Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
«Մանկական գրքի շաբաթ 2022»-ը մեկնարկեց Գեղարքունիքի մարզում 01.04.2022
ՀՀ Գեղարքունիքի մարզպետ Կարեն Սարգսյանի և Հայաստանի գրողների միության Գեղարքունիքի մարզային բաժանմունքի ղեկավար, արձակագիր Տիգրան Նիկողոսյանի միջև կայացած պայմանավորվածության համաձայն` 2022 թվականի ապրիլի 1-ին Գավառի Լևոն Քալանթարի անվան դրամատիկական թատրոնում տեղի ունեցավ «Մանկական գրքի շաբաթ 2022»-ի բացման հանդիսավոր արարողությունը, որին ներկա էին Գեղարքունիքի մարզպետ Կարեն Սարգսյանը, Հայաստանի գրողների միության նախագահ Էդվարդ Միլիտոնյանը, Հայաստանի գրողների միության Գեղարքունիքի մարզային բաժանմունքի ղեկավար, արձակագիր Տիգրան Նիկողոսյանը, բանաստեղծ Լևոն Բլբուլյանը, «Ծիծեռնակ» մանկական ամսագրի գլխավոր խմբագիր և գրողների միության մանկական գրականության բաժանմունքի ղեկավար Անուշ Վարդանյանը, արձակագիր Ռուբիկ Ստեփանյանը,մարզի կրթական հաստատությունների ներկայացուցիչներ...
ՀՀ Գեղարքունիքի մարզպետ Կարեն Սարգսյանի նախաձեռնությամբ մարտի 30-ին Գավառի Լևոն Քալանթարի անվան դրամատիկական թատրոնի դահլիճում տեղի ունեցավ «Իմ փոխարեն» խորագիրը կրող ցերեկույթ` նվիրված կանանց տոնի միամսյակին։ Գեղարքունիքի մարզպետարանի կողմից ցերեկույթին հրավիրված էին Արցախյան 44-օրյա և Ապրիլյան պատերազմներում զոհված հայորդիների մայրեր, քույրեր, կանայք, դուստրեր, հարազատներ: Ցերեկույթին ներկա էին նաև մարզի ուժային կառույցների ղեկավարներ, Գավառի պետական համալսարանի ռեկտոր Ռուզաննա Հակոբյանը, այլ պաշտոնյաներ։ Ներկաները դիտեցին Երևանի Սոս Սարգսյանի անվան համազգային թատրոնի կողմից բեմադրված «Մինուս երկու» ներկայացումը: Ցերեկույթի բացման խոսքով հանդես եկավ մարզպետ Կարեն Սարգսյանը: Դիմելով հրավիրվածներին նա նախ շնորհավորեց նրանց կանանց տոնի առթիվ, մաղթելով քաջ առողջություն և ամենայն բարիք, ապա խոնարհումի և երախտագիտության խոսքեր հնչեցրեց նրանց և հերոսացած տղաների հասցեին: «Սիրելի մայրեր, դուք եք մեր Հայոց աշխարհին կենդանություն ու շունչ տված, մեզ սնած ու դաստիարակած․․․
Քաղաքացիների հերթական ընդունելություն Ճամբարակ համայնքում 31.03.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի մարտի 30-ին Գեղարքունիքի մարզպետի տեղակալ Վահան Զարոյանը Ճամբարակ համայնքում կատարեց քաղաքացիների ընդունելություն, որին մասնակցեց ավելի քան 25 քաղաքացի: Քաղաքացիների հիմնական մասը դիմում ներկայացրեց դրամական աջակցություն ստանալու խնդրանքով: Մի շարք քաղաքացիներ էլ մարզպետի տեղակալին ներկայացրեցին խնդիրներ` կապված առողջական վիճակի բարելավման, սոցիալ-տնտեսական խնդիրների կարգավորման և բնակարանային պայմանների բարելավման հարցերում աջակցություն ստանալու վերաբերյալ: Քաղաքացիների որոշ մասի դիմումներին տեղում տրվեց բավարար պատասխան, իսկ մնացած դիմումներն էլ հաշվառվեցին մարզպետարանում, որոնց պատասխանները կտրվեն օրենքով սահմանված կարգով եւ ժամկետներում, լրացուցիչ ուսումնասիրություն կատարելուց հետո:
Գեղարքունիքի մարզի Գավառ խոշորացված համայնքի Գանձակ բնակավայրի խորքային հորի հորատման ծրագրի շինարարական աշխատանքները, որոնք մեկնարկել էին 2021 թվականից և ընդհատվել եղանակային անբարենպաստ պայմանների պատճառով, կշարունակվեն և կավարտվեն 2022 թվականի ընթացքում։ Ծրագրի պայմանագրային արժեքը 44 միլիոն 960 հազար դրամ է, որից 31 միլիոն 472 հազար դրամը կազմել է ՀՀ կառավարության, 13 միլիոն 488 հազար դրամը՝ Գանձակի համայնքապետարանի ներդրումը։ Աշխատանքներն այստեղ ավարտված են մոտ 80 տոկոսով։ Ծրագրի իրականացման արդյունքում Գանձակում ոռոգելի հողատեսքերը կավելանան շուրջ 40 հեկտարով, ոռոգման շրջանում անխափան ջուր կմատակարարվի շուրջ 300 տնտեսությունների։ Շինարարական աշխատանքները կվերսկսվեն առաջիկայում։
Գավառ խոշորացված համայնքի Կարմիրգյուղ բնակավայրի փողոցների առանձին հատվածների ասֆալտապատման և ջրահեռացման առուների կառուցման սուբվենցիոն ծրագրի շինարարական աշխատանքները, որոնք մեկնարկել էին 2021 թվականից, կվերսկսվեն և կավարտվեն 2022 թվականի ընթացքում։ Ծրագրի համար ՀՀ կառավարությունը հատկացրել է 57 միլիոն 432 հազար 825 դրամ, իսկ Կարմիրգյուղի համայնքապետարանը ներդրել 70 միլիոն 195 հազար 675 դրամ։ Այստեղ աշխատանքներն ավարտված են շուրջ 60 տոկոսով։ Ծրագրի իրականացման արդյունքում ասֆալտապատ կդառնան Կարմիրգյուղի Ազատության փողոցի 1-ին նրբանցքը, Գայի, Ս․ Ավետիսյան, Կ․ Դեմիրճյան, Զ․Շհոյան փողոցների առանձին հատվածներ։ ․․․
Մեկնարկում է «Սպորտային սերունդ-2022» ծրագիրը. հանրակրթական 25 դպրոց կհամալրվի սպորտային գույքով 30.03.2022
«Կայուն զարգացման հայկական հիմնադրամը» ՀՀ կրթության, գիտության, մշակույթի և սպորտի նախարարության հետ համագործակցությամբ և ՈՒԵՖԱ-ի «Երեխաների համար» հիմնադրամի համաֆինանսավորմամբ իրականացնում է «Սպորտային սերունդ» ծրագրի երրորդ թողարկումը, որի նպատակը հայ երիտասարդության շրջանում սպորտային մշակույթի խթանումն է: Ծրագրի շրջանակում այս տարի նախատեսվում է սպորտային գույքով համալրել հանրակրթական 25 դպրոց՝ յուրաքանչյուրին 1 մլն ՀՀ դրամ արժողությամբ, ինչպես նաև կազմակերպել մի շարք սպորտային միջոցառումներ: Մրցույթի շրջանակում չեն իրականացվում վերանորոգման աշխատանքներ: Վերոնշյալ 25 դպրոցների ընտրությունը կատարվելու է մրցութային կարգով: Մրցույթի մասնակցության համար անհրաժեշտ է պատրաստել կարճ տեսահոլովակ (10 րոպեն չգերազանցող), որը կպատմի դպրոցի, դպրոցական կյանքի, աշակերտների սպորտային նվաճումների, համայնքում և շրջակա միջավայրի պահպանման գործում աշակերտների ներգրավվածության և, իհարկե, դպրոցում սպորտի կարևորության մասին:․․․
