Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ աշխատանքի և սոցիալական հարցերի նախարարությունը տեղեկացնում է 28.07.2023
Կառավարությունը հաստատել է ՀՀ սահմանամերձ բնակավայրերում բնակարանային ապահովության պետական աջակցության ծրագրում փոփոխություններ կատարելու մասին նախագիծը։ Ըստ այդմ՝ վերանայվել են ծրագրի այն պայմանները, որոնց առկայությունը հանգեցնում էր գործընկեր կազմակերպությունների կողմից հիփոթեքային վարկավորման ժամանակ լրացուցիչ անշարժ գույքի գրավադրման պահանջի կիրառմանը, ինչպես նաև հստակեցվել են ծրագրում կիրառված որոշ ձևակերպումները։ Հիշեցնենք, որ նշված ծրագրի շրջանակում քաղաքացիները կարող են սահմանամերձ գյուղական բնակավայրերում կառուցել իրենց սեփական տունը՝ պետության ֆինանսավորմամբ։ Միջոցառման շահառուներն են՝ ՀՀ քաղաքացիական կացության ակտերի պետական գրանցում իրականացնող մարմիններում գրանցված ամուսինները, որոնցից առնվազն մեկն ունի Հայաստանի Հանրապետության քաղաքացիություն (առանց տարիքային սահմանափակման և անկախ երեխա ունենալու հանգամանքից)։․․․
ՀՀ կառավարության 2023 թվականի հուլիսի 27-ի հերթական նիստում որոշում է կայացվել 513 միլիոն 890.3 հազար դրամ հատկացնել Գեղարքունիքի մարզպետի աշխատակազմին՝ երեք սուբվենցիոն ծրագրերի ֆինանսավորման համար։ 88 միլիոն 670.3 հազար դրամ հատկացվել է Գավառի համայնքապետարանի վարչական շենքի հիմնանորոգման համար 230 միլիոն 898.2 հազար դրամ հատկացվել է Մարտունի համայնքի Վարդենիկ բնակավայրի բանավան թաղամասի թիվ 1 մանկապարտեզի հիմնանորոգման, Երանոս բնակավայրի 3-րդ մսուր մանկապարտեզի հիմնանորոգման և ցանկապատի կառուցման, ինչպես նաև Ծովինար բնակավայրի մանկապարտեզի խաղահրապարակի և կոյուղագծի կառուցման համար/Երանոս, Վարդենիկ/ 194 միլիոն 321.8 հազար դրամ հատկացվել է Մարտունի համայնքի Գ. Նժդեհ, Կոմիտաս, Գետափնյա 2, Կարապետյան և Վ. Մամիկոնյան փողոցներում մայթերի կառուցումը սալարկմամբ իրականացնելու համար։
Գեղարքունիքի մարզպետի տեղակալ Վահան Զարոյանը Ճամբարակում կատարեց քաղաքացիների ընդունելություն 26.07.2023
Հուլիսի 26-ին Գեղարքունիքի մարզպետի տեղակալ Վահան Զարոյանը Ճամբարակի համայնքապետարանում կատարեց քաղաքացիների ընդունելություն։ Ընդունելության մասնակցեցին Ճամբարակ քաղաքի և նրա կազմում ընդգրկված մի շարք բնակավայրերի բնակիչներ։ Վերջիններս մարզպետի տեղակալին դիմեցին հիմնականում ֆինանսական աջակցություն ստանալու, ինչպես նաև աշխատանքի տեղավորման, բուժման մեկնելու, բնակարանային պայմանների բարելավման, գյուղատնտեսական, սոցիալական բնույթի տարբեր խնդիրների կարգավորման նպատակով։ Դիմումատուների մի մասի խնդրանքը տեղում բավարարվեց։ Մնացած դիմումներին պատասխան կտրվի օրենքով սահմանված ժամկետում՝ լրացուցիչ ուսումնասիրություն կատարելուց հետո։
ՀՀ աշխատանքի և սոցիալական հարցերի նախարարությունը տեղեկացնում է 26.07.2023
Հարգելի՛ քաղաքացիներ, ինչպես արդեն տեղեկացրել ենք, հուլիսի 1-ից քաղաքներում և 1000-ից ավելի բնակիչ ունեցող բնակավայրերում ընտանեկան, սոցիալական նպաստը և հրատապ օգնությունը վճարվում է բացառապես անկանխիկ եղանակով։ Բացառություն կկազմեն 75 տարին լրացած, ինչպես նաև 1-ին կամ 2-րդ խմբի հաշմանդամություն (ֆունկցիոնալության խորը և ծանր աստիճանի սահմանափակում) ունեցող անձինք, ովքեր, իրենց ցանկությամբ, նպաստը կարող են շարունակել ստանալ կանխիկ եղանակով՝ Հայփոստի միջոցով։ Հետևաբար, եթե նպաստը ստանում էիք Հայփոստի որևէ սպասարկման կենտրոնից և մինչև հունիսի 30-ը չեք ընտրել որևէ բանկ, ապա համակարգն ինքնաշխատ եղանակով (պատահականության սկզբունքով) Ձեր փոխարեն արդեն իսկ կատարել է բանկի ընտրություն։ Այս դեպքում կարող եք զանգահարել Զանգերի կենտրոն 114 հեռախոսահամարով կամ մոտենալ Միասնական սոցիալական ծառայության Ձեր բնակավայրի սպասարկման տարածքային կենտրոն և տեղեկանալ, թե որ բանկն է Ձեզ սպասարկում։․․․
Մարզպետ Կարեն Սարգսյանն այցելեց Վարդենիս քաղաքի շինհրապարակներ 24.07.2023
Գեղարքունիքի մարզպետ Կարեն Սարգսյանը Վարդենիս համայնք կատարած աշխատանքային այցի ընթացքում մշտադիտարկումներ անցկացրեց Վարդենիս քաղաքի մի շարք շինհրապարակներում։ Մշտադիտարկման առաջին կանգառը Խաչիկ Ստեփանյան, Երիտասարդության, Սեյսմանուկյան և Լեռնագործների փողոցների բազմաբնակարան շենքերի շինհրապարակներում էր, որտեղ ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում հիմանորոգվում են բազմաբնակարան 10 շենքերի տանիքները։ Վարդենիսի բազմաբնակարան 10 շենքերի տանիքների հիմնանորոգման ծրագրի պայմանագրային արժեքը կազմում է 223 միլիոն 336 հազար 344 դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։ Ծրագրով նախատեսվում է հիմնանորոգել 7439 քառակուսի մետր մակերեսով բազմաբնակարան շենքերի տանիքներ Վարդենիս քաղաքի Ա. Սեյսմանուկյան-1,1/14, 5, Խ. Ստեփանյան-3, 5, 7, Երիտասարդության-3, 6, 12, Լեռնագործների-1/2 հասցեներում։...
Հուլիսի 24-ին Գեղարքունիքի մարզպետ Կարեն Սարգսյանն ընդունեց > ընկերության գլխավոր տնօրեն Մարիաննա Շահինյանին և նույն ընկերության հարավային տարածաշրջանի շահագործման տնօրեն Սպարտակ Մկրտչյանին։ Հանդիպման ընթացքում կողմերը քննարկեցին Գեղարքունիքի մարզի ջրամատակարարման և կեղտաջրերի մաքրման համակարգերում հրատապ ու առաջնահերթ լուծում պահանջող հիմնահարցեր։ > ընկերության տնօրենը հանդիպման սկզբում ներկայացրեց այն հիմնախնդիրները, որոնց լուծումը հիմնականում պայմանավորված է Գեղարքունիքի մարզպետարանի և մարզի համայնքապետարանների համագործակցությամբ և աջակցությամբ, համատեղ ու հետևողական աշխատանքով։ Մարզպետ Կարեն Սարգսյանն իր հերթին ներկայացրեց Գավառ, Մարտունի, Վարդենիս, Սևան, Ճամբարակ քաղաքների ջրամատակարարման և կեղտաջրերի մաքրման համակարգերում առկա ու հրատապ լուծում պահանջող խնդիրները և հայտնեց իր պատրաստակամությունը` համատեղ ու համագործակցած աշխատանքի համար։․․․
