020
Սիրելի հայրենակիցներ: 28 տարի առաջ մեր հայրենիքի համար ճակատագրական ու բախտորոշ պահին ստեղծվեց Հայոց բանակը, որը ոչ միայն կերտեց մեր պատմական հաղթանակների անշրջելի էջը, այլ նաեւ ապահովեց Հայաստանի ու Արցախի խաղաղությունն ու անվտանգությունը աշխարհաքաղաքական փոփոխությունների, պարտադրված պատերազմի ու արտաքին սպառնալիքների պայմաններում: Այսօր էլ մեր բանակը պահպանում է իր մարտական ու բարոյական բարձր ոգին եւ միաժամանակ արդիականացնում ու զորացնում իր սպառազինությունը՝ տարածաշրջանում մեծապես նպաստելով խաղաղության պահպանմանը,զսպելով հակառակորդի զավթողական նկրտումները: Հայրենի կառավարության հետեւողական ջանքերի շնորհիվ ստիճանաբար բարելավվում են նաեւ մեր զինվորների կենցաղային պայմանները, բարձրացվում է սահմանապահ դիրքերի պաշտպանունակությունն ու անվտանգությունը: Շնորհավորում եմ բոլորիս Հայոց բանակի կազմավորման 28-րդ տարեդարձի առթիվ, մաղթում ամուր, հզոր եւ խաղաղ հայրենիք: Լավագույն ցանկություններով՝ Գեղարքունիքի մարզպետ Գնել Սանոսյան
Ներկայացվեց ՀՀ ԱԻՆ Գեղարքունիքի մարզային փրկարարական վարչության տարեկան աշխատանքային հաշվետվությունը 24.01.2020
Գեղարքունիքի մարզպետարանի նիստերի դահլիճում լսվեց ՀՀ ԱԻՆ փրկարար ծառայության Գեղարքունիքի մարզային փրկարարական վարչության 2019 թվականի տարեկան աշխատանքային հաշվետվությունը: Հաշվետվությունն ընդունեցին Գեղարքունիքի մարզպետ Գնել Սանոսյանը եւ ՀՀ ԱԻՆ նախարարի տեղակալ Արկադի Բալյանը: Ներկա էին Գեղարքունիքի մարզի ուժային կառույցների, համայնքների, մարզպետարանի ստորաբաժանումների ղեկավարներ, մարզի փրկարար ծառայության աշխատակիցներ: Հաշվետու զեկուցումից առաջ մարզպետ Գնել Սանոսյանը շնորհակալություն հայտնեց մարզի փրկարար ծառայությանը՝ ինչպես գրանցված ձեռքբերումների, այնպես էլ՝ մարզպետարանի,մարզի համայնքների եւ մարզի ուժային կառույցների հետ համագործակցված աշխատանք կատարելու համար: Ըստ զեկուցման՝ 2019թվականի ընթացքում Գեղարքունիքի մարզում գրանցվել է 553 արտակարգ դեպք, որոնց հետեւանքով զոհվել է 22, մարմնական վնասվածքներ ստացել 86 մարդ: 2018թվականի նույն ժամնակահատվածի համեմատ արտակարգ դեպքերն աճել են 17-ով: Գրանցված դեպքերից 360-ը տեխնածին են, որոնց հետեւանքով զոհվել է 14, վիրավորվել` 60 մարդ: 2018թվականի նույն ժամանակահատվածի համեմատ տեխնածին բնույթի արտակարգ դեպքերն աճել են 37-ով:
Կառուցվում է Վարդենիսի Սուրբ Աստվածածին եկեղեցու զանգակատունը 23.01.2020
Վարդենիս քաղաքի բնակիչ, բարերար Վարդան Բուդոյանի բարերարությամբ վերականգնման վերջին փուլին է հասել Վարդենիսի Սուրբ Աստվածածին եկեղեցու զանգակատունը, որն ավելի քան 100 տարի եղել է կիսակառույց վիճակում: Հայ Առաքելական եկեղեցու Գեղարքունյաց թեմի տեղեկացմամբ, 2020 թվականին նախատեսվում է կազմակերպել զանգակատան օծման արարողությունը: «Զանգակատան կառուցումը մեծ պատիվ է ինձ համար:Հույս ունեմ, որ կառուցված զանգակատունը մեր եկեղեցու հետ միասին կդառնա համախմբող եւ օրհնություն պարգեւող տուն»,- նշեց բարերար Վարդան Բուդոյանը: «Զանգակատան վերականգնմամբ առաջին հերթին ամբողջացվեց Վարդենիսի Սուրբ Աստվածածին եկեղեցու ճարտարապետական տեսքը, ինչի համար մեր շնորհակալությունն եմ ցանկանում հայտնել բարերար Վարդան Բուդոյանին: 2020-ին, երբ զանգակատան օծման արարողությունն արդեն կատարված կլինի, մենք զանգերի միջոցով մարդկանց եկեղեցի «կկանչենք»:Այսպիսով, մենք Վարդենիսում կկարողանանք հայ եկեղեցական մշակույթի ողջ սիմվոլիկան ամբողջացնել»,- նշեց Վարդենիսի Սուրբ Աստվածածին եկեղեցու հոգեւոր հովիվ Տեր Տարոն քահանա Հունանյանը: Վարդենիսի Սուրբ Աստվածածին եկեղեցին կառուցվել է 1902-1912 թվականների ընթացքում:
2019 հունիս-նոյեմբեր ամիսներին Սեւանի թերակղզի են այցելել 158 հազար 162 զբոսաշրջիկ 22.01.2020
Սեւանի զբոսաշրջային տեղեկատվական գրասենյակի պատասխանատու Դավիթ Թորոսյանի տեղեկացմամբ 2019 թվականի ամռան եւ աշնան ամիսներին թերակղզում գործող տեղեկատվական շարժական գրասենյակի ծառայություններից օգտվել են 5082 զբոսաշրջիկ, որը նախորդ տարվա համեմատ ավել է մոտ 2000-ով: Զբոսաշրջիկներից 4110-ը ստացել են զբոսաշրջային ինֆորմացիա, 912-ը` ընդհանուր: Զբոսաշրջիկների առավել մեծ թիվ է գրանցվել օգոստոս ամսին` 1246, որից 979-ին տրվել է զբոսաշրջային, իսկ 267-ին` ընդհանուր ինֆորմացիա: Նախորդ տարվա համեմատ, ըստ ծագման երկրների, գրանցվել է էական տեղաշարժ: Եթե 2018-ին զբոսաշրջիկների հնգյակը գլխավորել են Լեհաստանից ժամանածները ՝416, ապա 2019-ին առաջին հորիզոնականում են Ֆրանսիայից ժամանածները` 548: 2018-ին երկրորդից հինգերորդ հորիզոնական զբաղեցրած երկրների` Ֆրանսիա` 373, Գերմանիա` 298, Ռուսաստանի Դաշնություն` 190, Իրան` 188, փոխարեն 2019-ին արձանագրվել է հետեւյալ պատկերը. Իտալիա` 459, Լեհաստան` 405, Բելգիա` 397, Իսպանիա` 316: Զբոսաշրջիկների հոսքը տեսանելի է եղել Գերմանիայից, Շվեյցարիայից, Ռուսաստանից, ԱՄՆ-ից, Չեխիայից: Գրասենյակի պատասխանատուն ներկայացրել է նաեւ ծառայությունից օգտվածների սեռային պատկերը. կենտրոնի ծառայություններին է
