Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Դեկտեմբերի 5-ին տեղական ինքնակառավարման մարմինների ընտրություններ անցկացվեցին Գեղարքունիքի մարզի Գավառ, Մարտունի, Սևան և Վարդենիս խոշորացված համայնքներում: Տարածքային ընտրական հանձնաժողովներում արդեն ամփոփվել են ընտրությունների արդյունքները: Դեկտեմբերի 16-ից ավագանու ընտրված անդամներին շնորհվում են վկայականներ: Գեղարքունիքի մարզպետ Կարեն Սարգսյանը շնորհավորեց թիվ 19, 20, 21 տարածքային ընտրական հանձնաժողովների նախագահների կողմից վկայականներ ստացած Գավառ խոշորացված համայնքում «Գուգեն Մարտիրոսյան» դաշինքի կողմից առաջադրված ավագանու ցուցակը գլխավորող Գուրգեն Մարտիրոսյանին, Մարտունի խոշորացված համայնքում «Քաղաքացիական պայմանագիր» կուսակցության կողմից առաջադրված ավագանու ցուցակը գլխավորող Հովհաննես Հովեյանին և Սևան խոշորացված համայնքում...
Հայաստանում ԱՄԷ դեսպանատան գործերի ժամանակավոր հավատարմատար Ահլամ Ռաշիդ Ալ Սալամին Հայաստանի Հանրապետության աշխատանքի եւ սոցիալական հարցերի նախարար Նարեկ Մկրտչյանի եւ Գեղարքունիքի մարզպետ Կարեն Սարգսյանի ուղեկցությամբ եղավ Գավառի մանկատանը: Գավառի մանկատան տնօրենի ժամանակավոր պաշտոնակատար Նաիրա Խանդանյանը եւ փոխտնօրեն Նիկոլայ Նալբանդյանը հյուրերին ծանոթացրին մանկատան սաների կեցության, կրթության ու ժամանցի պայմաններին: Դեսպանության ժամանակավոր հավատարմատարը , նախարարը եւ մարզպետը եղան մանկատան կարի, գորգագործական, թատերական եւ համակարչային խմբակներում, ճաշարանում, ննջասենյակներում ու դասասենյակներում, զրուցեցին մանկատան սաների եւ դաստիարակների հետ: Մանկատան ղեկավարների ներկայացմամբ՝ 2021 թվականի դեկտեմբերի դրությամբ Գավառի մանկատանը խնամվում են 56 սան, որոնցից 44-ը դպրոցահասակներ են, մի մասն էլ հանդիսանում են բուհերի ուսանողներ: Գորգագործության ու կարի խմբակների սաների աշխատանքներն իրացվում են տարբեր առիթներով կազմակերպվող տոնավաճառներում,...
Եվս մեկ դասասենյակ անվանակոչվեց հերոս զինծառայողի անունով 14.12.2021
Դեկտեմբերի 13-ին Գանձակի համար 1 միջնակարգ դպրոցում տեղի ունեցավ դասասենյակի անվանակոչության արարողություն: Դասասենյակն այսուհետ կկրի 2020 թվականի Արցախյան 44-օրյա պատերազմում հայրենիքի պաշտպանության համար իր կյանքը զոհաբերած հերոս Միշա Արծրունու Հակոբյանի անունը, ով սովորել և ավարտել է Գանձակի համար 1 միջնակարգ դպրոցը: Անվանակոչության արարողությանը ներկա էին Գեղարքունիքի մարզպետի տեղակալ Վահան Զարոյանը, մարզպետարանի ԿՄՍ վարչության պետ Կարեն Զազյանը, Գավառ խոշորացված համայնքի ներկայացուցիչներ, գանձակցիներ, հյուրեր, նահատակված հերոսի ծնողներն ու հարազատները: Արարողության ընթացքում հնչեցին հերոսին ուղղված հիշատակի և ոգեկոչման խոսքեր, դպրոցականները հանդես եկան գրական- երաժշտական կատարումներով:
Գեղարքունիքի մարզպետարանում կայացավ ձմեռային զորակոչի առաջին նիստը 14.12.2021
Դեկտեմբերի 14-ին Գեղարքունիքի մարզպետարանում կայացավ 2021-2022 թվականների ձմեռային զորակոչի առաջին նիստը, որը վարեց Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյան: Նիստին մասնակցում էին Գեղարքունիքի մարզի զորակոչային հանձնաժողովի անդամները: Զորակոչային հանձնաժողովի նիստում քննարկվեցին ձմեռային զորակոչի ընթացքի, զորակոչի աշխատանքների կազմակերպմանը ներգրավված պետական մարմինների փոխգործակցությանը վերաբերող հարցեր: Նիստի ընթացքում ուսումնասիրվեցին ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից մարզային զորակոչային հանձնաժողովին ներկայացրած որոշ զորակոչիկների անձնական փաստաթղթերը, որոնց վերաբերյալ կայացվեց համապատասխան որոշում: Զորակոչային հանձնաժողովի կողմից քննարկված հարցերի վերաբերյալ Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանը տվեց համապատասխան հանձնարարականներ և նշեց, որ զորակոչիկների հետ կապված բուժզննման ընթացքո
Այս տարի հիմնանորոգվել է Գեղարքունիքի մարզով անցնող Մ-14, Մ-4, Շորժա-Վարդենիս միջպետական նշանակության ավտոճանապարհի 39.4 կմ-ից մինչև 60.3 կմ հատվածը։ 20.9կմ երկարությամբ ճանապարհահատվածի հիմնանորոգումը կատարել է «ԱԱԲ պրոեկտ» ՍՊԸ-ն։ Ամբողջ մակերեսով տեղադրվել են ճանապարհի նոր հիմք և երկշերտ ասֆալտբետոնե ծածկ։ Շինաշխատանքների ընթացքում վերանորոգվել են նաև 12 կամուրջ և կամրջային անցումներ, տեղադրվել են արգելապատնեշներ, ճանապարհը կահավորվել է անվտանգության տարրերով։ Հիմնանորոգումն իրականացվել է ՀՀ պետական բյուջեի միջոցներով։ Աշխատանքների համար հատկացվել է մոտ 1 մլրդ 995 մլն դրամ։ Լուսանկարները պատմում են աշխատանքների ընթացքի մասին։ Ճանապարհային դեպարտամենտ հիմնադրամ
Գեղարքունիքի մարզպետարանում կատարվեց քաղաքացիների ընդունելություն 08.12.2021
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` դեկտեմբերի 8-ին Գեղարքունիքի մարզպետարանում, մարզպետի տեղակալ Ռուբիկ Նավոյանը, մարզպետարանի գլխավոր քարտուղար Սևակ Խլղաթյանը, մարզպետի օգնական Ջանիկ Բազեյանը և մարզպետի խորհրդական Աշոտ Կարապետյանը կատարեցին քաղաքացիների ընդունելություն: Նախապես գրանցված 35 քաղաքացիներից ընդունելությանը ներկայացան 20-ը: Դիմումատուների հիմնական մասը ակնկալում էին մարզպետից ստանալ ֆինանսական աջակցություն` սոցիալ-տնտեսական տարաբնույթ խնդիրների լուծման նպատակով: Երկու քաղաքացի դիմեցին աշխատանքի տեղավորման և երեքը բնակարանի վերանորոգման, սեփականության իրավունքի ձեռքբերման նպատակով: Դիմումատուների մի մասը տեղում ստացան բավարար պատասխան: Մնացած դիմումատուներին պատասխան կտրվի դիմումները լրացուցիչ ուսումնասիրելուց հետո` օրենքով սահմանված ժամկետում:
