Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նոյեմբերի 24-ին Գեղարքունիքի մարզպետ Կարեն Սարգսյանն ընդունեց Կոշտ թափոնների կառավարման միջազգային փորձագետ, ծրագրի ղեկավար Կառեն Էբեռլիին եւ թիմի անդամներին՝ ծրագրի ղեկավարի տեղակալ, Հենրիկ Տորեմարկին, ծրագրի ազգային փորձագետների խմբի ղեկավար Մարիա Բարաղամյանին, կոշտ թափոնների նախագծերի դիզայներ Գեւորգ Մարտիրոսյանին, ֆինանսական գծով փորձագետ Արսեն Կարապետյանին։ Հանդիպմանը մասնակցեցին Գեղարքունիքի մարզպետի օգնական Մանանա Գալստյանը, Գեղարքունիքի մարզպետարանի քաղաքաշինության վարչության պետ Արմեն Զոհրաբյանը, տեղական ինքնակառավարման եւ ՀԳՄՀ վարչության պետ Վանիկ Հարությունյանը, գյուղատնտեսության եւ բնապահպանության վարչության պետ Մարտին Պետրոսյանը, զարգացման ծրագրերի, վերլուծության եւ զբոսաշրջության բաժնի պետ Վարդուհի Մնացականյանը, «Կոտայքի եւ Գեղարքունիքի ԿԿԹԿ» ՍՊԸ տնօրեն Սերգեյ Համբարձումյանը։...
Ճամբարակի համայնքապետարանում կազմակերպվեց քաղաքացիների ընդունելություն 27.11.2021
Նոյեմբերի 24-ին Գեղարքունիքի մարզի Ճամբարակի համայնքապետարանում Գեղարքունիքի մարզպետի տեղակալ Ռուբիկ Նավոյանը կատարեց քաղաքացիների ընդունելություն։ Քաղաքացիները մարզպետարան դիմեցին աշխատանքի տեղավորման, բնակարանի նորոգման, դրամական օգնության հատկացման, պետպատվերի շրջանակներում բուժում ստանալու եւ մի շարք այլ խնդիրներով։ Դիմումները հաշվառման են վերցվել Գեղարքոունիքի մարզպետարանում, որոնց պատասխանները կտրվեն օրենքով սահմանված կարգով եւ ժամկետներում։
Երանոսում կանգնեցվեց եւ օրհնվեց Արցախյան վերջին պատերազմում զոհված հայորդիների հիշատակի Խաչը 23.11.2021
Գեղարքունիքի մարզի Երանոս համայնքի հարավ-արեւմտյան բարձունքում, «Սուրբ Հովհաննես» մատուռի տարածքում, կանգնեցվեց եւ օրհնվեց Արցախյան վերջին պատերազմում զոհված հայորդիների հիշատակի Խաչը, որի բարձրությունը հասնում է 44 մետրի՝ խորհրդանշելով 2020 թվականի Արցախյան պատերազմի օրերի քանակը։ Խաչը օրհնվեց հանդիսապետությամբ Հայ Առաքելական եկեղեցու Գեղարքունյաց թեմի առաջնորդական տեղապահ Տեր Պարթև վարդապետ Բարսեղյանի եւ աղոթակցությամբ Գեղարքունյաց թեմի հոգեւոր դասի։ Խաչի բացման եւ օրհնման արարողությանը ներկա էին Գեղարքունիքի մարզպետ Կարեն Սարգսյանը, Խաչի կառուցման հովանավորներ Հենրիկ Գասպարյանը եւ Ռոբերտ Շահինյանը , Արցախյան 44-օրյա պատերազմի մասնակիցներ, զոհված հերոսների ծնողները եւ հարազատները, համայնքի բնակիչներ:...
Նոյեմբերի 22-ից մեկնարկել է 2021-2022 ուսումնական տարվա առարկայական օլիմպիադայի առաջին փուլը, որին մասնակցելու համար Գեղարքունիքի մարզի հանրակրթական դպրոցներից հայտագրվել են 4308 աշակերտ։ Գեղարքունիքի մարզպետարանի ԿՄՍ վարչությունից ստացված տեղեկատվության համաձայն առարկայական օլիմպիադայի առաջին կամ ներդպրոցական փուլն անցկացվում է օնլայն կարգով, «Մաթեմատիկա», «Ֆիզիկա», «Ինֆորմատիկա», «Քիմիա», «Կենսաբանություն», «Աստղագիտություն», «Աշխարհագրություն» առարկաներից։ Ամենաշատ մասնակիցներ հայտագրվել են «Մաթեմատիկա» առարկայից՝ 2112 հոգի։«Ֆիզիկա» առարկայից հայտագրվել են 486, «Ինֆորմատիկա»-ից՝ 87, «Քիմիա»-ից՝ 495, «Կենսաբանություն»-ից՝ 581, «Աշխարհագրություն»-ից՝ 547 աշակերտ։ «Աստղագիտություն» առարկայից մասնակցության հայտ չի ներկայացվել։ Օլիմպիադայի երկրորդ կամ մարզային փուլը կանցկացվի 2022 թվականի հունվարի 19-ին, որին կմասնակցեն առաջին փուլում լավագույն արդյունքներ ապահոված աշակերտները։
Վահան բնակավայրի դպրոցականները բարեգործական հիմունքներով ապահովվեցին ձմեռային կոշիկներով 23.11.2021
Գեղարքունիքի մարզի Ճամբարակ համայնքի Վահանբնակավայրի 131 դպրոցականանները «ԶՈՒՄ» բարեգործական կազմակերպության կողմից ստացան ձմեռային կոշիկներ։ Կոշիկները դպրոցականներին հանձնվեցին դպրոցում, հասցեական, բարեգործական կազմակերպության, Գեղարքունիքի մարզպետարանի ԿՄՍ վարչության պետի եւ դպրոցի տնօրինության անմիջական մասնակցությամբ։ Ինչպես ներկայացրեց բարեգործական կազմակերպության նախագահ Աստղիկ Սիմոնյանը, բարեգործական ձեռնարկի հասցեն ընտրվել է Գեղարքունիքի մարզպետարանի հետ ձեռք բերված պայմանավորվածության արդյունքում։ «Մշտական կապի մեջ ենք եղել դպրոցի տնօրենի եւ դասղեկների հետ՝ ճշգրտելու աշակերտների կոշիկների չափսերը, որպեսզի յուրաքանչյուրին կարողանանք հատկացնել համապատասխան համարի կոշիկները։ Ձեռք ենք բերել ամերիկյան արտադրության բարձրորակ ձմեռային կոշիկներ, որոնք տաք ու դիմացկուն են։
