Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանի շնորհավորական ուղերձը Քրիստոսի հրաշափառ հարության առթիվ 16.04.2022
Սիրելի՛ հայրենակիցներ, Գեղարքունյաց թեմի առաջնորդանիստ Գավառի Սուրբ Աստվածածին եկեղեցում մասնակցեցի Սուրբ Հարության տոնի առթիվ մատուցվող Ճրագալույցի պատարագին։ Շնորհավորում եմ Քրիստոսի հրաշափառ Հարության տոնի առթիվ։ Քրիստոսի աննման Հարության ճշմարտությունը դարձավ քրիստոնեական վարդապետության և հավատի հիմքը, որովհետև ինչպես Պողոս առաքյալն էր ասում՝ եթե մեռելների հարություն չկա, ապա և Քրիստոս հարություն չի առել։ Եվ եթե Քրիստոս հարություն չի առել, իզուր է ձեր հավատքը։ Սուրբ Զատիկը մեր եկեղեցու և ժողովրդի ամենամեծ տոներից մեկն է։ Սուրբ Հարության տոնի մեջ մեծ մարդասիրություն կա։ Մեր աղոթքներում Աստծո հովանին և պաշտպանությունն ենք հայցում մեր ընտանիքների, հարազատների, մեր երկրի ու ժողովրդի համար։ Իսկ մեր երկիրը մի մեծ ընտանիք է, բոլորիս ընտանիքը։ Ամենաշատ հոգատարության և ուշադրության կարիք ունեն տարեցներն ու խոցելի առողջություն ու սոցիալական վիճակ ունեցող մեր հայրենակիցները։ Սրտացավ լինենք նրանց հանդեպ, աջակից՝ նրանց հոգսերին։...
Ապրիլի 15-ին «Հիդրոֆտորածխածինների փուլային կրճատման ծրագրի» մշակմանն ուղղված հերթական հանդիպում-քննարկմանը մասնակցեցին Գեղարքունիքի մարզպետարանի գյուղատնտեսության եւ բնապահպանության, կրթության, առողջապահության եւ սոցիալական ապահովության վարչությունների եւ մարզի խոշորացված համայնքների ներկայացուցիչներ։ Ծրագրի առանձին դրույթների իրազեկմամբ հանդես եկան ՀՀ շրջակա միջավայրի նախարարության իրավախորհրդատու, օզոնային շերտի հարցերով ազգային համակարգող Լիաննա Ղահրամանյանը եւ «Օզոնային շերտի պահպանության ծրագրի» տվյալների հավաքագրման փորձագետ Սամվել Գրիգորյանը։ Բանախոսների ներկայացմամբ՝ շրջակա միջավայրի նախարարության «Օզոնային շերտի պահպանություն» ծրագիրն ուղղված է ջերմոցային գազեր հանդիսացող հիդրոքլորֆտորածխածինների եւ դրանք պարունակող սարքավորումների վերաբերյալ տվյալների հավաքագրմանը: Գործընթացն իրականացվում է Հայաստանի կողմից ստանձնած պարտավորությունների շրջանակներում․․․
Գեղարքունիքի մարզպետարանում դպրոցների տնօրենների մասնակցությամբ տեղի ունեցավ աշխատանքային քննարկում 15.04.2022
Գեղարքունիքի մարզպետ Կարեն Սարգսյանը խորհրդակցություն անցկացրեց հանրակրթական դպրոցների տնօրենների հետ, որի ընթացքում խոսեց դպրոցներում իրականացվող աշխատանքների և առաջիկա անելիքների մասին: «Հարգելի տնօրեններ, շուտով ավարտին կմոտենա 2021-2022 ուսումնական տարին, և ես կցանկանամ, որպեսզի դրա հետ կապված բոլոր գործընթացները կազմակերպվեն և իրականացվեն օրենքի պահանջին համապատասխան: Գեղարքունիքի մարզպետարանը պատրաստակամ է` աջակցել ձեզ ի հայտ եկած խնդիրների կարգավորման գործում: Վերջերս Գեղարքունիքի մարզպետարանի և «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի միջև կնքվեց համագործակցության հուշագիր, որի շրջանակներում Գեղարքունիքի մարզից ներկայացված դիմորդներին նշված բուհում կտրվեն որոշակի արտոնություններ: Ուստի կխնդրեի, որպեսզի ավարտական դասարանների աշակերտներին իրազեկեք այդ նախաձեռնության մասին, որը գուցեև բերի մեր մարզից տվյալ բուհում դիմորդների թվի ավելացման:...
Դպրոցների տնօրենները ծանոթացան ավարտական քննությունների ընթացակարգում կատարված փոփոխություններին 15.04.2022
Ապրիլի 14-ին Գեղարքունիքի մարզպետարանի և ԿԳՄՍ նախարարության ենթակայությամբ գործող կրթական հաստատությունների տնօրենների հետ կայացավ հանդիպում, որին ներկա էին ՀՀ ԿԳՄՍ «Գնահատման և թեստավորման կենտրոն» ՊՈԱԿ-ի տնօրենի տեղակալ Կարո Նասիբյանը և կենտրոնի աշխատակից Մեսրոպ Բաբայանը: Նրանք հանգամանալից ներկայացրին 2021-2022 ուսումնական տարվա պետական ավարտական և միասնական քննությունների կազմակերպման գործընթացի հետ կապված փոփոխությունները, պատասխանեցին ներկաների կողմից բարձրացված հարցերին: ՀՀ ԿԳՄՍ նախարարության համապատասխան որոշմամբ` 2022 թվականի ապրիլի 15-ից հանրակրթական դպրոցների ավարտական դասարանների աշակերտների համար կմեկնարկեն քննությունների մասնակցության հայտագրումները, որոնց ավարտի վերջնաժամկետ է սահմանվել մինչև 2022 թվականի մայիսի 10-ը:
Մեկնարկել են Սևանա լճի ափամերձ և ջրածածկման ենթակա անտառաշերտի մաքրման աշխատանքները 14.04.2022
«Սևան»ազգային պարկի Մարտունու մասնաճյուղի Վարդենիկ տեղամասում ափամերձ անտառաշերտը հատուկ տեխնիկայի և ձեռքի աշխատանքի օգնությամբ մաքրվում է ծառերից, թփերից ու բուսական այլ համակցություններից: Մաքրման ենթակա տարածք է մինչեւ 1901,5 մ նիշն ընկած առափնյա գոտին, որի մի մասն արդեն անցել է ջրի տակ, մի մասն էլ՝ ճահճի վերածվել։ Ծառերի և թփուտների մնացորդների դուրս բերումը առափնյա ջրածածկ գոտիներից ուղղված է Սևանի ջրերում կապտականաչ ջրիմուռների առաջացման պատճառների վերացմանը։
ԶԳՈՒՇԱՑՈՒՄ 13.04.2022
Գեղարքունիքի մարզում` պայմանավորված ձյան տեղումներով և ջերմաստիճանի կտրուկ նվազմամբ, գիշերային ժամերին հնարավոր է ճանապարհների սառցակալում: Ճանապարհատրանսպորտային պատահարներից խուսափելու համար վարորդներին հորդորում ենք լինել շատ զգույշ և երթևեկել միայն ձմեռային անվադողերով: ՀՀ Գեղարքունիքի մարզպետարան
