Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Գնել Սանոսյանի շնորհավորանքի խոսքը Մայրության եւ գեղեցկության տոնի առթիվ 07.04.2021
Շնորհավորում եմ բոլոր մայրերին գարնանային այս գեղեցիկ տոնի կապակցությամբ: Բոլոր ժամանակներում մայրությունն է եղել բնության անկրկնելի գեղեցկությունն ու զարդարանքը, որը միշտ նորացնում ու իմաստավորում է կյանքը, ավետում մարդու ծնունդը։ Հայ մայրն իր առաքինի դրսևորումներով մշտապես անգնահատելի դեր է ունեցել նաև ընտանիքներում եւ ընդհանրապես հասարակության կյանքում՝ պահպանելով և սերունդներին փոխանցելով տարիներ ի վեր ձևավորված գեղեցիկ ավանդույթներն և ազգային արժեքները: Մեր ազգին ու հայրենիքին բաժին ընկած դժվարությունների հաղթահարման գործում այսօր ևս կարևոր է մայրության հզոր ուժը։ Հարգարժան մայրեր, քույրեր, դուստրեր, ցանկանում եմ ձեզ խաղաղություն, ընտանեկան երջանկություն, գեղեցկություն ու անմար ժպիտ, ապրեք առողջ ու երջանիկ կյանքով: Լավագույն ցանկություններով՝ ՀՀ Գեղարքունիքի մարզպետ Գնել Սանոսյան
Հետմահու պետական պարգեւ հանձնվեց ՊԲ զինծառայող Կարեն Բադոյանին 05.04.2021
Ապրիլի 5-ին ԱՀ ՊԲ զորամասի հրամանատարի հրետանու գծով տեղակալ, փոխգնդապետ Արման Հակոբյանը Արցախի Հանրապետության նախագահի անունից հետմահու «Մարտական խաչ առաջին աստիճան» շքանշանով պարգեւատրեց Նորատուս համայնքի բնակիչ, ՊԲ ժամկետային զինծառայող, Արցախյան վերջին պատերազմում հայրենիքի սահմանները պաշտպանելիս զոհված Կարեն Սասունի Բադոյանին։ Միջոցառմանը մասնակցում էին Գեղարքունիքի մարզպետ Գնել Սանոսյանը, Նորատուս համայնքի ղեկավարը, հերոսի ծնողներն ու հարազատները, պաշտոնական այլ անձինք։ Օրհնության կարգ կատարեց Գեղարքունյաց թեմի հոգեւոր հովիվ Տեր Գեւորգ քահանա Տեր Բարսեղյանը։ Կարեն Բադոյանի ծնողներին եւ հարազատներին սփոփանքի խոսքեր ուղղեց Գեղարքունիքի մարզպետ Գնել Սանոսյանը։ «Բոլորս միասին չափազանց բարդ եւ ծանր ժամանակներ ենք ապրել, տվել թանկագին կորուստներ, սակայն Կարենի ու նրա ծառայակից հազարավոր հերոս տղաների կյանքի գնով պահպանվեց մեր հայրենիքը։ Հերոս տղաների մասին դեռ երկար կպատմեն ու կգրեն, նրանց անունները հավերժորեն կքաջալերեն գալիք...
Ճրագալույցի պատարագ՝ նվիրված Հարության տոնին 03.04.2021
Այսօր՝ ապրիլի 3-ին, Գեղարքունյաց թեմի Գավառի Սուրբ Աստվածածին առաջնորդանիստ եկեղեցում, նախագահությամբ Գեղարքունյաց թեմի առաջնորդական տեղապահ Հոգեշնորհ Տ․ Պարթև վարդապետ Բարսեղյանի և աղոթակցությամբ Գավառի հոգևոր հովիվ Տ. Նշան քհն. Սարգսյանի մատուցվեց Ճրագալույցի Սուրբ և Անմահ Պատարագ, որով սկսվեց զատկական տոնակատարությունը: Սուրբ պատարագին մասնակցում էր Գեղարքունիքի մարզպետ Գնել Սանոսյանը` տիկնոջ հետ միասին, ուժային կառույցների, տեղական ինքնակառավարման մարմինների ներկայացուցիչներ, այլ պաշտոնյաներ, հոգևորականներ, հավատավոր ժողովուրդ: Պատարագի ընթացքում Գավառի հոգևոր հովիվ Տ. Նշան քհն. Սարգսյանը ներկաների ուշադրությունը հրավիրեց հարության տոնի խորհրդին: «Հիսուս Քրիստոսի հրաշափառ Հարության տոնը կոչվում է նաև Զատիկ, որը նշանակում է զատում, բաժանում, հեռացում մեղքերից և վերադարձ առ Աստված: Հիսուս Քրիստոսի խաչելությունից և մահից հետո` երեկոյան, բարեպաշտ մարդիկ Նրա մարմինը իջեցրին խաչից և դրեցին վիմափոր գերեզմանի մեջ՝ փակելով մեծ քարով: Երեք օր հետո` կիրակի առավոտյան, յուղաբեր կանայք` Մարիամ Մագդաղենացին, Հակոբի մայր Մարիամը և Սողոմեն, գնացին գերեզման՝ անուշաբույր յուղերով օծելու Քրիստոսի մարմինը, սակայն
ՀՀ առողջապահության նախարարն աշխատանքային այցով եղավ Գեղարքունիքի մարզում 02.04.2021
Ապրիլի 2-ին աշխատանքային այցով Գեղարքունիքի մարզ այցելեց ՀՀ առողջապահության նախարար Անահիտ Ավանեսյանը։ Այցի ընթացքում նրան ուղեկցում էին Գեղարքունիքի մարզպետ Գնել Սանոսյանը, ՀՀ ԱՆ փոխնարարներ Գեւորգ Սիմոնյանը եւ Արտյոմ Սմբատյանը։ Գեղարքունիքի մարզպետարանում կայացած խորհրդակցության ժամանակ Գեղարքունիքի մարզպետ Գնել Սանոսյանը խոսեց մարզի առողջապահության առաջնային պահպանման օղակում մասնագետ կադրերի պակասի մասին, նշելով, որ տարիների ընթացքում այդ բացը լրացվել է համատեղությամբ աշխատելու կարգով։ Խնդրի կարգավորման ուղղությամբ մարզպետն առաջարկեց կազմակերպել համատեղ քննարկում և գտնել արդյունավետ տարբերակներ։ Խորհրդակցության ավարտից հետո նախարարն այցելեց Գավառի բժշկական կենտրոն, որտեղ ծանոթացավ հիվանդանոցային ծառայության մատուցման պայմաններին եւ առաջնահերթ խնդիրներին։ Գավառի ԲԿ տնօրեն Աշոտ Կարապետյանը ներկայացրեց նախորդ տարվա ընթացքում եւ այս տարվա առաջին եռամսյակում իրենց հաստատությունում արձանագրված ձեռքբերումները, առաջնահերթ անելիքները:...
Գեղարքունիքի մարզի խորհրդի նիստում քննարկվեցին մի շարք հրատապ ու կարեւոր հարցեր 01.04.2021
Մարտի 31-ին Գեղարքունիքի մարպետարանում կայացավ Գեղարքունիքի մարզի խորհրդի 2021 թվականի առաջին նիստը, որը վարեց մարզի խորհրդի նախագահ, Գեղարքունիքի մարզպետ Գնել Սանոսյանը։ Մինչեւ օրակարգային հարցերին անցնելը մարզխորհրդի անդամները մեկ րոպե լռությամբ հարգեցին մարզխորհրդի անդամ, Վարդաձոր համայնքի ղեկավար, օրերս հանկարծամահ եղած Ռոբերտ Սիրականյանի հիշատակը։ Գեղարքունիքի մարզպետարանի գյուղատնտեսության եւ բնապահպանության վարչության պետի պարտականությունները կատարող Մարտին Պետրոսյանը նշեց, որ մարզի տնտեսություններին գարնանացանի ընթացքում օժանդակելու նպատակով կառավարությունն իրականացնում է պետական աջակցության մի շարք ծրագրեր։ «2021 թվականին գարնանացանի աշխատանքները ժամանակին և արդյունավետ կատարելու համար մարզի համայնքներից ստացված հայտերի հիման վրա ՀՀ էկոնոմիկայի նախարարություն է ներկայացվել սերմերի պահանջարկը: ...
Պետական մարմինների աշխատողների միջև անցկացվել է հրաձգության հանրապետական մրցույթ 01.04.2021
2021 թվականի մարտի 22-25-ը «Ասպար Արմս» ՍՊԸ-ի հրաձգարանում պետական մարմինների աշխատողների միջև անցկացվել է հրաձգության հանրապետական մրցույթը , որին մասնակցել են ՀՀ նախագահի, ՀՀ Ազգային ժողովի, ՀՀ կառավարության, ՀՀ նախարարությունների, ՀՀ կառավարությանն առընթեր մարմինների, ՀՀ մարզպետարանների և տեղական ինքնակառավարման մարմինների աշխատակազմերի աշխատակիցներից կազմված թիմերը : Թիմերի կազմում ընդգրկվել են երեք տղամարդ և երեք կին : Մրցույթը անցկացվել է 2 մասով, 1-ին մասում պայքարի մեջ են մտել պետական մարմիների աշխատակազմերի թիմերը, իսկ 2-րդ մասում՝ տեղական ինքնակառավարման մարմինների աշխատակազմերի թիմերը: Մրցույթն անցկացվել է թիմային և անհատական հաշվարկով, հրաձգության միջազգային ֆեդերացիայի կանոնակարգի համաձայն՝ 9մմ «Մակարով» տիպի ատրճանակից : Պետական մարմիների աշխատողների միջև անցկացվող մրցույթին մարզը...
