Նորություններ
![ՀՀ փոխվարչապետ Սուրեն Պապիկյանը ներկայացրեց Գեղարքունիքի նորանշանակ մարզպետ Կարեն Սարգսյանին ՀՀ փոխվարչապետ Սուրեն Պապիկյանը ներկայացրեց Գեղարքունիքի նորանշանակ մարզպետ Կարեն Սարգսյանին](http://gegharkunik.mtad.am/files/n_pics/29667_s.jpg)
ՀՀ փոխվարչապետ Սուրեն Պապիկյանը ներկայացրեց Գեղարքունիքի նորանշանակ մարզպետ Կարեն Սարգսյանին 13.09.2021
Սեպտեմբերի 13-ին Գեղարքունիքի մարզպետարանում հրավիրվեց հանդիպիպում, որի ընթացքում փոխվարչապետ Սուրեն Պապիկյանը մարզպետարանի աշխատակազմին, մարզի համայնքների և իրավապահ մարմինների ղեկավարներին ներկայացրեց Գեղարքունիքի նորանշանակ մարզպետ Կարեն Սարգսյանին, մաղթելով նրան հաջողություններ նոր աշխատանքում: «Գիտեք, որ երկար ժամանակ Կարեն Սարգսյանը Գեղարքունիքի մարզում պատասխանատու դերակատարում է ունեցել ջրային ոլորտում: Իր լավ աշխատանքի արդյունքներով պայմանավորված՝ պարոն Սարգսյանը խրախուսվել է և զբաղեցրել է ՀՀ ՏԿԵՆ Ջրային կոմիտեի նախագահի պաշտոնը: Ես շնորհավորում եմ պարոն Սարգսյանին՝ այս խիստ պատասխանատու փուլում մարզպետի պաշտոնը ստանձնելու համար և ատրաստակամություն հայտնում աջակցություն ցուցաբերել ցանկացած հարցում, որն իր դրական նպաստը կունենա մարզի զարգացման գործում»,- նշեց Սուրեն Պապիկյանը: Այնուհետև փոխվարչապետը շնորհակալություն հայտնեց Գնել Սանոսյանին՝ Գեղարքունիքի մարզպետի պաշտոնում կատարած արդյունավետ աշխատանքի համար և նշեց, որ նաև այդ աշխատանքի արտահայտությունն է,...
![Կարեն Սարգսյանը նշանակվեց ՀՀ Գեղարքունիքի մարզպետ Կարեն Սարգսյանը նշանակվեց ՀՀ Գեղարքունիքի մարզպետ](http://gegharkunik.mtad.am/files/n_pics/29630_s.jpg)
Կարեն Սարգսյանը նշանակվեց ՀՀ Գեղարքունիքի մարզպետ 08.09.2021
ՀՀ Կառավարության սեպտեմբերի 8-ի նիստում որոշում կայացվեց Կարեն Սարգսյանին նշանակել ՀՀ Գեղարքունիքի մարզպետ: Կարեն Վահանի Սարգսյանը ծնվել է 1984 թվականի հոկտեմբերի 27-ին ՀՀ Գեղարքունիքի մարզի Ծովինար համայնքում: 2001թ.- ավարտել է Ծովինար գյուղի Ստեփան Շահումյանի անվան միջնակարգ դպրոցը: 2002-2008թթ. -սովորել և ավարտել է Ֆիզիկական կուլտուրայի Հայկական պետական ինստիտուտի մարզական լրագրության բաժինը: 2002-2004թթ.- ծառայել է ՀՀ զինված ուժերում: 2009-2015թթ. -տեղափոխվել է ՌԴ մայրաքաղաք Մոսկվա՝ զբաղվել ձեռներեցությամբ: 2016թ. -ընդունվել և սովորում է Մոսկվայի մարզային իրավունքի և կառավարման ինստիտուտի Մենեջմենթի բաժինը: 2018թ. -առաջադրվել է Ազգային ժողովի պատգամավորի թեկնածու՝ «Իմ քայլը» դաշինքի կողմից: 01.04.2019թ. – 04.05.2019թ. «Գեղարքունիք» ՋՕԸ, փոխտնօրեն: 04.05.2019թ. – 15.11.2019թ. - «Գեղարքունիք» ՋՕԸ, տնօրեն: 20.11.2019թ. – «Մելիորացիա» ՓԲԸ, գլխավոր տնօրենի ժ/պ: 2020-2021թ -սեպտեմբերի 3-ը - ՀՀ ՏԿԵՆ Ջրային կոմիտեի նախագահ: ՀՀ Կառավարության 2021 թվականի սեպտեմբերի 8-ի թիվ 1441-Ա ...
![Վերին Գետաշենում սուբվենցիոն երկու ծրագիր է իրականացվում Վերին Գետաշենում սուբվենցիոն երկու ծրագիր է իրականացվում](http://gegharkunik.mtad.am/files/n_pics/29635_s.jpg)
Վերին Գետաշենում սուբվենցիոն երկու ծրագիր է իրականացվում 08.09.2021
Գեղարքունիքի մարզի Վերին Գետաշեն համայնքում օգոստոս ամսից ՀՀ կառավարության կողմից իրականացվող սուբվենցիոն ծրագրերի շրջանակներում սկսվել եւ ընթանում են 4 փողոցների սալարկման եւ 10 թաղամասերում ոռոգման ջրատար առուների կառուցման շինարարական աշխատանքները։Ինչպես տեղեկացրին Գեղարքունիքի մարզպետարանի քաղաքաշինության վարչությունից, փողոցների սալարկման ծրագրի պայմանագրային արժեքը կազմում է 85 միլիոն դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Վերին Գետաշենի համայնքապետարանը։ Սալարկվող փողոցների ընդհանուր մակերեսը կազմելու է 6500 քառակուսի մետր։ Սալարկումը կատարվելու է տուֆ քարով։ Սեպտեմբերի 7-ի դրությամբ արդեն ավարտվել են հողային աշխատանքները, փողոցները նախապատրաստված են սալարկման։ Ջրատար առուների կառուցման ծրագրի պայմանագրային արժեքը կազմում է 48 միլիոն դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Վերին Գետաշենի համայնքապետարանը։ Առուների կառուցման ընդհանուր երկարությունը կազմում է 2500 գծամետր։ Դրանք կառուցվում են երկաթյա կիսախողովակներով։ Սեպտեմբերի 7-ի դրությամբ արդեն կառուցված է 300 գծամետրը։ Երկու ծրագրերի շինարարական աշխատանքներն էլ նախատեսված է ավարտել այս տարվա վերջերին։
![Ծաղկաշենում իրականացվում է խմելու ջրի մատակարարման համակարգի կառուցման խոշոր ծրագիր Ծաղկաշենում իրականացվում է խմելու ջրի մատակարարման համակարգի կառուցման խոշոր ծրագիր](http://gegharkunik.mtad.am/files/n_pics/29626_s.jpg)
Ծաղկաշենում իրականացվում է խմելու ջրի մատակարարման համակարգի կառուցման խոշոր ծրագիր 07.09.2021
եղարքունիքի մարզի Ծաղկաշեն համայնքում 2021 թվականի օգոստոսի 10-ից սկսվել եւ ընթանում է խմելու ջրի մատակարարման համակարգի կառուցումը։ Ծրագրով նախատեսվում է Ծաղկաշենի խմելու ջրատարի արտաքին եւ ներքին ցանցի,մի քանի աղբյուրակապերի ու քլորակայանի կառուցում, օրվա կարգավորիչ ջրամբարի հիմնանորոգում եւ բոլոր 120 բնակարաններում տնային միացումների իրականացում։ Կառուցվող ջրատարի ընդհանուր երկարությունը կազմում է 10 կիլոմետր 600 մետր, որից 4 կլիոմետր 400 մետրը կազմում է արտաքին, մնացած 6,2 կլիոմետրը՝ ներքին ցանցը։ Պայմանագրով նախատեսված է շինարարական աշխատանքներն ավարտել 2 տարվա ընթացքում:Այս պահին Ծաղկաշենում աշխատում է 5 միավոր տեխնիկա, շինարարությունն ընթանում է մեծ թափով: Ծաղկաշեն համայնքի ղեկավար Գրիշա Կարապետյանի տեղեկացմամբ՝ ծրագրի պայմանագրային արժեքը կազմում է 423 միլիոն դրամ։ Այն իրականացվում է ՀՀ կառավարության, Գերմանիայի Դաշնային Հանրապետության KFW բանկի, Եվրոպական ներդրումային բանկի եւ Եվրամիության ֆինանսական միջոցների հաշվին, Հայաստանի տարածքային զարգացման հիմնադրամի միջոցով։
![Գագարինում օծվել է նորակառույց Սուրբ Խաչ մատուռը Գագարինում օծվել է նորակառույց Սուրբ Խաչ մատուռը](http://gegharkunik.mtad.am/files/n_pics/29604_s.jpg)
Գագարինում օծվել է նորակառույց Սուրբ Խաչ մատուռը 06.09.2021
Սեպտեմբերի 5-ին Գագարինում տեղի է ունեցել նորակառույց Սուրբ Խաչ մատուռի բացման արարողությունը: Սրբատեղիի կառուցման մեկնարկը տրվել է 2019 թվականին: Այն կառուցվել է բարերար, Սևանի պատվավոր քաղաքացի Դավիթ Գալստյանի միջոցներով և Գագարինի բնակիչների անմիջական աջակցությամբ: Հոգևոր արարողությանը մասնակցել են Գեղարքունիքի մարզպետի պարտականությունները կատարող Նարեկ Մանուկյանը, Սևան համայնքի ղեկավար Սարգիս Մուրադյանը, պաշտոնական այլ անձինք, հյուրեր, համայնքի բնակիչներ: Նորակառույց մատուռն օծվել է ձեռամբ Գեղարքունյաց թեմի հոգևոր առաջնորդ, հոգեշնորհ տեր Պարթև վարդապետ Բարսեղյանի, Գեղարքունյաց թեմի հոգևոր դասի, այլ հոգևորականների մասնակցությամբ: Արարողության ընթացքում ելույթ ունեցողները շնորհավորել են համայնքի բնակիչներին և միմյանց՝ նորակառույց մառուռի բացման առթիվ, խոսել եկեղեցի-ժողովուրդ կապի անհրաժեշտության ու կարևորության մասին: Գագարինը իր ստեղծման օրից ի վեր սրբատեղի չի ունեցել և վերջապես իրականություն է դարձել Գագարինի նախկին պատասխանատու, վաղամեռիկ Սայաթ-Նովա Բադալյանի երազանքը:
![Գավառի բժշկական կենտրոնը՝«Տարվա մարզային բժշկական կենտրոն» Գավառի բժշկական կենտրոնը՝«Տարվա մարզային բժշկական կենտրոն»](http://gegharkunik.mtad.am/files/n_pics/29607_s.jpg)
Գավառի բժշկական կենտրոնը՝«Տարվա մարզային բժշկական կենտրոն» 06.09.2021
Սեպտեմբերի 5-ին Ա. Սպենդիարյանի անվան օպերայի և բալետի ազգային ակադեմիական թատրոնի շենքում տեղի ունեցավ «Հուսո աստղ »ամենամյա մրցանակաբաշխությունը՝ «Տարվա բժիշկ և տարվա բուժհիմնարկ 2021» խորագրի ներքո: Այն կազմակերպվել էր Համազգային վստահության խորհրդի կողմից: Լավագույններն ընտրվել էին սոցիոլոգիական հարցումների և փորձագիտական գնահատման արդյունքում: Ի թիվս պարգևատրված մի շարք բժիշկների և բուժհիմնարկների՝ Գավառի բժշկական կենտրոնը այս մրցանակաբաշխության ընթացքում արժանացավ «Տարվա մարզային բժշկական կենտրոն» մրցանակի: Այն բժշկական կենտրոնին շնորհվեց՝ բժշկի կոչումը բարձր պահելու , արդի նորամուծությունների կիրառման և որակյալ մասնագետներով հագեցած անձնակազմ ձևավորելու համար : Մրցանակը հանձնվեց Գավառի բժշկական կենտրոնի տնօրեն Գարիկ Սողոմոնյանին: Տնօրենը շնորհակալություն հայտնեց վստահության համար, նշելով, որ խրախուսանքը նաև պարտավորեցնում է ավելի ակտիվ գործունեություն ծավալել բնակչության առողջության ապահովման հարցում: Գարիկ Սողոմոնյանը հավելեց, որ այդ մրցանակը նաև Գավառի բժշկական կենտրոնի ողջ անձնակազմի ցուցաբերած տքնաջան աշխատանքի, բարձր պատասխանատվության և մասնագիտական որակյալ կարողությունների արդյունք է: