Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում անցկացվեց քաղաքացիների հերթական ընդունելությունը 08.06.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի հունիսի 8-ին Գեղարքունիքի մարզպետի տեղակալ Ռուբիկ Նավոյանը, մարզպետարանի գլխավոր քարտուղար Սևակ Խլղաթյանը, մարզպետի օգնականներ Ջանիկ Բազեյանը և Մանանա Գալստյանը մարզպետարանում կատարեցին քաղաքացիների ընդունելություն, որին մասնակցեց 23 քաղաքացի: Դիմումատուների մեծ մասը սոցիալական և կենցաղային տարբեր խնդիրների կարգավորման նպատակով դիմեցին ֆինանսական աջակցություն ստանալու համար։ 1-ական քաղաքացիներ դիմեցին աշխատանքի տեղավորման, առողջարանային ուղեգիր ձեռք բերելու, բնակարանային պայմանների բարելավմանն աջակցելու, դեղորայքի ձեռքբերման, սպանդանոցի մեկնարկած շինարարությունը ավարտին հասցնելու նպատակով անհրաժեշտ խորհրդատվություն ստանալու նպատակով։ Քաղաքացիների կողմից բարձրացված որոշ հարցերի պարզաբանումներ տրվեցին նաև մարզպետարանի ստորաբաժանումների ղեկավարների կողմից։...
Հունիսի 6-ին Գեղարքունիքի մարզպետ Կարեն Սարգսյանն այցելեց սուբվենցիոն ծրագրի շրջանակներում հիմնանորոգվող Մարտունու մանկական արվեստի դպրոցի շինհրապարակ Շինարարության արժեքը կազմում է շուրջ 55 միլիոն դրամ, որի 50 տոկոսը տրամադրել է ՀՀ կառավարությունը, 50 տոկոսը՝ Մարտունի համայնքը։ Ծրագրի շրջանակներում նախատեսված է հին դռներն ու պատուհանները փոխարինել նորով և կատարել շենքի առաջին հարկի ներքին հարդարման աշխատանքներ։ Այս պահի դրությամբ աշխատանքների մոտ 70 տոկոսն իրականացվել է։ Ընդհանուր առմամբ իրականացված շինարարական աշխատանքները կարելի է գնահատել դրական: Հանդիպեցի նաև արվեստի դպրոցի մանկավարժների հետ, զրուցեցինք իրենց առաջիկա ծրագրերի մասին։
2021թ. ՀՀ պետական բյուջեից ՀՀ Գեղարքունիքի մարզպետարանին բյուջետային ծախսերի տնտեսագիտական դասակարգման հոդվածներով նախատեսվել էր 11 457 301.3 հազ. դրամ, փաստացի ծախսը կազմել է 11 104 300.5 հազ. դրամ, կամ 96.9%, որից` Մարզպետարանի ապարատի պահպանման ծախսերի համար 2021թ. ՀՀ պետական բյուջեով նախատեսվել էր 713 686.5 հազ. դրամ, որից փաստացի ծախսվել է 702 789.6 հազ. դրամը, որը կազմում է 98.5%, իսկ տնտեսված գումարը՝ 10 896.9 հազ. դրամը գոյացել է Աշխատողների աշխատավարձեր և հավելավճարներ, էներգետիկ ծառայություններ, կապի ծառայություններ, ներքին գործուղումներ, կառավարչական ծախսեր, տեղեկատվական ծառայություններ, գրասենյակային նյութեր, տրանսպորտային նյութեր, ընդհանուր բնույթի այլ ծառայություններ և այլ հոդվածների տնտեսումներից: Արծվաշեն համայնքի աշխատակազմի պահպանման ծախսերի համար․․․
Գեղարքունիքի մարզպետի մոտ կայացած աշխատանքային խորհրդակցության ժամանակ քննարկվեցին կարեւոր հարցեր 06.06.2022
Հունիսի 6-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը, որի ընթացքում մարզպետարանի ստորաբաժանումների ղեկավարները զեկուցեցին նախորդ խորհրդակցության հանձնարարականների կատարման արդյունքերի մասին։ Ինչպես զեկուցեց Գեղարքունիքի մարզպետարանի ֆինանսական եւ սոցիալ-տնտեսական զարգացման վարչության պետ Յուրա Մուշեղյանը, 2022 թվականի մայիսի 31-ի դրությամբ մարզի համայնքների բյուջեների սեփական եկամուտները հավաքագրվել են 67,4 տոկոսով, որը 7,8 տոկոսով ցածր է նախորդ տարվա նույն ժամանակահատվածում գրանցված ցուցանիշից։ «Արդյունքները գոհացուցիչ չեն, ուստի պետք է համայնքապետարանների հետ շարունակել համագործակցված աշխատանքը, որպեսզի առաջին կիսամյակի դրությամբ կարողանանք ապահովել բարձր կատարողական։ Միաժամանակ պետք է հասնենք նրան, որ իրենց հարկային պարտավորություններն ամբողջապես կատարեն պետական հիմնարկների, ինչպես նաեւ տեղական ինքնակառավարման մարմինների աշխատակիցները»,-հանձնարարեց Կարեն Սարգսյանը։ Գեղարքունիքի մարզպետարանի գյուղատնտեսության եւ ․․․
Գեղարքունիքի մարզի հանրակրթական դպրոցներում տեղի ունեցան «Վերջին դաս»- ին նվիրված արարողություններ 03.06.2022
Հունիսի 3-ին Գեղարքունիքի մարզի 5-օրյա աշխատանքային ռեժիմ ունեցող 101 հանրակրթական դպրոցներում տեղի ունեցան ավարտական «Վերջին դաս» արարողություններ։ 2021-2022 ուսումնական տարում Գեղարքունիքի մարզային ենթակայության հանրակրթական դպրոցների 12-րդ դասարաններ ավարտում են 1206, 9-րդ դասարաններ՝ 2366, իսկ ՀՀ ԿԳՄՍ նախարարության ենթակայության կրթական հաստատություններում՝ 440 աշակերտներ։ 9-րդ դասարանի շրջանավարտ չունի Ծափաթաղի միջնակարգ դպրոցը։ 1-ական 9-րդ դասարանցի ավարտում են Կալավանի և Ջաղացաձորի միջնակարգ, Սեմյոնովկայի և Ազատի հիմնական դպրոցները։ 12-րդ դասարանի շրջանավարտներ չունեն Արեգունու, Ծափաթաղի, Կախակնի և Ջաղացաձորի միջնակարգ դպրոցները, իսկ 1-ական 12-րդ դասարանցի ավարտում են Անտառամեջի, Կուտականի, Վանևան-Տրետուքի միջնակարգ դպրոցները։․․․․
ՀՀ Գեղարքունիքի մարզպետ Կարեն Սարգսյանի շնորհավորական ուղերձը՝ "Վերջին դասի" առթիվ 03.06.2022
Սիրելի շրջանավարտներ, Շնորհավորում եմ բոլորիդ վերջին զանգի՝ արդեն գեղեցիկ ավանդույթի վերածված հիշարժան այս օրվա կապակցությամբ: Հասկանալի ու բնական է այն հուզմունքը, որ ապրում եք դուք՝ հրաժեշտ տալով ջերմ ու հարազատ դարձած կրթօջախներին, սիրելի ուսուցիչներին: Սակայն դպրոցական ուսումնառության ավարտը խորհրդանշող վերջին զանգն ունի մեկ այլ, հրաշալի խորհուրդ ևս՝ այն ձեզ առաջնորդում է դեպի նոր ու մեծ կյանք, դեպի ինքնադրսևորման և ինքնահաստատման ավելի լայն ասպարեզներ: Համոզված եմ, որ իբրեւ ազատ ու անկախ Հայաստանում մեծացող սերունդ, դուք կյանք եք մտնում առավել անկաշկանդ մտածողությամբ, մեր անցած հերոսական մաքառումների քաջ գիտակցումով, ու պետության քաղաքացի լինելու պատասխանատվության զգացումով: Կրթված սերունդը միայն կարող Է լինել մեր երկրի հզորացման ու բարգավաճման երաշխիքը: Ես հավատում եմ մեր պետության ապագային, որի կերտողը դուք եք լինելու: Կանաչ ճանապարհ եմ մաղթում ձեզ, թող իրականություն դառնան ձեր բոլոր ձգտումներն ու երազանքները։
