Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Զորակոչիկների հերթական խումբը Հայոց բանակ ճանապարհվեց Գավառ և Ճամբարակ համայնքներից 22.12.2021
Գեղարքունիքի մարզում 2021-2022 թվականների ձմեռային զորակոչի հերթական փուլն անցկացվեց Գավառ և Ճամբարակ համայնքներում: ՀՀ ՊՆ Զ և ԶՀԾ Գեղարքունիքի ստորաբաժանման Գավառի և Ճամբարակի բաժնմունքներում հաշվառված նորակոչիկները նշված համայնքներից և նրանցում ներառված բնակավայրերից էին: Զորակոչի արարողությանը ներկա էին Գեղարքունիքի մարզպետարանի ՏԻՄ և ՀԳՄՀ վարչության պետ Վանիկ Հարությունյանը, մարզպետարանի զորահավաքային նախապատրաստության բաժնի պետ Տիգրան Հակոբյանը,Գավառ համայնքի ղեկավարի տեղակալ Գրիգոր Բոշյանը, ուժային կառույցների ղեկավարներ, նորակոչիկների ծնողներ ու հարազատներ: Արարողության ընթացքում հնչեցին շնորհավորանքի և բարեմաղթանքի խոսքեր ուղղված նորակոչիկներին, մաղթելով նրանց խաղաղ ծառայություն և բարի վերադարձ: Զորակոչի արարողությունը շարունակվեց Գավառի Սուրբ Աստվածածին եկեղեցում, որտեղ հոգևոր դասի կողմից կատարվեց նորակոչիկների օրհնության կարգ:
Տեղեկացում 22.12.2021
Սույն թվականի դեկտեմբերի 27-ին, ժամը 11:00-ին, ավագանու նստավայրում /հասցեն՝ համայնքապետարանի շենք, ք. Գավառ, Գր. Լուսավորչի 12/ տեղի կունենա Գավառ համայնքի ավագանու առաջին նստաշրջանի առաջին նիստը:...
Թումո տուփի հերթական հասցեն Սևան քաղաքն է 21.12.2021
Սևանի Վլ․ Կարապետյանի անվան թիվ 3 հիմնական դպրոցի հարակից տարածքում տեղադրված Թումո տուփը դեկտեմբերի 20-ին պաշտոնապես բացեց իր դռները՝ իր հարկի տակ ընդունելով Սևանի տարածաշրջանի պատանիներին ու աղջիկներին։ Թումո տուփի պաշտոնական բացմանը մասնակցում էին ՀՀ ԿԳՄՍ նախարարի տեղակալ Ժաննա Անդրեասյանը, Սևան համայնքի ղեկավար Սարգիս Մուրադյանը, Աժ պատգամավոր Ալխաս Ղազարյանը, ՀՀ Գեղարքունիքի մարզպետարանի կրթության, մշակույթի և սպորտի վարչության պետ Կարեն Զազյանը, Սևան համայնքի ավագանու անդամներ, համայնքապետարանի ներկայացուցիչներ, համայնքում գործող կրթական հաստատությունների պատասխանատուներ, ԶԼՄ-ների ներկայացուցիչներ, աշակերտներ։ Թումո տուփի դռները բացելու պատիվը տրվեց Սևան համայնքի ղեկավար Սարգիս Մուրադյանին և ՀՀ ԿԳՄՍ նախարարի տեղակալ Ժաննա Անդրեասյանին։ Թումո ստեղծարար տեխնոլոգիաների կենտրոնի Երևանի կենտրոնի ղեկավար Սիրվարդ Աթանեսյանը հրավիրյալներին և պաշտոնական բացման...
Տեղեկացում 21.12.2021
Գավառի, Մարտունիի և Սևանի համայնքապետարաններից տեղեկացնում են, որ 2021թվականի դեկտեմբերի 23-ին ժամը 11:00-ին Գավառի Հայրապետ Խաչատրյանի անվան արվեստի դպրոցի դահլիճում, 2021թ. դեկտեմբերի 23-ին ժամը 13:00-ին Մարտունու մշակույթի տան դահլիճում, իսկ 2021 թվականի դեկտեմբերի 24-ին ժամը 11:00-ին Սևանի համայնքապետարանի շենքում տեղի կունենան համայնքի ավագանու հերթական նիստերը:
Ազգային անվտանգության հարգելի՛ աշխատողներ, Շնորհավորում եմ ձեզ մասնագիտական տոնի կապակցությամբ: Այս օրը ևս մեկ առիթ է արժևորելու և գնահատելու մեր երկրի անվտանգության աշխատակիցների աշխատանքն ու գործունեությունը՝ ուղղված հայրենիքի անվտանգության ապահովմանն ու ամրապնդմանը: Ազգային անվտանգության ծառայությունը մեր պետականության անվտանգ գոյության ապահովման կարևորագույն կառույցներից է, և մենք բարձր ենք գնահատում ձեր դերն ու նշանակությունն այդ առաքելության իրականացման գործում: Հայաստանի Ազգային անվտանգության ծառայությունը այսօր առավել քան երբևէ պատվով և մեծ հաջողությամբ է իրականացնում իր առջև դրված խնդիրները՝ ժամանակին արձագանքելով ներքին և արտաքին սպառնալիքներին, մեր երկրի առջև ծառացող տարաբնույթ մարտահրավերներին: Կրկին շնորհավորում եմ ձեզ և մաղթում հաջողություններ ու ձեռքբերումներ՝ ի շահ մեր ժողովրդի և հանուն Հայաստանի Հանրապետության անվտանգությունն ապահովելու վեհ գործի:
Նորակոչիկների առաջին խումբը Հայոց բանակ մեկնեց Մարտունի համայնքից 20.12.2021
2021 թվականի դեկտեմբերի 20-ին Գեղարքունիքի մարզում տեղի ունեցավ 2021-2022 թվականների ձմեռային առաջին զորակոչը, որի ընթացքում Հայոց բանակ ճանապարհվեցին Մարտունի խոշորացված համայնքի նորակոչիկները: Այն մեկնարկեց ՀՀ ՊՆ Զ և ԶՀԾ Գեղարքունիքի մարզային կառույցից: Զորակոչի արարողությանը ներկա էր Գեղարքունիքի մարզպետ Կարեն Սարգսյանը, ով բարեմաղթանքի խոսքեր հղեց նորակոչիկներին: «Սիրելի նորակոչիկներ, շնորհավորում եմ ձեզ Հայոց բանակի զինվորի բարձր կոչմանն արժանանալու համար: Վստահ եմ, որ դուք դաստիարակվել եք հայրենասիրական ոգով և պատվով կկատարեք ձեր առջև դրված պարտականությունները: Միաժամանակ վստահ եմ, որ այս նույն կազմով կհանդիպենք նաև երկու տարի անց, երբ ծառայությունն ավարտած կլինեք և հայրենիքին մատուցած ծառայության համար կպարգևատրվեք: Խաղաղ ծառայություն և բարի վերադարձ եմ մաղթում ձեզ»,- նշեց Կարեն Սարգսյանը:...
